1 ยู^ดา เญย ฮู่ง, โย^สิ^ยา เญย ตอน, เย^โฮ^ยา^คิม, โหฒว ฮู่ง ตะเฝย หฮญัง, เซ บา^บี^โลน เญย ฮู่ง, เน^บู^คัด^เน้ด^ซา, ตุ๊ โหฒว ฮู่ง ต้าว หฮญัง, เย^เล^มี ตุ๊ ฒิบ เฒี้ยว * เญย หว่า ก๊อง เถา ยู^ดา เญย เหยียด ฒู้ง เมี่ยน. * 2 โต่ว หว่า เมี่ยน, เย^เล^มี, เฒาะ น้าย เต๋ย หว่า บั๋ว ยู^ดา เญย หฒวัง เมี่ยน เหธา เยียม เย^ลู^ซา^เลม เญย หฒวัง แปะ ฝีง. 3 นิ่น ก๊อง, ``เยียม ยู^ดา เญย ฮู่ง, อา^โมน เญย ตอน, โย^สิ^ยา, โหฒว ฮู่ง เหฒียบ ฟาม หฮญัง วั้ว หฮญัง เถา อี้ ฮนอย เป๋น หญี่ เหฒียบ ฟาม หฮญัง, เยีย ตุ๊ ฒิบ เฒี้ยว เญย หว่า หย่า หฒั่นๆ บั๋ว เม่ย บัว, มป่า เม่ย บัว ไม้ หมวัง.
4 ``เม่ย บัว ไม้ หมวัง หย่า ไม้ แปง มน่อม หมวัง, ไม้ กุ๊น เฒี้ยว ไม้ ตี้ง เลี่ยว เญย พ้าย นิ่น เญย โปว, เซ หฒวัง โต่ว หว่า เมี่ยน, ต้าย ล์อ เม่ย บัว, 5 ก๊อง, `เม่ย บัว เก๊าะ-เมี่ยน อ๋อย หฒุ กวั่ง ฆอย กั้น โหฒว เอ๊าะ เญย เจ๊า เหธา โหฒว เญย หว่าย สี่. เม่ย บัว ฯฒฯ ตุ๊ เยียม เจี๊ยน เฒี้ยว โล์-ฮนอย จิว ปุน เม่ย บัว เหธา เม่ย บัว เญย อง-ถาย เญย เต่ย-ปูง เถา เหยียด ลิ์ว. 6 ไม้ ตู๋ง มี่ง กัน เหญี่ย เญย เฒี่ยน เหว่ย ฟู-สู, ป๋าย, ไฟ หล่ง เม่ย บัว เญย ปั์ว โหฒว เญย กง ธัวะ เยีย เฉีย เจี์ย. ฮนั้ง หน่าย เยีย ฯฒฯ ไม้ ห่อย เม่ย บัว.'''
7 เฒี้ยว ก๊อง, ``มป่า เม่ย บัว ไม้ หมวัง เยีย. เม่ย บัว หล่ง เม่ย บัว เญย ปั์ว โหฒว เญย กง ธัวะ เยีย เฉีย เจี์ย, หย่า ห่อย เม่ย บัว กั้น.''
8 เหว่ย น้าย เน่น เจี๋ย เญย เฒี้ยว ฮนั้ง น้าย ก๊อง, ``หลาย เม่ย บัว ไม้ หมวัง เยีย เญย หว่า, 9 เยีย ฯฒฯ เห่ว ป๊ะ ปูง เญย หฒวัง ฝีง เหธา เยีย เญย โปว, บา^บี^โลน ฮู่ง, เน^บู^คัด^เน้ด^ซา, ต้าย เบ๊าะ น้าย นอม เต่ย-ปูง เหธา เยียม เต่ย-ปูง เญย แปะ ฝีง เหธา เว่ย ก๋อม เหยียด ฒู้ง กั๊วะ เญย เมี่ยน. เยีย อ๋อย เหมียด นิ่น บัว หฒุด เหฑ่ง, * ปุน เป๋น กั้ม เหฑีย เญย กะน้าย, หฒุ เมี่ยน ฮว้วด หย่า เหยียด ลิ์ว กวั่ง ฮวาง.'' * น้าย เซ เฒี้ยว ก๊อง เญย หว่า. 10 ไม้ ตาน บัวะ น้าย, เยีย อ๋อย เฒาะ ฆอย เยียม นิ่น บัว บุด๋ง เฌียน-โย่ว, ออน-เหลาะ เญย เฉีย, เซียง-ล่าง เซียง-บวั์ง เญย เฉีย, เหธา หม่อ เญย เฉีย, เหธา ตัง เญย ฌัง. * 11 น้าย นอม เต่ย-ปูง เหยียด ฒู้ง ฯฒฯ เป๋น ป่าย หว่าย ป่าย ฮวาง เญย ต๋อง. น้าย เต๋ย กั๊วะ เญย เมี่ยน อ๋อย หฒุ ฟู-สู บา^บี^โลน ฮู่ง เธี้ยด เหฒียบ หฮญัง. *
12 ``เจี๋ย ลิ์ว เธี้ยด เหฒียบ หฮญัง, เยีย อ๋อย ตี่ง บา^บี^โลน ฮู่ง เหธา วั้ว นอม กั๊วะ เญย เมี่ยน, เซ เคน^เดีย เมี่ยน เญย เต่ย-ปูง เญย ฒุ์ย, หลาย นิ่น บัว เญย เอ๊าะ สี่ ปุน เต่ย-ปูง เหยียด ลิ์ว หฒุ กวั่ง ฮวาง.'' น้าย เซ เฒี้ยว ก๊อง เญย หว่า. 13 ``เยีย อ๋อย ปุน วั้ว นอม เต่ย-ปูง หฒุ หฒิว เยีย ก๊อง เจี๋ย อ๋อย ปุน หฒุ เญย สี่, เซ เฟี้ย เจี๊ยน น้าย ป๊วน โซว เญย เหยียด ฒู้ง หว่า, ต้ง เย^เล^มี โต่ว หว่า ก๊อง น้าย เต๋ย หม่าน กั๊วะ. 14 เหว่ย หฒุ ม่าย เหฒีย กั๊วะ เมี่ยน เหธา ต้ม ฮู่ง เตี๋ย อ๋อย ปุน เลี่ยม น้าย ฝีง เมี่ยน โหฒว โน่ว. เยีย หย่า อ๋อย หฒิว นิ่น บัว โหฒว เญย สี่ เหธา นิ่น บัว เญย ปั์ว โหฒว เญย กง วิ่น ปุน นิ่น บัว.''
15 เฒี้ยว, อิ^สะ^ลา^เอน เญย ทิน-ฮู่ง, ฮนั้ง น้าย ก๊อง บั๋ว เยีย, ``เฒาะ เยียม เยีย เญย ปั์ว เญย ฒ้าน, เซ ตั๊บ ปวั๊ง โน์ว เมี่ยน เญย อะหงุ่น ติ๊ว เญย ฒ้าน, ปุน เยีย พ้าย เม่ย มี่ง เถา เญย หม่าน กั๊วะ เมี่ยน ฮบ. 16 นิ่น บัว ฮบ ลิ์ว ฯฒฯ ลู่งๆ ไล่ๆ เญย หย่า ไม้ ฑัง, หลาย เยีย ปุน หฒุ เบ๊าะ จ๋า เญย เจ๊า * เยียม นิ่น บัว บุด๋ง.''
17 เยีย ฯฒฯ ฒิบ เยียม นิ่น เญย ปั์ว ต้าย เญย ฒ้าน, แอ๋ง อ๊าบ ต้ง เฒี้ยว พ้าย เยีย มี่ง เญย หม่าน กั๊วะ เมี่ยน ฮบ. 18 ม่าย เย^ลู^ซา^เลม เหธา ยู^ดา เญย ฒี่ง, เลี่ยม วั้ว เต๋ย ฒี่ง เญย ฮู่ง เหธา เจียน, ฯฒฯ โหฒว ปุน น้าย เต๋ย ฒี่ง เป๋น ป่าย ฮวาง กวั่ง ฮวาง เญย ต๋อง, หฒุ ฮว้วด หย่า หฒุ เหฒียว ฮนั้ง อี้ จ๋า ฮนอย. 19 แอ๋ง ม่าย อี^ยิบ เญย ฟา^โล ฮู่ง เหธา นิ่น เญย โปว, นิ่น เญย เจียน, เหธา นิ่น เญย หฒวัง แปะ ฝีง, 20 หย่า ม่าย เยียม นิ่น บัว บุด๋ง เญย กั้น ฝีง เมี่ยน, เหธา อูด เต่ย เญย เหยียด ฒู้ง ฮู่ง เตี๋ย, เหธา ฟี^ลิ^สะ^เตีย เต่ย เญย หฒวัง ฮู่ง เตี๋ย, เซ เยียม อัด^เค^โลน, กา^ซา, เอ^โค^โลน เหธา อัด^โดด เหฒ่ง เหฌี่ย เญย เมี่ยน. 21 ม่าย เอ^โดม เมี่ยน, โม^อับ เมี่ยน เหธา อัม^โมน เญย เฒ้ย-ฟุน. 22 ม่าย ไท^ละ เญย หฒวัง ฮู่ง เหธา ไซ^ดอน เญย หฒวัง ฮู่ง เหธา วั้ว หง่าน หฒิ ค้อย-เฮลน เญย ฮู่ง. 23 ม่าย เด^ดาน, เท^มา, บุด เหธา เหยียด ฒู้ง จั๊บ บะเปยย แป้ง เญย ฮวีง ก๋อม มฆ้อง * เญย เมี่ยน. 24 ม่าย อา^ละ^เบีย เญย หฒวัง ฮู่ง เหธา หฒอบ เจี๊ยน เยียม เต่ย-ปูง-ฮวาง ฝีงๆ เมี่ยน เญย หฒวัง ฮู่ง. 25 ม่าย สิม^ลี เญย หฒวัง ฮู่ง, เอ^ลาม เญย หฒวัง ฮู่ง เหธา มี^เดีย เญย หฒวัง ฮู่ง. 26 ม่าย ป๊ะ ปูง เญย หฒวัง ฮู่ง ไม้ กุ๊น โก ไฟ ฟัด, เหยียด ล่าน เจี๋ย เหยียด ล่าน, เถา ก๋อม เหฑ่ง ลู่ง เดี๊ย เดา-เป้ย เญย หม่าน กั๊วะ. ฮบ ลิ์ว, ฆะฮ้า บา^บี^โลน ฮู่ง * อ๋อย หฒุ ฮบ. 27 ``เม่ย อ๋อย หฒุ บั๋ว นิ่น บัว, เน่น เจี๋ย เญย เฒี้ยว, อิ^สะ^ลา^เอน เญย ทิน-ฮู่ง, ฮนั้ง น้าย ก๊อง, `อ๋อย หฒุ ฮบ ฆวิน มี่ง แอ๋ง โล้ หย่า คีง เหฌี่ย เดา, ไม้ ไฮ่ แอ๋ง เจี์ย ซิน, หลาย เยีย ปุน เยียม เม่ย บัว บุด๋ง หฒุ เบ๊าะ จ๋า.' 28 สี ก๊อง นิ่น บัว ไม้ คั้ง ฒิบ เยียม เม่ย เญย ปั์ว น้าย นอม ฒ้าน ต้าย ฮบ, เม่ย อ๋อย หฒุ บั๋ว นิ่น บัว, `เน่น เจี๋ย เญย เฒี้ยว ฮนั้ง น้าย ก๊อง, `เม่ย บัว ฒู้ง อ๋อย หฒุ ฮบ, 29 เหว่ย หฒุ หมั่ง ม่าะ! เยีย เยียม ต้ง กัน เยีย เญย บั๋ว เห่ว เญย ฒี่ง เจี์ย กอน ปุน เธี้ยว เญย เหฒะ หน่าน ธ้วด. เม่ย บัว ไฮ่ เปย๋า ตุ๊ ดุ๊ด, ไม้ หฒุ ตี่ง ฒุ์ย ไฟ? เม่ย บัว ฒู้ง เปย๋า ไม้ ดุ๊ด, เหว่ย หฒุ เยีย พ้าย ปุน เบ๊าะ จ๋า เญย สี่ ธ้วด เยียม ลู่ง เดี๊ย เหยียด ฒู้ง เมี่ยน ม่าน บุด๋ง.' เน่น เจี๋ย เญย เฒี้ยว ฮนั้ง น้าย ก๊อง.
30 เย^เล^มี อ้า! เหว่ย น้าย เม่ย อ๋อย หฒุ โต่ว น้าย เต๋ย เหยียด ฒู้ง หว่า ก๊อง นิ่น บัว. อ๋อย หฒุ บั๋ว นิ่น บัว,
32 เน่น เจี๋ย เญย เฒี้ยว ฮนั้ง น้าย ก๊อง,
33 เถา วั้ว ฮนอย เยียม น้าย ปูง ลู่ง กอน เถา วั้ว ปูง ลู่ง กอน ม่าย หฒุ เฒี้ยว ไต๋ เญย เมี่ยน. ไม้ ม่าย หาย เต้า เญี้ยม นิ่น บัว, ไฟ เซียว ไฟ ปย๊บ นิ่น บัว. นิ่น บัว ฯฒฯ เยียม วั้ว เดา-เป้ย ฮนั้ง ไฆ้ นอ.