จ๊า เฒี่ยน เหธา เฒียน ทิน-ฮู่ง

¹ อิ^สะ^ลา^เอน เญย เฒ้ย-ฟุน อ้า! หมวัง ก๋า เฒี้ยว ก๊อง บั๋ว เม่ย บัว เญย หว่า. ² เฒี้ยว ฮนั้ง น้าย ก๊อง,

• ``ไม้ ตู๋ง หฒวด กั้น กั๊วะ เมี่ยน เญย เจ๊า,
• ไฟ กั้ม เหฑีย เยียม ลู่ง ธ้วด เญย จั๋ง-โห่
• ไม้ กุ๊น วั้ว เต๋ย กั๊วะ เญย เมี่ยน กั้ม เหฑีย.
• ³ เหว่ย หฒุ หม่าน ฝีง เญย เล์ย-ฝีง
  เซ จ๊า เญย.
• นิ่น บัว เยียม หล่ม ก๋อย ติ้ว เดี๋ยง.
• หฒั่ง เมี่ยน หย่า หล่ง โป๊ว โหฒว ธ้วด ฝัง.
• ⁴ นิ่น บัว หล่ง เจียม หล่ง ญ่าน ฒอง เจี๊ยน
• แอ๋ง หล่ง ตีง เหธา เฒว่ย ตีง เจี๊ยน,
• เหว่ย ปุน ไม้ ไฮ่ ต์ง.
• ⁵ นิ่น บัว เญย หมิ่ว-ฝัง ฮนั้ง ม์า-เญี่ยน อัน กวา-ววม เด่ย,
• ไม้ ไฮ่ ก๊อง หว่า.
• นิ่น บัว ไม้ ไฮ่ ยั่ง เจ๊า
• ฯฒฯ อ๋อย หฒุ แกง เจี๊ยน มี่ง.
• ไม้ ตู๋ง กั้ม เหฑีย นิ่น บัว
• เหว่ย หฒุ นิ่น บัว ไม้ ไฮ่ โหฒว หาย หญู่ง ห่อย,
• หย่า ไม้ ไฮ่ โหฒว หาย หญู่ง หลง.''
• ⁶ โอ เฒี้ยว อ่า, ไม้ ม่าย หาย เต้า ด่ง เม่ย.
• เม่ย หฒะเก้ง โหฒว โฮล,
• เม่ย เญย เม่ง ม่าย ชะ โฮล ไห่.
• ⁷ หม่าน กั๊วะ เญย ฮู่ง อ้า!
• ม่าย หาย เต้า ไม้ อ๋อย ท่าย เม่ย?
• เหว่ย หฒุ เม่ย ผุย ตุ๊ เมี่ยน ท่าย.
• เยียม หฒวัง กั๊วะ เญย หฒวัง ธง-เม่ง เมี่ยน เหธา ฮู่ง เตี๋ย * ไฟ หม่าน ฝีง. บุด๋ง,
• ไม้ ม่าย หาย เต้า ฮนั้ง เม่ย. * หล่าว ย่าง 15:4
• ⁸ นิ่น บัว หฮงง, ไม้ ฮิ้ว หาย หญู่ง.
• หมิ่ว-ฝัง หฌาว เญย ขูง เป๋น เดี๋ยง ฮนั้ง.
• ⁹ ญ่าน ต๊า ต้าย เป๋น เหยียด คว้าย เหยียด คว้าย เยียม ทาน^ซิด ต้อ ต้าย,
• หย่า ม่าย เยียม อุ^ฟ้าด ต้าย เญย เจียม.
• เป๋น หฒั่ง เมี่ยน โหฒว เญย กง
• เหธา เจียม-หฒั่ง เญย ปั์ว-เต้า โหฒว ต้าย เญย.
• หมิ่ว-ฝัง เญย ลุย เซ้ด หลัวะ เหธา เซ้ด บั๊ว,
• เหยียด ฒู้ง เซ หฒั่ง เมี่ยน เญย ปั์ว-เต้า โหฒว.
• ¹⁰ มป่า เฒี้ยว เซ เฒียน ทิน-ฮู่ง,
• เซ เฒี่ยง เจี๊ยน เญย ทิน-ฮู่ง,
• เหยียด ลิ์ว เยียม เญย ฮู่ง.
• นิ่น เยี้ยด โน์ว, เดา ฯฒฯ ต์ง เหฑ่ง.
• นิ่น เฉีย เจี์ย, หม่าน กั๊วะ เตี๊ย ไม้ ฮี่ง.

¹¹ ``เม่ย อ๋อย หฒุ ฮนั้ง น้าย บั๋ว นิ่น บัว, `ไม้ เฒ์ย เหฒย ลู่ง เหฒย เดา เญย เฒี่ยน, ฒู้ง อ๋อย หฒุ เยียม เดา-เป้ย, เยียม ลู่ง เดี๊ย, หฒุ เหมียด เหฑ่ง.''' * น้าย เยียม หฒิว โล์-ฮนอย โซว เฟี้ย เป๋น อา^ลัม หว่า.

• ¹² เซ ทิน-ฮู่ง หล่ง นิ่น เญย ชะ เหฒย เดา,
• หล่ง นิ่น เญย ธง-เม่ง เหลียบ ป้าม เกน,
• หล่ง นิ่น เม่ง แปะ เญย เจ๊า ธอง ลู่ง.
• ¹³ นิ่น เยี้ยด ธ้วด เฉีย,
• เยียม วั้ว ลู่ง ม่าย ววม เญย เฉีย บุย โฒ์ๆ เญย.
• นิ่น ปุน โหม่ว เยียม ลู่ง กอน ฝาว.
• นิ่น ปุน บะหลี่ง กัน บยู่ง,
• หย่า ปุน หฑยาว เยียม นิ่น เซียว เญย ต๋อง ธ้วด ต้าย.
• ¹⁴ เต้าๆ ป้าม เมี่ยน เซ หฮงง เญย, ไม้ ม่าย ว่วน ฒาง.
• โม์ว เต้า เจียม-หฒั่ง เหว่ย นิ่น บัว โหฒว เญย หมิ่ว-ฝัง หฒุ ไญ้,
• เหว่ย หฒุ นิ่น เญย หมิ่ว-ฝัง เซ จ๊า เญย,
• ไม้ ม่าย เหยียด เต๋ย เฉีย เท้า.
• ¹⁵ น้าย เต๋ย หมิ่ว-ฝัง ไม้ ม่าย จ๋า-ฒิ่น,
• โหฒว ต้าย เป๋น ดั๊ว เมี่ยน เญย กะน้าย ฮนั้ง. * ม่าย เต๋ย โซว ก๊อง ``เป๋น จั๊ด เญย กะน้าย.
• เถา นิ่น บัว หฒุ ตี่ง ฒุ์ย เญย เฒี่ยง โห่ นิ่น บัว ฯฒฯ หฒุ เหมียด.
• ¹⁶ ยา^โค้บ เญย ป่วน ไม้ ฮนั้ง น้าย เต๋ย,
• เหว่ย หฒุ นิ่น เซ เหฒย หม่าน หมวด
  วั้ว เต้า,
• อิ^สะ^ลา^เอน เซ นิ่น หฑิบ ต้าย เญย ฝีง.
• นิ่น เญย บั๋ว เห่ว เน่น เจี๋ย เญย เฒี้ยว.

หฒุ ป่าย ฮวาง เญย เฒี่ยง โห่ อ๋อย เถา

• ¹⁷ เม่ย บัว หฒุ เว่ย เจี๊ยน เญย เมี่ยน อ้า!
• เซียว เม่ย บัว อัน เจี๊ยน เดา เญย กะน้าย,
• ¹⁸ เหว่ย หฒุ เฒี้ยว ฮนั้ง น้าย ก๊อง,
• ``หมั่ง ม่าะ! เยีย อ๋อย ฒอย เยียม น้าย นอม เต่ย-ปูง เญย เมี่ยน ธ้วด มี่ง.
• เยีย อ๋อย ปุน นิ่น บัว หฒุ โค้ว
• เหว่ย ปุน นิ่น บัว เก้ง ฮิ้ว ตุ๊ ฮนั้ง หาย นอ.''
• <sup>19</sup> เยีย โค้ว อ๊ะ, เหว่ย เยีย หฒุ มุน. * น้าย ก๊อง หฒุ เย^ลู^ซา^เลม ฒี่ง.
• เยีย หฒุ มุน ตุ๊ เซียง ไห่.
• มป่า เยีย ก๊อง, ``เฒียน เญย, น้าย เยีย หฒุ เฮญี้ยว เฑ่า โค้ว,
• เยีย หย่า อ๋อย หฒุ เตี๊ย เจี๊ยน.''
• ²⁰ เยีย เญย ด๊บ-ลิ่ว ป่าย หว่าย หมี่ อ๊ะ.
• เยีย เญย เหยียด ฒู้ง ฮลาง ตั๋ง เหฑ่ง.
• เยีย เญย ฝุเจว๊ย เล่ย ฆอย เยีย มี่ง,
• ไม้ ม่าย นิ่น บัว อ๊ะ.
• ไม้ ม่าย หาย เต้า แอ๋ง ธอง เยีย เญย ด๊บ-ลิ่ว,
• แอ๋ง หล่าง เยีย เญย แบะ แก้ง เดีย.
• ²¹ เหว่ย หฒุ โก๋ว ปะกี ยู่ง เญย เมี่ยน หฮงง ไห่,
• นิ่น บัว หย่า ไม้ หน่าย เฒี้ยว.
• เหว่ย น้าย นิ่น บัว ไม้ ตุ๊ หลง เจี๊ยน ฝาว,
• นิ่น บัว เญย ปะกี ยู่ง กวั้น เหยียด ฒู้ง
  หย่า หฑาน เหฑ่ง.
• ²² หมวัง ม่าะ! หน่าย เป๋น หว่า-หฑยาว.
• หมั่ง ม่าะ! ต้าย เถา อ๊ะ.
• ม่าย หลุ่น เญย เฉีย บุย เยียม ป๊ะ ปูง
  ธ้วด ต้าย
• เหว่ย ปุน ยู^ดา เญย ฒี่ง หฒุ ป่าย ฮวาง,
• เป๋น เฮยี่ย จู๊ เยียม เญย ต๋อง.

เย^เล^มี เต๋า เก๋า

• ²³ เฒี้ยว อ่า, เยีย ฮิ้ว ตุ๊ เมี่ยน เญย เจ๊า ไม้ เฒ์ย เซว่ย นิ่น กั้น.
• เซ ไม้ เฒ์ย ยั่ง เจ๊า เญย เมี่ยน ไฮ่ ตี่ง นิ่น เญย เหฒา-เบี่ย.
• ²⁴ เฒี้ยว อ่า, โท้ หฒ่อ เยีย ต่อง เญย ต๋อง
• หฒิว หอบ หฒุ โหฒว เญย.
• ไม้ เฒ์ย เฉีย เจี์ย เจี๊ยน โหฒว,
• เหฑีย เม่ย ปุน เยีย หฒุด หมี่ อ๊ะ.
• ²⁵ โท้ ปุน เม่ย เญย กะเฉีย แป๊ด ธ้วด
• เหฌี่ย ไม้ ฮิ้ว ตุ๊ เม่ย วั้ว เต๋ย กั๊วะ
  เญย เมี่ยน,
• หย่า เหฌี่ย ไม้ เห่ว เม่ย เญย บั๋ว เญย ฝีงๆ.
• เหว่ย หฒุ นิ่น บัว นะ ยา^โค้บ.
• ไม้ ตาน นะ เหฑ่ง, เหมียด เหฑ่ง,
• นิ่น บัว ฒู้ง ป่าย ฮวาง นิ่น เยียม เญย ต๋อง.