เฒี้ยว อ๋อย กุ๊น เหฑ่ง ลู่ง เดี๊ย

(เป๊ย หมั่ง อิ^สะ^ยา 2:2-4 )

¹ ฆะฮ้า ลาย เญย ฮนอย-เหญียะ อ๋อย ฮนั้ง น้าย นอ.

• หฒั่ง เฒี้ยว เญย เปย๊า เยียม เญย บง
• ตุ๊ เหลียบ เก้า ฮลัง เจี๋ย หฒวัง บง.
• ฒู้ง อ๋อย เหธย เก้า ฮลัง เจี๋ย เหยียด ฒู้ง บง-ไอ๊.
• หม่าน ฝีง เมี่ยน อ๋อย ดุดๆ เญย ต้าย.

² ธั้ม-นอม กั๊วะ เญย เมี่ยน อ๋อย ต้าย ก๊อง,

• ``ต้าย ม่าะ! บัว ล่ม ฑ่อย ฝาว เฒี้ยว เญย บง,
• มี่ง เถา ยา^โค้บ เญย ทิน-ฮู่ง เญย เปย๊า,
• เหว่ย ปุน นิ่น เฒาะ นิ่น เญย เจ๊า หฌาว บัว,
• ปุน เยีย บัว ตุ๊ กัน นิ่น เญย เจ๊า ยั่ง.''
• เหว่ย หฒุ นิ่น เญย เล์ย-หลัด อ๋อย เยียม สิ^โอน ธ้วด,
• เฒี้ยว เญย หว่า อ๋อย เยียม เย^ลู^ซา^เลม ธ้วด มี่ง.
• ³ นิ่น อ๋อย เซี้ยม น้าย ฝีง เหธา วั้ว ฝีง กะญั์ว เญย สี่,
• หย่า เหว่ย โก เญย, เฮ้น เญย กั๊วะ ตุ๋น สี่.
• นิ่น บัว ฯฒฯ เฒาะ นิ่น บัว เญย หฑุ ด๊าว ต๊า เป๋น ไล่ เปย๊ย,
• นิ่น บัว เญย ธัง ต๊า เป๋น หฑุ ลิ่ม
  พิด เดี๋ยง-ฆว่า เตว๊ย.
• กั๊วะ เหธา กั๊วะ ไม้ แอ๋ง เฒาะ หฑุ ด๊าว
  เบ๊าะ จ๋า,
• เยียม น้าย มี่ง ไม้ โหะ หลิ่น เบ๊าะ จ๋า เญย เจ๊า อ๊ะ. * อิ^สะ^ยา 2:4 ; โย^เอน 3:10
• ⁴ เก๊าะ-เมี่ยน ตุ๊ เฒว์ย เก๊าะ-เมี่ยน เญย อะหงุ่น เฮมย กะเดี๊ย,
• หย่า ตุ๊ เฒว์ย กั้น เญย ง่ง หญอ เดี๋ยง-กอน,
• หย่า ไม้ ม่าย หาย เต้า ต้าย แฮะ นิ่น บัว
  กั้ม เหฑีย,
• เหว่ย หฒุ เน่น เจี๋ย เญย เฒี้ยว ฮนั้ง น้าย นอ ก๊อง. * เส^คา^ลิ^ยา 3:10
• ⁵ หม่าน ฝีง เมี่ยน เอย เจี๊ยน
• นิ่น บัว เญย เฒี่ยน เญย บั๋ว โหฒว,
• มป่า เยีย บัว อ๋อย เหยียด ลิ์ว กัน เฒี้ยว,
• เยีย บัว เญย ทิน-ฮู่ง เญย เม่ง,
• เถา หม่าน โก๊ว หม่าน ต่อย.

อิ^สะ^ลา^เอน เมี่ยน หฒุ กว๊าด มี่ง
ตุ๊ หฑวน ต้าย

⁶ เฒี้ยว ก๊อง, ``เถา วั้ว ฮนอย,

• ``เยีย อ๋อย เซียว ฒุ้น เหฒา หว่าย เญย เมี่ยน,
• แอ๋ง ปุน หฒุ หฒุ่น ธ้วด
• เหธา เยีย ปุน หฒุ โค้ว วั้ว เต๋ย กั๊บ ฒุ้น ต้าย.
• <sup>7</sup> เยีย อ๋อย ปุน เหฒา หว่าย เญย เมี่ยน เป๋น เหฒ่ง เหฌี่ย เญย เมี่ยน,
• หฒุ หฒุ่น ธ้วด วั้ว เต๋ย,
  เยีย อ๋อย ปุน เป๋น เหยียด ฝีง เฮ้น เญย เมี่ยน.
• เฒี้ยว อ๋อย เยียม สิ^โอน บง กุ๊น นิ่น บัว,
• เยียม น้าย มี่ง เถา เหยียด ลิ์ว.
• <sup>8</sup> โอ เย^ลู^ซา^เลม อ่า, เม่ย เซ ฮนั้ง โก๋ว ปะกี ยู่ง กวั้น เญย เมี่ยน เญย ล่าว.
• โอ สิ^โอน * ฟาน หฒะ ก๊อง สิ^โอน เญย เซียะ. เยียม 4:10 , 13 ฟี่ ฮนั้ง เญย. เญย บง * ไฟ เว่ย ว้วน เญย ต๋อง.
  อ้า!
• เม่ย แอ๋ง อ๋อย ตุ๊ ฮนั้ง ฒิ่น ด่าง นอ กุ๊น เม่ย เญย กั๊วะ,
• เซ เย^ลู^ซา^เลม * ฟาน หฒะ ก๊อง เย^ลู^ซา^เลม เญย เซียะ. เญย กั๊วะ.''
• <sup>9</sup> เม่ย เหว่ย หาย ติ่ว เญี้ยม ด่ง หน่าย บุย?
• เยียม เม่ย กะญั์ว ไม้ ม่าย ฮู่ง เตี๋ย ไฟ?
• เม่ย เญย ธ่าง ล่าง เมี่ยน หฒุ เหมียด
• เม่ย หธีง ต้าย เลี่ยม เฒ่ย มุน ฮนั้ง มเซียะ ตอน มุน กู้งว์า นอ ไฟ?
• <sup>10</sup> โอ สิ^โอน * ฟาน หฒะ ก๊อง สิ^โอน เญย เซียะ.
  อ้า! กุ๊น เนี้ยว ซิน ฌุ่น เจี๊ยน เยียม,
• ฮนั้ง มเซียะ ตอน มุน กู้งว์า นอ,
• เหว่ย หฒุ เม่ย อ๋อย หฒุ ธ้วด ฒี่ง มี่ง,
• อ๋อย หฒุ เยียม เดา-ฮวาง.
• เม่ย อ๋อย หฒุ มี่ง เยียม บา^บี^โลน,
• เยียม วั้ว เม่ย อ๋อย ตุ๊ เหฌียว.
• เยียม วั้ว เฒี้ยว อ๋อย หฒัวะ เม่ย หฑวน,
• ปุน เม่ย เปย๋า ดุ๊ด เม่ย เญย วิน-วั้ง เญย ปั์ว-เดี๊ย.
• <sup>11</sup> มป่า อี้ หฒั่น ม่าย ธั้ม-นอม กั๊วะ เญย
  แปะ ฝีง
• กั๊บ ฒุ้น ต้าย เบ๊าะ เม่ย.
• นิ่น บัว ก๊อง, ``โท้ ปุน สิ^โอน ม่าย หวุย,
• ปุน เยีย บัว เญย มฒีง หมั่ง เจี๊ยน.''
• ¹² มป่า นิ่น บัว ไม้ ฮิ้ว ตุ๊ เฒี้ยว ฮนั้ม เญย สี่,
• หย่า ไม้ เม่ง แปะ นิ่น ต๊า เญย หฒะเอ๋ย,
• ต้ง นิ่น เซียว นิ่น บัว ฒุ้น
• ฮนั้ง เซียว เบย้า เฒ้ย ต้อ เถา เบ๊าะ เบย้า เญย เธี้ยง.
• ¹³ โอ สิ^โอน * ฟาน หฒะ ก๊อง สิ^โอน เญย เซียะ. อ้า!
• เจี์ย ซิน ต้าย เบ๊าะ เบย้า ม่าะ!
• เหว่ย หฒุ เยีย อ๋อย ปุน เม่ย เญย จอง เป๋น เฮลียะ-จอง, * น้าย เต๋ย ต๋อง ต๋าย เป๊ย เถา นิ่น บัว ฮนั้ง เฮ้น ไห่ เญย ง่ง โก๊ว.
  
• ปุน เม่ย เญย เต้ย เป๋น ต้ง ซิ เต้ย,
• เม่ย ฒู้ง อ๋อย เบ๊าะ ธั้ม-กั๊วะ เมี่ยน หม่วน เหฑ่ง.'
• เม่ย อ๋อย เฒาะ นิ่น บัว หล่ง โตะ เญย ชะ ธ้าง ต้าย เญย กะน้าย ฝูง ปุน เฒี้ยว,
• เฒาะ นิ่น บัว เญย เหยียด ฒู้ง ฒิ่น ฒ่อย ปุน ลู่ง เดี๊ย เญย เฒี้ยว.