หิ่น ย่าง
บา^บี^โลน บาง
1 น้าย เซ ก๊อง เถา ค้อย- เฮลน เญย เต่ย-ปูง-ฮวาง เญย หว่า.
- ฮนั้ง หฑยาว-หฒุ่น เยียม เน^เกบ
ป่วน เจี๋ย นอ,
- วิน-วั้ง เยียม เต่ย-ปูง-ฮวาง,
- เยียม กั้ม เหฑีย เญย เต่ย-ปูง ต้าย.
-
2 ม่าย ฮยวัง-เฮยี้ยน หิ่น ย่าง เญย สี่ ปุน เยีย ตุ๊ ปวัด.
- หม่าย เมี่ยน เญย เมี่ยน หม่าย เมี่ยน อ๊ะ.
เหมียด เญย เมี่ยน, เหมียด อ๊ะ.
- โอ เอ^ลาม เมี่ยน อ้า! ฝาว มี่ง เบ๊าะ อ๊ะ.
- โอ มี^เดีย เมี่ยน อ้า! มี่ง เว่ย เจี๊ยน ม่าะ!
- ต้ง บา^บี^โลน ห่อย เมี่ยน เท้า เญย เหยียด ฒู้ง ต้ม เฉีย, เยีย, เฒี้ยว,
ปุน ตี้ง หมี่ อ๊ะ.
-
3 เหว่ย ปวัด น้าย เต๋ย สี่ เยีย เญย ซิน มุน ตุ๊ โค้ว ไห่,
- มุน เญย เจ๊า เลี่ยม เฒ่ย ห่อย เยีย
- ฮนั้ง มเซียะ ตอน มุน กู้งว์า นอ.
- หลาย เยีย ไฮ์ เญย, เยีย เฮญี้ยว ฮวาง ไห่ อ๊ะ.
- หลาย เยีย ปวัด เญย, เยีย กั้ม เหฑีย ไห่.
-
4 เยีย เญย เฮญี้ยว ฮวาง, หลุ่น เหฑ่ง.
- กั้ม เหฑีย เกา, ซิน หฒิน หมี่ อ๊ะ.
- เยีย อะ ตุ๊ ฒั้ว เถา เหฑียม-ย่าง,
- มป่า ขูง ปุน เยีย กั้ม เหฑีย, ซิน หฒิน ฮนั้ง.
-
5 นิ่น บัว เบ่น หฮนาง โฮล เญย,
- เฒาะ หฒิ ติ่ม เจี๊ยน
- โหย่ว หญั่น โหย่ว ฮบ อ๊ะ.
- โอ แปง-เปย๊ย อ้า! เจี์ย ต้าย ม่าะ!
- เฒาะ โย่ว ฑ้าด ท้อง-ป้าย.
6 เฒี้ยว ฮนั้ง น้าย นอ ก๊อง บั๋ว เยีย,
- ``มี่ง อ๊ะ. มี่ง ล์อ เมี่ยน เซี้ยว แกง.
- นิ่น ปวัด หาย หญู่ง ปุน นิ่น ฒุ่น ก๊อง อ๊ะ.
-
7 นิ่น หาย หฒั่น ปวัด เมี่ยน เก้ ม์า,
- เซ เป๋น เหยียด ต๋อย เหยียด ต๋อย เญย,
- แอ๋ง ม่าย เก้ ล่อ เมี่ยน
- เหธา เก้ ล่อ ท่อ เมี่ยน,
- นิ่น อ๋อย หฒุ หลงๆ เญย หมวัง.
- หฒะเก้ง หลงๆ เญย หมวัง.''
8 ฒั้ว หมั่ง เญย เมี่ยน
เห่ว เจี๊ยน ก๊อง,
- ``เฒี้ยว อ่า, เยีย ฮนอยๆ หฒั่นๆ โซ้ว เจี๊ยน ล่าว.
- ม์วนๆ เยีย เยียม เยีย ฒั้ว เญย ต๋อง.
-
9 หมั่ง ม่าะ! ม่าย เก้ ม์า เมี่ยน ต้าย.
- นิ่น บัว เหยียด ต๋อย เหยียด ต๋อย เก้ เจี๊ยน ม์า ต้าย.
- เซี้ยว แกง เมี่ยน ฯฒฯ ก๊อง,
- `บา^บี^โลน บาง หมี่ อ๊ะ. บาง หมี่ อ๊ะ.
- นิ่น เญย เฒี่ยน เญย เหยียด ฒู้ง หมิ่ว-ฝัง,
- เฒี้ยว
เบ๊าะ ฮู้ เถา กะเดี๊ย เดา อ๊ะ.'''
-
10 โอ เยีย เญย แปะ ฝีง,
- อิ^สะ^ลา^เอน เมี่ยน อ่า,
- เม่ย บัว หฒุ เบ๊าะ ฮนั้ง เบ๊าะ เบย้า,
- หย่า หฒุ ป่วน ฮนั้ง ป่วน ธุ นอ.
- เยีย ไฮ์ เน่น เจี๋ย เญย เฒี้ยว,
- เซ อิ^สะ^ลา^เอน เญย ทิน-ฮู่ง,
ก๊อง เญย หว่า,
- เยีย ฯฒฯ ฒุ่น บั๋ว เม่ย บัว หมี่ อ๊ะ.
โต่ว หว่า ก๊อง เอ^โดม
11 น้าย เซ ก๊อง ดู^มา เญย หว่า
- ม่าย เต้า เยียม เส^อี เห่ว เยีย,
- ``เซี้ยว แกง เมี่ยน อ้า!
ลู่ง ม์วน หธ่อ ม่าย ด่ง หาย เล่า?
- ลู่ง ม์วน หธ่อ ม่าย ด่ง หาย เล่า?''
-
12 เซี้ยว แกง เมี่ยน เตา,
- ``ลู่ง ดอม อ๋อย เถา,
มป่า ลู่ง ม์วน หย่า ต้าย.
- สี ก๊อง อ๋อย หน่าย, กุ๊น หน่าย อ๊ะ.
- กุ๊น แอ๋ง หฑวน ต้าย.''
โต่ว หว่า ก๊อง อา^ละ^เบีย เต่ย-ปูง
13 น้าย เซ ก๊อง อา^ละ^เบีย เญย หว่า.
- เม่ย บัว กั๊บ ต่อย โหฒว แซง-เอ๋ย เญย เด^ดาน เมี่ยน อ้า!
- เม่ย บัว ธอง ด๊บ-ลิ่ว เยียม อา^ละ^เบีย เต่ย-ปูง-ฮวาง เญย เดี๋ยง-หล่ม.
-
14 จาง ฆ้าด เญย เมี่ยน ต้าย ล์อ เม่ย บัว.
- เม่ย บัว อ๋อย หฒุ ปุน ววม นิ่น บัว ฮบ.
- เม่ย บัว เยียม เท^มา เต่ย-ปูง เญย เมี่ยน อ้า!
- ต้อ ฌั้ว มี่ง ปุน เปย๋า สี่ เญย เมี่ยน หญั่น.
-
15 เหว่ย หฒุ นิ่น บัว เปย๋า หฑุ ด๊าว,
- เปย๋า แปง ธ้วด ไพ้ เญย หฑุ ด๊าว
- เหธา แปง เจี๊ยน เญย จวัง-หฒิน,
- เหธา เบ๊าะ จ๋า หฒุ โค้ว เญย สี่.
16 เหว่ย หฒุ เฒี้ยว ฮนั้ง น้าย นอ บั๋ว เยีย, ``เหยียด หฮญัง กะญั์ว หฒิว ธี้ง กง เญย หฮญัง-โสว, เค^ดา เญย เหยียด ฒู้ง ฌัง-หล่าง อ๋อย เจี๋ย หมี่ อ๊ะ.
17 เค^ดา ป๊วน จวัง-หฒิน เฮ้น ไห่ เญย แปง เหฒ่ง เหฌี่ย เญย เมี่ยน หย่า โหฒะ.'' น้าย เซ เฒี้ยว,
อิ^สะ^ลา^เอน เมี่ยน เญย ทิน-ฮู่ง, ก๊อง
ลิ์ว อ๊ะ.
