ทิน-ฮู่ง อ๋อย เหฌียว เย^ลู^ซา^เลม

• ¹ สิ^โอน อ่า, เญีย ต้าย, เญีย ต้าย,
• แอ๋ง เฮ้น เจี์ย ต้าย ม่าะ!
• โอ ธีง-เหฑ่ง เญย ฒี่ง, เย^ลู^ซา^เลม อ้า!
• ฒุ เจี๊ยน เม่ย เหฑว่ย ไห่ เญย ลุย-โหว.
• เหว่ย หฒุ เยียม น้าย มี่ง
• ไม้ เจี๋ย ก๊าด เญย เล์ย เหธา ม่าย หวุย เญย เมี่ยน
• ไม้ ตุ๊ แอ๋ง เปียะ เม่ย. * หล่าว ย่าง 21:2 , 27
• ² โอ เย^ลู^ซา^เลม อ้า! อ๋อย หฒุ โซว ฆอย เนีย-บูง
• เจี์ย ซิน ต้าย เฒว์ย เจี๊ยน เหว่ย.
• โอ หฒุ ธ้าง เญย สิ^โอน อ่า, * ฮิบ^ลู หว่า ก๊อง สิ^โอน เญย เซียะ.
• ไจ๊ ฆอย โด้ เม่ย เญย จาง เญย หลิ่ม.

³ เหว่ย หฒุ เฒี้ยว ฮนั้ง น้าย นอ ก๊อง,

• ``เม่ย บัว หฒุ หม่าย ไม้ ม่าย จ๋า.
• เม่ย บัว ตุ๊ หฒัวะ หฑวน หย่า ไม้ หฒุ หล่ง ญ่าน.''

⁴ เหว่ย หฒุ เฒี้ยว ทิน-ฮู่ง ฮนั้ง น้าย นอ ก๊อง,

• ``ต้าว ตั้ง เยีย เญย แปะ ฝีง
• มี่ง อี^ยิบ เต่ย-ปูง เหว่ย เยียม หน่าย.
• ฆะฮ้า อัด^ซี^เลีย เมี่ยน เหฒย นิ่น บัว
• หย่า ไม้ ม่าย หาย หญู่ง กอน-แป๋ง.''

⁵ เฒี้ยว ก๊อง, ``อี้ หฒั่น เยียม น้าย เยีย ม่าย หาย หญู่ง?

• ``เยีย เญย แปะ ฝีง หฒุ แปะๆ กว๊าด มี่ง.''

เฒี้ยว ก๊อง,

• ``กุ๊น นิ่น บัว วั้ว เต๋ย เห่ว
• หย่า เฒี่ยง ฮนอย ไม้ ตี้ง เลี่ยว เญย คี เยีย เญย เม่ง. * โล^มา 2:24
• <sup>6</sup> ฮนั้ง น้าย เยีย เญย แปะ ฝีง ฯฒฯ ฮิ้ว ตุ๊ เยีย เญย บั๋ว.
• เหว่ย น้าย เถา วั้ว ฮนอย นิ่น บัว ฒู้ง ฮิ้ว ตุ๊
• เซ เยีย จา-ด่าง ก๊อง.
• เฒ์ย เญย, เซ ต้ง เยีย.''
• <sup>7</sup> ยั่ง บง ยั่ง ฒอง ต้าย บั๋ว คู้ เฝียน เญย เมี่ยน เญย เหฒา เหฑว่ย ไห่.
• นิ่น ฒุ่น แป้ง ออน เญย เจ๊า, ก๊อง คู้ เฝียน,
• ฒุ่น เหฌียว เอน เญย เฝียน
• ก๊อง บั๋ว สิ^โอน,
• ``เม่ย เญย ทิน-ฮู่ง โหฒว ฮู่ง หมี่ อ๊ะ.'' * นา^ฮูม 1:15 ; โล^มา 10:15 ; เอ^เฟ^โซ 6:15
• ⁸ หมวัง ม่าะ! เม่ย เญย เซี้ยว แกง เมี่ยน เห่ว บุย,
• ล่ม ฑ่อย เฌียน-โย่ว เญย ป๋าว ฑูง. * ไฟ เฌียน-โย่ว เญย เห่ว.
• เฒี้ยว หฑวน สิ^โอน วั้ว หฒั่น,
• นิ่น บัว กั้น เญย มฒีง ฒู้ง ตุ๊ ปวัด.
• ⁹ เย^ลู^ซา^เลม เญย เดา-ฮวาง อ่า,
• ล่ม ฑ่อย ธ้วด เฉีย ป๋าว ฑูง.
• เหว่ย หฒุ เฒี้ยว เถง นิ่น เญย แปะ ฝีง
  ไจ๊ เฑ่า,
• นิ่น หย่า หฒัวะ เย^ลู^ซา^เลม.
• ¹⁰ เฒี้ยว อ๋อย เยียม หม่าน กั๊วะ เมี่ยน เญย หฑะเฮมียน
• หล่ง นิ่น ม่าย ชะ เญย ธีง-เหฑ่ง ปั์ว.
• เยียม จ่ม ลู่ง เดี๊ย เญย เมี่ยน ฯฒฯ ปวัด
• บัว เญย ทิน-ฮู่ง เญย เหฌียว เอน.
• ¹¹ มี่ง อ๊ะ. มี่ง อ๊ะ. เล่ย บา^บี^โลน ธ้วด มี่ง ม่าะ!
• ไม้ ตู๋ง มัวะ หฒุ ม่าย หวุย เญย กะน้าย.
• เยียม หน่าย กะญั์ว ธ้วด มี่ง.
• เม่ย บัว แกง เฒี้ยว เญย จา-ต๋อง เญย เมี่ยน
• อ๋อย หฒุ สา กั้น ธีง-เหฑ่ง. * 2 โค^ลิน^โท 6:17
• ¹² เม่ย บัว ไม้ หฒุ ฮวางๆ ฒางๆ เญย ธ้วด,
• หย่า ไม้ หฒุ เปย๋า แหม่ง,
• เหว่ย หฒุ เฒี้ยว อ๋อย เยียม เม่ย บัว เญย วั้ว ด่าง มี่ง,
• อิ^สะ^ลา^เอน เญย ทิน-ฮู่ง อ๋อย เยียม เม่ย บัว เญย ฆะฮ้า ฆาง เปว เจี๊ยน เม่ย บัว.

หฒุ เสี่ยว โค้ว เญย โปว

• ¹³ หมั่ง ม่าะ! เยีย เญย โปว อ๋อย หล่ง ธง-เม่ง โหฒว หญู่งๆ. * ไฟ ``เยีย เญย โปว อ๋อย ตุ๊ หลง''.
• นิ่น อ๋อย ตุ๊ เมี่ยน ท่าย,
• ตุ๊ เมี่ยน เธง, ท่าย ฝาว ฮลัง.
• ¹⁴ เมี่ยน ธั้ม ปวัด นิ่น * ไฟ เม่ย. ฯฒฯ แฮะ นิ่น บัว กั้ม เหฑีย
• เหว่ย หฒุ นิ่น เญย เฮมียน-เหมว่ย หว่าย, ปวัด ไม้ ฮนั้ง เมี่ยน.
• นิ่น เญย ฝัง เฒ้ย หย่า หว่าย เหฑ่ง,
  ไม้ ฮนั้ง เมี่ยน เญย ฝัง.
• ¹⁵ นิ่น ฯฒฯ แฮะ เหฒีย กั๊วะ เมี่ยน กั้ม เหฑีย.
• ฮู่ง เตี๋ย อ๋อย เหว่ย นิ่น หฆับ เจี๊ยน ฑุ่ย,
• เหว่ย หฒุ ไม้ ม่าย เมี่ยน บั๋ว เจี๋ย เญย, นิ่น บัว ตุ๊ ปวัด.
• นิ่น บัว ไม้ ไฮ์ เจี๋ย เญย, นิ่น บัว หย่า ไฮ่ เปียะ เฮญี้ยว. * โล^มา 15:21