1 ``เม่ย บัว อ๋อย หฒุ ไฝ ฟิม. ทิน-ฮู่ง อ๋อย เม่ย บัว โหฒว เญย คู้ สี่ ไม้ ตู๋ง ตอง หฒวัง โหฒว เหว่ย ปุน เมี่ยน ปวัด. สี ก๊อง เม่ย บัว ตอง หฒวัง โหฒว, เม่ย บัว ไม้ ตุ๊ ฒิบ ทิน-ต้อง เตี๋ย ปุน เญย ฒี่ง เหญ่ย. *
2 ``วั้ว หญู่ง, เม่ย ธ้วด ฟิม เถง เมี่ยน จ่ม เมี่ยน, ไม้ ตู๋ง ฮูๆ ฮย้างๆ เญย โหฒว, ฮนั้ง เป้ย หฒะ เฮญี้ยว ฌ้วด เญย เมี่ยน เยียม หวุ่ย ต้อง หย่า เยียม จาย-ห่อง โหฒว, เหว่ย อ๋อย ปุน เมี่ยน เธง นอ. เยีย บั๋ว เฒียน เม่ย บัว, นิ่น บัว เญย ฒี่ง เหญ่ย นิ่น บัว ตุ๊ ฒิบ ลิ์ว อ๊ะ. 3 ธ้วด ฟิม เถง เมี่ยน จ่ม เมี่ยน วั้ว หฒั่น, เลี่ยม ไม้ ตู๋ง ปุน เม่ย หฒัวะ เจี๋ย เญย โล์-แกง ต่อย * ฮิ้ว.
4 ``ฮนั้ง หน่าย, ไม้ ม่าย หาย เต้า ฮิ้ว ตุ๊ เม่ย โหฒว น้าย เต๋ย เจ๊า, มป่า เม่ย เญย หฒั่ง เตี๋ย, ต้ง หมั่ง ตุ๊ ปวัด เม่ย เกม เจี๊ยน โหฒว เญย สี่, ฯฒฯ ปุน ฒี่ง เหญ่ย เม่ย อ๊ะ.
5 ``เม่ย บัว หาย หฒั่น เต๋า เก๋า, ไม้ ตู๋ง โหฒว ฮนั้ง เป้ย หฒะ เฮญี้ยว ฌ้วด เญย เมี่ยน. นิ่น บัว อะเฮน้ย โซ้ว เจี๊ยน วั้ว หวุ่ย ต้อง หย่า โซ้ว วั้ว จาย-ห่อง เญย เจ๊า-หธา เต๋า เก๋า เหว่ย ปุน หฒวัง เมี่ยน ปวัด. เยีย บั๋ว เฒียน เม่ย บัว, นิ่น บัว เญย ฒี่ง เหญ่ย นิ่น บัว ตุ๊ ฒิบ ลิ์ว อ๊ะ. * 6 เม่ย เต๋า เก๋า เญย เฒี่ยง โห่, อ๋อย หฒุ เปียะ เกน มี่ง, กวน เจี๊ยน แก้ง, เหธา เม่ย หมั่ง ไม้ ปวัด เญย หฒั่ง เตี๋ย ก๊อง หว่า. ฮนั้ง หน่าย, เม่ย เญย หฒั่ง เตี๋ย, ต้ง หมั่ง ปวัด เม่ย เกม เจี๊ยน โหฒว เญย สี่, ฯฒฯ ปุน ฒี่ง เหญ่ย เม่ย อ๊ะ.
7 ``เม่ย บัว เต๋า เก๋า เญย เฒี่ยง โห่, ไม้ ตู๋ง พาน มี่ง พัวะ หฑวน เญย ก๊อง ฮนั้ง ไม้ แก้ง
ฮิ้ว ตุ๊ ทิน-ฮู่ง วั้ว เต๋ย เมี่ยน นอ. นิ่น บัว หล่าย ก๊อง หว่า ธั้ม ทิน-ฮู่ง หธีง ต้าย หมวัง ตุ๊ ไฮ์ นิ่น บัว เต๋า เก๋า เญย หว่า.
8 ไม้ ตู๋ง ฮนั้ง นิ่น บัว นอ โหฒว. เม่ย บัว ไม้ แก้ง โท้, เม่ย บัว เญย หฒั่ง เตี๋ย ฒู้ง จา-ด่าง ฮิ้ว ตุ๊ เม่ย บัว เฉียม หฒุ เญย หญู่งๆ.
9 ``เม่ย บัว หอบ หฒุ ฮนั้ง น้าย นอ เต๋า เก๋า.
14 ``สี ก๊อง เมี่ยน ต่อง เม่ย บัว, เม่ย บัว หย่า กวั่ง ปุน นิ่น บัว นอ, เม่ย บัว เญย ทิน-ต้อง เตี๋ย หย่า กวั่ง เม่ย บัว เญย ฒุ์ย. * 15 มป่า เมี่ยน ต่อง เม่ย บัว, เม่ย บัว หย่า ไม้ กวั่ง นอ, เม่ย บัว เญย หฒั่ง เตี๋ย หย่า ไม้ กวั่ง เม่ย บัว เญย ฒุ์ย.
16 ``เม่ย บัว เฒย ไม้ หญั่น หาย หญู่ง วั้ว หฒั่น, ไม้ ตู๋ง โหฒว เฮมียน หฮมวัง ฮนั้ง เป้ย หฒะ เฮญี้ยว ฌ้วด เญย เมี่ยน โหฒว. นิ่น บัว โหฒว เฮมียน หฮมวัง ฮนั้ง โค้วๆ วั้ว, อ๋อย หฒวัง เมี่ยน เฒียะ ตุ๊ นิ่น บัว เฒย ไม้ หญั่น หาย หญู่ง. เยีย บั๋ว เฒียน เม่ย บัว, นิ่น บัว เญย ฒี่ง เหญ่ย นิ่น บัว ตุ๊ ฒิบ ลิ์ว อ๊ะ. 17 เม่ย บัว เฒย ไม้ หญั่น หาย หญู่ง เญย เฒี่ยง โห่, อ๋อย หฒุ หฑาว เหฑ่ง เฮมียน, เฒาะ โย่ว ฑ้าด เจี๊ยน บะเปยย ไป่ ซูง 18 เหว่ย ไม้ ปุน เมี่ยน ฮิ้ว ตุ๊ เม่ย เฒย. ขูง เม่ย หมั่ง ไม้ ปวัด เญย หฒั่ง เตี๋ย ฮิ้ว ฮนั้ง. เม่ย เญย หฒั่ง เตี๋ย, ต้ง หมั่ง ตุ๊ ปวัด เม่ย เกม เจี๊ยน โหฒว เญย สี่, ฯฒฯ ปุน ฒี่ง เหญ่ย เม่ย อ๊ะ.
19 ``ไม้ ตู๋ง เหว่ย กั้น เซียว จ๋าย เญย กะน้าย เยียม น้าย ป้าม เกน, เหว่ย หฒุ ไฮ่ เจี๋ย เสียว เจี๋ย หฑีง เญย. แกง หย่า ไฮ่ หงาด หว่าย เหฑ่ง. จั๋น-หฒะ หย่า ไฮ่ เป๊ด เปียะ ต้าย หนิ่ม. * 20 อ๋อย หฒุ เหว่ย กั้น เซียว จ๋าย เญย กะน้าย เยียม วั้ว ทิน-ต้อง เหว่ย หฒุ ไม้ ไฮ่ เจี๋ย เสียว เจี๋ย หฑีง. แกง หย่า ไม้ ไฮ่ หงาด หว่าย. จั๋น-หฒะ หย่า ไม้ ไฮ่ เป๊ด เปียะ ต้าย หนิ่ม. 21 เม่ย เซียว จ๋าย เญย กะน้าย เยียม หาย นอม ต๋อง, เม่ย เญย เฮญี้ยว หาย หฒั่น หย่า จั๋ง เจี๊ยน วั้ว อ๊ะ.
22 ``มฒีง เป๊ย ซิน เญย ตัง. สี ก๊อง เม่ย เญย มฒีง ฌัง นอ, เฒี่ยง ซิน ฯฒฯ ฌัง เหฑ่ง. 23 เม่ย เญย มฒีง ไม้ ฌัง นอ, เม่ย เญย ซิน ฯฒฯ หฮมวัง อ๊ะ. ฮนั้ง หน่าย, สี ก๊อง เยียม เม่ย กะญั์ว เญย ฌัง หฮมวัง มี่ง, ฯฒฯ หฒะเก้ง หฮมวัง ไห่ อ๊ะ.
24 ``ไม้ ม่าย หาย เต้า ไฮ่ โหฒว ตุ๊ อี เต้า เฒี้ยว เญย โปว. ฮนั้ง หน่าย, นิ่น อ๋อย ฑอง น้าย เต้า, อ๋อย ฮนั้ม วั้ว เต้า. ไม้ เฒย แอ๊ะ, นิ่น อ๋อย ท่าย น้าย เต้า, อ๋อย หมั่ง เผีย วั้ว เต้า. เม่ย บัว ไม้ ไฮ่ ต้ง ตั้ง โหฒว ทิน-ฮู่ง เญย โปว หย่า โหฒว ญ่าน เญย โปว.
25 ``เหว่ย น้าย เยีย ก๊อง บั๋ว เม่ย บัว, ไม้ ตู๋ง เหว่ย ยู์ง แหม่ง เญย หญั่น ฮบ ขวน เฮญี้ยว. หย่า ไม้ ตู๋ง เหว่ย ซิน หฒั่ง เญย ลุย-โหว ขวน เฮญี้ยว. แหม่ง เก้า จ๋าย เจี๋ย หญั่น ฮบ ไม้ เฒ์ย? ซิน หย่า เก้า จ๋าย เจี๋ย ลุย-โหว ไม้ เฒ์ย? 26 หมั่ง ก๋า, ได๋ ด๊าม-ลู่ง เญย เหนาะ! นิ่น บัว ไม้ หฒวัง หาย หญู่ง หย่า ไม้ เซียว ตั๊บ ลั์ม. มป่า เม่ย บัว เญย ทิน-ต้อง เตี๋ย หวุย นิ่น บัว. เม่ย บัว ฒู้ง เก้า จ๋าย เจี๋ย เหนาะ ไม้ เฒ์ย? 27 เม่ย บัว หาย เต้า หลาย ขวน เฮญี้ยว ไฮ่ เป๊าะ ตุ๊ แหม่ง ด๊าว เต๋ย? *
28 ``เม่ย บัว เหว่ย หาย ติ่ว หลาย ลุย-โหว ขวน เฮญี้ยว? ฮนั้ม หมั่ง ก๋า, หล่ม เญย แปะ เหาะ เปี้ยง ฮนั้ง หาย นอ เฒี่ยง! เปี้ยง ไม้ โหฒว กง, ไม้ แปง สุย ดั๊ด เดีย. 29 มป่า เยีย บั๋ว เม่ย บัว, เลี่ยม ซา^โล^มอน ฮู่ง ด่ง หน่าย ปุ๊ด ฒ่อย, หย่า ไม้ ม่าย ฒอง-ฒุ ด่ง เหยียด ต๊อ น้าย เต๋ย เปี้ยง เหฑว่ย. * 30 หล่ม เญย เมี้ย อี้ ฮนอย เฒี่ยง, ฌัง ฮนอย โคว ฆาย, หฒุ โต์ว ปั๊ว, มป่า ทิน-ฮู่ง ฒอง เมี้ย เหฑว่ย. วั้ว หญู่ง, ทิน-ฮู่ง เก้า อ๋อย ฒอง เม่ย บัว ไม้ เฒ์ย? เม่ย บัว เสียน ตุ๊ เฮย ไห่ เว่ะ!
31 ``ฮนั้ง หน่าย, ไม้ ตู๋ง ขวน เฮญี้ยว ก๊อง, `เยีย บัว ฮนั้ง หาย นอ ไฮ่ ล์อ ตุ๊ หญั่น ล์อ ตุ๊ ฮบ, ล์อ ตุ๊ ลุย-โหว ฒุ?' 32 ไม้ แก้ง เสียน ทิน-ฮู่ง วั้ว เต๋ย เมี่ยน หาย หฒั่น หย่า ขูง ล์อ น้าย เต๋ย กะน้าย ฮนั้ง. เม่ย บัว เญย ทิน-ต้อง เตี๋ย ฮิ้ว ตุ๊ เม่ย บัว เฉียม หฒุ หล่ง น้าย เต๋ย กะน้าย. 33 เก้า หล่ง เจี๊ยน เจี๋ย, เม่ย บัว อ๋อย หฒุ ปุน ทิน-ฮู่ง โหฒว เฒี้ยว กุ๊น เม่ย บัว ด่าง, หย่า อ๋อย หฒุ เอย เหฑ่ง นิ่น เญย เอ๋ย, น้าย เต๋ย เหยียด ฒู้ง เญย กะน้าย นิ่น ฯฒฯ จา ทิบ ปุน เม่ย บัว. 34 เหว่ย น้าย เม่ย บัว ไม้ ตู๋ง เฑ่า ฌัง ฮนอย เญย สี่. ฌัง ฮนอย เญย สี่ ม่าย เก๋า ฌัง ฮนอย เฑ่า. โม์ว ฮนอย ม่าย โม์ว ฮนอย เญย สี่ เฑ่า เก๋า อ๊ะ.