โต่ว หว่า ก๊อง โม^อับ
1 น้าย ก๊อง เถา โม^อับ.
เน่น เจี๋ย เญย เฒี้ยว,
อิ^สะ^ลา^เอน เญย ทิน-ฮู่ง, ฮนั้ง น้าย ก๊อง,
- ``เน^โบ หฒุ โค้ว อ๊ะ, หลาย หฒุ ป่าย ฮวาง หมี่ อ๊ะ.
- คี^ลิ^ยา^ทา^อิม หย่า หฒุ ไญ้, หฒุ เฒาะ หมี่ อ๊ะ.
- เว่ย ว้วน เญย ต๋อง หฒุ ไญ้ หย่า ป่าย หว่าย หมี่ อ๊ะ.
-
2 เยียม น้าย มี่ง ไม้ ม่าย เมี่ยน เธง โม^อับ,
- เยียม เฮ้ด^โบน นิ่น บัว ต๊า หฒะเอ๋ย ห่อย นิ่น,
- หย่า ก๊อง, `ต้าย ม่าะ! บัว เฒาะ นิ่น ไพ กวั่ง, ไม้ ปุน เป๋น กั๊วะ.'
- มัด^เมน มู้ง อ้า! เม่ย หย่า อ๋อย หฒุ เซ้ก เหฑียะ,
- หฑุ ด๊าว ฒู้ง อ๋อย หฒุ่น เม่ย.
-
3 หมวัง ม่าะ! ม่าย เห่ว เญย เฉีย เยียม โฮ^โล^นา^อิม ต้าย ก๊อง,
- `หฒุ ต้ม ป่าย ฮวาง ป่าย หว่าย อ๊ะโล่ะ!'
-
4 โม^อับ หฒุ เหมียด หมี่ อ๊ะ!
- ม่าย เญี้ยม เญย เฉีย
เถา โส^อา.
-
5 เมี่ยน ฝาว ลู^หิด เญย ฒอง,
- นิ่น บัว เหยียด ปิ่น มี่ง, เหยียด ปิ่น เญี้ยม,
- เหว่ย หฒุ เยียม โฮ^โล^นา^อิม เหฌี่ย เจี๋ย เญย ต๋อง
- ไฮ์ หลาย หฒุ ป่าย หว่าย เญี้ยม โค้ว เญย เฉีย.
-
6 เปย๋า ม่าะ! เหฌียว เม่ย บัว กั้น เญย แหม่ง.
- อ๋อย หฒุ โหฒว ฮนั้ง เฮยี่ย ล่อ เยียม เต่ย-ปูง-ฮวาง.
-
7 เหว่ย หฒุ เม่ย เขา กั้น เว่ย ว้วน เญย ต๋อง
- เหธา กั้น เญย ฒิ่น ฒ่อย,
- เม่ย กั้น หย่า อ๋อย หฒุ เฒาะ.
- เค^โม้ด เฒี่ยน อ๋อย หฒุ กว๊าด มี่ง,
- เหธา เจี๊ยน นิ่น เญย ไซ เมี่ยน เหธา เจียน.
-
8 โหฒว เหมียด วั้ว เต้า อ๋อย เถา นอมๆ ฒี่ง,
- ไม้ ม่าย เหยียด นอม ฒี่ง เปย๋า ตุ๊ ดุ๊ด.
- ฮ์อง หย่า อ๋อย หฒุ เหมียด,
- เดา-แป้ง หย่า หฒุ ป่าย หว่าย,
- ฮนั้ง เฒี้ยว
ก๊อง นอ.
-
9 เฒาะ ด๊าด ปุน โม^อับ,
- เหว่ย หฒุ นิ่น อ๋อย ได๋ มี่ง,
- นิ่น เญย ฒี่ง อ๋อย หฒุ เป๋น ป่าย ฮวาง
เญย ต๋อง,
- ไม้ ม่าย เมี่ยน เยียม.
-
10 เหลว่ย ไม้ โหฒว เฒี้ยว
เญย กง วั้ว เต้า หฒุ เหฒียว อ๊ะ.
- ไม้ หล่ง หฑุ ด๊าว ปุน ฑย้าม เหลี่ยว ธ้วด วั้ว เต้า หฒุ เหฒียว อ๊ะ.
โม^อับ เญย ฒี่ง หฒุ ป่าย หว่าย
-
11 ``เยียม โม^อับ หลุน เญย เฒี่ยง โห่ เถา อี้ หฒั่น คู่ เยียม เญย,
- ฮนั้ง ติ๊ว เหฒ่ง เหฌี่ย เญย ติ๊ว-ฒา.
- นิ่น ไม้ เฒ์ย หฒุ เยียม น้าย นอม แป้ง โต๋ เหฌี่ย วั้ว นอม,
- นิ่น หย่า ไม้ หฒุ กว๊าด มี่ง.
- เหว่ย น้าย นิ่น เญย เหมวย หธ่อ เยียม เญย,
- นิ่น ดาง เญย เฉีย หย่า ไม้ ก๊อย เหยี่ยน.''
-
12 เฒี้ยว
ก๊อง, ``เหว่ย น้าย ฮนอย-เหญียะ อ๋อย เถา,
- เยีย ฯฒฯ พ้าย โต๋ เญย เมี่ยน มี่ง โต๋ นิ่น,
- โต๋ ธ้วด นิ่น ฒ่าง เญย กะน้าย,
- แอ๋ง เบ๊าะ นิ่น เญย แป้ง ฮู้ หม่วน.
-
13 โม^อับ เมี่ยน ฯฒฯ เหว่ย เค^โม้ด เฒี่ยน ไญ้
- ฮนั้ง ฒิ่น ด่าง อิ^สะ^ลา^เอน เมี่ยน เขา เบด^เอน เฒี่ยน
- ฯฒฯ หฒุ ไญ้ หมี่ อ๊ะ.
-
14 ``เม่ย บัว ฮนั้ง หาย นอ ไฮ่ ก๊อง,
- `เยีย บัว โหฒว จุน-เฒ้ย เมี่ยน
- หย่า โหฒว เบ๊าะ จ๋า เฮ้น เญย แปง'?
-
15 โหฒว หว่าย โม^อับ เหธา โม^อับ เญย ฒี่ง วั้ว เต้า ฝาว ต้าย,
- กิ๊น ต้าย เก้า หลง เจี๋ย เญย เมี่ยน หลุน เมี่ยน เหฌี่ย มี่ง หฒุ ไต๋ ไต่.''
- น้าย เซ ฮู่ง เตี๋ย, ต้ง ม่าย บั๋ว เห่ว เน่น เจี๋ย เญย เฒี้ยว,
ก๊อง เญย หว่า.
-
16 โม^อับ หฒุ เหฒะ หน่าน เญย เฒี่ยง โห่ เถา ฟัด อ๊ะ.
- นิ่น หฒุ เญย โค้ว หน่าน อ๋อย เซี้ยบๆ เญย เถา.
-
17 ตะฟ่าน เว่ย ก๋อม นิ่น,
- หย่า ฮิ้ว ตุ๊ นิ่น เญย เม่ง เญย เหยียด ฒู้ง เมี่ยน
- เม่ย บัว อ๋อย หฒุ เหว่ย นิ่น เฮญี้ยว มุน. อ๋อย ฒุ ก๊อง,
- `ม่าย ชะ เญย วั้ว ติ้ว ฮู่ง ปย๊า เน้า หมี่ อ๊ะ,
- เซ วั้ว ติ้ว ฌัง-หล่าง เญย ปย๊า.'
-
18 ``ดี^โบน เมี่ยน อ้า!
- เยียม เม่ย ฌัง-หล่าง เญย ต๋อง เหฌี่ย
ต้าย ม่าะ!
- เฒว์ย เจี๊ยน บ๋อง ฆาย เญย เดา.
- เหว่ย หฒุ เหมียด โม^อับ วั้ว เต้า ต้าย เบ๊าะ เม่ย อ๊ะ.
- นิ่น ฒู้ง ป่าย หว่าย เม่ย เว่ย ว้วน เญย ต๋อง.
-
19 อา^โล^เอ เมี่ยน อ้า!
- โซ้ว เจี๊ยน เจ๊า-เฮลน หมั่ง ม่าะ!
- หน่าย เปย๋า ต้าย เญย มจั่ง ตอน,
- เหธา เปย๋า ดุ๊ด เญย มเซียะ ตอน,
- `ม่าย หาย หญู่ง สี่ ธ้วด?'
-
20 โม^อับ หฒุ ไญ้ เหว่ย หฒุ นิ่น บ๋าย หมี่ อ๊ะ.
- อ๋อย หฒุ เญี้ยม หย่า เห่ว บุย.
- เยียม วั้ว อาน^โนน ด้าย เฮลน ฒุ่น ก๊อง,
- โม^อับ หฒุ ป่าย ฮวาง หมี่ อ๊ะ.
-
21 เดา-แป้ง เญย ต๋อง หฒุ ตี่ง ฒุ์ย.
- ม่าย โฮ^โลน เหธา ยา^ซา เหธา เม^ฟา^อาด
-
22 เหธา ดี^โบน เหธา เน^โบ เหธา เบด^ดิบ^ลา^ทา^อิม
-
23 เหธา คี^ลิ^ยา^ทา^อิม เหธา เบด^กา^มุน เหธา เบด^เม^โอน
-
24 เหธา เค^ลิ^โอด เหธา โบ^ซา^ลา
- เหธา โม^อับ เต่ย เญย นอมๆ ฒี่ง ไม้ กุ๊น โก ไฟ ฟัด.
-
25 โม^อับ เต่ย เญย ชะ ป่า หมี่ อ๊ะ.
- นิ่น เญย ปั์ว หย่า เน้า หมี่ อ๊ะ.''
- น้าย เซ เฒี้ยว
ก๊อง เญย หว่า.
โม^อับ หฒุ ฒัด เหฌี่ย
-
26 ``อ๋อย หฒุ ปุน โม^อับ ติ๊ว ฆวิน,
- เหว่ย หฒุ นิ่น เธง-โฮล แหง่ง เฒี้ยว.
- นิ่น ฯฒฯ หฌัง เจี๊ยน นิ่น โล้ ธ้วด เญย กะน้าย.
- นิ่น หย่า หฒุ เมี่ยน ฮว้วด.
-
27 โม^อับ อ้า! เม่ย ไม้ เฒ์ย จั๊ด อิ^สะ^ลา^เอน ไฟ?
- เม่ย ปวัด นิ่น เยียม จั๋น-หฒะ บุด๋ง
- หธีง ต้าย หาย หฒั่น ก๊อง เถา นิ่น เม่ย หฮวัง มฆ้อง ไฟ?
-
28 โม^อับ เญย แปะ ฝีง อ้า!
- เม่ย บัว อ๋อย หฒุ เปย๋า ธ้วด ฒี่ง
- มี่ง เยียม หละเปย๊ย-แบ๋ง.
- อ๋อย หฒุ ฮนั้ง แปะ ก๊บ โหฒว เล์า
- เยียม แบ๋ง-ค้วด เญย ฑุ่ย.
-
29 ``เยีย บัว ไฮ์ ก๊อง โม^อับ เมี่ยน เหมา,
- เซ หฒะเก้ง เหมา ไห่.
- เยีย บัว ไฮ์ ก๊อง นิ่น ปู๋ง หว่า-เหมา, เธง-โฮล, เหมา ไห่,
- เฮญี้ยว หย่า ท่าย กั้น.''
-
30 เฒี้ยว
ก๊อง, ``เยีย ฮิ้ว ตุ๊ นิ่น เธง-โฮล
เญย เจ๊า,
- นิ่น ปู๋ง หว่า-เหมา มป่า จ๊า เญย,
- นิ่น โหฒว เญย สี่ หย่า ไม้ เฒียน.
-
31 เหว่ย น้าย เยีย เหว่ย โม^อับ เญี้ยม,
- เหว่ย เหยียด ฒู้ง โม^อับ เต่ย-ปูง
เยีย เห่ว ธ้วด.
- เยีย หย่า เหว่ย คีน^หะ^เล^เซ้ด เมี่ยน
เฑ่า เญี้ยม.
-
32 สิบ^มา เญย อะหงุ่น เฮมย อ้า!
- เยีย เหว่ย เม่ย เญี้ยม เก้า ธั้ม เหว่ย
ยา^เซ เญี้ยม.
- เม่ย เญย ฆว่า ธุ้น เจี๋ย ค้อย,
- แอ๋ง ด๊าว มี่ง เถา ยา^เซ เญย ค้อย.
- โหฒว เหมียด วั้ว เต้า ต้าย เบ๊าะ
- เม่ย เญย ฆาย กอง เปี๊ยว
- เหธา เซียว ต้าย เญย อะหงุ่น เปี๊ยว.
-
33 เยียม โม^อับ เญย เดา-จุ่น,
- เฌียน-โย่ว ออน-เหลาะ เญย เฉีย หฒุ เฒาะ หมี่ อ๊ะ.
- เยีย ปุน เญว่ย อะหงุ่น ติ๊ว เญย ฒ่อง ไม้ ม่าย ติ๊ว เหลี่ยว ธ้วด.
- ไม้ ม่าย หาย เต้า เฌียน-โย่ว เญย เญว่ย อะหงุ่น เปี๊ยว.
- เห่ว เญย เฉีย ไม้ เฒ์ย เฌียน-โย่ว
เญย เห่ว.
-
34 ``เฮ้ด^โบน เมี่ยน เหธา เอ^เล^อา^เล เมี่ยน เห่ว ธ้วด,
- เห่ว เญย เฉีย ฒู้ง มี่ง เถา ยา^ฮ้าด,
- หย่า แอ๊ง มี่ง เถา โส^อา,
- เถา โฮ^โล^นา^อิม เหธา
เอก^ลัด^เซ^ลี^ซี^ยา,
- เหว่ย หฒุ เลี่ยม นิม^ลิม เญย ววม ฆาย เหฑ่ง.''
-
35 เฒี้ยว
ก๊อง, ``เยีย อ๋อย ปุน โม^อับ เต่ย-ปูง,
- เยียม ฮลัง เญย ต๋อง ฝ่ง ห่อ เหฒี่ย
- หย่า ปั๊ว ฮูง ปุน นิ่น บัว เญย เฒี่ยน วั้ว เต๋ย หฒุด หมี่ อ๊ะ.
-
36 ฮนั้ง หน่าย เยีย เญย เฮญี้ยว เหว่ย โม^อับ เมี่ยน ฌุ่น เญย เฉีย ฮนั้ง เฮล้า-ด้ง หนู.
- เยีย เญย เฮญี้ยว หย่า เหว่ย
คีน^หะ^เล^เซ้ด เมี่ยน ฌุ่น ฮนั้ง
เฮล้า-ด้ง หนู.
- นิ่น บัว ตุ๊ เญย ฒิ่น ฒ่อย หย่า หฒุ เหมียด เหฑ่ง.
-
37 เต้าๆ เมี่ยน เญย มฆ้อง เถย ฌัง,
- เต้าๆ เญย ซยาม หย่า จั๊บ เหฑ่ง,
- เหยียด ฒู้ง ปั์ว ม่าย ก๊าด มุน เญย ต๋อง,
- จ๊าย หย่า ไซ เจี๊ยน ล่าม่า เดีย-โธว.
-
38 เยียม โม^อับ เญย นอมๆ เปย๊า-ง่อ
กู้ หงว่าย
- เหธา เหยียด ฒู้ง ต้ม หฒวัง หฒ่าม
- ขูง ม่าย เฑ่า เญี้ยม เญย เฉีย,
- เหว่ย หฒุ เยีย เบ๊าะ โม^อับ ฮู้,
- ฮนั้ง เบ๊าะ ฮู้ ไม้ ม่าย เมี่ยน อ๋อย เญย จา-ต๋อง.''
- น้าย เซ เฒี้ยว
ก๊อง เญย หว่า.
-
39 ``โม^อับ หฒะเก้ง ฮู้ อ๊ะ!
- นิ่น บัว หฒะเก้ง เฑ่า เญี้ยม อ๊ะ!
- โม^อับ ไญ้ ไห่ ฯฒฯ ฮวิน ฆาง หมี่ อ๊ะ.
- ฮนั้ง หน่าย โม^อับ หฒุ เว่ย ก๋อม เญย เมี่ยน จั๊ด หย่า กั้ม เหฑีย.''
โม^อับ ไม้ ม่าย เจ๊า เปย๋า
40 เฒี้ยว
ฮนั้ง น้าย ก๊อง,
- ``ม่าย เต้า ฮนั้ง ต้ม จ๊าง นอ, ได๋ ต้าย เซี้ยบ เญย,
- ฯฒฯ ยัง ฆอย ด๊าด เบ๊าะ โม^อับ.
-
41 ฒี่ง อ๋อย หฒุ เฒาะ,
- เว่ย ว้วน เญย ต๋อง หย่า หฒุ ธ้าง.
- เถา วั้ว ฮนอย โม^อับ เบ๊าะ จ๋า เฮ้น เญย แปง เญย เฮญี้ยว,
- ฮนั้ง มเซียะ ตอน มุน กู้งว์า นอ.
-
42 โม^อับ ฯฒฯ หฒุ ป่าย หมี่ อ๊ะ,
- ไม้ ตุ๊ แอ๋ง เป๋น กั๊วะ,
- เหว่ย หฒุ นิ่น เธง-โฮล แหง่ง เฒี้ยว.
''
-
43 เฒี้ยว
ก๊อง, ``โม^อับ เมี่ยน อ้า!
- กั้ม เหฑีย เญย สี่ เหธา ดั๊ว เมี่ยน ด๊อด เญย ค้วด
- เหธา ฮลบ เมี่ยน เญย ฮลาง เยียม เม่ย บัว เญย หฑะเฮมียน.''
-
44 ``หาย เต้า เปย๋า กั้ม เหฑีย เญย สี่ ฯฒฯ ด๊อด ค้วด,
- หาย เต้า ญอง ธ้วด ค้วด ฯฒฯ หฒุ ฮลาง ฮลบ,
- เหว่ย หฒุ โม^อับ หฒุ ตี่ง ฒุ์ย วั้ว หฮญัง,
- เยีย อ๋อย ปุน นิ่น บัว หฒุ น้าย เต๋ย สี่.''
- น้าย เซ เฒี้ยว
ก๊อง เญย หว่า.
-
45 ``เปย๋า เญย เมี่ยน มี่ง โซ้ว เจี๊ยน ฮนั้ง ไม้ ม่าย ชะ นอ,
- เยียม เฮ้ด^โบน ฒี่ง เญย ต้ง ลิ่น กะเดี๊ย.
- เหว่ย หฒุ ม่าย โต์ว เยียม เฮ้ด^โบน ธ้วด,
- สิ^โหน เญย ติ่น ธ้วด โต์ว-เบียด,
- ปั๊ว หว่าย โม^อับ เญย ปย้อง
- เหธา เหธว หลุ่น เมี่ยน เญย มฆ้อง-แป้ง.
-
46 โม^อับ อ้า! เม่ย หฒุ โค้ว อ๊ะ.
- ป๋าย เค^โม้ด เฒี่ยน เญย เมี่ยน หฒุ เหมียด หมี่ อ๊ะ.
- เหว่ย หฒุ เม่ย เญย ตอน บัว หฒุ กว๊าด มี่ง,
- เม่ย เญย เซียะ หย่า หฒุ กว๊าด มี่ง หมี่ อ๊ะ.
-
47 มป่า เถา เซ้ด เมว์ย เญย ฮนอย-เหญียะ
- เยีย แอ๋ง อ๋อย ปุน โม^อับ ตุ๊ หลง ฮนั้ง โล์ วั้ว นอ.''
- เฒี้ยว
ฮนั้ง น้าย ก๊อง.
โม^อับ หฒุ ตี่ง ฒุ์ย เญย หว่า ตอง น้าย อ๊ะ.
