โต่ว หว่า ก๊อง บา^บี^โลน หฒุ ธ้าง
1 น้าย เซ เฒี้ยว
หล่ง โต่ว หว่า เมี่ยน, เย^เล^มี, โต่ว หว่า ก๊อง บา^บี^โลน, เซ เคน^เดีย เมี่ยน เญย เต่ย-ปูง.
นิ่น ก๊อง,
-
2 ``อ๋อย หฒุ เยียม หม่าน กั๊วะ บุด๋ง ฒุ่น ก๊อง,
- เหลียบ เจี์ย เก้ แอ๋ง ฒุ่น บั๋ว,
- ไม้ ตู๋ง ปี๋ง, อ๋อย หฒุ ก๊อง,
- `บา^บี^โลน หฒุ ธ้าง หมี่ อ๊ะ.
- เบน เฒี่ยน หฒุ ไญ้,
- เม^โล^ดัก เฒี่ยน หฒุ กั้ม เหฑีย.
- บา^บี^โลน เญย หมิ่ว-ฝัง หฒุ ไญ้,
- นิ่น เญย หมิ่ว-ฝัง หฒุ กั้ม เหฑีย.'
-
3 เหว่ย หฒุ ม่าย นอม กั๊วะ เยียม ป๊ะ ปูง ต้าย เบ๊าะ นิ่น,
- อ๋อย ปุน นิ่น เญย เต่ย-ปูง หฒุ ป่าย ฮวาง เหฑ่ง,
- ไม้ ม่าย หาย เต้า เยียม หน่าย,
- เลี่ยม เมี่ยน เลี่ยม แซง-คู้ อ๋อย เปย๋า เหฑ่ง.
โต่ว หว่า ก๊อง อิ^สะ^ลา^เอน ตุ๊ หฑวน
-
4 เฒี้ยว
ก๊อง,
- ``วั้ว เต๋ย ฮนอย, วั้ว เต๋ย เฒี่ยง โห่,
- อิ^สะ^ลา^เอน เมี่ยน เหธา ยู^ดา เมี่ยน อ๋อย กั๊บ ฒุ้น ต้าย,
- เหยียด ปิ่น มี่ง เหยียด ปิ่น เญี้ยม,
- ล์อ เฒี้ยว,
นิ่น บัว เญย ทิน-ฮู่ง.
-
5 นิ่น บัว อ๋อย หน่าย เจ๊า มี่ง สิ^โอน,
- ม่าย เฮมียน ฮวิน เจี๊ยน วั้ว ปูง มี่ง ฯฒฯ ก๊อง,
- `ต้าย ม่าะ! บัว อ๋อย หฒุ
- ต้าย เหธา เฒี้ยว
กั๊บ เจี๊ยน
- เหลียบ เหยียด ลิ์ว เญย แหง่ง หว่า,
- ต้ง ไม้ ไฮ่ หละคุ เญย หว่า.'
-
6 ``เยีย เญย แปะ ฝีง ฮนั้ง ต่อง เจ๊า เญย
ปะกี ยู่ง,
- นิ่น บัว เญย โก๋ว ปะกี ยู่ง เมี่ยน ต้อ นิ่น บัว ต่อง เจ๊า,
- ปุน นิ่น บัว เยียม บง กู้ หงว่าย ฮวิน กั้น ปูง.
- นิ่น บัว ฯฒฯ เยียม ต้ม บง มี่ง ฟิ้ว-บง,
- เถา หละคุ นิ่น บัว กั้น เญย ล่าน.
-
7 ตะฟ่าน ล์อ ปวัด นิ่น บัว วั้ว เต๋ย
- เฒาะ นิ่น บัว นะ เหฑ่ง มี่ง.
- นิ่น บัว เญย วิน-วั้ง ก๊อง, `เยีย บัว
ไม้ โหฒว ต่อง
- เหว่ย หฒุ นิ่น บัว ป์าม ฒุ์ย ต่อง เฒี้ยว,
- เซ นิ่น บัว เฒียน เยียม เญย ต๋อง,
- ต้ง นิ่น บัว เญย อง-ถาย ม่าย ลั่ม ฮนั้ม เญย เฒี้ยว.
'
-
8 ``อิ^สะ^ลา^เอน เมี่ยน อ้า!
- อ๋อย หฒุ เยียม บา^บี^โลน กะญั์ว เปย๋า ธ้วด.
- ธ้วด เคน^เดีย เมี่ยน เญย เต่ย-ปูง ม่าะ!
- โหฒว ฮนั้ง เยียม ปะกี ยู่ง กวั้น ต้อ เจ๊า เญย ยู่ง โก๊ว.
-
9 เหว่ย หฒุ เยีย อ๋อย โธะ เหฒีย นอม
- เยียม ป๊ะ ปูง เญย ต้ม กั๊วะ
- เป๋น ต้ม กวั้น ต้าย เบ๊าะ บา^บี^โลน.
- นิ่น บัว ฯฒฯ ไบ้ เจี๊ยน ต้าย เบ๊าะ นิ่น.
- บา^บี^โลน ฯฒฯ เยียม หน่าย หฒุ เฒาะ หมี่ อ๊ะ.
- นิ่น บัว เญย ฟอง-ธัง เซ ฮนั้ง
- ม่าย ปั์ว-เต้า เบ๊าะ จ๋า เฮ้น เญย แปง
- ไม้ ขูง-ปั์ว เญย หฑวน.
-
10 เคน^เดีย
อ๋อย หฒุ ลู้.
- ตะฟ่าน ลู้ นิ่น เญย เมี่ยน ปวั๊ง เอ๋ย เหฑ่ง.''
- น้าย เซ เฒี้ยว
ก๊อง เญย หว่า.
บา^บี^โลน บาง
-
11 ``ลู้ เยีย หฑิบ เญย แปะ ฝีง เญย เมี่ยน อ้า!
- ไม้ กุ๊น เม่ย บัว เฌียน-โย่ว, ไม้ กุ๊น เม่ย บัว ออน-เหลาะ,
- ไม้ กุ๊น เม่ย บัว อะเฮน้ย ฮนั้ง เต้า ง่ง เหฒ่ย เยียม เมี้ย-เธี้ยง,
- หย่า ฮนั้ง ม์า-โก๊ว แฮ้ๆ เญย,
-
12 เม่ย บัว เญย มา อ๋อย หฒุ ไญ้ เถา โด๊ะ,
- ยู์ง เม่ย บัว ต้าย วั้ว เต้า หฒุ ป่าย เฮมียน.
- นิ่น อ๋อย หฒุ เป๋น เยียม หม่าน กั๊วะ บุด๋ง ฆะฮ้า ลาย วั้ว กั๊วะ,
- เป๋น ฆาย เญย เต่ย-ปูง-ฮ์าน,
เต่ย-ปูง-ฮวาง.
-
13 เหว่ย หฒุ เฒี้ยว
เฉีย เจี์ย,
- บา^บี^โลน ฯฒฯ ไม้ ม่าย เมี่ยน เยียม.
- ตะฟ่าน เจี๋ย บา^บี^โลน เญย เมี่ยน
กั้ม เหฑีย ไห่,
- หย่า เหว่ย นิ่น เหยียด ฒู้ง หฒุ มุน เญย ต๋อง ฮว้วด นิ่น.
-
14 ``เม่ย บัว เหยียด ฒู้ง แปง จวัง-หฒิน เญย เมี่ยน อ้า!
- ไบ้ เจี๊ยน เว่ย ก๋อม ป๊วน บา^บี^โลน ม่าะ!
- กุ๊น ป๊วน หย่า ไม้ ตู๋ง ค้อ-ฟิ ฟอง,
- เหว่ย หฒุ นิ่น ป์าม ฒุ์ย ต่อง เฒี้ยว.
-
15 อ๋อย หฒุ เยียม นิ่น เญย เปยย ปูง เห่ว,
- นิ่น เหญี่ยม เซวย หมี่ อ๊ะ.
- นิ่น เญย ล่าว บาง เหฌี่ย,
- ฒี่ง หลาด หย่า บาง.
- เหว่ย หฒุ น้าย เซ เฒี้ยว
จ๊าว วิน ปุน นิ่น,
- เม่ย กุ๊น จ๊าว วิน อ๊ะ.
- นิ่น ฮนั้ง หาย นอ โหฒว ปุน เมี่ยน,
- อ๋อย หฒุ ฮนั้ง วั้ว นอ โหฒว ปุน นิ่น.
-
16 เม่ย บัว อ๋อย หฒุ เฒาะ
- เยียม บา^บี^โลน หฒวัง กะน้าย
เญย เมี่ยน
- เหธา นั้น หฑุ ลิ่ม เซียว ธุน-แกง เญย เมี่ยน ไพ กวั่ง.
- เหว่ย เหฒย เมี่ยน วั้ว เต๋ย เญย หฑุ ด๊าว,
- โม์ว เต้า เมี่ยน ฯฒฯ หฑวน นิ่น กั้น เญย แปะ ฝีง,
- เต้าๆ หย่า เปย๋า หฑวน นิ่น กั้น เญย
เต่ย-ปูง.
อิ^สะ^ลา^เอน เมี่ยน หฑวน
กั้น เญย เต่ย-ปูง
-
17 ``อิ^สะ^ลา^เอน เมี่ยน เซ ฮนั้ง
- หฒุ เซี่ยน หฒุ่น หฑาน เญย ปะกี ยู่ง.
- ต้าว ตั้ง อัด^ซี^เลีย ฮู่ง หญั่น นิ่น.
- เซ้ด เมว์ย บา^บี^โลน ฮู่ง,
เน^บู^คัด^เน้ด^ซา,
- ไหฮล นิ่น เญย บู๊ง.''
18 เหว่ย น้าย เน่น เจี๋ย เญย เฒี้ยว,
อิ^สะ^ลา^เอน เญย ทิน-ฮู่ง, ฮนั้ง น้าย ก๊อง,
- ``เยีย ฒู้ง อ๋อย ตี่ง บา^บี^โลน ฮู่ง เหธา นิ่น เญย เต่ย-ปูง เญย ฒุ์ย,
- ฮนั้ง เยีย ตี่ง อัด^ซี^เลีย ฮู่ง เญย ฒุ์ย นอ.
-
19 เยีย ฯฒฯ ต้อ อิ^สะ^ลา^เอน หฑวน นิ่น กั้น เญย เมี้ย-เธี้ยง,
- นิ่น ฯฒฯ เยียม คาน^เมน บง เหธา บา^ซาน หญั่น เมี้ย.
- นิ่น หย่า เยียม เอ^ฟา^อิม บง เหธา กิ^เล^อาด เต่ย ตุ๊ หญั่น เป๊ว.''
-
20 เฒี้ยว
ก๊อง, ``เถา วั้ว เต๋ย ฮนอย-เหญียะ, วั้ว เต๋ย เฒี่ยง โห่,
- เยียม อิ^สะ^ลา^เอน ล์อ ฒุ์ย-หนิบ หย่า ไม้ ม่าย อ๊ะ.
- เยียม ยู^ดา ล์อ ฒุ์ย หย่า ล์อ ไม้ ตุ๊ อ๊ะ.
- เหว่ย หฒุ เยีย อ๋อย กวั่ง เหฑ่ง เยีย เลี่ยว เหฌี่ย เญย เมี่ยน เญย ฒุ์ย.''
ทิน-ฮู่ง ตี่ง บา^บี^โลน เญย ฒุ์ย
-
21 เฒี้ยว
ก๊อง, ``มี่ง เบ๊าะ เม^ลา^ทา^อิม เต่ย-ปูง,
- หย่า เบ๊าะ เป^โขด
เญย แปะ ฝีง,
- อ๋อย หฒุ ไต๋, หฒุ่น เจี๊ยน มี่ง เหมียด เหฑ่ง.
- หฒิว เยีย พ้าย เม่ย เญย เหยียด ฒู้ง หว่า
- อ๋อย หฒุ โหฒว เหฒียง เหฑ่ง.
-
22 เยียม เต่ย-ปูง ม่าย เบ๊าะ จ๋า เญย เฉีย บุย,
- หย่า ม่าย เหมียด เญย สี่ โฮล ไห่.
-
23 ลู่ง เดี๊ย เญย วั้ว นอม เฮลียะ-เฒว่ย
- หฒุ ฮงะ ดุ๊ด แอ๋ง เบ๊าะ ฮู้ หมี่ อ๊ะ.
- บา^บี^โลน เยียม หม่าน กั๊วะ บุด๋ง
- เป๋น แฮะ เมี่ยน กั้ม เหฑีย เญย ต๋อง.
-
24 บา^บี^โลน อ้า! เยีย เหว่ย เม่ย แฒง ฮลาง,
- เม่ย ฯฒฯ หฒุ ฮลบ เจี๊ยน หย่า ไม้ ฮิ้ว
หาย หญู่ง.
- เม่ย หฒุ นิ่น บัว ล์อ ปวัด หย่า หฒุ เฒาะ
หมี่ อ๊ะ,
- เหว่ย หฒุ เม่ย เหธา เฒี้ยว
ต๋อย-เตก แฑง.
-
25 เฒี้ยว
คอย ฆอย นิ่น เบ๊าะ จ๋า เญย จา-สี่ เญย ลั์ม,
- เฒาะ ธ้วด นิ่น เฉีย เจี์ย เจี๊ยน หล่ง เญย หวัวะ กิ่น,
- เหว่ย หฒุ เฒี้ยว, เน่น เจี๋ย เญย ทิน-ฮู่ง,
ม่าย กง โหฒว
- เยียม เคน^เดีย เมี่ยน เญย เต่ย-ปูง.
-
26 เยียม เปยย ปูง ต้าย เบ๊าะ นิ่น
- แอ๋ง คอย นิ่น เญย ลั์ม,
- เฒาะ นิ่น ดุย เจี๊ยน ฮนั้ง เบย้า ดุย นอ.
- เหมียด เหฑ่ง นิ่น,
- ไม้ ตู๋ง เลี่ยว เหยียด เต๋ย.
-
27 ไต๋ เหฑ่ง นิ่น เญย ง่ง โก๊ว,
- ปุน นิ่น บัว เหฌี่ย มี่ง หฒุ ไต๋ ไต่ เญย ต๋อง.
- นิ่น บัว หฒุ โค้ว อ๊ะ,
- เหว่ย หฒุ นิ่น บัว เญย ฮนอย-เหญียะ เถา,
- เถา เฒี่ยง โห่ นิ่น บัว หฒุ ตี่ง ฒุ์ย.
-
28 หมวัง ม่าะ! เมี่ยน เยียม บา^บี^โลน เต่ย-ปูง เปย๋า ธ้วด
- ต้าย เยียม สิ^โอน ก๊อง,
- ` เฒี้ยว,
เยีย บัว เญย ทิน-ฮู่ง, จ๊าว วิน,
- เซ เหว่ย หฒั่ง นิ่น วั้ว นอม เปย๊า จ๊าว วิน.
-
29 ``อ๋อย หฒุ เห่ว ป๊วน จวัง-หฒิน เญย
เมี่ยน ต้าย,
- เซ เหยียด ฒู้ง ไฮ่ ป๊วน
จวัง-หฒิน
เญย เมี่ยน.
- อ๋อย หฒุ เหลียบ เธี้ยง เว่ย ก๋อม ฒี่ง,
- ไม้ ตู๋ง ปุน เหยียด เต้า เมี่ยน เปย๋า ดุ๊ด.
- หฒิว บา^บี^โลน โหฒว เญย สี่ วิ่น ปุน นิ่น.
- นิ่น ฮนั้ง หาย นอ โหฒว ปุน เมี่ยน,
- อ๋อย หฒุ ฮนั้ง วั้ว นอ โหฒว ปุน นิ่น,
- เหว่ย หฒุ นิ่น โหฒว เหมา, แหง่ง เจี๊ยน เฒี้ยว,
- อิ^สะ^ลา^เอน เญย ธีง-เหฑ่ง ทิน-ฮู่ง.
-
30 เหว่ย น้าย นิ่น เญย เมี่ยน หลุน เมี่ยน
- ฯฒฯ เยียม ต้ม หฒวัง หฒ่าม หฒุ ไต๋ ไต่,
- ต้ง วั้ว ฮนอย นิ่น เญย เหยียด ฒู้ง แปง อ๋อย หฒุ เหมียด เหฑ่ง.''
- น้าย เซ เฒี้ยว
ก๊อง เญย หว่า.
31 เฒี้ยว, เน่น เจี๋ย เญย ทิน-ฮู่ง,
ฮนั้ง น้าย ก๊อง,
- ``บา^บี^โลน อ้า!
เม่ย หฒะเก้ง เหมา ไห่.
- เยีย ฯฒฯ เหธา เม่ย ต๋อย-เตก,
- เหว่ย หฒุ เม่ย เญย ฮนอย-เหญียะ เถา อ๊ะ,
- เซ เยีย ตี่ง เม่ย เญย ฒุ์ย เญย เฒี่ยง โห่.
-
32 โหฒว เหมา เญย กั๊วะ
อ๋อย ดิ๊ หฒุ ดอบ,
- หย่า ไม้ ม่าย หาย เต้า เคน นิ่น เจี์ย ซิน.
- เยีย อ๋อย เยียม นิ่น เญย ฒี่ง เตี๊ยม โต์ว,
- โต์ว ฯฒฯ ปั๊ว ชุย
เว่ย ก๋อม นิ่น เญย เหยียด ฒู้ง.''
33 เน่น เจี๋ย เญย เฒี้ยว
ฮนั้ง น้าย ก๊อง,
- ``อิ^สะ^ลา^เอน เมี่ยน หฒุ เหฒย,
- ยู^ดา เมี่ยน ฟี่ ฮนั้ง เญย.
- ธ้าง นิ่น บัว วั้ว เต๋ย
- เญา เจี๊ยน นิ่น บัว,
ไม้ คั้ง ปู๋ง.
-
34 หฒัวะ นิ่น บัว วั้ว เต้า เซ เฮ้น เญย,
- นิ่น เญย บั๋ว เห่ว เน่น เจี๋ย เญย เฒี้ยว.
- นิ่น ด่ง หาย ฒู้ง อ๋อย เถง นิ่น บัว แหธง สี่,
- เหว่ย ปุน ลู่ง เดี๊ย ม่าย แป้ง ออน,
- มป่า ปุน เยียม บา^บี^โลน วั้ว เต๋ย แปะ ฝีง ไม้ แป้ง ออน.''
-
35 เฒี้ยว
ก๊อง,
- ``เคน^เดีย เมี่ยน อ๋อย หฒุ หฑุ ด๊าว อ๊ะ.
- เยียม บา^บี^โลน เญย แปะ ฝีง,
- เลี่ยม นิ่น เญย เจียน เหธา ธง-เม่ง เมี่ยน หย่า อ๋อย หฒุ หฑุ ด๊าว.
-
36 ปุน โบ๊ว กว๋า เมี่ยน
หฒุ หฑุ ด๊าว
- เหว่ย ปุน นิ่น บัว เป๋น กะน้าย-หฮงง.
- ปุน นิ่น เฮ้น เญย แปง หฒุ หฑุ ด๊าว อ๊ะ,
- เหว่ย ปุน นิ่น บัว หฒุ เหมียด.
-
37 ปุน นิ่น เญย ม์า เหธา เบ๊าะ จ๋า เญย ม์า-เธีย
- เหธา เยียม นิ่น บุด๋ง เหยียด ฒู้ง กั้น ฝีง เญย แปง หฒุ หฑุ ด๊าว
- เหว่ย ปุน นิ่น บัว ฮนั้ง มเซียะ ตอน นอ เมา.
- ปุน บา^บี^โลน เหยียด ฒู้ง จ๋าย เญย กะน้าย หฒุ หฑุ ด๊าว อ๊ะ, ฯฒฯ ปุน นิ่น หฒุ ลู้.
-
38 ปุน ลู่ง ฮ์าน ห่อย นิ่น เญย ววม ฆาย เหฑ่ง.
- เหว่ย หฒุ นิ่น เญย เต่ย-ปูง เป๋น หมิ่ว-ฝัง เญย ต๋อง,
- เมี่ยน หลาย อ๋อย หมิ่ว-ฝัง
- ฒู้ง ฮนั้ง ไม้ ฑัง อ๊ะ.
-
39 ``เหว่ย น้าย เต่ย-ปูง-ฮวาง เญย
เฮยี่ย ฒ่อย
- เหธา เฮยี่ย จู๊-เปน
ฯฒฯ เยียม
บา^บี^โลน,
- หย่า ม่าย เหนาะ ล่อ ท่อ เยียม หน่าย.
- วั้ว นอม ฒี่ง เหยียด ลิ์ว ไม้ ม่าย เมี่ยน เยียม,
- เหยียด เสย เหยียด ต่อย ไม้ ม่าย อ๊ะ.''
-
40 เฒี้ยว
ก๊อง,
- ``ฮนั้ง ทิน-ฮู่ง เบี๊ยน โส^โดม
เหธา
โก^โม^ลา เหธา เว่ย ก๋อม เญย ฒี่ง,
- บา^บี^โลน ฟี่ ฮนั้ง เญย ไม้ ม่าย เมี่ยน เยียม หน่าย,
- หย่า ไม้ ม่าย ป้าม เมี่ยน ตี้ง เฒ้บ เยียม
นิ่น กะญั์ว.
-
41 ``หมั่ง ม่าะ! ม่าย เหยียด ฝีง เยียม ป๊ะ ปูง ต้าย,
- เป๋น เหยียด ต้ม กั๊วะ เมี่ยน เหธา ธั้ม-เต้า ฮู่ง เตี๋ย
- เยียม ลู่ง เดี๊ย โก เจี๋ย เญย ต๋อง หฒุ โธะ
เจี์ย ต้าย.
-
42 นิ่น บัว นั้น จวัง-หฒิน เหธา ธัง,
- นิ่น บัว โหย่ว เธี้ยว โหย่ว โตะ,
ไม้ ค้อ-เลี่ยน เมี่ยน.
- นิ่น บัว เญย เฉีย บุย ฮนั้ง ค้อย เจี์ย หล่าง บุย โฒ์ๆ เญย.
- นิ่น บัว เก้ ม์า, ไบ้ เจี๊ยน ต้าย เบ๊าะ จ๋า,
- เหว่ย เบ๊าะ เม่ย บา^บี^โลน.''
-
43 บา^บี^โลน ฮู่ง หมวัง ไฮ์ นิ่น บัว เญย เฝียน,
- นิ่น เญย ปั์ว ฯฒฯ เมา หมี่ อ๊ะ.
- นิ่น เฮญี้ยว หฒะเก้ง! มุน ไห่,
- ฮนั้ง มเซียะ ตอน มุน กู้งว์า นอ.
-
44 ฮนั้ง เซี่ยน เยียม จอ^แดน ด้าย เฮลน เญย หล่ม ต้าย
- ป์อง ว้วน ไห่ เญย ปะกี ยู่ง ล่าน,
- เยีย เลี่ยม เฒ่ย ปุน บา^บี^โลน เมี่ยน
ถิว เปย๋า, เล่ย ฆอย น้าย นอม เต่ย-ปูง.
- เยีย กิ๊น หาย เต้า เยีย ฯฒฯ พ้าย วั้ว เต้า กุ๊น น้าย นอม กั๊วะ.
- ม่าย หาย เต้า ฮนั้ง เยีย? ม่าย หาย เต้า ไฮ่ เห่ว เยีย ต้าย?
- ม่าย หาย เต้า โก๋ว ปะกี ยู่ง เญย เมี่ยน
- ไฮ่ เตี๊ย ตุ๊ โซ้ว เยีย เญย หฑะเฮมียน?''
-
45 ฮนั้ง หน่าย เม่ย บัว อ๋อย หฒุ หมวัง
- เฒี้ยว
ต๊า เญย หฒะเอ๋ย
- เหว่ย เบ๊าะ บา^บี^โลน,
- เหธา นิ่น เบ๊าะ เคน^เดีย เมี่ยน ตี่ง เญย หฒะเอ๋ย.
- นิ่น บัว ไฝ เจี๋ย เญย ปะกี ยู่ง ตอน
- ด่ง หาย ฒู้ง อ๋อย หฒุ ทอ มี่ง.
- นิ่น บัว เญย ปะกี ยู่ง ล่าน ด่ง หาย ฒู้ง อ๋อย หฒุ เหมียด.
-
46 เหว่ย บา^บี^โลน หฒุ เฒาะ เญย เฉีย บุย
- ดั่น เดา ต์ง,
- นิ่น เห่ว เญย เฉีย บุย
- เยียม หม่าน กั๊วะ บุด๋ง หมวัง ตุ๊ ไฮ์.''
