เถง เมี่ยน เจี๋ย ววม เญย เล์ย วั้ว เต้า
โย^ฮัน หลิ่ว เล์ย เจ๊า

(เป๊ย หมั่ง มัด^ทาย 3:1-12 ;
มา^โค 1:1-8 ; โย^ฮัน 1:19-28 )

¹ ทิ^เบ^ลิ^อัด ซี^ซา โหฒว ฮู่ง เตี๋ย เหฒียบ ฮม์ หฮญัง วั้ว หฮญัง, ปอน^ทิ^อัด ปี^ล้าด โหฒว หฒูง กุ๊น ยู^เดีย แซ้ง, เฮ^โล้ด กุ๊น กา^ลิ^ลี แซ้ง. นิ่น เญย โย์ว, ฟี^ลิบ, กุ๊น อิ^ทู^เลีย เหธา ตา^โค^นิ^ติด เต่ย. ลี^ซา^เนี้ยด กุ๊น อา^บี^เลน, ² อัน^น้าด เหธา คา^ยา^ฟ้าด โหฒว ต้ม ไซ เมี่ยน. ต้ง วั้ว หฒั่น เส^คา^ลิ^ยา เญย ตอน, โย^ฮัน, เยียม เต่ย-ปูง-ฮวาง ฒิบ ทิน-ฮู่ง เญย หว่า. ³ นิ่น ฯฒฯ เยียม จอ^แดน ด้าย วั้ว เต๋ย ต๋อง ฒุ่น โต์ บั๋ว เมี่ยน, ``อ๋อย หฒุ ก๊อย เฮญี้ยว กวั่ง ฒุ์ย, เจี๋ย ววม เญย เล์ย, ทิน-ฮู่ง ฯฒฯ กวั่ง เม่ย บัว
เญย ฒุ์ย.'' ⁴ น้าย เซ ฮนั้ง โต่ว หว่า เมี่ยน, อิ^สะ^ยา, เฟี้ย เจี๊ยน นิ่น เญย โซว ก๊อง,

• ``ม่าย ล่าน เมี่ยน เยียม เต่ย-ปูง-ฮวาง เห่ว เจี๊ยน ก๊อง,
• `อ๋อย หฒุ หลิ่ว เล์ย เฒี้ยว เญย เจ๊า.
• นิ่น เญย เจ๊า อ๋อย หฒุ คอย หฒะ เญย. * อิ^สะ^ยา 40:3-5
• ⁵ นอมๆ ฮ์อง อ๋อย หฒุ ติ้น ปวั๊ง,
• บง-ฮลัง บง-ไอ๊ อ๋อย หฒุ โหฒว แป้ง.
• เจ๊า เงา เจ๊า ฌ้วด อ๋อย หฒุ ก๊อย หฒะ,
• เจ๊า ไม้ ย่วน อ๋อย หฒุ โหฒว ย่วน.
• ⁶ ลู่ง เดี๊ย เมี่ยน อ๋อย ตุ๊ ปวัด ทิน-ฮู่ง เญย เหฌียว เอน.'''

⁷ เมี่ยน ธั้ม กวั้นๆ เญย มี่ง ล์อ โย^ฮัน, อ๋อย โย^ฮัน เถง นิ่น บัว เจี๋ย ววม เญย เล์ย. โย^ฮัน บั๋ว นิ่น บัว, ``เม่ย บัว หน่าย ดุย นาง-โตะ เญย ป๊วน อ้า! หาย เต้า ขวิน เม่ย บัว เปย๋า, เหว่ย ฆะฮ้า ไม้ หฒุ ทิน-ฮู่ง โน์ว เม่ย บัว? * มัด^ทาย 12:34 ; 23:33 ⁸ เม่ย บัว โหฒว สี่ อ๋อย หฒุ ปุน ธีง เม่ย บัว หฒะเก้ง ก๊อย เฮญี้ยว กวั่ง ฒุ์ย. หย่า ไม้ ตู๋ง เยียม เฮญี้ยว ฮนั้ม, `เยีย บัว ม่าย อับ^ลา^ฮัม โหฒว เยีย บัว เญย อง-ถาย.' เยีย บั๋ว เม่ย บัว, ทิน-ฮู่ง ฒู้ง ไฮ่ เฒาะ น้าย เต๋ย หละเปย๊ย โหฒว เป๋น อับ^ลา^ฮัม เญย เฒ้ย-ฟุน. * โย^ฮัน 8:33 ⁹ อี้ หฒั่น เบ่น เหฒียง โป๊ว, ฒู้ง อัน เจี๊ยน เดี๋ยง-กอน. หาย ติ้ว เดี๋ยง เฒี่ยง เปี๊ยว ไม้ คู้, อ๋อย หฒุ ก๋อย กวั่ง ปั๊ว โต์ว มี่ง.'' * มัด^ทาย 7:19

¹⁰ หฒวัง เมี่ยน หน่าย ก๋า โย^ฮัน, ``ฮนั้ง หน่าย, เยีย บัว อ๋อย หฒุ ฮนั้ง หาย นอ โหฒว?''

¹¹ นิ่น เตา, ``หาย เต้า ม่าย อี เต๋ย ลุย อ๋อย หฒุ ปุน เต๋ย ไม้ ม่าย วั้ว เต้า. หาย เต้า ม่าย หฮนาง หญั่น หย่า อ๋อย หฒุ ปุน เต๋ย หง่อ เญย เมี่ยน หญั่น.''

¹² ม่าย เต๋ย เถง โล^มา ฮู่ง จา เซียว โฑว เญย เมี่ยน ต้าย ล์อ โย^ฮัน, อ๋อย เจี๋ย ววม เญย เล์ย. นิ่น บัว หน่าย ก๋า, ``ฟิน-แซง อ้า! เยีย บัว นี? อ๋อย หฒุ ฮนั้ง หาย นอ โหฒว?'' * ลู^กา 7:29

¹³ โย^ฮัน เตา, ``เม่ย บัว หอบ หฒุ เซียว บัวะ เหฒีย, อ๋อย หฒุ เซียว บัวะ วั้ว ฮนั้ง.''

¹⁴ ม่าย เต๋ย แปง แอ๋ง หน่าย นิ่น, ``เยีย บัว นี? อ๋อย หฒุ ฮนั้ง หาย นอ โหฒว?''

โย^ฮัน เตา, ``ไม้ ตู๋ง หละไกว้ ลม-ฮู้, ดั๊ว เมี่ยน เญย ญ่าน หญั่น. ไม้ ตู๋ง โก๋ จ๊า สี่ ห่อย เมี่ยน. เม่ย บัว เญย กง-ฒิ่น ตุ๊ บัวะ เหฒีย อ๋อย หฒุ เฮญี้ยว ฆาย.''

¹⁵ หฒวัง เมี่ยน หาย หฒั่น หย่า ฒั้ว เจี๊ยน ทิน-ฮู่ง แล์ง พ้าย ต้าย วั้ว เต้า เหฌียว เฒี้ยว, ฯฒฯ เยียม เฮญี้ยว ฮนั้ม โย^ฮัน เซ กี^ตู่ มเปย. ¹⁶ โย^ฮัน ฯฒฯ ก๊อง บั๋ว หฒวัง เมี่ยน, ``เยีย หล่ง ววม เถง เม่ย บัว เจี๋ย เล์ย. แอ๋ง ม่าย เต้า อ๋อย ต้าย. นิ่น ม่าย หลี่ง ม่าย ชะ เก้า โฮล เจี๋ย เยีย. เยีย เลี่ยม ไม้ ผุย เถง นิ่น ไจ๊ เฮ่ ฮลาง. นิ่น หย่า อ๋อย หล่ง สีง ลี่ง เหธา โต์ว เถง เม่ย บัว เจี๋ย เล์ย. ¹⁷ นิ่น เญย ปั์ว นั้น เจี๊ยน กะน้าย-เธ้น, อ๋อย เฝียว เหฑ่ง นิ่น เญย เบ๊าะ เบย้า เธี้ยง หย่า เซียว นิ่น เญย เบย้า ตั๊บ ลั์ม. มป่า ธุ-เหมา นิ่น อ๋อย หล่ง เหยียด ลิ์ว ไม้ ไฮ่ ไต่ เญย โต์ว ปั๊ว เหฑ่ง.''

¹⁸ โย^ฮัน แอ๋ง หล่ง ธั้ม-ติ่ว เจ๊า ขวิน นิ่น บัว, หย่า ฒุ่น คู้ เฝียน ปุน นิ่น บัว หมวัง.

¹⁹ นิ่น หย่า ก๊อง เฮ^โล้ด, หลาย เฮ^โล้ด หล่ง นิ่น กั้น เญย โย์ว เญย เอ๊า, เฮ^โล^เดียด, หย่า หลาย นิ่น โหฒว ธั้ม-หญู่ง หว่าย สี่. * มัด^ทาย 14:3-4 ; มา^โค 6:17-18 ²⁰ ฮนั้ง หน่าย, เฮ^โล้ด แอ๋ง จา โหฒว เก้า หว่าย, ฒู้ง เฒาะ โย^ฮัน หววน เจี๊ยน โล่.

เย^ซู เจี๋ย ววม เญย เล์ย

(เป๊ย หมั่ง มัด^ทาย 3:13-17 ; มา^โค 1:9-11 )

²¹ หฒวัง เมี่ยน เจี๋ย ววม เญย เล์ย เญย เฒี่ยง โห่, เย^ซู หย่า เจี๋ย ววม เญย เล์ย. ต๋อย นิ่น เต๋า เก๋า วั้ว หฒั่น, ลู่ง ฆอย หมี่ อ๊ะ. ²² สีง ลี่ง เหฌี่ย ต้าย, หญู่ง เฒ้ย ฮนั้ง นอม เหนาะ โฆ นอ, เยียม นิ่น เญย ซิน. หย่า ม่าย เฉีย เยียม
กู้ หงว่าย ลู่ง ก๊อง, ``เม่ย เซ เยีย เญย ตอน- ฮนั้ม. เยีย หฒะเก้ง อะเฮน้ย ไห่ เม่ย.'' * ทิน เต่ย โต้ว 22:2 ; สีง ฑูง 2:7 ; อิ^สะ^ยา 42:1 ; มัด^ทาย 3:17 ; มา^โค 1:11 ; ลู^กา 9:35

เย^ซู เญย โต้ว ฒง

(เป๊ย หมั่ง มัด^ทาย 1:1-17 )

²³ เย^ซู เจี์ย กอน โหฒว นิ่น เญย กง วั้ว หฒั่น, นิ่น ตุ๊ ฟ่า เหฒียบ หฮญัง เญย ต๋อง. เมี่ยน ฮนั้ม ต้าย เย^ซู โหฒว โย^เซ้บ เญย ตอน.

• โย^เซ้บ โหฒว เฮ^ลี เญย ตอน,
• ²⁴ เฮ^ลี โหฒว มัด^ทัด เญย ตอน,
• มัด^ทัด โหฒว เล^วี เญย ตอน,
• เล^วี โหฒว เมน^คี เญย ตอน,
• เมน^คี โหฒว ยัน^นาย เญย ตอน,
• ยัน^นาย โหฒว โย^เซ้บ เญย ตอน,
• ²⁵ โย^เซ้บ โหฒว มัด^ทา^ที^อัด เญย ตอน,
• มัด^ทา^ที^อัด โหฒว อา^โม้ด เญย ตอน,
• อา^โม้ด โหฒว นา^ฮูม เญย ตอน,
• นา^ฮูม โหฒว เอด^ลี เญย ตอน,
• เอด^ลี โหฒว นัก^กาย เญย ตอน,
• ²⁶ นัก^กาย โหฒว มา^อาด เญย ตอน,
• มา^อาด โหฒว มัด^ทา^ที^อัด เญย ตอน,
• มัด^ทา^ที^อัด โหฒว เส^เม^อิน เญย ตอน,
• เส^เม^อิน โหฒว โย^เสก เญย ตอน,
• โย^เสก โหฒว โย^ดา เญย ตอน,
• ²⁷ โย^ดา โหฒว โย^อา^นัน เญย ตอน,
• โย^อา^นัน โหฒว เล^ซา เญย ตอน,
• เล^ซา โหฒว เส^ลุบ^บา^เบน เญย ตอน,
• เส^ลุบ^บา^เบน โหฒว เซ^อัน^ทิ^เอน เญย ตอน,
• เซ^อัน^ทิ^เอน โหฒว เน^ลี เญย ตอน,
• ²⁸ เน^ลี โหฒว เมน^คี เญย ตอน,
• เมน^คี โหฒว อัด^ดี เญย ตอน,
• อัด^ดี โหฒว โค^สัม เญย ตอน,
• โค^สัม โหฒว เอน^มา^ดัม เญย ตอน,
• เอน^มา^ดัม โหฒว เอ^อา เญย ตอน,
• ²⁹ เอ^อา โหฒว โย^ซู^วา เญย ตอน,
• โย^ซู^วา โหฒว เอ^ลี^เย^เซ เญย ตอน,
• เอ^ลี^เย^เซ โหฒว โย^ลิม เญย ตอน,
• โย^ลิม โหฒว มัด^ทัด เญย ตอน,
• มัด^ทัด โหฒว เล^วี เญย ตอน,
• ³⁰ เล^วี โหฒว สิ^เม^โอน เญย ตอน,
• สิ^เม^โอน โหฒว ยู^ดา เญย ตอน,
• ยู^ดา โหฒว โย^เซ้บ เญย ตอน,
• โย^เซ้บ โหฒว โย^นาม เญย ตอน,
• โย^นาม โหฒว เอ^ลี^ยา^คิม เญย ตอน,
• ³¹ เอ^ลี^ยา^คิม โหฒว เม^เล^อา เญย ตอน,
• เม^เล^อา โหฒว เมน^นา เญย ตอน,
• เมน^นา โหฒว มัด^ตะ^ทา เญย ตอน,
• มัด^ตะ^ทา โหฒว นา^ทัน เญย ตอน,
• นา^ทัน โหฒว ดา^วิด เญย ตอน,
• ³² ดา^วิด โหฒว เจียด^ซี เญย ตอน,
• เจียด^ซี โหฒว โอ^เบด เญย ตอน,
• โอ^เบด โหฒว โบ^อาด เญย ตอน,
• โบ^อาด โหฒว สัน^โมน เญย ตอน,
• สัน^โมน โหฒว นา^โซน เญย ตอน,
• ³³ นา^โซน โหฒว อัม^มี^นา^ดับ เญย ตอน.
• อัม^มี^นา^ดับ โหฒว อัด^มิน * ม่าย เต๋ย โซว ก๊อง ลาม. เญย ตอน,
• อัด^มิน โหฒว อาน^นี เญย ตอน,
• อาน^นี โหฒว เฮ้ด^โลน เญย ตอน,
• เฮ้ด^โลน โหฒว เป^เล้ด เญย ตอน,
• เป^เล้ด โหฒว ยู^ดา เญย ตอน,
• ³⁴ ยู^ดา โหฒว ยา^โค้บ เญย ตอน,
• ยา^โค้บ โหฒว อี^สัก เญย ตอน,
• อี^สัก โหฒว อับ^ลา^ฮัม เญย ตอน,
• อับ^ลา^ฮัม โหฒว เท^ลา เญย ตอน,
• เท^ลา โหฒว นา^โฮ เญย ตอน,
• ³⁵ นา^โฮ โหฒว เส^ลุก เญย ตอน,
• เส^ลุก โหฒว เล^อู เญย ตอน,
• เล^อู โหฒว เป^เล้ก เญย ตอน,
• เป^เล้ก โหฒว เอ^เบ เญย ตอน,
• เอ^เบ โหฒว เช^ลา เญย ตอน,
• ³⁶ เช^ลา โหฒว ไค^นาน เญย ตอน,
• ไค^นาน โหฒว อาน^ฟา^ซัด เญย ตอน,
• อาน^ฟา^ซัด โหฒว เซม เญย ตอน,
• เซม โหฒว โน^ยา เญย ตอน,
• โน^ยา โหฒว ลา^เม้ก เญย ตอน,
• ³⁷ ลา^เม้ก โหฒว เม^ทู^เส^ลา เญย ตอน,
• เม^ทู^เส^ลา โหฒว เอ^โน้ก เญย ตอน,
• เอ^โน้ก โหฒว ยา^เล้ด เญย ตอน,
• ยา^เล้ด โหฒว มา^หะ^ลา^เล^เอน เญย ตอน,
• มา^หะ^ลา^เล^เอน โหฒว เค^นัน * ม่าย เต๋ย โซว ก๊อง ไค^นาน.
  เญย ตอน,
• ³⁸ เค^นัน โหฒว เอ^โน้ด เญย ตอน,
• เอ^โน้ด โหฒว เสด เญย ตอน,
• เสด โหฒว อา^ดัม เญย ตอน,
• อา^ดัม โหฒว ทิน-ฮู่ง เญย ตอน.