โฮ^เซ^ยา 12 (Hosea 12)

โฮ^เซ^ยา 12

¹ เอ^ฟา^อิม หญั่น หฑยาว,

เฒี่ยง ฮนอย หฒุ่น เจี๊ยน ตง ปูง

เญย หฑยาว มี่ง.

นิ่น ปุน ก๊อง-แปะ เหธา โหฒว โตะ เญย เจ๊า จา ธั้ม.

นิ่น เหธา อัด^ซี^เลีย แล์ง แหง่ง หว่า,

หย่า เปี้ยน กะลั้น โย่ว มี่ง ปุน อี^ยิบ.

² เฒี้ยว โก๋ ยู^ดา,

หย่า หฒิว ยา^โค้บ โหฒว เญย เจ๊า อ๋อย ตี่ง นิ่น เญย ฒุ์ย,

หย่า เอย นิ่น โหฒว เญย สี่ วิ่น ปุน นิ่น.

³ เยียม มา เญย กะเซีย กะญั์ว นิ่น นั้น เจี๊ยน นิ่น ก๋อ เญย เหฒา-โฆ. *

เป๋น ต้ม เมี่ยน เญย เฒี่ยง โห่ นิ่น เหธา ทิน-ฮู่ง ป์อง. *

⁴ นิ่น เหธา ฟิน-เมี่ยน ป์อง หย่า ป์อง ตุ๊ ฮี่ง,

นิ่น เญี้ยม หย่า โท้ ฟิน-เมี่ยน ค้อ-เลี่ยน.

เยียม เบด^เอน นิ่น ปวั้ง หฒุ ทิน-ฮู่ง,

เยียม วั้ว ทิน-ฮู่ง หย่า เหธา นิ่น * ก๊อง หว่า, *

⁵ เซ เฒี้ยว, เน่น เจี๋ย เญย ทิน-ฮู่ง.

นิ่น เญย บั๋ว เห่ว เฒี้ยว.

⁶ ฮนั้ง หน่าย เม่ย อ๋อย หฒุ เขา ทิน-ฮู่ง เถง หฑวน ต้าย. *

อ๋อย หฒุ โก๋ว หลง ฮนั้ม เมี่ยน เญย เฮญี้ยว เหธา แป้ง ฟิม เญย เจ๊า,

หย่า หฒั่นๆ ฒั้ว เจี๊ยน เม่ย เญย ทิน-ฮู่ง.

⁷ แซง-เอ๋ย เมี่ยน, ปั์ว นั้น เจี๊ยน ไม้ หอบ เญย เหฑียง.

นิ่น อะเฮน้ย เหฒย เมี่ยน.

⁸ เอ^ฟา^อิม ก๊อง, ``อา, เยีย เป๋น ปุ๊ด-ฒ่อย เมี่ยน อ๊ะ.

เยีย หฒ่อน ตุ๊ ฒิ่น ฒ่อย เป๋น เยีย กั้น เญย.''

มป่า นิ่น เญย เหยียด ฒู้ง ฒิ่น ฒ่อย

เหยียด ลิ์ว ไม้ ไฮ่ เก๋า หฑาว นิ่น ป์าม เญย ฒุ์ย. *

⁹ เยียม เม่ย ธ้วด อี^ยิบ เต่ย-ปูง ต้าย

เยีย โหฒว เฒี้ยว, เม่ย เญย ทิน-ฮู่ง.

เยีย แอ๋ง อ๋อย ปุน เม่ย เยียม ด๊บ-ลิ่ว,

ฮนั้ง เจี๋ย ตี่ง ต้าย เญย ฒิบ เญย ฮนอย-เหญียะ. * เล^วี 23:42-43

¹⁰ เยีย เหธา โต่ว หว่า เมี่ยน ก๊อง หว่า,

เซ เยีย ปุน หล่าว ย่าง เญย สี่ จา ธั้ม.

เยีย หล่ง โต่ว หว่า เมี่ยน ก๊อง หว่า-เป๊ย.

¹¹ เยียม กิ^เล^อาด ม่าย ฒุ์ย เญย ไฟ?

นิ่น บัว ด่ง หาย ฒู้ง ไม้ ลั่ม หล่ง.

นิ่น บัว เยียม กิน^กาน ฝ่ง ห่อ ง่ง โก๊ว เหฒี่ย.

นิ่น บัว เญย เหฒี่ย-ต้อง ฮนั้ง เยียม เด่ย

ไล่ ลิ์ว เญย หฒวน เญย หละเปย๊ย-ดุย.

¹² (ฒิ่น ด่าง ยา^โค้บ เปย๋า เถา อา^ลัม เต่ย,

เยียม วั้ว อิ^สะ^ลา^เอน โหฒว กง เปี๊ยด เอ๊า หล่ง,

นิ่น เถง เมี่ยน ปู๋ง ปะกี ยู่ง เหว่ย เปี๊ยด เอ๊า.) *

¹³ เฒี้ยว หล่ง โต่ว หว่า เมี่ยน

ต้อ อิ^สะ^ลา^เอน เยียม อี^ยิบ ธ้วด ต้าย.

อิ^สะ^ลา^เอน หย่า ปั่ง เต้า โต่ว หว่า เมี่ยน

เปว เจี๊ยน นิ่น. *

¹⁴ เอ^ฟา^อิม หฒะเก้ง! ธัวะ เฒี้ยว โน์ว ไห่.

นิ่น ไต๋ เมี่ยน เญย ฒุ์ย นิ่น กั้น อ๋อย หฒุ ดาม-ตอง.

หลาย นิ่น หมั่ง เผีย เฒี้ยว,

เฒี้ยว อ๋อย วิ่น ปุน นิ่น.