1 เย^ซู ฯฒฯ หล่ง หว่า-เป๊ย บั๋ว นิ่น บัว, ``ม่าย ล่าน เมี่ยน หฒวัง ฑง อะหงุ่น เปี๊ยว, โหฒว หลาด หลาด เจี๊ยน. เยียม หฮวีง กะญั์ว นิ่น เว้ด นอม ค้วด โหฒว ฒ่อง เญว่ย อะหงุ่น เปี๊ยว เญย ววม, แอ๋ง โหฒว นอม ล่าว ฒั้ว หฮวีง. โหฒว เหฒียง, นิ่น โก๊ว ปุน เมี่ยน. นิ่น กั้น แอ๊ะ, ธ้วด เต่ย-ปูง หมี่ อ๊ะ. * 2 เถา เปี๊ยว หฒัวะ เญย เฒี่ยง โห่, นิ่น พ้าย เต้า โปว มี่ง ล์อ โก๊ว หฮวีง เญย เมี่ยน, เฒาะ นิ่น เญย ป่วน เปี๊ยว. 3 โก๊ว หฮวีง เญย เมี่ยน เฒาะ วั้ว เต้า โปว เบ๊าะ, ฯฒฯ หฒุ่น นิ่น ขูง-ปั์ว แปะ เหฒา เญย หฑวน. 4 หฮวีง-เฒี้ยว แอ๋ง พ้าย เต้า โปว มี่ง. โก๊ว หฮวีง เญย เมี่ยน เบ๊าะ วั้ว เต้า โปว เญย มฆ้อง ตั๋ง แอ๋ง โหฒว โตะ ปุน นิ่น ไญ้. 5 หฮวีง-เฒี้ยว แอ๋ง พ้าย เต้า โปว มี่ง. วั้ว เต้า หย่า หฒุ นิ่น บัว ไต๋. แอ๋ง ม่าย โปว ธั้ม เญย หฒุ โก๊ว หฮวีง เญย เมี่ยน โหฒว โตะ. ม่าย เต๋ย นิ่น บัว เบ๊าะ, ม่าย เต๋ย นิ่น บัว ไต๋.
6 ``โหฒว เกา, ขูง เหฒ่ง ดุ เต้า ฮนั้ง, ต้ง หฮวีง-เฒี้ยว เญย ตอน-ฮนั้ม. ฆะฮ้า วั้ว หฑุ่น, หฮวีง-เฒี้ยว ฯฒฯ พ้าย นิ่น กั้น เญย ตอน มี่ง หย่า ก๊อง, `นิ่น บัว ฒู้ง อ๋อย ท่าย เยีย เญย ตอน อ๊ะ.'
7 ``มป่า โก๊ว หฮวีง เญย เมี่ยน, ล่าน บั๋ว ล่าน, `หฑิบ น้าย นอม หฮวีง เซ ต้ง น้าย เต้า อ๊ะ. ต้าย ม่าะ! บัว เฒาะ นิ่น ไต๋ ไต่. นิ่น เญย จา-ตี้ง ฯฒฯ เป๋น บัว เญย อ๊ะ.' 8 นิ่น บัว ฯฒฯ เฒาะ นิ่น ไต๋ ไต่, ทอ กวั่ง กะเหญี่ย หฒิ หฮวีง หมี่ อ๊ะ.''
9 เย^ซู หน่าย, ``วั้ว หญู่ง, หฮวีง-เฒี้ยว อ๋อย ฮนั้ง หาย นอ โหฒว? นิ่น ฒู้ง อ๋อย มี่ง ไต๋ กวั่ง นิ่น บัว, แอ๋ง ปุน กั้น เต๋ย เมี่ยน โก๊ว วั้ว นอม หฮวีง. 10 กีง-โซว เฟี้ย เจี๊ยน น้าย เต๋ย หว่า เม่ย บัว ไม้ โตะ เจี๋ย ไฟ?
12 โหฒว โฮล เญย ยิว^ไท เมี่ยน ฮิ้ว ตุ๊ เย^ซู ก๊อง วั้ว ติ้ว หว่า-เป๊ย ฒิ หฒุ นิ่น บัว ฯฒฯ อ๋อย เฒาะ นิ่น ไห่ อ๊ะ. มป่า นิ่น บัว กั้ม เหฑีย หฒวัง เมี่ยน ฯฒฯ เฒียง หน่าย มี่ง หมี่ อ๊ะ.
13 ฆะฮ้า นิ่น บัว พ้าย เต๋ย ฟา^ลิ^สี เมี่ยน เหธา เต๋ย เฮ^โล้ด ฮู่ง วั้ว เจ๊า เมี่ยน มี่ง ล์อ เย^ซู, อ๋อย ดั๊ว นิ่น ก๊อง ต่อง หว่า. 14 มี่ง เถา เย^ซู วั้ว นิ่น บัว ก๊อง, ``ฟิน-แซง อ่า, เยีย บัว ฮิ้ว ตุ๊ เม่ย เฮญี้ยว หฒะ. เม่ย หย่า ไม้ หมั่ง หาย เต้า เญย เฮมียน, เหว่ย หฒุ เม่ย ไม้ หมั่ง หาย เต้า โหฒว โฮล ไฟ โหฒว ไฝ. ทิน-ฮู่ง เญย เจ๊า เม่ย หย่า หฌาว ตุ๊ เฒียน. วั้ว หญู่ง, โท้ บั๋ว เยีย บัว โอ่. บัว ธ้วด โฑว-ฒิ่น ปุน โล^มา ฮู่ง เซ ต่อง บัว เญย เล์ย ไฟ?''
15 มป่า เย^ซู ฮิ้ว ตุ๊ นิ่น บัว เป้ย หฒะ เฮญี้ยว ฌ้วด ฯฒฯ ก๊อง, ``เม่ย บัว เหว่ย หาย ติ่ว อ๋อย ดั๊ว เยีย ก๊อง ต่อง? เฒาะ นอม ญ่าน * ต้าย ปุน เยีย หมั่ง ก๋า.''
16 นิ่น บัว ฯฒฯ เฒาะ นอม ญ่าน ปุน เย^ซู. นิ่น ฯฒฯ หน่าย ก๋า, ``น้าย หาย เต้า เญย ฝัง เหธา หาย เต้า เญย บั๋ว?''
นิ่น บัว เตา, ``โล^มา ฮู่ง เญย.''
17 เย^ซู ก๊อง, ``ฮนั้ง หน่าย, หาย หญู่ง โล^มา ฮู่ง เญย, อ๋อย หฒุ ปุน โล^มา ฮู่ง. หาย หญู่ง ทิน-ฮู่ง เญย, อ๋อย หฒุ ปุน ทิน-ฮู่ง.''
นิ่น บัว เก้ง บัวะ ฮ่อง ไห่ เย^ซู.
18 แอ๋ง ม่าย เต๋ย สะ^ดู^สี เมี่ยน ต้าย ล์อ เย^ซู. สะ^ดู^สี วั้ว เจ๊า เมี่ยน ก๊อง เมี่ยน ไต่ มี่ง ไม้ ไฮ่ นั่ง อ๊ะ. * 19 นิ่น บัว หน่าย เย^ซู, ``ฟิน-แซง อ่า, โม^เซ เฟี้ย เจี๊ยน ก๊อง บั๋ว บัว, `สี ก๊อง ม่าย ล่าน เมี่ยน หล่ง เจี๊ยน เอ๊า, ไม้ แก้ง ม่าย ฝุเจว๊ย มป่า นิ่น ไต่ หมี่ อ๊ะ, นิ่น เญย โย์ว อ๋อย หฒุ หล่ง ญาม โหฒว เอ๊า เหว่ย ตุ๊ ฝุเจว๊ย ฝุน ก๋อ เญย ป่วน.' * 20 ฒิ่น ด่าง ม่าย เสี่ย มั์ว-ตอน. ตอน-โฮล ตอง เจี๊ยน จา, ไม้ แก้ง ม่าย ฝุเจว๊ย นิ่น ไต่ หมี่ อ๊ะ. 21 ตะไหน หล่ง ญาม-กว๊า, ไม้ แก้ง ม่าย ฝุเจว๊ย นิ่น หย่า ไต่ หมี่ อ๊ะ. เล้า ซาน ฟี่ ฮนั้ง เญย. 22 โหฒว เกา, นิ่น บัว เสี่ย มั์ว เหยียด ฒู้ง หล่ง เจี๋ย น้าย เต้า ญาม-กว๊า โหฒว เอ๊า, ไม้ ม่าย ฝุเจว๊ย, ไต่ หมี่ อ๊ะ. ฆะฮ้า วั้ว เต้า เอ๊า หย่า ไต่ หมี่ อ๊ะ. 23 ฮนั้ง หน่าย, เมี่ยน ไต่ มี่ง, เถา นั่ง ต้าย วั้ว ฮนอย, วั้ว เต้า เอ๊า ฝุน หาย เต้า เญย เอ๊า? เหว่ย หฒุ นิ่น บัว เสี่ย มั์ว เหยียด ฒู้ง หล่ง เจี๋ย นิ่น.''
24 เย^ซู เตา นิ่น บัว, ``เม่ย บัว หฒะเก้ง ต่อง อ๊ะ. เซ เหว่ย หฒุ เม่ย บัว ไม้ ฮิ้ว ตุ๊ กีง-โซว, หย่า ไม้ ฮิ้ว ตุ๊ ทิน-ฮู่ง เญย ชะ. 25 ไต่ มี่ง เญย เมี่ยน นั่ง ต้าย วั้ว หฒั่น, นิ่น บัว ฯฒฯ ฮนั้ง เยียม ทิน-ต้อง เญย ฟิน-เมี่ยน นอ, ไม้ หล่ง เอ๊า, ไม้ หล่ง โหฆ. * 26 ก๊อง เมี่ยน ไต่ มี่ง แอ๋ง นั่ง ต้าย วั้ว ติ่ว เจ๊า. เม่ย บัว ไม้ โตะ เจี๋ย โม^เซ เฟี้ย เจี๊ยน ก๊อง, โต์ว เหฒียะ เดี๋ยง-ตอน-ฟ้ม วั้ว โต่ว กีง-โซว ไฟ? ทิน-ฮู่ง บั๋ว โม^เซ, `เยีย เซ อับ^ลา^ฮัม เญย ทิน-ฮู่ง, อี^สัก เญย ทิน-ฮู่ง, ยา^โค้บ เญย ทิน-ฮู่ง.' * 27 นิ่น ไม้ เฒ์ย ไต่ มี่ง เญย เมี่ยน เญย ทิน-ฮู่ง, นิ่น เซ เมี่ยน นั่ง เมี่ยน เญย ทิน-ฮู่ง. เม่ย บัว หฒะเก้ง ต่อง เหฑ่ง อ๊ะ.''
28 ม่าย เต้า หฌาว เล์ย เญย ฟิน-แซง ต้าย เถา หย่า ไฮ์ นิ่น บัว แฑง เล์ย. นิ่น ไฮ์ เย^ซู เตา ตุ๊ วั้ว เต๋ย เมี่ยน หอบ ไห่, นิ่น ฯฒฯ หน่าย เย^ซู, ``เหยียด ฒู้ง เล์ย-หลัด, หาย ติ้ว เก้า หล่ง เจี๊ยน เจี๋ย?''
29 เย^ซู เตา, ``เก้า หล่ง เจี๊ยน เจี๋ย เญย เล์ย เซ ต้ง น้าย.
31 ตะเหญ่ย ติ้ว เล์ย เซ ต้ง น้าย,
ไม้ ม่าย หาย ติ้ว เล์ย เก้า หล่ง เจี๊ยน เจี๋ย น้าย เต๋ย อี ติ้ว อ๊ะ.''
32 วั้ว เต้า หฌาว เล์ย เญย ฟิน-แซง เตา เย^ซู, ``ฟิน-แซง อ่า, เม่ย ก๊อง ตุ๊ หอบ ไห่. ฮนั้ง เม่ย ก๊อง นอ, ขูง เฒี้ยว กั้น โหฒว ทิน-ฮู่ง ฮนั้ง. ธ้วด ลิ์ว นิ่น, ไม้ ม่าย กั้น เต้า อ๊ะ. * 33 เมี่ยน อ๋อย หฒุ หล่ง เหฑ่ง เฮญี้ยว, หล่ง เหฑ่ง ธง-เม่ง, หล่ง เหฑ่ง ชะ ฮนั้ม ทิน-ฮู่ง, หย่า อ๋อย หฒุ ฮนั้ม เมี่ยน ฮนั้ง ฮนั้ม กั้น นอ. เอย เจี๊ยน น้าย เต๋ย อี ติ้ว เล์ย โหฒว เซ เก้า หล่ง เจี๊ยน เจี๋ย เหยียด ฒู้ง ปั๊ว เหฒี่ย เญย เหธา ฝ่ง ห่อ เญย กะน้าย.'' *
34 เย^ซู ปวัด น้าย เต้า เมี่ยน หล่ง เฮญี้ยว เตา, ฯฒฯ บั๋ว นิ่น, ``เม่ย เล่ย ทิน-ฮู่ง เญย กั๊วะ ไม้ โก.'' *
เยียม น้าย มี่ง, ไม้ ม่าย หาย เต้า ก๊าม หน่าย หาย หญู่ง เย^ซู.
35 เย^ซู เยียม หฒั่ง ทิน-ฮู่ง เญย เปย๊า หฌาว เมี่ยน วั้ว หฒั่น, นิ่น หน่าย โจ๋ว หว่า. ``หฌาว เล์ย เญย ฟิน-แซง ฮนั้ง หาย นอ ไฮ่ ก๊อง กี^ตู่ โหฒว ดา^วิด ฮู่ง เญย เฒ้ย-ฟุน? 36 สีง ลี่ง ปุน ดา^วิด กั้น ก๊อง,
37 ดา^วิด กั้น เห่ว นิ่น โหฒว `เฒี้ยว.' วั้ว หญู่ง, กี^ตู่ ฮนั้ง หาย นอ ไฮ่ โหฒว ดา^วิด เญย เฒ้ย-ฟุน?''
เมี่ยน ธั้ม เญย อะเฮน้ย หมวัง เย^ซู หฌาว.
38 หฌาว นิ่น บัว วั้ว หฒั่น เย^ซู ก๊อง, ``อ๋อย หฒุ ไฝ ฟิม หฌาว เล์ย เญย ฟิน-แซง. นิ่น บัว อะเฮน้ย ฒุ ลุย-ด๊าว มี่งๆ ต้ายๆ, มี่ง วั้ว เฮย-ห่อง อ๋อย เมี่ยน ท่าย, เฒาะ เยียะ ปุน นิ่น บัว. 39 มี่ง หวุ่ย ต้อง นิ่น บัว กิ๊น หลง เจี๋ย เญย ต๋อง เฒว์ย. เปียะ ยิ่น นิ่น บัว ขูง อ๋อย เฒว์ย เตี้ย กอน ฮนั้ง. 40 นิ่น บัว ดั๊ว เอ๊า-กว๊า เญย จา-ตี้ง หญั่น, หย่า ตุ๊-เอ๋ย เต๋า เก๋า ด๊าว เญย ดั๊ว เมี่ยน. ต้ง น้าย หญู่ง เมี่ยน อ๋อย หฒุ ตี่ง ฒุ์ย เก้า เฮนี้ย เจี๋ย.''
41 เย^ซู เฒว์ย เจี๊ยน นิด เซียว ญ่าน เญย ฟาง หมั่ง เมี่ยน ฝ่ง ห่อ ญ่าน. ปุ๊ด-ฒ่อย เมี่ยน ธั้ม เญย ตั๊บ ญ่าน ธั้ม. 42 แอ๋ง ม่าย เต้า เอ๊า-กว๊า-จ่ม ต้าย ตั๊บ อี นอม ต้ง ฒิ่น ซิ. ต้ง ฒิ่น ซิ เซ จ๋า-ฒิ่น ไอ๊ เจี๋ย เญย ญ่าน.
43 เย^ซู เห่ว นิ่น เญย ไซ-ก๋อ บัว ต้าย ก๊อง บั๋ว นิ่น บัว, ``เยีย บั๋ว เม่ย บัว, น้าย เต้า เอ๊า-กว๊า-จ่ม ฝ่ง ห่อ เญย ญ่าน เก้า ธั้ม เจี๋ย เต้าๆ ฝ่ง ห่อ เญย. 44 เหว่ย หฒุ วั้ว เต๋ย เมี่ยน ม่าย ญ่าน ธั้ม. นิ่น บัว ฝ่ง ห่อ เต๋ย ป๊า ฮนั้ง. น้าย เต้า เอ๊า-กว๊า ด่ง หน่าย จ่ม, มป่า เลี่ยม นิ่น ยู์ง แหม่ง ญ่าน หย่า ต้อ ต้าย ฝ่ง ห่อ เหฑ่ง.''