เจียด^ซี เญย เฒ้ย-ฟุน

• ¹ เจียด^ซี เญย กอน อ๋อย ธ้วด ติ้ว หธุน,
• นิ่น เญย ฑู่ง อ๋อย ธ้วด ฆว้า ฆว่า หย่า เฒี่ยง เปี๊ยว. * หล่าว ย่าง 5:5 ; 22:16
• ² เฒี้ยว เญย สีง ลี่ง อ๋อย เยียม นิ่น,
• สีง ลี่ง ปุน นิ่น ม่าย ธง-เม่ง เหธา ว่วน ฒาง,
• สีง ลี่ง ปุน นิ่น ไฮ่ ธ่าง ล่าง หย่า ม่าย ต้ม ชะ,
• สีง ลี่ง ปุน นิ่น ไฮ่ เม่ง แปะ หย่า ปุน นิ่น ท่าย เฒี้ยว.
• ³ นิ่น ฒู้ง อ๋อย ปวั๊ง เฮญี้ยว ท่าย เฒี้ยว.
• นิ่น ไม้ เฒ์ย หฒิว กั้น เญย มฒีง ปวัด เญย เซี้ยม,
• หย่า ไม้ เฒ์ย หฒิว นิ่น เญย มน่อม ไฮ์ เญย ตุ๋น สี่.
• ⁴ นิ่น อ๋อย หล่ง หอบ เญย เจ๊า เซี้ยม เมี่ยน จ่ม เมี่ยน,
• หย่า แป้ง ฟิม เญย ตุ๋น เยียม ลู่ง เดี๊ย
• หฒุ ฒัด เหฌี่ย เญย เมี่ยน.
• นิ่น อ๋อย เหฌี่ย หลี่ง ตี่ง ลู่ง เดี๊ย เมี่ยน เญย ฒุ์ย, * ฟาน หฒะ ฮิบ^ลู หว่า ก๊อง ``นิ่น อ๋อย หล่ง เยียม นิ่น เญย ฑุ่ย เญย ปย๊า เบ๊าะ ลู่ง เดี๊ย.''
• หย่า ไต๋ เอ๊าะ เมี่ยน. * ฟาน หฒะ ฮิบ^ลู หว่า ก๊อง ``หล่ง นิ่น เญย ฑุ่ย เหมย เญย เฉีย ไต๋ เอ๊าะ เมี่ยน''. * 2 เท^สะ^โล^นิ^กา 2:8
• ⁵ นิ่น อ๋อย หล่ง แป้ง ฟิม เญย เจ๊า ต๋อง โหว-ฮลาง,
• หย่า หล่ง เหฒียบ ฒัวะ เญย เจ๊า โหฒว หละซิน ไซ เจี๊ยน. * เอ^เฟ^โซ 6:14
  
• ⁶ เฮยี่ย จู๊ ฯฒฯ เหธา ปะกี ยู่ง ตอน เยียม,
• ดะม่าว เบ๋ว หย่า เหธา ยู่ง ตอน เปว๋ย,
• ง่ง ตอน เหธา เซี่ยน หลุน จวั่ง เยียม จวั่ง หญั่น, * ไฟ ``ง่ง ตอน, เซี่ยน หลุน เหธา จุ่น เญย ง่ง ตอน จวั่ง หญั่น''.
• ฝุเจว๊ย-ไฝ หย่า อ๋อย ต้อ นิ่น บัว. * อิ^สะ^ยา 65:25
• ⁷ ง่ง เญ์ย ฒู้ง เหธา เจี๊ยบ จวั่ง หญั่น,
• นิ่น บัว เญย ตอน จวั่ง เปว๋ย,
• เซี่ยน หย่า อ๋อย หญั่น เบย้า ฆ้าว
  ฮนั้ง ง่ง นอ.
• ⁸ หธ่อ ฮบ หญอ เญย กู้งว์า อ๋อย เยียม นาง-เจี๊ยะ เญย ค้วด-ด่าง เหญียน,
• กวั่ง หญอ เญย กู้งว์า อ๋อย ลม เปียะ นาง-โตะ เญย ค้วด.
• ⁹ ตะฟ่าน เยียม เยีย เญย ธีง-เหฑ่ง บง
  เญย ต๋อง,
• น้าย เต๋ย กะน้าย ไม้ ห่อย,
  ไม้ โหฒว เหมียด.
• เหว่ย หฒุ ฮิ้ว เฒี้ยว เญย เมี่ยน ปวั๊ง เหฑ่ง ลู่ง เดี๊ย,
• ฮนั้ง ววม ปวั๊ง ค้อย นอ. * ฮา^บา^กุก 2:14

หฒุ กว๊าด มี่ง เญย เมี่ยน ตุ๊ หฑวน

¹⁰ เถา วั้ว ฮนอย, ม่าย เต้า เจียด^ซี เญย เฒ้ย-ฟุน * ฟาน หฒะ ก๊อง เจียด^ซี เญย ฑู่ง. อ๋อย เหลียบ เจี์ย โหฒว หม่าน ฝีง เญย จั๋ง-โห่, หม่าน กั๊วะ เมี่ยน ฯฒฯ ต้าย ล์อ นิ่น. นิ่น ฮิด เญย ต๋อง ม่าย ฌัง-หล่าง ไห่. * โล^มา 15:12

¹¹ เถา วั้ว ฮนอย, เฒี้ยว อ๋อย ซูง ตะเหญ่ย หฑุ่น ปั์ว เหว่ย เซียว นิ่น เหฒ่ง เหฌี่ย เญย แปะ ฝีง, เซ เยียม อัด^ซี^เลีย, อี^ยิบ, ปัด^โล้ด, * เซ อี^ยิบ เต่ย-ปูง เญย วั้ว เจี๋ย หว่วน. เอ^ที^โอ^เปีย, * เซ คู้ด. เอ^ลาม, บา^บี^โลน, * เซ ซี^นา. ฮา^มัด เหธา ค้อย-โฑว เญย เมี่ยน.

• ¹² นิ่น อ๋อย เหลียบ เจี์ย ต้ม เก้ * ไฟ จั๋ง-โห่. ปุน หม่าน กั๊วะ เมี่ยน,
• แอ๋ง ต้อ อิ^สะ^ลา^เอน หฒุ กว๊าด มี่ง เญย เมี่ยน ต้าย ฒุ้น.
• นิ่น อ๋อย เยียม เดา-เป้ย เญย เปยย ปูง
  ลู่ง กอน,
• ปุน หฒุ เยียม หฑาน เญย
  ยู^ดา เมี่ยน กั๊บ ฒุ้น.
• ¹³ เอ^ฟา^อิม เหมว่ย เจี๊ยะ เญย สี่ ฯฒฯ เจี๋ย หมี่ อ๊ะ,
• ห่อย ยู^ดา เญย เมี่ยน หย่า หฒุ ไพ กวั่ง.
• เอ^ฟา^อิม ฯฒฯ ไม้ เหมว่ย เจี๊ยะ ยู^ดา,
• ยู^ดา หย่า ไม้ ห่อย เอ^ฟา^อิม อ๊ะ.
• ¹⁴ นิ่น บัว อ๋อย เหฌี่ย มี่ง เบ๊าะ * ฟาน หฒะ ก๊อง
  ``ถิว เหฌี่ย นิ่น บัว เญย บะเต้า''. เยียม ไฟ ปูง เญย ฟี^ลิ^สะ^เตีย เมี่ยน.
• นิ่น บัว ล่ม ฑ่อย มี่ง ลู้ เยียม ตง ปูง เญย เมี่ยน.
• นิ่น บัว อ๋อย มี่ง ธ้าง เอ^โดม เหธา โม^อับ.
• อัม^โมน เมี่ยน หย่า หฒุ เยียม นิ่น บัว เญย ปั์ว-เดี๊ย.
• ¹⁵ เฒี้ยว หย่า อ๋อย ปุน
• อี^ยิบ เญย ค้อย-หธง ฆาย.
• นิ่น อ๋อย หฮวัง ปั์ว ปุน หฑยาว-จอม ป่วน เจี๋ย
• ยู^เฟ^ติด ด้าย กู้ หงว่าย.
• ด้าย ฯฒฯ ปุน ฆอย เป๋น เสี่ย ติ้ว โด๊ะ,
• ปุน เมี่ยน ไฮ่ เจี๋ย มี่ง,
  เหฒา หย่า ไม้ ดอน. * หล่าว ย่าง 16:12
• ¹⁶ ม่าย ติ้ว ต้ม เจ๊า ปุน นิ่น เญย แปะ ฝีง
• เหฒ่ง เหฌี่ย เญย เมี่ยน เยียม อัด^ซี^เลีย หฑวน,
• ฮนั้ง ฒิ่น ด่าง อิ^สะ^ลา^เอน เมี่ยน
• เยียม อี^ยิบ เต่ย-ปูง หฑวน เญย เจ๊า นอ.