1 เถา วั้ว ฮนอย, เสี่ย เต้า มเซียะ ตอน อ๋อย นั้น เจี๊ยน เหยียด เต้า มจั่ง ตอน ก๊อง, ``เยีย บัว กั้น ล์อ หญั่น ล์อ ฒุ. ขูง โท้ ปุน เยีย บัว ไฮ่ เกวย เม่ย เญย บั๋ว โหฒว เยีย บัว เญย โหฆ. โท้ ปุน เยีย บัว ไม้ หฒุ ไญ้.''
2 เถา วั้ว ฮนอย, เฒี้ยว อ๋อย ปุน ธ้วด ต้าย เญย หธุน เหฑว่ย, ฌัง-หล่าง ไห่. เต่ย-ปูง ธ้วด เญย แกง-หฒวัง อ๋อย ปุน เยียม อิ^สะ^ลา^เอน ตุ๊ แหม่ง ธ้วด เญย เมี่ยน หลง เฮญี้ยว ไห่ หย่า ตุ๊ ฌัง-หล่าง. 3 เยียม สิ^โอน เหฒ่ง เหฌี่ย เญย เมี่ยน, ต้ง หธ่อ เยียม เจี๊ยน เย^ลู^ซา^เลม วั้ว เต๋ย, ฯฒฯ ตุ๊ เมี่ยน เห่ว ธีง-เหฑ่ง. เซ โม์ว ล่าน ม่าย แหม่ง เฒี่ยง เจี๊ยน ฝาว บั๋ว เยียม เย^ลู^ซา^เลม เญย เมี่ยน. 4 เฒี้ยว อ๋อย สา เหฑ่ง สิ^โอน เญย เซียะ เญย หวุย. เฒี้ยว อ๋อย หล่ง นิ่น เญย ชะ เซี้ยม หย่า หล่ง โต์ว ปั๊ว * เฝียว เหฑ่ง กั๊วะ เย^ลู^ซา^เลม เญย ฑย้าม. 5 วั้ว หฒั่น เฒี้ยว อ๋อย เหฒย ต๊อ บ๋วน เยียม ก๋อม สิ^โอน บง เหธา เยียม หน่าย กั๊บ ฒุ้น เญย หฒวัง เมี่ยน กู้ หงว่าย. เหว่ย ลู่ง ฮนอย หฒั่น เซ ฮนั้ง บ๋วน-เสียว, ลู่ง ม์วน หฒั่น ฮนั้ง โต์ว-เบียด ฌัง. เยียม เหยียด ฒู้ง ฌัง-หล่าง กู้ หงว่าย ม่าย กะน้าย เฑีย เจี๊ยน. * 6 ลู่ง ฮนอย หฒั่น ฯฒฯ ท้อง ล่าง หย่า เป๋น นอม ต๋อง ปี๋ง ท้อง เจี๊ยน บยู่ง-หฑยาว.