1 น้าย เต๋ย สี่ ธ้วด ลิ์ว, เย^ซู เยียม ทิ^เบ^เลี้ยด ค้อย-ตอน เฮลน แอ๋ง หิ่น หฑุ่น ปุน นิ่น เญย ไซ-ก๋อ บัว ปวัด. เจ๊า-โหล่ว เซ ฮนั้ง น้าย. 2 ม่าย ซี^โมน ปี^เต เหธา โท^มัด, ต้ง เมี่ยน เห่ว ซูง-กู้งว์า วั้ว เต้า, ม่าย เยียม กา^ลิ^ลี แซ้ง, คา^นา ล์าง วั้ว เต้า นา^ทา^นา^เอน, เหธา เส^เบ^ดี เญย อี เต้า ตอน, แอ๋ง กั้น ม่าย อี เต้า ไซ-ก๋อ เหธา เจี๊ยน เยียม วั้ว.
3 ซี^โมน ปี^เต ก๊อง บั๋ว วั้ว เต๋ย, ``เยีย มี่ง ป์อง เบย์า.''
วั้ว เต๋ย ก๊อง, ``เยีย บัว เหธา เม่ย มี่ง โอ่.'' นิ่น บัว ฯฒฯ เปียะ ฑั้ง มี่ง อ๊ะ. มป่า นิ่น บัว เฒี่ยง ม์วน ป์อง หย่า ป์อง ไม้ ตุ๊ หาย หญู่ง. *
4 โหฒว เกา, ลู่ง เบี์ยวๆ ฌัง เญย เฒี่ยง โห่, เย^ซู โซ้ว เจี๊ยน วั้ว ค้อย-เฮลน มป่า ไซ-ก๋อ บัว เฒียะ ไม้ ตุ๊ เซ เย^ซู. 5 เย^ซู ฯฒฯ หน่าย นิ่น บัว, ``ก๋อ-โย์ว อ่า, ตุ๊ เต๋ย เบย์า เญย ไฟ?''
นิ่น บัว เตา, ``ไม้ ตุ๊ โอ่.''
6 เย^ซู บั๋ว นิ่น บัว, ``ป์อง มู์ง เหฌี่ย บย่าว แหมง ฑั้ง-เฮลน ฯฒฯ ตุ๊ เบย์า อ๊ะ.'' นิ่น บัว ฯฒฯ ป์อง มู์ง เหฌี่ย, ตุ๊ เบย์า ธั้ม ไห่, เซียว
ฒู้ง ไม้ ต์ง ฝาว ฑั้ง.
*
7 ต้ง เย^ซู ฮนั้ม วั้ว เต้า ไซ-ก๋อ ก๊อง บั๋ว ปี^เต. ``โอ๊, หน่าย เฒี้ยว นีอา!'' ซี^โมน ปี^เต เยี้ยด ไฮ์ ก๊อง เซ เฒี้ยว, นิ่น ฯฒฯ เฒาะ กะเหญี่ย วั้ว เหยี่ยม ลุย ปุ๋ย เจี๊ยน, (เหว่ย หฒุ นิ่น ไจ๊ ฆอย ลุย หมี่ อ๊ะ) ฯฒฯ ปิว เหฌี่ย ววม.
8 แอ๋ง ม่าย วั้ว เต๋ย ไซ-ก๋อ แฑง เจี๊ยน ฑั้ง ทอ เจี๊ยน ม่าย เบย์า ปวั๊ง เญย มู์ง ธ้วด ววม-เฮลน, เหว่ย หฒุ เล่ย วั้ว เบี๋ยน ไม้ หนั่ง โก. เหฑีย ม่าย ฮม์ เหฒียบ ฒั่ม เญย ต๋อง มเปย.
9 ธ้วด ฑั้ง ต้าย ฝาว เบี๋ยน ปวัด ม่าย กว๋า ถาน เญย โต์ว. ม่าย เบย์า ฒิ เจี๊ยน วั้ว หย่า ม่าย ฌั้ว.
10 เย^ซู บั๋ว นิ่น บัว, ``เฒาะ เต๋ย อะจัง เม่ย บัว ป์อง เญย เบย์า ต้าย โอ่.''
11 ปี^เต ฯฒฯ เปียะ ฑั้ง, ทอ มู์ง ฝาว เบี๋ยน ต้าย. ต้ม เบย์า ปวั๊ง มู์ง กะญั์ว, เหยียด ฒู้ง ม่าย เหยียด แป๊ะ ฮม์ เหฒียบ ฟาม เต้า.
เบย์า ด่ง หน่าย ธั้ม มป่า มู์ง หย่า ไม้ ฮู้.
12 เย^ซู บั๋ว ไซ-ก๋อ บัว, ``ต้าย หญั่น ลู่ง ดอม อ๊ะ.'' นิ่น บัว ไม้ ม่าย เหยียด เต้า ก๊าม หน่าย, ``เม่ย ต้ง หาย เต้า?'' เหว่ย หฒุ นิ่น บัว ฮิ้ว ตุ๊ เซ ต้ง เฒี้ยว. 13 เย^ซู ฯฒฯ เฒาะ ฌั้ว ต้าย ปุน นิ่น บัว, หย่า ฟี่ ฮนั้ง เญย เฒาะ เบย์า ต้าย ปุน นิ่น บัว หญั่น.
14 น้าย หฑุ่น เซ ต้ง เย^ซู ไต่ มี่ง แอ๋ง นั่ง ต้าย หิ่น ธ้วด ปุน ไซ-ก๋อ บัว ปวัด เญย ตะฟาม หฑุ่น.
15 หญั่น ลิ์ว ลู่ง ดอม, เย^ซู ก๊อง บั๋ว ซี^โมน ปี^เต, ``โย^ฮัน เญย ตอน, ซี^โมน อ้า! เม่ย หฒะเก้ง ฮนั้ม เยีย เก้า ธั้ม น้าย เต๋ย ไฟ?''
ปี^เต เตา, ``เฒี้ยว อ้า! เยีย ฮนั้ม เญย เหลาะ. เม่ย ฮิ้ว ตุ๊ เยีย ฮนั้ม เม่ย เญย.''
เย^ซู ก๊อง บั๋ว นิ่น, ``เม่ย ยู์ง เยีย เญย ปะกี ยู่ง ตอน โอ่.''
16 เย^ซู แอ๋ง หน่าย ตะเหญ่ย หฑุ่น, ``โย^ฮัน เญย ตอน, ซี^โมน, อ้า! เม่ย หฒะเก้ง ฮนั้ม เยีย เญย ไฟ?''
ซี^โมน เตา, ``เฒี้ยว อ้า! ฮนั้ม เญย เหลาะ. เม่ย ฮิ้ว ตุ๊ เยีย ฮนั้ม เม่ย เญย.''
เย^ซู ก๊อง บั๋ว นิ่น, ``โก๋ว หลง เยีย เญย ปะกี ยู่ง โอ่.''
17 เย^ซู แอ๋ง หน่าย ตะฟาม หฑุ่น, ``โย^ฮัน เญย ตอน, ซี^โมน อ้า! เม่ย ฮนั้ม เยีย เญย ไฟ?''
เย^ซู หน่าย เถา ตะฟาม หฑุ่น, ``เม่ย ฮนั้ม เยีย เญย ไฟ?'' ปี^เต ฯฒฯ ไฮ์ เฮญี้ยว มุน ไห่. นิ่น ก๊อง, ``เฒี้ยว อ้า! เม่ย ฮิ้ว ตุ๊ หม่าน สี่. เม่ย ฮิ้ว ตุ๊ เยีย ฮนั้ม เม่ย เญย.'' เย^ซู บั๋ว นิ่น, ``โก๋ว หลง เยีย เญย ปะกี ยู่ง โอ่. 18 เยีย ก๊อง เฒียน บั๋ว เม่ย, เม่ย หลุน วั้ว หฒั่น เม่ย กั้น ฒอง ซิน ไซ โหว-ฮลาง เซว่ย เอ๋ย เปียะ ธ้วด. เถา เม่ย โก๋ ต้าย, เม่ย อ๋อย หฒุ ซูง ปั์ว ปุน เมี่ยน เถง เม่ย ไซ โหว-ฮลาง ต้อ เม่ย มี่ง ต้ง เม่ย ไม้ อ๋อย มี่ง เญย ต๋อง.'' 19 เย^ซู ฮนั้ง หน่าย ก๊อง เหว่ย ปุน ธีง ปี^เต อ๋อย ฮนั้ง หาย นอ ไต่ ปุน เมี่ยน ท่าย ทิน-ฮู่ง. เย^ซู แอ๋ง ก๊อง บั๋ว ปี^เต, ``เม่ย กัน เยีย โอ่.''
20 ปี^เต ฮวิน หฑวน ปวัด เย^ซู ฮนั้ม วั้ว เต้า ไซ-ก๋อ กัน เจี๊ยน นิ่น บัว ต้าย. น้าย เต้า ไซ-ก๋อ เซ ต้ง นิ่น บัว หญั่น วั้ว ต๋น หฮนาง เญย เฒี่ยง โห่ เดง มี่ง ฟัด หน่าย เย^ซู, ``เฒี้ยว อ่า, อ๋อย หม่าย เม่ย วั้ว เต้า เซ หาย เต้า?'' * 21 ปี^เต ปวัด นิ่น ฯฒฯ หน่าย เย^ซู, ``เฒี้ยว อ้า! น้าย เต้า นี? อ๋อย ฮนั้ง หาย นอ?''
22 เย^ซู ก๊อง บั๋ว นิ่น, ``สี ก๊อง เยีย ปุน นิ่น เยียม เถา เยีย แอ๋ง ต้าย วั้ว หฒั่น, น้าย ม่าย หาย หญู่ง เกวน หฒุ เม่ย? เม่ย กุ๊น กัน เยีย ม่าะ!'' 23 เหว่ย น้าย ม่าย หว่า ซีง ปวั๊ง กัน เย^ซู เญย ก๋อ-หมั่ว, นิ่น บัว ฯฒฯ หล่าย น้าย เต้า ไซ-ก๋อ ไม้ ไต่, มป่า เย^ซู ไม้ เฒ์ย ก๊อง นิ่น ไม้ ไต่. นิ่น ก๊อง, ``สี ก๊อง เยีย ปุน นิ่น เยียม เถา เยีย ต้าย วั้ว หฒั่น, น้าย ม่าย หาย หญู่ง เกวน หฒุ เม่ย?''
24 น้าย เต้า ไซ-ก๋อ โหฒว ฒอง-เหฒง ก๊อง เถา น้าย เต๋ย สี่. หย่า ต้ง น้าย เต้า ไซ-ก๋อ เฟี้ย เจี๊ยน น้าย เต๋ย สี่. เยีย บัว หย่า ฮิ้ว ตุ๊ นิ่น โหฒว เญย ฒอง-เหฒง เซ เฒียน เญย.
25 เย^ซู โหฒว เญย สี่ หธ่อ ม่าย ธั้ม ไห่. สี ก๊อง หญู่งๆ เฟี้ย ตุ๊ เหฑ่ง, เยีย ฮนั้ม ต้าย ป้าม เกน ฒู้ง ไม้ ม่าย ต๋อง ตั๊บ ตุ๊ เหฌี่ย น้าย
เต๋ย โซว.