เย^เล^มี งบ ปุน เฒี้ยว หมวัง

• ¹ เฒี้ยว อ่า, เยีย งบ ปุน เม่ย หมวัง เญย เฒี่ยง โห่,
• เม่ย ปุน ธีง เม่ย หอบ.
• ไม้ กุ๊น ฮนั้ง หน่าย, ม่าย เหยียด ติ้ว เจ๊า เยีย อ๋อย เหธา เม่ย แฑง.
• เอ๊าะ เมี่ยน เญย เจ๊า เหว่ย หาย ติ่ว หลง เจี๊ยน ฝาว?
• ไม้ เหฒียบ ฒัวะ เญย เมี่ยน เหว่ย หาย ติ่ว ตุ๊ คู่ เยียม?
• ² เม่ย หฒวัง นิ่น บัว, นิ่น บัว เหฌี่ย ฑู่ง.
• นิ่น บัว โฮล เจี๊ยน ฝาว หย่า เฒี่ยง เปี๊ยว.
• นิ่น บัว เญย ฑุ่ย เยียม นิด ฟัด เม่ย
• มป่า เฮญี้ยว เล่ย เม่ย โก.
• ³ มป่า เฒี้ยว อ่า, เม่ย ฮิ้ว ตุ๊ เยีย.
• เม่ย ปวัด เยีย,
• หย่า เสย เยีย เญย เฮญี้ยว ฮนั้ง หาย นอ ฮนั้ม เถา เม่ย.
• โท้ ทอ นิ่น บัว ธ้วด ต้าย ฮนั้ง อ๋อย หฒุ ไต๋ ไต่ เญย ปะกี ยู่ง.
• เฒาะ ต้าย ปุน ฆอย ฒั้ว เจี๊ยน หฒุ ไต๋ เญย ฮนอย.
• ⁴ น้าย นอม เต่ย-ปูง อ๋อย บ๋อง ฆาย * ฮิบ^ลู หว่า ก๊อง เฑ่า เญี้ยม. ด่ง หาย เล่า?
• เหยียด ฒู้ง ลี่ง เต่ย เญย เมี้ย อ๋อย เหญา เถา หาย หฒั่น?
• หลาย เยียม น้าย เต๋ย ต๋อง เญย เมี่ยน โหฒว เญย เอ๊าะ สี่
• เฮยี่ย ฒ่อย เหธา เหนาะ ไต่ เหฑ่ง. * ไฟ หฒุ กว๊าด มี่ง.
• เหว่ย หฒุ เมี่ยน ก๊อง, `` เฒี้ยว ไม้ ปวัด เยีย บัว เซ้ด เมว์ย เญย เฒี่ยง โห่.''

เฒี้ยว เตา เย^เล^มี

• ⁵ เฒี้ยว ก๊อง, ``สี ก๊อง เม่ย เหธา เมี่ยน สาย ถิว
• นิ่น บัว หย่า ปุน เม่ย ไฮ์ โค้ว,
• เม่ย ฝู่ง ไฮ่ เหธา ม์า สาย ถิว?
• สี ก๊อง เม่ย เยียม แป้ง ออน เญย เต่ย-ปูง ฒู้ง ไฮ่ ดอบ,
• เม่ย เยียม จอ^แดน ด้าย เฮลน เญย หล่ม ฮนั้ง หาย นอ?
• <sup>6</sup> ไม้ กุ๊น เม่ย เญย มั์ว-ต่อย เหธา เม่ย เญย เตีย เญย เปย๊า ฒง เมี่ยน
• ไม้ เหฒียบ ฒัวะ เญย โหฒว ปุน เม่ย,
• นิ่น บัว หย่า หฒุ่น เจี๊ยน เห่ว เจี๊ยน เม่ย มี่ง.
• ไม้ กุ๊น นิ่น บัว เหธา เม่ย ก๊อง หว่า หลง,
• เม่ย ไม้ ตู๋ง เสียน นิ่น บัว.
• <sup>7</sup> ``เยีย กวั่ง เยีย เญย เปย๊า,
• เล่ย ฆอย เยีย หฑิบ เญย ป่วน.
• เยีย เฒาะ เยีย เญย เฮญี้ยว ฮนั้ม วั้ว เต้า
• จิว ปุน เยียม นิ่น เญย วิน-วั้ง เญย ปั์ว-เดี๊ย.
• ⁸ เยีย หฑิบ เญย ป่วน
• เหว่ย เยีย ฮนั้ง หล่ม เญย เซี่ยน
• นิ่น เห่ว เจี๊ยน อ๋อย ห่อย เยีย,
• เยีย ฯฒฯ ฑอง นิ่น.
• ⁹ เยีย หฑิบ เญย ป่วน เหว่ย เยีย
• ฮนั้ง นอม เฒาะ อ๊อ หญั่น เญย เหนาะ เปน ไฟ?
• เฒาะ อ๊อ หญั่น เญย เหนาะ ไม้ เฒ์ย เยียม ฮวีง ก๋อม นิ่น ไฟ?
• กุ๊น มี่ง อ๊ะ. ปุน หล่ม-ฮวาง เญย เหยียด ฒู้ง เฮยี่ย ฒ่อย กั๊บ ฒุ้น.
• ต้อ นิ่น บัว ต้าย นะ ม่าะ!
• ¹⁰ ม่าย โก๋ว ปะกี ยู่ง เญย เมี่ยน ธั้ม เญย
• ป่าย หว่าย เยีย เญย อะหงุ่น หฮวีง.
• นิ่น บัว ธ้าย เยีย เญย ป่วน เหฌี่ย,
• นิ่น บัว ปุน เยีย หลง เญย ป่วน
• เป๋น ป่าย หว่าย เญย เต่ย-ปูง-ฮวาง.
• ¹¹ นิ่น บัว ปุน น้าย เต๋ย เดา เป๋น เดา-ฮวาง,
• ป่าย ฮวาง, บ๋อง ฆาย เญย ต๋อง. * ฟาน หฒะ ก๊อง ``ตอง เจี๊ยน เยีย เฑ่า เญี้ยม''.
• เฒี่ยง นอม เต่ย-ปูง หฒุ กวั่ง ฮวาง,
• มป่า ไม้ ม่าย หาย เต้า เฮยี้ยด เฮญี้ยว.
• ¹² โหฒว เหมียด เญย เมี่ยน ต้าย เถา เต่ย-ปูง-ฮวาง
• เหยียด ฒู้ง เยียม ฮลัง, ฌัง เญย ต๋อง,
• เหว่ย หฒุ เยียม เต่ย-ปูง น้าย ปูง มี่ง เถา จ่ม วั้ว ปูง,
• เฒี้ยว เญย หฑุ ด๊าว ปุน นิ่น บัว หฒุ เหมียด,
• ไม้ ม่าย หาย ล่าน เมี่ยน ตุ๊ แป้ง ออน เญย เยียม.
• ¹³ นิ่น บัว หฒวัง เญย เซ เบย้า วิด มป่า เซียว ตุ๊ ฌิ้ม.
• นิ่น บัว โหฒว โค้ว มป่า ไม้ ตุ๊ หาย หญู่ง.
• หลาย เฒี้ยว เฉีย เจี์ย! ไห่,
• นิ่น บัว อ๋อย หฒุ ไญ้ นิ่น บัว เซียว ต้าย เญย กะน้าย.''

¹⁴ เฒี้ยว ฮนั้ง น้าย ก๊อง, ``ก๊อง เถา เยียม นิด ฟัด วั้ว เต๋ย เหยียด ฒู้ง โหฒว เอ๊าะ เญย เมี่ยน, ต้ง แฑง เยีย เญย แปะ ฝีง, อิ^สะ^ลา^เอน เมี่ยน, หฑิบ เญย ป่วน วั้ว เต๋ย, เยีย อ๋อย เฒาะ นิ่น บัว แปง ธ้วด นิ่น บัว กั้น เญย เต่ย-ปูง, แอ๋ง เฒาะ เยียม นิ่น บัว บุด๋ง เญย ยู^ดา เมี่ยน แปง ธ้วด ต้าย. ¹⁵ เยีย แปง นิ่น บัว ธ้วด ต้าย, ฆะฮ้า เยีย แอ๋ง อ๋อย ค้อ-เลี่ยน นิ่น บัว. เยีย แอ๋ง อ๋อย ต้อ นิ่น บัว หฑวน, ปุน เก๊าะ-เมี่ยน หฑวน เก๊าะ-เมี่ยน หฑิบ เญย ป่วน, เก๊าะ-เมี่ยน หย่า หฑวน เก๊าะ-เมี่ยน เญย เต่ย-ปูง. ¹⁶ สี ก๊อง นิ่น บัว เจี้ยน โหะ หลิ่น เยีย เญย แปะ ฝีง เสียน เญย เจ๊า, เซ เฒี้ยง เจี๊ยน เยีย เญย บั๋ว โฮ้ว หว่า ก๊อง, `เยีย เฒี้ยง เจี๊ยน เฒี่ยง เจี๊ยน เญย เฒี้ยว โฮ้ว หว่า,' ฮนั้ง นิ่น บัว ฒิ่น ด่าง หฌาว เยีย เญย แปะ ฝีง เฒี้ยง เจี๊ยน บา^อัน เฒี่ยน โฮ้ว หว่า นอ, นิ่น บัว ฯฒฯ เยียม เยีย เญย แปะ ฝีง บุด๋ง ตุ๊ เหธย เจี์ย ต้าย. ¹⁷ สี ก๊อง หาย นอม กั๊วะ เญย เมี่ยน ไม้ หมวัง, เยีย ฯฒฯ แปง ธ้วด หย่า เหมียด เถา เหฑ่ง.'' น้าย เซ เฒี้ยว ก๊อง เญย หว่า.