เฮ^เซ^คี^ยา ล์อ อิ^สะ^ยา เถง

(เป๊ย หมั่ง 2 ฮู่ง โต้ว 19:1-7 )

¹ เฮ^เซ^คี^ยา ฮู่ง ไฮ์ ลิ์ว วั้ว เต้า ต้ม แปง-เปย๊ย ก๊อง เญย หว่า, นิ่น เป๊ด นิ่น เญย ลุย-โหว แอ๋ง ฒุ เจี๊ยน ล่าม่า เดีย-โธว เปียะ หฒั่ง เฒี้ยว เญย เปย๊า. ² นิ่น พ้าย โก๋ว ฮู่ง ติ่น วั้ว เต้า เอ^ลี^ยา^คิม เหธา เซ้บ^นา โซว-ปิ๊ว เหธา โหฒว เก้า โฮล * ม่าย เต๋ย โซว ก๊อง เก้า โก๋. วั้ว เต๋ย ไซ เมี่ยน, เหยียด ฒู้ง ฒุ เจี๊ยน ล่าม่า เดีย-โธว, มี่ง ล์อ อา^ม้อด เญย ตอน, โต่ว หว่า เมี่ยน, อิ^สะ^ยา. ³ นิ่น บัว ก๊อง บั๋ว อิ^สะ^ยา, ``เฮ^เซ^คี^ยา ฮนั้ง น้าย นอ ก๊อง, `อี้ ฮนอย เซ ด๊อด หน่าน, หฒุ ต้าน, หฒุ ไญ้ เญย ฮนอย. เซ ฮนั้ง มเซียะ ตอน อ๋อย ยู์ง กู้งว์า หย่า ไม้ ม่าย ชะ ยู์ง. ⁴ เหฑีย เฒี้ยว, เม่ย เญย ทิน-ฮู่ง, หมวัง ไฮ์ วั้ว เต้า ต้ม แปง-เปย๊ย, ต้ง นิ่น เญย เฒี้ยว, อัด^ซี^เลีย เญย ฮู่ง, พ้าย ต้าย ก๊อง คี เฒี่ยง เจี๊ยน เญย ทิน-ฮู่ง วั้ว เต๋ย หว่า. เฒี้ยว, เม่ย เญย ทิน-ฮู่ง, ฯฒฯ เหว่ย นิ่น ไฮ์ น้าย เต๋ย หว่า หัด นิ่น. เหว่ย น้าย โท้ เม่ย เถง น้าย เต๋ย เหฒ่ง เหฌี่ย เญย เมี่ยน เต๋า เก๋า.'''

⁵ เฮ^เซ^คี^ยา เญย เจียน มี่ง เถา อิ^สะ^ยา วั้ว. ⁶ อิ^สะ^ยา ก๊อง บั๋ว นิ่น บัว, ``อ๋อย หฒุ บั๋ว เม่ย บัว เญย เฒี้ยว, ` เฒี้ยว ฮนั้ง น้าย นอ ก๊อง, ``ไม้ ตู๋ง กั้ม เหฑีย เม่ย บัว ไฮ์ ลิ์ว น้าย เต๋ย หว่า, ต้ง อัด^ซี^เลีย เญย ฮู่ง เญย โปว ก๊อง คี เยีย เญย หว่า. ⁷ เยีย อ๋อย ปุน นิ่น ม่าย หญู่ง เฮญี้ยว. นิ่น ตุ๊ ไฮ์ หญู่ง หว่า-หฑยาว ฯฒฯ หฑวน นิ่น กั้น เญย เต่ย-ปูง. เยียม นิ่น กั้น เญย เต่ย-ปูง, เยีย ปุน นิ่น หฒุ หฑุ ด๊าว ไต๋ ไต่.'''''

อัด^ซี^เลีย เมี่ยน แอ๋ง ต้าย โหฒว เฮ้น

(เป๊ย หมั่ง 2 ฮู่ง โต้ว 19:8-13 )

⁸ วั้ว เต้า ต้ม แปง-เปย๊ย ไฮ์ ก๊อง อัด^ซี^เลีย เญย ฮู่ง ธ้วด ลา^คี้ด ฒี่ง, นิ่น ฯฒฯ ถุย แอ๋ง ล์อ ปวัด ฮู่ง เตี๋ย เยียม ลิบ^นา ฒี่ง เบ๊าะ จ๋า.

⁹ อัด^ซี^เลีย เญย ฮู่ง ไฮ์ ก๊อง, อี^ยิบ เต่ย-ปูง, คู้ด เมี่ยน เญย ฮู่ง, ที^ละ^หะ^คา, ธ้วด ต้าย อ๋อย เหธา นิ่น เบ๊าะ จ๋า. ไฮ์ ลิ์ว นิ่น ฯฒฯ พ้าย โต่ว เฝียน เมี่ยน มี่ง เฮ^เซ^คี^ยา วั้ว ฮนั้ง น้าย นอ ก๊อง, ¹⁰ ``อ๋อย หฒุ ก๊อง บั๋ว ยู^ดา เญย ฮู่ง, เฮ^เซ^คี^ยา, `เม่ย ไม้ ตู๋ง หมวัง เม่ย เขา เญย ทิน-ฮู่ง ดั๊ว เม่ย. นิ่น ก๊อง, ``เย^ลู^ซา^เลม ฒู้ง ไม้ หฒุ จิว ปุน เยียม อัด^ซี^เลีย ฮู่ง เญย ปั์ว-เดี๊ย.'' ¹¹ เม่ย ไฮ์ ก๊อง อัด^ซี^เลีย เญย หฒวัง ฮู่ง ฮนั้ง หาย นอ โหฒว ปุน หม่าน กั๊วะ หฒุ เหมียด เหฑ่ง หมี่ อ๊ะ. เม่ย ฮนั้ม ต้าย เม่ย ไฮ่ ตุ๊ เหฌียว เญย ไฟ? ¹² วั้ว เต๋ย เหฒีย นอม กั๊วะ เญย เฒี่ยน ไฮ่ เหฌียว นิ่น บัว ไฟ? เซ เยีย เญย อง-ถาย เหมียด วั้ว เต๋ย กั๊วะ เญย เฒี่ยน, ต้ง โก^ซาน, ฮา^ลาน, เล^เซ้บ เหธา เยียม เทน^อัด^สา เญย เอ^เดน เมี่ยน เญย เฒี่ยน. ¹³ ฮา^มัด เญย ฮู่ง, อาน^ปัด เญย ฮู่ง, เส^ฟาน^วา^อิม ฒี่ง ไฟ เฮ^นา ไฟ อิบ^วา เญย ฮู่ง เตี๋ย เยียม หาย?'''

เฮ^เซ^คี^ยา เต๋า เก๋า

(เป๊ย หมั่ง 2 ฮู่ง โต้ว 19:14-19 )

¹⁴ เฮ^เซ^คี^ยา โตะ ลิ์ว โต่ว เฝียน เมี่ยน ต้อ ต้าย เญย เฝียน, นิ่น ฯฒฯ เปียะ หฒั่ง เฒี้ยว เญย เปย๊า คอย เฝียน อัน เจี๊ยน เฒี้ยว เญย หฑะเฮมียน. ¹⁵ เฮ^เซ^คี^ยา เต๋า เก๋า ก๊อง บั๋ว เฒี้ยว, ¹⁶ ``โอ เน่น เจี๋ย เญย เฒี้ยว, อิ^สะ^ลา^เอน เญย ทิน-ฮู่ง, ต้ง เยียม วั้ว เต๋ย อี เต้า เค^ลู^บิม บุด๋ง * ฟาน หฒะ ก๊อง กู้ หงว่าย. เญย เหว่ย * ธ้วด อี^ยิบ 25:22 วั้ว เต้า อ้า! ขูง เม่ย กั้น โหฒว ลู่ง เดี๊ย หม่าน กั๊วะ เญย ทิน-ฮู่ง. เม่ย เหฒย ลู่ง เหฒย เดา. ¹⁷ โอ เฒี้ยว อ่า, โท้ แปง มน่อม หมวัง. โอ เฒี้ยว อ่า, โท้ หนูง ฆอย มฒีง หมั่ง. หมวัง เซน^นา^เค^ลิบ เญย หว่า, เซ นิ่น พ้าย เมี่ยน ต้าย คี เฒี่ยง เจี๊ยน เญย ทิน-ฮู่ง เญย เหยียด ฒู้ง หว่า.

¹⁸ ``โอ เฒี้ยว อ่า, หฒะเก้ง เฒียน เญย. อัด^ซี^เลีย เญย ฮู่ง ป่าย หว่าย น้าย เต๋ย หม่าน กั๊วะ หม่าน ฝีง หย่า ปุน นิ่น บัว เญย เต่ย-ปูง เป๋น เดา-ฮวาง เหฑ่ง. ¹⁹ หย่า เฒาะ เต่ย-ปูง เญย เฒี่ยน ฒอย เปียะ โต์ว เหมียด เหฑ่ง, เหว่ย หฒุ ไม้ เฒ์ย เฒี่ยน, เซ เมี่ยน กั้น เญย ปั์ว หล่ง เดี๋ยง, หล่ง หละเปย๊ย โหฒว ต้าย. ²⁰ โอ เฒี้ยว, เยีย บัว เญย ทิน-ฮู่ง อ่า, โท้ เหฌียว เยีย บัว เปย๋า ดุ๊ด อัด^ซี^เลีย ฮู่ง เญย ปั์ว-เดี๊ย เหว่ย ปุน ลู่ง เดี๊ย หม่าน กั๊วะ เมี่ยน ฮิ้ว ตุ๊ เม่ย กั้น โหฒว เฒี้ยว. ''

เซน^นา^เค^ลิบ หฒุ ป่าย

(เป๊ย หมั่ง 2 ฮู่ง โต้ว 19:20-37 )

²¹ อา^ม้อด เญย ตอน, อิ^สะ^ยา, ปุน หว่า มี่ง บั๋ว เฮ^เซ^คี^ยา, `` เฒี้ยว, อิ^สะ^ลา^เอน เมี่ยน เญย ทิน-ฮู่ง, ฮนั้ง น้าย นอ ก๊อง, `เม่ย เต๋า เก๋า ก๊อง เถา อัด^ซี^เลีย เญย ฮู่ง, เซน^นา^เค^ลิบ, วั้ว เต๋ย หว่า เยีย ไฮ์ หมี่ อ๊ะ.' ²² น้าย เซ เฒี้ยว เญย หว่า ก๊อง นิ่น,

• ```สิ^โอน ฒี่ง เญย เมี่ยน * ฮิบ^ลู หว่า ก๊อง ``สิ^โอน เญย ไม้ เปว๋ย เจี๋ย ตอน เญย เซียะ, สิ^โอน.''
• หมั่ง เผีย เม่ย, ฮว้วด เม่ย.
• เย^ลู^ซา^เลม เมี่ยน * ฮิบ^ลู หว่า ก๊อง เย^ลู^ซา^เลม เญย เซียะ. เยียม เม่ย บัว เญย ฆะฮ้า ฆาง หฮวัง มฆ้อง ปุน เม่ย.
• <sup>23</sup> เม่ย ก๊อง โตะ คี หาย เต้า?
• เม่ย หล่ง เม่ย เญย เฉีย ก๊อง หาย เต้า?
• เม่ย หล่ง เม่ย เญย มฒีง โหฒว เหมา ปุน หาย เต้า?
• เม่ย โหฒว ปุน อิ^สะ^ลา^เอน เญย ธีง-เหฑ่ง ทิน-ฮู่ง.
• <sup>24</sup> เม่ย หล่ง เม่ย เญย โต่ว เฝียน เมี่ยน
  คี เฒี้ยว.
• เม่ย ก๊อง, ``เยีย หล่ง เยีย เบ๊าะ จ๋า เญย ม์า-เธีย ธั้ม
• ฝาว ฮลัง ไห่ เญย บง,
• ฒู้ง เปียะ เล^บา^นอน โด เจี๋ย เญย ต๋อง.
• เยีย ก๋อย เก้า ฮลัง เจี๋ย เญย
  สี^ดา ฒ่ง เดี๋ยง
• หย่า ก๋อย เก้า หลง เจี๋ย เญย ฒ่ง.
• เยีย เปียะ หล่ม เถา เก้า โก เจี๋ย เญย ต๋อง,
• เปียะ เถา เก้า โฮ์ เจี๋ย เญย เก้ม.
• <sup>25</sup> เยีย เยียม กั้น นอม เต่ย-ปูง เว้ด ววม-ค้วด
• หย่า เยียม วั้ว ฮบ ววม.
• เยีย หล่ง เยีย เญย เหฒา-เป๊น
• กว้าย อี^ยิบ เต่ย-ปูง เญย เหยียด ฒู้ง โด๊ะ ฆาย.'''
• <sup>26</sup> `` เฒี้ยว ก๊อง, `เม่ย บัว ไม้ ไฮ์ เจี๋ย ไฟ?
• เยีย ตี่ง เหฒียง เล่า อ๊ะ.
• โล์-ฮนอย เยีย ต๊า หฒะเอ๋ย,
• อี้ หฒั่น ปุน ธ้วด ต้าย อ๊ะ.
• เซ เยีย หล่ง เม่ย โหฒว ปุน เว่ย ว้วน เญย ฒี่ง
• บาง เป๋น กะน้าย-ดุย.
• <sup>27</sup> น้าย เต๋ย ฒี่ง เญย แปะ ฝีง เญย ชะ เหฑ่ง หมี่ อ๊ะ.
• นิ่น บัว ฯฒฯ เฮญี้ยว หว่าย เหฑ่ง หย่า หฒุ ไญ้.
• นิ่น บัว เซ ฮนั้ง เยียม เดา-ฮวาง เญย เมี้ย,
• ฮนั้ง เมี้ย-ยาง หลุน เญย นอ,
• เซ ฮนั้ง เยียม เปย๊า-ง่อ ธ้วด ต้าย เญย เมี้ย,
• ไม้ แก้ง โฮล, หฒุ หญุด โต์ว ปั๊ว ฆาย.
• <sup>28</sup> ```มป่า เยีย ฮิ้ว ตุ๊ เม่ย เยียม หาย, * ไฟ เฒว์ย เหฌี่ย.
• หย่า ฮิ้ว ตุ๊ เม่ย หาย หฒั่น ธ้วด มี่ง แอ๋ง เปียะ ต้าย.
• เยีย หย่า ฮิ้ว เม่ย เฉีย เจี์ย โน์ว เยีย.
• ²⁹ หลาย เม่ย เฉีย เจี์ย, โน์ว เยีย, ก๊อง เยีย,
• เม่ย ปู๋ง เญย หว่า-เหมา หย่า เถา เยีย เญย มน่อม.
• เยีย ฯฒฯ หล่ง เยีย เญย เฮลียะ-เงา, เงา เจี๊ยน เม่ย เญย บะฒอง,
• หย่า เฒาะ เยีย เญย ฮั่น โค้ว ฟับ เจี๊ยน เม่ย เญย ฑุ่ย,
• ปุน เม่ย ต๋าว ฆาง หฑวน
• เม่ย ต้าย เญย เจ๊า.

³⁰ ```โอ เฮ^เซ^คี^ยา อ้า! น้าย เซ เหว่ย เม่ย โหฒว นอม จั๋ง-โห่.

• อี้ หฮญัง เม่ย บัว ตุ๊ หญั่น นิ่น กั้น ธ้วด เญย กะน้าย,
• ตะเหญ่ย หฮญัง ฟี่ ฮนั้ง เญย ตุ๊ หญั่น นิ่น กั้น ธ้วด ต้าย เญย กะน้าย.
• มป่า ตะฟาม หฮญัง อ๋อย หฒุ หฒวัง หย่า อ๋อย หฒุ เซียว,
• อ๋อย หฒุ โหฒว หฮวีง หฒวัง อะหงุ่น เปี๊ยว หย่า หญั่น วั้ว เต๋ย เปี๊ยว.
• ³¹ ยู^ดา เญย เฒ้ย-ฟุน ตุ๊ แหม่ง ธ้วด เหฒ่ง เหฌี่ย เญย เมี่ยน,
• ฯฒฯ ฮนั้ง กะน้าย-หฒวัง,
• กอน เหฌี่ย ฑู่ง, กู้ หงว่าย เฒี่ยง เปี๊ยว.
• ³² เหว่ย หฒุ ม่าย เต๋ย เหฒ่ง เหฌี่ย เญย เมี่ยน อ๋อย เยียม เย^ลู^ซา^เลม ธ้วด,
• แอ๋ง ม่าย เต๋ย เปย๋า ดุ๊ด แหม่ง เญย เมี่ยน เยียม สิ^โอน บง ธ้วด ต้าย.

เน่น เจี๋ย เญย เฒี้ยว ด่ง หาย ฒู้ง อ๋อย ฮนั้ง น้าย นอ โหฒว.' * ไฟ ``อ๋อย จอม เฮญี้ยว เญย ฮนั้ง น้าย นอ โหฒว''.

³³ ``เหว่ย น้าย เฒี้ยว ฮนั้ง น้าย นอ ก๊อง อัด^ซี^เลีย เญย ฮู่ง,

• ```นิ่น ไม้ ตุ๊ เปียะ น้าย นอม ฒี่ง,
• หย่า ไม้ ป๊วน เหยียด ฑิด ฟอง เปียะ.
• นิ่น ไม้ ตุ๊ นั้น ท้อง-ป้าย เยียม น้าย นอม ฒี่ง เญย หฑะเฮมียน,
• หย่า ไม้ ตุ๊ ดุย เนีย ฮลัง เบ๊าะ ฒี่ง. * เป๊ย หมั่ง 1 ฮู่ง โต้ว 19:32 .
• <sup>34</sup> นิ่น ยั่ง หาย ติ้ว เจ๊า ต้าย,
• นิ่น หย่า อ๋อย หฒุ ยั่ง วั้ว ติ้ว เจ๊า หฑวน.
• นิ่น ฒู้ง ไม้ เปียะ น้าย นอม ฒี่ง.'
• น้าย เซ เฒี้ยว ก๊อง เญย หว่า.
• <sup>35</sup> ```เหว่ย เยีย กั้น หย่า เหว่ย เยีย เญย โปว, ดา^วิด,
• เยีย อ๋อย เปว เจี๊ยน น้าย นอม ฒี่ง,
• หย่า อ๋อย เหฌียว น้าย นอม ฒี่ง.'''

³⁶ วั้ว ม์วน เฒี้ยว เญย ฟิน-เมี่ยน ธ้วด มี่ง เยียม อัด^ซี^เลีย เมี่ยน เญย เธี้ยง ไต๋ เหยียด สิน เหฮยียด หว่าน ปยา ธิน เต้า เมี่ยน ไต่. ตะเหญ่ย ดอม เฑี้ยว เญย เมี่ยน เจี์ย ซิน ต้าย ปวัด เหยียด ฒู้ง เป๋น เซย เหฑ่ง หมี่ อ๊ะ. ³⁷ อัด^ซี^เลีย เญย ฮู่ง, เซน^นา^เค^ลิบ, ฯฒฯ เล่ย ฆอย วั้ว นอม ต๋อง หฑวน มี่ง เยียม นิ^นะ^เว.

³⁸ ม่าย ฮนอย เซน^นา^เค^ลิบ เยียม หมิ่ว-เปย๊า กะญั์ว ป๋าย นิ่น เญย เฒี่ยน, นิด^โล้ก, วั้ว หฒั่น, ม่าย อี เต้า นิ่น เญย ตอน, อัด^ลัม^เม^เล้ก เหธา ซา^เล^เซ, หล่ง หฑุ ด๊าว ไต๋ นิ่น. ฆะฮ้า ฯฒฯ เปย๋า มี่ง เยียม อา^ลา^ลัด เต่ย-ปูง. เซน^นา^เค^ลิบ เญย ตอน, เอ^สาน^ฮัด^โดน, หฑิบ เจี๊ยน นิ่น โหฒว ฮู่ง.