เห่ว อิ^สะ^ลา^เอน เมี่ยน
ก๊อย เฮญี้ยว หฑวน
-
1 เฒี้ยว
ก๊อง, ``อิ^สะ^ลา^เอน อ้า!
- สี ก๊อง เม่ย อ๋อย หฑวน,
- หฑวน ต้าย ล์อ เยีย ม่าะ!
- สี ก๊อง เม่ย เฒาะ ธ้วด เม่ย กั้ม เฑี้ย เญย กะน้าย
- ไม้ ปุน เยียม เยีย เญย หฑะเฮมียน,
- เม่ย หย่า ไม้ ฮลู่ง ฮล้วด,
-
2 สี ก๊อง เม่ย หย่า เขา เฒียน เล์ย, แป้ง ฟิม เญย, เฮญี้ยว หฒีง เญย
- เฒี้ยง เจี๊ยน เฒี่ยง เจี๊ยน เญย เฒี้ยว
โฮ้ว หว่า,
- หม่าน กั๊วะ เมี่ยน ฯฒฯ เขา นิ่น ตุ๊ ฟุ,
- นิ่น บัว หย่า อ๋อย ท่าย นิ่น.''
3 เฒี้ยว
ฮนั้ง น้าย ก๊อง บั๋ว ยู^ดา เหธา เยียม เย^ลู^ซา^เลม เญย เมี่ยน,
- ``อ๋อย หฒุ ฒะ เม่ย บัว เญย เด่ย-ฮลู้ง,
- หย่า ไม้ ตู๋ง ฮ์า ญิม เยียม ฌิ้ม-หล่ม กะญั์ว.
-
4 ยู^ดา เมี่ยน เหธา เยียม เย^ลู^ซา^เลม เญย เมี่ยน อ้า!
- เม่ย บัว อ๋อย หฒุ เจี๋ย ก๊าด เญย เล์ย
ฝูง ปุน เฒี้ยว,
- หย่า อ๋อย หฒุ จั๊ม เฮญี้ยว,
- เหฑีย หลาย เม่ย บัว โหฒว เญย เอ๊าะ สี่,
- เยีย เญย กะเฉีย ไฮ่ แป๊ด ธ้วด ฮนั้ง โต์ว นอ หฌบ ต้าย,
- หย่า ไม้ ม่าย เมี่ยน ไฮ่ เบ๊าะ ไต่.
ยู^ดา อ๋อย หฒุ ป๊ะ ปูง
ต้าย เญย เหฒะ หน่าน
-
5 ``อ๋อย หฒุ เยียม ยู^ดา ก๊อง หย่า เยียม เย^ลู^ซา^เลม ฒุ่น ก๊อง,
- `อ๋อย หฒุ ปย๊ม จอง ก๋อม เต่ย-ปูง' แอ๋ง ชะ เห่ว เฉีย บุย เญย ก๊อง,
- `กั๊บ ฒุ้น ต้าย ม่าะ! บัว อ๋อย หฒุ เปียะ เว่ย ว้วน เญย ฒี่ง.
-
6 อ๋อย หฒุ หูง เจี๊ยน สิ^โอน
เธีย เก้,
- อ๋อย หฒุ ก๊าน เปย๋า, ไม้ ตู๋ง ไง่ เหว่ย
เปย๋า ดุ๊ด,
- เหว่ย หฒุ เยีย ต้อ เธี้ยว เญย เหฒะ หน่าน
- เหธา ปุน เมี่ยน หฒุ เหมียด เญย ต้ม สี่ เยียม ป๊ะ ปูง ต้าย.''
-
7 ม่าย เซี่ยน เยียม นิ่น ปี๋ง เญย หล่ม-เบยาะ ธ้วด ต้าย,
- ป่าย หว่าย กั๊วะ วั้ว เต้า หย่า ธ้วด เจ๊า.
- นิ่น เยียม นิ่น เญย ต๋อง ธ้วด มี่ง,
- เหว่ย ปุน เม่ย เญย เต่ย-ปูง เป๋น ป่าย ฮวาง เญย ต๋อง.
- เม่ย เญย ฒี่ง ฯฒฯ เป๋น บาง หว่าย เญย ฒี่ง,
- ไม้ ม่าย หาย เต้า เยียม.
-
8 เหว่ย น้าย เม่ย บัว อ๋อย หฒุ ไซ เจี๊ยน ล่าม่า เดีย-โธว,
- เญี้ยม เจี๊ยน เห่ว เฉีย บุย เญย,
- เหว่ย หฒุ เฒี้ยว
หธ่อ หฒะเก้ง! เฉีย เจี์ย ไห่ เยีย บัว,
- ไม้ ฮวิน กั้น ปูง.''
-
9 เฒี้ยว
ก๊อง, ``เถา วั้ว ฮนอย
- ฮู่ง เตี๋ย เหธา เจียน บะฑิว หยุ,
- ไซ เมี่ยน กั้ม เหฑีย,
- โต่ว หว่า เมี่ยน หย่า บัวะ ฮ่อง ไห่.''
10 เยีย ฯฒฯ ก๊อง, ``เฒี้ยว ทิน-ฮู่ง
อ้า! เม่ย หฒะเก้ง ดั๊ว น้าย เต๋ย แปะ ฝีง เหธา เย^ลู^ซา^เลม เมี่ยน เหฑ่ง, เหว่ย หฒุ เม่ย ก๊อง, `เม่ย บัว อ๋อย ตุ๊ เยียม หลง.' ต๋าว หฑวน หฑุ ด๊าว ฒู้ง ห่อย เจี๊ยน นิ่น บัว เญย แหม่ง อ๊ะ.''
11 เถา วั้ว หฒั่น ม่าย หว่า บั๋ว น้าย เต๋ย แปะ ฝีง เหธา เย^ลู^ซา^เลม, ``ม่าย หฑยาว-จอม เยียม เต่ย-ปูง-ฮวาง ฮลัง, ฌัง เญย ต๋อง หูง เจี๊ยน เยีย เญย หฒวัง แปะ ฝีง,
ไม้ เฒ์ย เหว่ย ป่วน เหมา เญย กะน้าย ธ้วด ไฟ ปุน ธีง-เหฑ่ง.
12 ฒู้ง อ๋อย ม่าย ต้ม หฑยาว เก้า โฮล เจี๋ย หน่าย หฒิว เยีย หัด เญย หว่า ป่วน ต้าย. อี้ หฒั่น เยีย กั้น ก๊อง ธ้วด หว่า ตี่ง นิ่น บัว เญย ฒุ์ย.''
-
13 หมั่ง ม่าะ! นิ่น
ฝาว ต้าย ฮนั้ง บ๋วน,
- นิ่น เบ๊าะ จ๋า เญย ม์า-เธีย ฮนั้ง หฑยาว-หฒุ่น,
- นิ่น เญย ม์า เก้า เซี้ยบ ต้ม จ๊าง.
- เยีย บัว หฒุ โค้ว อ๊ะ, เหว่ย หฒุ เยีย บัว หฒุ ป่าย เหฑ่ง.
-
14 เย^ลู^ซา^เลม อ้า! อ๋อย หฒุ หฑาว เหฑ่ง เฮญี้ยว กะญั์ว เญย เอ๊าะ สี่
- เหว่ย ปุน เม่ย ตุ๊ เหฌียว.
- เม่ย ฮนั้ม ธ้วด เอ๊าะ เญย เจ๊า
- อ๋อย เยียม เม่ย เญย เฮญี้ยว
เถา หาย หฒั่น?
-
15 ม่าย เฉีย เยียม ดาน ฒุ่น ย่าง,
- เยียม เอ^ฟา^อิม บง ฒุ่น ก๊อง เธี้ยว เญย สี่.
-
16 ``อ๋อย หฒุ ฒุ่น บั๋ว
หม่าน กั๊วะ เมี่ยน, วิน-วั้ง อ๋อย ต้าย,
- หย่า ก๊อง บั๋ว เย^ลู^ซา^เลม,
- `ม่าย วิน-วั้ง เยียม โก เญย เต่ย-ปูง ต้าย
เว่ย ก๋อม
- เหน่า ยู^ดา เญย ฒี่ง.
-
17 นิ่น บัว เว่ย เจี๊ยน เย^ลู^ซา^เลม ฮนั้ง ฒั้ว เด่ย เมี่ยน ฒั้ว เด่ย,
- หลาย ยู^ดา แหง่ง เยีย.'''
- น้าย เซ เฒี้ยว
ก๊อง เญย หว่า.
-
18 ``เม่ย เญย เจ๊า เหธา เม่ย โหฒว เญย,
- ปุน เม่ย หฒุ น้าย เต๋ย สี่.
- น้าย เซ เม่ย หฒุ เหมียด เญย เจ๊า หย่า หฒะเก้ง อิม ไห่,
- ฒู้ง โค้ว เถา เม่ย เญย เฮญี้ยว อ๊ะ.''
เย^เล^มี เหว่ย
นิ่น เญย เมี่ยน เฑ่า
-
19 เยีย โค้ว! ไห่. เยีย หฒะเก้ง! โค้ว ไห่.
- มุน เกา, เตี๊ย ไม้ ฮี่ง.
- เยีย เญย เฮญี้ยว มุน ตุ๊ โค้ว ไห่,
- บะฑิว บกๆ เญย ต์ง ตุ๊ เสย ไห่.
- เยีย ไม้ ไฮ่ เซ้ก,
- เหว่ย หฒุ เยีย ไฮ์ ปย๊ม จอง เญย เฉีย บุย,
- เป๋น อ๋อย เบ๊าะ จ๋า เญย เฉีย.
-
20 เหฒะ หน่าน หฑิบ เจี๊ยน เหฒะ หน่าน ต้าย,
- เฒี่ยง นอม เต่ย-ปูง หฒุ ป่าย ฮวาง.
- เยีย เญย ด๊บ-ลิ่ว เลี่ยม เฒ่ย หฒุ เหมียด,
- เหยียด ซี่ เกน ฮนั้ง เยีย เญย แบะ แก้ง เดีย ฮู้ เหฑ่ง.
-
21 เยีย อ๋อย หฒุ หมั่ง วั้ว คว้าย เก้
- แอ๋ง หมวัง จอง เญย เฉีย บุย ด่ง หาย เล่า?
-
22 เฒี้ยว
ก๊อง, ``เยีย เญย แปะ ฝีง หฮงง,
- ไม้ ฮิ้ว ตุ๊ เยีย.
- นิ่น บัว เซ ไม้ ฮิ้ว หาย หญู่ง เญย น่าม โญ์ว,
- ไม้ เปียะ เฮญี้ยว หาย หญู่ง.
- โหฒว หว่าย เญย เจ๊า นิ่น บัว ไฮ่ ไห่,
- มป่า นิ่น บัว ไม้ ฮิ้ว ตุ๊ ฮนั้ง หาย นอ
โหฒว หลง.''
เย^เล^มี ปวัด หิ่น ย่าง เถา
ฆะฮ้า ฮี้ง หฒุ เหมียด เญย เจ๊า
-
23 เยีย หมั่ง เดา-เป้ย หย่า ปวัด ขูงๆ ฮวางๆ วั้ว.
- เยีย หมั่ง ลู่ง, เยียม หน่าย หย่า ไม้ ม่าย ฌัง.
-
24 เยีย หมั่ง ต้ม บง หย่า ปวัด ต์ง เหฑ่ง,
- เหยียด ฒู้ง บง-ตอน หย่า ไล่ มี่ง ไล่ ต้าย.
-
25 เยีย หมั่ง, ปวัด ไม้ ม่าย เหยียด ล่าน เมี่ยน,
- ด๊าม-ลู่ง เญย เหยียด ฒู้ง เหนาะ หย่า เปย๋า เหฑ่ง.
-
26 เยีย หมั่ง หย่า ปวัด เดา-จุ่น
- เป๋น เต่ย-ปูง-ฮวาง.
- เต่ย-ปูง เญย เหยียด ฒู้ง ฒี่ง
- เยียม เฒี้ยว
เญย หฑะเฮมียน,
- ต๋อย นิ่น เฉีย เจี์ย! ไห่ เญย เฒี่ยง โห่, หฒุ ป่าย หว่าย.
27 เฒี้ยว
ฮนั้ง น้าย ก๊อง,
- ``ลู่ง เดี๊ย เดา-เป้ย อ๋อย เป๋น หฒุ ป่าย ฮวาง เญย ต๋อง.
- ไม้ กุ๊น ฮนั้ง หน่าย, เยีย หย่า ไม้ เหมียด เหฑ่ง.
-
28 เหว่ย น้าย เต๋ย สี่ เดา-เป้ย ฯฒฯ
เฑ่า เญี้ยม,
- กู้ หงว่าย ลู่ง อ๋อย เจี๊ยะ มี่ง,
- เหว่ย หฒุ เยีย ก๊อง ลิ์ว อ๊ะ,
เยีย ตี่ง เหฒียง,
- เยีย ไม้ ก๊อย เหยี่ยน, ฒู้ง ไม้ ก๊อย หฑวน.''
-
29 ไฮ์ เก้ ม์า แปง เหธา ป๊วน จวัง-หฒิน เญย เฉีย บุย,
- นอมๆ ฒี่ง เญย เมี่ยน เปย๋า.
- นิ่น บัว เปียะ หล่ม-เบยาะ, ญอง ฝาว หละเปย๊ย,
- นอมๆ ฒี่ง หฒุ กวั่ง ฮวาง,
- ไม้ ม่าย เหยียด ล่าน เมี่ยน เยียม กะญั์ว.
-
30 เม่ย หฒุ ป่าย ฮวาง วั้ว เต้า อ้า!
- เม่ย ฝู่ง ฒุ ลุย-ซิ,
- หย่า ฒอง เจี๊ยน เจียม เญย เซียว-เซ้ด,
- หย่า หล่ง เซ้ด ฑ้าด มฒีง เหว่ย ปุน
มฒีง โฮล?
- เม่ย ฒอง กั้น เหฑว่ย หย่า ไม้ ลั่ม หล่ง.
- ฮนั้ม เม่ย วั้ว เต๋ย หมั่ง เผีย เม่ย,
- ฒู้ง อ๋อย เฒาะ เม่ย เญย แหม่ง.
-
31 เยีย ไฮ์ เฉีย เห่ว ฮนั้ง มเซียะ ตอน มุน กู้งว์า,
- มุน โค้ว ฮนั้ง ยู์ง ต้าว ทอย กู้งว์า.
- เซ สิ^โอน ฒี่ง
เญย เฉีย อ๊า ลั่ม หฒุด เญย เฒี่ยง โห่ เห่ว เจี๊ยน,
- หย่า ซูง เจี๊ยน ปั์ว ก๊อง,
- ``เยีย หฒุ โค้ว อ๊ะ.
- เยีย ตอง เจี๊ยน ไต๋ เมี่ยน เญย เมี่ยน เญย หฑะเฮมียน ฯฒฯ เม่ย อ๊ะ.''
