หฑิบ เดา เญย เซียะ ตอง จา เญย เล์ย

¹ กิ^เล^อาด เซ มา^คี^เล เญย ตอน, มา^คี^เล เซ มะ^นัด^เส เญย ตอน, มะ^นัด^เส เซ โย^เซ้บ เญย ตอน. กิ^เล^อาด เญย ปู้ง ป่วน เปย๊ย เฒ้ย ต้าย ล์อ โม^เซ เหธา หฒวัง เปย๊ย เฒ้ย, ต้ง ฝีงๆ อิ^สะ^ลา^เอน เมี่ยน เญย เปย๊ย เฒ้ย. ² นิ่น บัว ก๊อง, `` เฒี้ยว พ้าย เม่ย, เยีย บัว เญย เฒี้ยว, ตี่ง แหม่ง หมั่ง ปุน ฆอย เดา อิ^สะ^ลา^เอน เมี่ยน หฑิบ วั้ว หฒั่น, นิ่น เห่ว เม่ย เฒาะ เยีย บัว เญย ก๋อ-โย์ว, เส^โล^เฟ^หัด, เญย ป่วน ปุน นิ่น เญย หฒวัง เซียะ หฑิบ. * ซ้าว เมี่ยน 27:7 ³ สี ก๊อง น้าย เต๋ย เซียะ เหธา กั้น ฝีง อิ^สะ^ลา^เอน เมี่ยน ตอง จา, นิ่น บัว หฑิบ เญย ป่วน ฯฒฯ เยียม เยีย บัว เญย อง-ถาย หฑิบ เญย ป่วน เฒาะ ธ้วด หมี่ อ๊ะ, ทิม เปียะ นิ่น บัว เญย โหฆ วั้ว ปูง. เยีย บัว เญย อง-ถาย หฑิบ เญย ป่วน ฯฒฯ โหฒะ เหฌี่ย อ๊ะ. ⁴ เถา อิ^สะ^ลา^เอน เมี่ยน โห่ว เญย หฮญัง * เล^วี 25:8-17 วั้ว หฮญัง, เซียะ หฑิบ เญย ป่วน ฯฒฯ ทิม เปียะ นิ่น ตอง จา วั้ว ฝีง หมี่ อ๊ะ. ฮนั้ง หน่าย นิ่น บัว ตุ๊ เญย ป่วน ฯฒฯ เยียม เยีย บัว เญย อง-ถาย หฑิบ เญย ป่วน เฒาะ ธ้วด มี่ง.''

⁵ โม^เซ ฯฒฯ หฒิว เฒี้ยว เญย หว่า บั๋ว อิ^สะ^ลา^เอน เมี่ยน, ``โย^เซ้บ เญย ปู้ง ป่วน ก๊อง ตุ๊ หอบ อ๊ะ. ⁶ เฒี้ยว ฮนั้ง น้าย นอ พ้าย เส^โล^เฟ^หัด เญย หฒวัง เซียะ. นิ่น บัว เซว่ย ปิ่น เหธา หาย เต้า ตอง จา หย่า ตุ๊, มป่า ขูง อ๋อย หฒุ หล่ง เตีย วั้ว ฝีง เมี่ยน ฮนั้ง. ⁷ ฮนั้ง หน่าย, อิ^สะ^ลา^เอน เมี่ยน หฑิบ เญย ป่วน ไม้ หฒุ เยียม เหยียด ฝีง ซุ้ย มี่ง เยียม กั้น ฝีง, เหว่ย หฒุ อิ^สะ^ลา^เอน เมี่ยน เต้าๆ อ๋อย หฒุ เก๊าะ-เมี่ยน โก๋ว เจี๊ยน เก๊าะ-เมี่ยน เยียม อง-ถาย ตุ๊ หฑิบ เญย ป่วน เดา. ⁸ ไม้ กุ๊น หาย ฝีง อิ^สะ^ลา^เอน เมี่ยน, หาย เต้า เซียะ ตุ๊ หฑิบ เดา, อ๋อย หฒุ หล่ง เตีย วั้ว ฝีง เมี่ยน ตอง จา เหว่ย ปุน โม์ว เต้า อิ^สะ^ลา^เอน เมี่ยน ตุ๊ เสี่ยว เยียม อง-ถาย หฑิบ เญย ป่วน. ⁹ ฮนั้ง น้าย, เม่ย บัว หฑิบ เญย ไม้ ม่าย เยียม น้าย ฝีง ซุ้ย เปียะ กั้น ฝีง, เหว่ย หฒุ ฝีงๆ อิ^สะ^ลา^เอน เมี่ยน อ๋อย หฒุ โก๋ว นิ่น บัว หฑิบ เญย ป่วน.''

¹⁰ เฒี้ยว ฮนั้ง หาย นอ บั๋ว โม^เซ, เส^โล^เฟ^หัด เญย เซียะ ฯฒฯ ฮนั้ง วั้ว นอ โหฒว. ¹¹ เส^โล^เฟ^หัด เญย เซียะ, มา^ฮา^ลา, ที^ละ^ซา, โฮ้ก^ลา, มิน^คา เหธา โน^ยา, เหยียด ฒู้ง เหธา นิ่น บัว เญย แป๊ะ-มั์ว ต่อย ตอง จา. ¹² นิ่น บัว หล่ง โย^เซ้บ เญย ตอน, มะ^นัด^เส เญย ฟุน-ฟะ วั้ว ฝีง เญย เมี่ยน. ฮนั้ง หน่าย นิ่น บัว ตุ๊ หฑิบ เญย ป่วน หธ่อ เยียม นิ่น บัว เญย เตีย วั้ว ฝีง กะญั์ว.

¹³ น้าย เซ เฒี้ยว เยียม โม^อับ เดา-แป้ง, จอ^แดน ด้าย เฮลน, เย^ลี^โค ฒี่ง ต๋อย-หง่าน หล่ง โม^เซ หัด เญย หลี่ง เหธา เล์ย-หลัด.