เย^ซู หฒุ เมี้ยน เญย ฮู่ง เสย

(เป๊ย หมั่ง มา^โค 1:12-13 ; ลู^กา 4:1-13 )

¹ เย^ซู เจี๋ย ลิ์ว ววม เญย เล์ย, สีง ลี่ง ฯฒฯ ต้อ นิ่น มี่ง เต่ย-ปูง-ฮวาง หฒุ เมี้ยน เญย ฮู่ง เสย. * ฮิบ^ลู 2:18 ; 4:15 ² เฝย เหฒียบ ฮนอย เฝย เหฒียบ ม์วน เย^ซู เฒย ไม้ หญั่น หาย หญู่ง, เฮญี้ยว ฯฒฯ เซีย อ๊ะ. ³ เมี้ยน เญย ฮู่ง ฯฒฯ ต้าย ล์อ นิ่น หย่า ก๊อง, ``เม่ย หฒะเก้ง ทิน-ฮู่ง เญย ตอน นอ, เห่ว น้าย เต๋ย หละเปย๊ย เป๋น
ฌั้ว ต้าย ม่าะ!''

⁴ เย^ซู เตา, ``กีง-โซว เฟี้ย เจี๊ยน ก๊อง,

• `เมี่ยน ไม้ เฒ์ย ขูง เขา หญั่น ฮบ ยู์ง แหม่ง ฮนั้ง,
• มป่า อ๋อย หฒุ เขา ทิน-ฮู่ง ก๊อง เญย โจ๋วๆ หว่า.''' * หฑั่ม เล์ย-หลัด 8:3

⁵ เมี้ยน เญย ฮู่ง ฯฒฯ ต้อ เย^ซู มี่ง ธีง-เหฑ่ง เญย ฒี่ง, เย^ลู^ซา^เลม, ปุน นิ่น เยียม หฒั่ง ทิน-ฮู่ง เญย เปย๊า ฮลัง เจี๋ย เญย ต๋อง, ⁶ ก๊อง บั๋ว นิ่น, ``เม่ย หฒะเก้ง ทิน-ฮู่ง เญย ตอน นอ, ปิว เหฌี่ย ก๋า. เหว่ย หฒุ กีง-โซว เฟี้ย เจี๊ยน ก๊อง,

• `ทิน-ฮู่ง อ๋อย พ้าย นิ่น เญย ฟิน-เมี่ยน โก๋ว เจี๊ยน เม่ย.
• นิ่น บัว ฯฒฯ หล่ง ปั์ว โป้ว เจี๊ยน เม่ย,
• ไม้ ปุน เม่ย เญย เหฒา ฒง หฒุ หละเปย๊ย.''' * สีง ฑูง 91:11-12

⁷ เย^ซู เตา, ``มป่า กีง-โซว หย่า เฟี้ย เจี๊ยน ก๊อง,

• `ไม้ ตู๋ง เสย เฒี้ยว, เม่ย เญย ทิน-ฮู่ง.''' * หฑั่ม เล์ย-หลัด 6:16

⁸ เมี้ยน เญย ฮู่ง แอ๋ง ต้อ เย^ซู ฝาว นอม ฮลัง ไห่ เญย บง, ปุน นิ่น หมั่ง ลู่ง เดี๊ย หม่าน กั๊วะ หย่า หมั่ง หม่าน กั๊วะ เญย ฌัง-หล่าง. ⁹ เมี้ยน เญย ฮู่ง ก๊อง, ``สี ก๊อง เม่ย เกว่ย เหฌี่ย ป๋าย เยีย, เยีย ฯฒฯ เฒาะ น้าย เต๋ย เหยียด ฒู้ง ปุน เม่ย.''

¹⁰ เย^ซู ฯฒฯ เตา, ``ซา^ตาน อ้า! เปย๋า ฆอย ม่าะ! กีง-โซว เฟี้ย เจี๊ยน ก๊อง,

• `อ๋อย หฒุ ป๋าย เฒี้ยว, เม่ย เญย ทิน-ฮู่ง.
• ขูง อ๋อย หฒุ ฟู-สู นิ่น ดุ เต้า ฮนั้ง.''' * หฑั่ม เล์ย-หลัด 6:13
  

¹¹ เมี้ยน เญย ฮู่ง เฒียง หน่าย เล่ย ฆอย เย^ซู หมี่ อ๊ะ. ฟิน-เมี่ยน ฯฒฯ ต้าย หลิ่ว เล์ย เย^ซู.

เย^ซู เยียม กา^ลิ^ลี แซ้ง
เจี์ย กอน ฒุ่น โต์

(เป๊ย หมั่ง มา^โค 1:14-15 ; ลู^กา 4:14-15 )

¹² เย^ซู ไฮ์ ก๊อง โย^ฮัน หฒุ หววน โล่, นิ่น ฯฒฯ มี่ง กา^ลิ^ลี แซ้ง หมี่ อ๊ะ. * มัด^ทาย 14:3 ; มา^โค 6:17 ; ลู^กา 3:19-20 ¹³ เย^ซู ไม้ เยียม นา^ซา^เล้ด มู้ง, นิ่น มี่ง เยียม คา^เป^นา^อุม มู้ง, กา^ลิ^ลี ค้อย-ตอน เฮลน, เส^บู^ลุน เหธา นับ^ทา^ลี เต่ย เญย กั๊บ-จ๋าย ต๋อง. * โย^ฮัน 2:12 ¹⁴ ฮนั้ง หน่าย ธ้วด ต้าย เซ เหว่ย ปุน ฒิ่น ด่าง เถง ทิน-ฮู่ง โต่ว หว่า วั้ว เต้า อิ^สะ^ยา เญย หว่า ต๋อย เหฑ่ง. ¹⁵ อิ^สะ^ยา ก๊อง,

• ``เส^บู^ลุน เหธา นับ^ทา^ลี เต่ย,
• เยียม วั้ว หง่าน หฒิ จอ^แดน ด้าย,
• ต้ง มี่ง ค้อย วั้ว ติ้ว เจ๊า,
• เซ จั๋น เยียม เญย เต่ย-ปูง, กา^ลิ^ลี. * อิ^สะ^ยา 9:1-2
• ¹⁶ เยียม หฮมวัง กะญั์ว เญย แปะ ฝีง,
• ฒู้ง ตุ๊ ปวัด ต้ม ฌัง.
• เยียม หฒุ ไต่ เญย ต้ง ลิ่น กะญั์ว วั้ว เต๋ย,
• ม่าย ฌัง ธ้วด ต้าย หฒิว เจี๊ยน นิ่น บัว.''

¹⁷ ยั่ง น้าย มี่ง เย^ซู เจี์ย กอน ฒุ่น โต์. นิ่น ก๊อง, ``อ๋อย หฒุ ก๊อย เฮญี้ยว กวั่ง ฒุ์ย. ทิน-ฮู่ง ต้าย โหฒว เฒี้ยว กุ๊น เมี่ยน เญย ฮนอย เถา
ฟัด อ๊ะ.'' * มัด^ทาย 3:2

เย^ซู เห่ว เปยย เต้า เมี่ยน
ต้าย โหฒว ไซ-ก๋อ

(เป๊ย หมั่ง มา^โค 1:16-20 ; ลู^กา 5:1-11 )

¹⁸ เย^ซู ยั่ง เจ๊า กัน กา^ลิ^ลี ค้อย-ตอน เฮลน มี่ง, ปวัด ม่าย อี มั์ว-ตอน. นิ่น บัว โหฒว เฒาะ เบย์า เญย เมี่ยน, เยียม วั้ว ค้อย ป์อง เบย์า. ม่าย เต้า เห่ว ซี^โมน, แอ๋ง ม่าย นอม บั๋ว เห่ว ปี^เต, เหธา เจี๊ยน นิ่น เญย โย์ว, อัน^ดา^ลู. ¹⁹ เย^ซู บั๋ว นิ่น บัว, ``เม่ย บัว ต้าย กัน เยีย โอ่. เยีย อ๋อย หฌาว เม่ย บัว ล์อ เมี่ยน, ฮนั้ง อี้ หฒั่น เม่ย บัว ล์อ เบย์า นอ.'' ²⁰ นิ่น บัว เลี่ยม เฒ่ย กวั่ง นิ่น บัว เญย มู์ง กัน เจี๊ยน เย^ซู มี่ง อ๊ะ.

²¹ เย^ซู เจี๋ย มี่ง เต๋ย แอ๋ง ปวัด เส^เบ^ดี เญย อี เต้า ตอน, ยา^กอบ เหธา โย^ฮัน. น้าย เต๋ย อี มั์ว เหธา นิ่น บัว เญย เตีย เยียม วั้ว ฑั้ง หลิ่ว เล์ย มู์ง. เย^ซู เห่ว นิ่น บัว ต้าย. ²² นิ่น บัว เลี่ยม เฒ่ย กวั่ง เจี๊ยน นิ่น บัว เญย เตีย, กวั่ง เจี๊ยน ฑั้ง, กัน เย^ซู มี่ง อ๊ะ.

เย^ซู ฒุ่น โต์ หย่า หฒ่อ แป่ง

(เป๊ย หมั่ง ลู^กา 6:17-19 )

²³ เย^ซู มี่ง ก๋อม กา^ลิ^ลี แซ้ง, เยียม นิ่น บัว เญย หวุ่ย ต้อง หฌาว เมี่ยน, หย่า ฒุ่น ทิน-ฮู่ง โหฒว เฒี้ยว กุ๊น เมี่ยน เญย คู้ เฝียน. นิ่น หย่า หฒ่อ หลง หฒวัง เมี่ยน เญย หญู่งๆ แป่ง. * มัด^ทาย 9:35 ; มา^โค 1:39 ²⁴ เย^ซู เญย เม่ง เต้า ซีง ปวั๊ง ซี^เลีย เต่ย-ปูง. เมี่ยน ฯฒฯ ต้อ เหยียด ฒู้ง แป่ง เมี่ยน ต้าย ล์อ เย^ซู, เซ ต้อ ปุ๊ด หญู่งๆ แป่ง เหธา หฒุ เตี๊ย มุน เญย, หฒุ เมี้ยน มัวะ เญย, ปุ๊ด ตู์ง-ดิน เญย, เหธา ปุ๊ด แป่ง-ไบ เญย เมี่ยน ต้าย. เย^ซู หย่า หฒ่อ หลง นิ่น บัว. ²⁵ เมี่ยน ธั้ม ไห่ กัน เจี๊ยน เย^ซู มี่ง. ม่าย เต๋ย เยียม กา^ลิ^ลี แซ้ง, ม่าย เต๋ย เยียม โท้ด^บุ^ลี * เอ๋ย เล์ย เซ เหฒียบ นอม ฒี่ง. แซ้ง, ม่าย เต๋ย เยียม เย^ลู^ซา^เลม ฒี่ง, ม่าย เต๋ย เยียม ยู^เดีย แซ้ง, แอ๋ง ม่าย เต๋ย เยียม จอ^แดน ด้าย เญย ตง ปูง แหมง กัน เจี๊ยน เย^ซู มี่ง.