ขวิน แปะ ฝีง หฑวน ต้าย ล์อ เฒี้ยว

• ¹ แปะ ฝีง ก๊อง, ``ต้าย ม่าะ!
• บัว หฑวน มี่ง ล์อ เฒี้ยว,
• นิ่น เป๊ด บัว
• มป่า อ๋อย หฒ่อ บัว หลง.
• นิ่น เบ๊าะ บัว,
• มป่า อ๋อย เปว เจี๊ยน บัว มุน เญย ต๋อง.
• <sup>2</sup> แอ๋ง เจี๋ย มี่ง อี ฮนอย นิ่น อ๋อย ปุน บัว ฟี้ง.
• เถา ตะฟาม ฮนอย นิ่น ฯฒฯ เหลียบ บัว เจี์ย,
• เหว่ย ปุน บัว ตุ๊ เยียม นิ่น เญย
  หฑะเฮมียน.
• <sup>3</sup> บัว อ๋อย หฒุ ฮิ้ว ตุ๊ เฒี้ยว,
• ปุน บัว หล่ง เหฑ่ง ชะ อ๋อย ฮิ้ว นิ่น.
• นิ่น ด่ง หาย ฒู้ง ธ้วด ต้าย
• ฮนั้ง ลู่ง ดอม เญย ฌัง ธ้วด.
• นิ่น อ๋อย ต้าย ล์อ บัว ฮนั้ง เธียว-เกน บยู่ง,
• ฮนั้ง ธุน-เกน บยู่ง ปุน เดา ดอน.''
• <sup>4</sup> เฒี้ยว ก๊อง, ``เอ^ฟา^อิม เมี่ยน อ่า,
• เยีย หอบ หฒุ ฮนั้ง หาย นอ ต้อ เม่ย บัว?
• ยู^ดา เมี่ยน อ่า,
• เยีย หอบ หฒุ ฮนั้ง หาย นอ ต้อ เม่ย บัว?
• เม่ย บัว ฮนั้ม เยีย ฮนั้ง ลู่ง ดอม เญย โหม่ว,
• หย่า ฮนั้ง บยู่ง-ซุ้ย เฑี้ยว เญย ฆาย
  หมี่ อ๊ะ.
• ⁵ เหว่ย น้าย เยีย หล่ง โต่ว หว่า เมี่ยน ฮงะ
  นิ่น บัว.
• เยีย หล่ง เยีย กั้น เญย ฑุ่ย ก๊อง เญย หว่า ไต๋ นิ่น บัว.
• เยีย เซี้ยม ฒุ์ย เญย สี่ ธ้วด มี่ง ฮนั้ง ฌัง.
• ⁶ เยีย อะเฮน้ย เญย เซ เมี่ยน เหฒียบ ฒัวะ เญย ฮนั้ม,
• ไม้ เฒ์ย เมี่ยน ฝ่ง ห่อ เหฒี่ย.
• เยีย อ๋อย เมี่ยน เหญี่ยม ทิน-ฮู่ง
• เก้า ธั้ม ปั๊ว เหฒี่ย เญย กะน้าย. * มัด^ทาย 9:13 ; 12:7
• ⁷ นิ่น บัว ฮนั้ง อา^ดัม * ไฟ เยียม อา^ดัม ไฟ ฮนั้ง เมี่ยน. แหง่ง เจี๊ยน เยีย เหธา นิ่น บัว แล์ง เญย แหง่ง หว่า.
• เยียม วั้ว นิ่น บัว ไม้ เหฒียบ ฒัวะ เญย โหฒว ปุน เยีย.
• ⁸ กิ^เล^อาด เป๋น เอ๊าะ เมี่ยน เญย ฒี่ง,
• ม่าย ฑย้าม กั๊วะ เจี๊ยน เจ๊า มี่ง.
• ⁹ ฮนั้ง กวั้น จั๋น-หฒะ ปี๋ง เจี๊ยน ฒั้ว เมี่ยน, * น้าย โจ๋ว ฮิบ^ลู หว่า เซ ไม้ หนั่ง เม่ง.
• ไซ เมี่ยน หย่า ฮนั้ง วั้ว นอ กั๊บ ฒุ้น ต้าย เป๋น กวั้น
• กัน เซ^เคม เญย เจ๊า ไต๋ เมี่ยน,
• โหฒว เธี้ยว, โหฒว โตะ เญย สี่.
• ¹⁰ เยียม อิ^สะ^ลา^เอน เญย เฒ้ย-ฟุน บุด๋ง
• เยีย ปวัด กั้ม เฑี้ย เญย สี่.
• เยียม วั้ว เอ^ฟา^อิม ม่าย เหฮยียน เญย เจ๊า,
• อิ^สะ^ลา^เอน หฒุ ม่าย หวุย.
• ¹¹ ``ยู^ดา เมี่ยน อ้า! เหว่ย เม่ย หย่า
  ฟี่ ฮนั้ง เญย,
• ฒู้ง ตี่ง เหฒียง เซียว เญย เฒี่ยง โห่
  หมี่ อ๊ะ. * เซ ``ตี่ง ฒุ์ย เญย เฒี่ยง โห่''.
• เยีย อ๋อย ปุน เยีย เญย แปะ ฝีง หฑวน ต้าย
• ตุ๊ หลง ฮนั้ง โล์ เญย เฒี่ยง โห่.