ทิน-ฮู่ง อ๋อย ตี่ง เอ^ที^โอ^เปีย เญย ฒุ์ย

• ¹ เยียม วั้ว หง่าน หฒิ เอ^ที^โอ^เปีย เญย ด้าย
• ม่าย ด๊าด ดัดๆ บุย * ไฟ จ๊บ-เหญ่ย. เญย เต่ย-ปูง อ๋อย หฒุ โค้ว อ๊ะ. * เส^ฟัน^ยา 2:12
• ² ต้ง หล่ง เธีย-ต๋อย เยี่ยน เมี้ย โหฒว ฑั้ง
• ฝูง โต่ว เฝียน เมี่ยน กัน ค้อย มี่ง วั้ว นอม เต่ย-ปูง.
• เม่ย บัว เซี้ยบ ไห่ เญย โต่ว เฝียน เมี่ยน อ้า! มี่ง อ๊ะ.
• มี่ง ล์อ เหยียด ฝีง โฮล ฮลัง เญย, ด๊บ บย่าง เญย เมี่ยน.
• เป๋น เหยียด ฝีง ต้ง เยียม โก เยียม ฟัด เญย เมี่ยน กั้ม เหฑีย,
• เซ เหยียด ฝีง เฮ้น เญย เมี่ยน, ขูง อ๋อย ตุ๊ ฮี่ง ฮนั้ง.
• นิ่น บัว เญย เต่ย-ปูง ม่าย ด้าย ปุน ฆอย.
• ³ เม่ย บัว ลู่ง เดี๊ย เญย หฒวัง เมี่ยน,
• เซ เยียม เดา-เป้ย เญย เมี่ยน อ้า!
• เยียม บง เหลียบ เก้ วั้ว หฒั่น,
• เม่ย บัว อ๋อย หฒุ หมั่ง.
• ไฮ์ ปย๊ม จอง เญย เฉีย บุย, อ๋อย หฒุ หมวัง!
• ⁴ เฒี้ยว ฮนั้ง น้าย ก๊อง บั๋ว เยีย,
• ``เยีย อ๋อย เยียม เยีย เญย ต๋อง เซ้กๆ เญย หมั่ง,
• ฮนั้ง ลู่ง ฑัง เญย หญุด โต์ว,
• ฮนั้ง เซียว แกง-หฒวัง เญย เฒี่ยง โห่
• ยัวะ เญย ฮนอย เญย บยู่ง-ซุ้ย โหม่ว.''
• ⁵ เหว่ย หฒุ ไม้ แก้ง เซียว เญย เฒี่ยง โห่,
• ฆอย เปี้ยง เหฒี่ย ลิ์ว,
• เปี้ยง หย่า เป๋น อ๋อย หฒัวะ เญย อะหงุ่น เปี๊ยว,
• นิ่น อ๋อย หล่ง ฌิ้ว จั๊บ ฆอย เฮมย-หธุน,
• แอ๋ง ฮงะ กวั่ง โหล่ว มี่ง เญย เฮมย-ฆว่า.
• ⁶ นิ่น อ๋อย กวั่ง นิ่น บัว ปุน เยียม บง เญย ต้ม จ๊าง หญั่น,
• หย่า ปุน หล่ม เญย เฮยี่ย ฒ่อย หญั่น.
• ฆาย กอง ม่าย หญั่น กะน้าย-ไต่ เญย เหนาะ หญั่น,
• ตง-เกน ม่าย เฮยี่ย ฒ่อย ต้าย เป๊ด.

⁷ เถา วั้ว หฒั่น, ม่าย เมี่ยน อ๋อย ต้อ ฒี่ง เหญ่ย ต้าย ปุน เน่น เจี๋ย เญย เฒี้ยว.

• เซ เหยียด ฝีง โฮล ฮลัง เญย, ด๊บ บย่าง เญย เมี่ยน.
• เป๋น เหยียด ฝีง ต้ง เยียม โก เยียม ฟัด เญย เมี่ยน กั้ม เหฑีย.
• เซ เหยียด ฝีง เฮ้น เญย เมี่ยน, ขูง อ๋อย ตุ๊ ฮี่ง ฮนั้ง.
• นิ่น บัว เญย เต่ย-ปูง ม่าย ด้าย ปุน ฆอย.

นิ่น บัว อ๋อย ต้อ ฒี่ง เหญ่ย ต้าย เถา สิ^โอน บง, เซ เหลียบ เน่น เจี๋ย เญย เฒี้ยว เญย เม่ง เญย ต๋อง.