โย้บ อ๋อย เหธา ทิน-ฮู่ง หลวน เล์ย

• ¹ ``น้าย เต๋ย เหยียด ฒู้ง สี่ เยีย เญย มฒีง ตุ๊ ปวัด เจี๋ย,
• เยีย เญย มน่อม ตุ๊ ไฮ์ เจี๋ย หย่า เม่ง แปะ.
• ² เม่ย บัว ฮิ้ว เญย, เยีย หย่า ฮิ้ว.
• เยีย ไม้ เก้า ไอ๊ เม่ย บัว.
• ³ มป่า เยีย อ๋อย เหธา เน่น เจี๋ย วั้ว เต้า ก๊อง หว่า,
• เยีย อ๋อย เหธา ทิน-ฮู่ง หลวน เล์ย.
• ⁴ เม่ย บัว หล่ง ก๊อง-แปะ เญย หว่า ฑ้าด เจี๊ยน * น้าย เซ ฮนั้ง หล่ง ฮวุย-แปะ ฑ้าด เจี๊ยน. เม่ย บัว ไม้ ฮิ้ว เญย.
• เม่ย บัว เซ ฮนั้ง ไม้ ลั่ม หล่ง เญย เดีย-ไซ.
• ⁵ เฝย ตุ๊ เม่ย บัว เซ้ก เหฑียะ เญย.
• น้าย ฯฒฯ เป๋น เม่ย บัว เญย ธง-เม่ง อ๊ะ.

โย้บ ก๊อง นิ่น เญย ต่อย
ไม้ ผุย โหฒว ฒอง-เหฒง

• ⁶ ``อี้ หฒั่น โท้ หมวัง เยีย หลวน เญย เจ๊า
• หย่า หมวัง เยีย สู เญย หว่า.
• ⁷ เม่ย บัว อ๋อย เหว่ย ทิน-ฮู่ง ก๊อง จ๊า เญย หว่า ไฟ?
• เม่ย บัว อ๋อย เหว่ย นิ่น ก๊อง-แปะ?
• ⁸ เม่ย บัว อ๋อย เถง ทิน-ฮู่ง วั้ว ปูง แฑง ไฟ?
• เม่ย บัว อ๋อย เหว่ย นิ่น หลวน เล์ย?
• ⁹ สี ก๊อง นิ่น ฒ่า หมั่ง เม่ย บัว, เม่ย บัว ไฮ่ ตุ๊ หลง ไฟ?
• เม่ย บัว ไฮ่ ดั๊ว ทิน-ฮู่ง ฮนั้ง เมี่ยน ดั๊ว เมี่ยน ไฟ?
• ¹⁰ สี ก๊อง เม่ย บัว ปี๋ง เจี๊ยน เถง เหยียด ปูง,
• นิ่น ด่ง หาย ฒู้ง อ๋อย ก๊อง-เหม เม่ย บัว.
• ¹¹ นิ่น เญย ฮ่าง ต้าว ปุน เม่ย กั้ม เหฑีย,
• ฒู้ง แฮะ เม่ย บัว เมา เหฑ่ง ซ่าะ?
• ¹² เม่ย บัว เญย หว่า-ผุย ฮนั้ง ซ้าย ไม้ ลั่ม หล่ง,
• เม่ย บัว หลวน เญย เล์ย ด่ง ววม-ปั่ม * ไฟ ปะไน่ เนีย.
  เมา นอ.

โย้บ อ๋อย เหธา ทิน-ฮู่ง
ต๋อย เฮมียน หลวน เล์ย

• ¹³ ``โท้ เม่ย บัว เซ้ก ตั้ง ม่าะ! เยีย อ๋อย ก๊อง.
• ฆะฮ้า ไม้ กุ๊น เป๋น หาย หญู่ง, เซว่ย เยีย เป๋น อ๊ะ.
• <sup>14</sup> ไม้ กุ๊น ฮนั้ง หาย นอ
  เยีย อ๋อย โหฒว อ๊ะ,
• เยีย ไม้ ฝุน แหม่ง เญย ก๊อง. * ฟาน หฒะ ก๊อง ``เยีย เฒาะ เยีย เญย อ๊อ หงาด เจี๊ยน, เฒาะ เยีย เญย แหม่ง อัน เจี๊ยน เยีย เญย ปั์ว''.
• ¹⁵ ไม้ กุ๊น นิ่น ไต๋ เยีย, เยีย หธ่อ ม่าย ลั่ม ฮนั้ม, * ไฟ ``ไม้ กุ๊น นิ่น ไต๋ เยีย, เยีย ไม้ ลั่ม ฮนั้ม''.
• มป่า เยีย หย่า อ๋อย เยียม นิ่น เญย หฑะเฮมียน ปิ๋ว เม่ง เยีย เญย เจ๊า.
• ¹⁶ น้าย อ๋อย เป๋น เยีย เญย เหฌียว เอน,
• เหว่ย หฒุ ไม้ ท่าย ทิน-ฮู่ง เญย เมี่ยน ไม้ ตุ๊ มี่ง เยียม นิ่น เญย หฑะเฮมียน.

โย้บ โท้ ทิน-ฮู่ง ก๊อง ธ้วด
เหว่ย หาย ติ่ว โก๋ นิ่น

• ¹⁷ ``โท้ หลงๆ เญย หมวัง เยีย ก๊อง เญย หว่า,
• หย่า ปุน เยีย สู เญย หว่า เปียะ เม่ย เญย มน่อม.
• <sup>18</sup> เยีย หลิ่ว เล์ย เหฒียง เยีย เญย สี่ อ๊ะ.
• เยีย ฮิ้ว ตุ๊ ฒู้ง ปิ๋ว เม่ง เยีย ไม้ ต่อง.
• <sup>19</sup> ม่าย หาย เต้า อ๋อย โก๋ เยีย?
• ม่าย นอ, เยีย ฯฒฯ เซ้ก หย่า ไต่.
• <sup>20</sup> ``ขูง โท้ ปุน อี หญู่ง เยีย ฮนั้ง,
• เยีย ฯฒฯ ไม้ ปี๋ง เม่ย เญย เฮมียน.
• ²¹ โท้ ฮล้วด เม่ย เญย ปั์ว เล่ย โก เยีย,
• หย่า โท้ ไม้ ตู๋ง โหฒว กั้ม เหฑีย เญย สี่ แฮะ เยีย.
• ²² ทิน-ฮู่ง อ่า, กุ๊น เห่ว, เยีย ฯฒฯ เตา.
• ไฟ ปุน เยีย ก๊อง, เม่ย หย่า เตา เยีย.
• ²³ เยีย เญย ฒุ์ย เหธา โหฒว ต่อง เญย สี่ ม่าย บัวะ เหฒีย?
• โท้ ปุน เยีย ฮิ้ว ตุ๊ เยีย โหฒว ต่อง เญย เจ๊า เหธา เยีย ป์าม เญย ฒุ์ย.

โย้บ แอ๋ง งบ ทิน-ฮู่ง

• ²⁴ ``เม่ย เหว่ย หาย ติ่ว ปี๋ง เม่ย เญย เฮมียน,
• หย่า ฝุน เยีย โหฒว เม่ย เญย วิน-วั้ง?
• <sup>25</sup> เม่ย อ๋อย แฮะ เหยียด คว้าย หฒุ หฑยาว ป่วน เญย เดี๋ยง-น่อม
• หย่า หฒุ่น เบย้า ฆ้าว ฆาย ไฟ?
• <sup>26</sup> เม่ย เฟี้ย เจี๊ยน เฮนี้ย ไห่ เญย สี่ * ฮิบ^ลู หว่า ก๊อง อิม ไห่ เญย สี่. โก๋ เยีย,
• แอ๋ง ปุน เยีย ดาม-ตอง เยีย หลุน เญย เฒี่ยง โห่ โหฒว เญย ฒุ์ย.
• <sup>27</sup> เม่ย เฒาะ เดี๋ยง กับ เจี๊ยน เยีย เญย เหฒา,
• แอ๋ง หมั่ง เจี๊ยน เยีย เญย ติ้วๆ เจ๊า
• เม่ย หย่า ตี่ง เหฒียง เยีย เญย เหฒา-เป๊น ธ้าย ตุ๊ เถา เญย ต๋อง. * โย้บ 33:11
• <sup>28</sup> ``เมี่ยน กุ๊น โหฒว กุ๊น หฒิด ฮนั้ง กะน้าย-ฮู้,
• ฮนั้ง หฒุ แกง หงาด หว่าย เญย ลุย-โหว.