ทิน-ฮู่ง อ๋อย เหมียด โม^อับ

¹ น้าย เซ ก๊อง เถา โม^อับ เญย หว่า.

• เยียม เหยียด ม์วน ฮนั้ง, โม^อับ เญย อาน ฒี่ง หฒุ ป่าย, หฒุ เหมียด หมี่ อ๊ะ.
• โม^อับ ฯฒฯ หฒุ ป่าย, หว่าย หมี่ อ๊ะ.
• เยียม เหยียด ม์วน ฮนั้ง, โม^อับ เญย คี^อา ฒี่ง หฒุ ป่าย, หฒุ เหมียด หมี่ อ๊ะ. * อิ^สะ^ยา 25:10-12 ; เย^เล^มี 48:1-47 ; เอ^เส^เคน 25:8-11 ;
  อา^โม้ด 2:1-3 ; เส^ฟัน^ยา 2:8-11
• ² ดี^โบน เมี่ยน ฝาว มี่ง
• เถา * ม่าย เต๋ย โซว ทิบ เจี๊ยน ก๊อง เปย๊า วั้ว โจ๋ว หว่า. เยียม ฮลัง หฒั่ง เฒี่ยน เญย ต๋อง เญี้ยม.
• โม^อับ เมี่ยน เหว่ย เน^โบ เหธา เม^เด^บา ฒี่ง ชะ เญี้ยม.
• เต้าๆ เมี่ยน เญย มฆ้อง เถย ฌัง,
• เต้าๆ เญย ซยาม หย่า เถย เหฑ่ง.
• ³ เยียม เจ๊า หฒั่ง นิ่น บัว ฒุ * ไฟ ไซ. ล่าม่า เดีย-โธว.
• เยียม เปย๊า-ง่อ เหธา ต้ม หฒวัง หฒ่าม
• เต้าๆ ชะ เญี้ยม ตุ๊ โค้ว ไห่.
• ⁴ เฮ้ด^โบน เหธา เอ^เล^อา^เล เญย เมี่ยน เญี้ยม บุย เญย,
• นิ่น บัว เญย เฉีย ฒู้ง แอ๊ง เถา ยา^ฮ้าด.
• เหว่ย น้าย เยียม โม^อับ
• ต้อ เจี๊ยน เบ๊าะ จ๋า เญย หวัวะ กิ่น เญย แปง เห่ว บุย เญย,
• บะฑิว บกๆ เญย.
• ⁵ เยีย เญย เฮญี้ยว เหว่ย โม^อับ เญี้ยม ตุ๊
  โค้ว ไห่.
• โม^อับ เมี่ยน เปย๋า แหม่ง มี่ง เถา โส^อา,
• ฒู้ง มี่ง เถา เอก^ลัด^เซ^ลี^ซี^ยา.
• นิ่น บัว ฝาว ลู^ฮี้ด,
• เหยียด ปิ่น ฝาว, เหยียด ปิ่น เญี้ยม.
• กัน มี่ง โฮ^โล^นา^อิม วั้ว ติ้ว เจ๊า,
• นิ่น บัว ปู๋ง-ซีง ปู๋ง-เฉีย เญย เญี้ยม
• เหว่ย นิ่น บัว หฒุ เหมียด เญย
  เหฒะ หน่าน.
• ⁶ นิม^ลิม เญย ววม ฆาย เหฑ่ง,
• เมี้ย หย่า เหญา ฆาย.
• เมี้ย-หลุน หย่า ไม้ ธ้วด.
• ไม้ ม่าย เหยียด เต๋ย แมง เญย เซ้ด.
• ⁷ เหว่ย น้าย โม^อับ เมี่ยน ตุ๊ ต้าย เญย ฒิ่น ฒ่อย เหธา เซียว เญย กะน้าย
• นิ่น บัว เปี้ยน เจี๋ย ซุ้ย-เลี่ยม เดี๋ยง เญย โด๊ะ.
• ⁸ เยียม โม^อับ เต่ย เถา หาย เดา ม่าย เฑ่า เญี้ยม เญย เฉีย.
• เฑ่า เญี้ยม เญย เฉีย ฒู้ง เถา เอก^ลา^อิม,
• เฑ่า เญี้ยม เญย เฉีย หย่า มี่ง เถา เบ^เอ^เอ^ลิม.
• ⁹ ดี^โบน เญย โด๊ะ ม่าย ฑย้าม ปวั๊ง เหฑ่ง.
• มป่า เยีย หธ่อ อ๋อย ปุน ดี^โบน หฒุ เหฒะ หน่าน เก้า เฮนี้ย.
• ปุน เซี่ยน หฒุ่น เยียม โม^อับ เปย๋า ธ้วด เญย เมี่ยน,
• เหธา เยียม เต่ย-ปูง เหฒ่ง เหฌี่ย เญย เมี่ยน.