1 เล์ย- หลัด เซ ไม้ เฒ์ย ฆะฮ้า อ๋อย ต้าย วั้ว เต๋ย เฒียน สี่. เล์ย-หลัด ขูง โหฒว วั้ว เต๋ย หลง เญย สี่ เญย หญู่ง เฒ้ย เหธา ต้ง ลิ่น ฮนั้ง. เหว่ย น้าย เมี่ยน หฮญังๆ หฒั่นๆ ต้ง วั้ว หญู่ง กะน้าย ต้อ มี่ง เหฒี่ย, มป่า น้าย เต๋ย เหฒี่ย เญย กะน้าย ไม้ ไฮ่ ปุน ต้าย ล์อ ทิน-ฮู่ง วั้ว เต๋ย ตุ้น ยุ่น.
2 สี ก๊อง ไฮ่ ปุน นิ่น บัว เหยียด ลิ์ว ธีง-เหฑ่ง นิ่น บัว ฯฒฯ ไฮ์ ไม้ ม่าย ฒุ์ย, ไม้ หฒุ แอ๋ง ต้อ กะน้าย มี่ง เหฒี่ย ปุน ทิน-ฮู่ง อ๊ะ. 3 มป่า เมี่ยน เหฒี่ย เญย กะน้าย เถง นิ่น บัว หฮญังๆ จั๋ง หฒุ กั้น เญย ฒุ์ย, 4 เหว่ย หฒุ ง่ง โก๊ว ฑย้าม เหธา ยู่ง เญย ฑย้าม ฒู้ง ไม้ ไฮ่ หฑาว ไม้ ดุ๊ด ฒุ์ย.
5 เหว่ย น้าย, กี^ตู่ เปียะ ป้าม เกน วั้ว หฒั่น นิ่น ก๊อง บั๋ว ทิน-ฮู่ง,
8 ต้าว ตั้ง กี^ตู่ ก๊อง, ``เมี่ยน หล่ง แซง-คู้ เหฒี่ย หย่า ฝ่ง ห่อ กะน้าย, ไฟ ต้อ แซง-คู้ เฒี่ยง เต้า ปั๊ว เหฒี่ย, ไฟ หล่ง แซง-คู้ เหฒี่ย เหว่ย ฟิ ฒุ์ย เม่ย ไม้ อ๋อย, หย่า ไม้ อะเฮน้ย'' (น้าย เต๋ย เซ หฒิว เล์ย-หลัด ฝ่ง ห่อ เหฒี่ย เญย.) 9 ฆะฮ้า นิ่น แอ๋ง ก๊อง, ``โอ ทิน-ฮู่ง อ่า, เยีย เยียม น้าย. เยีย ต้าย เหว่ย เอย เจี๊ยน เม่ย เญย หฒะเอ๋ย โหฒว.'' ทิน-ฮู่ง ฯฒฯ ปุน โล์-หฒะเอ๋ย เจี๋ย เหฑ่ง, แอ๋ง หล่ง กี^ตู่ เหลียบ เจี์ย เซียง เญย ต้าย. 10 เหว่ย หฒุ เย^ซู กี^ตู่ เอย ทิน ฮู่ง เญย หฒะเอ๋ย โหฒว, หล่ง นิ่น กั้น เญย ซิน โหฒว เหฒี่ย เญย กะน้าย, เหฒี่ย เหยียด หฑุ่น ต๋อง เหยียด ลิ์ว, ฯฒฯ ปุน บัว ธีง-เหฑ่ง ต้าย.
11 เต้าๆ ไซ เมี่ยน ฮนอยๆ โหฒว นิ่น ไซ เมี่ยน เญย กง, หฑุ่นๆ ต้ง วั้ว หญู่ง กะน้าย เหฒี่ย. วั้ว เต๋ย กะน้าย เหยียด ลิ์ว หย่า ไม้ ไฮ่ หฑาว ไม้ ดุ๊ด ฒุ์ย. * 12 มป่า กี^ตู่ เหว่ย ฒุ์ย เซี้ย นิ่น กั้น โหฒว เหฒี่ย เญย กะน้าย, เหฒี่ย เหยียด หฑุ่น ต๋อง เหยียด ลิ์ว อ๊ะ. ฆะฮ้า นิ่น เฒว์ย เจี๊ยน ทิน-ฮู่ง เญย บย่าว แหมง. * 13 เยียม หน่าย ต้าย, กี^ตู่ ฒั้ว เจี๊ยน นิ่น เญย วิน-วั้ง หฒุ เยียม นิ่น เญย เหฒา-เดี๊ย โหฒว หลอง เหฒา เญย ต๋อง. 14 เหว่ย หฒุ กี^ตู่ หล่ง นิ่น กั้น เหฒี่ย เหยียด หฑุ่น, นิ่น ฯฒฯ ปุน หฑาว ธีง-เหฑ่ง ต้าย เญย เมี่ยน เหยียด ลิ์ว ตุ้น ยุ่น.
15 สีง ลี่ง หย่า โหฒว ฒอง-เหฒง ก๊อง น้าย เต๋ย สี่. ต้าว ตั้ง นิ่น ก๊อง,
17 ฆะฮ้า นิ่น แอ๋ง ก๊อง,
18 ฮนั้ง หน่าย ตุ๊ น้าย เต๋ย ฒุ์ย กวั่ง ลิ์ว, ฯฒฯ ไม้ หฒุ แอ๋ง หล่ง กะน้าย เหฒี่ย เหว่ย ฟิ ฒุ์ย.
19 หฒวัง ก๋อ-โย์ว อ่า, ฮนั้ง หน่าย บัว เหว่ย เย^ซู เญย ฑย้าม ไฮ่ ปู๋ง หล่าง เญย เปียะ เก้า ธีง-เหฑ่ง เจี๋ย วั้ว ฉง. 20 เย^ซู เหว่ย บัว คอย เซียง-เจ๊า, ต้ง เฒี่ยง เจี๊ยน เญย เจ๊า, เหว่ย หฒุ นิ่น คอย ทง แบะ แก้ง เดีย ปุน บัว กัน หน่าย มี่ง. น้าย แบะ แก้ง เดีย เซ นิ่น กั้น เญย ซิน. 21 บัว ม่าย เต้า ต้ม ไซ เมี่ยน กุ๊น ทิน-ฮู่ง เญย เปย๊า ฒง เมี่ยน. 22 อ๋อย หฒุ หล่ง เหฒียบ ฒัวะ เญย เฮญี้ยว, เสียน ว้วน, บัว เญย เฮญี้ยว หย่า หฑาว ธีง-เหฑ่ง, ไม้ ม่าย ต๋อง เฆ่ม เญย ล่าง ฟิม, บัว เญย ซิน หย่า หล่ง ธีง-เหฑ่ง เญย ววม หฑาว ลิ์ว, ต้าย นิด ฟัด ทิน-ฮู่ง. * 23 บัว อ๋อย หฒุ เสียน ว้วน บัว เหญี่ยม ม่าย ลั่ม ฮนั้ม อ๋อย ตุ๊ เญย, เหว่ย หฒุ แล์ง หว่า วั้ว เต้า เซ เขา ตุ๊ ว้วน เญย. 24 บัว หย่า อ๋อย หฒุ ฮนั้ม หมั่ง ก๋า, ฮนั้ง หาย นอ ไฮ่ เถง ล่าน เหยียด เฒย ฮนั้ม ล่าน, เหยียด เฒย โหฒว คู้ สี่. 25 อ๋อย หฒุ กั๊บ ฒุ้น โหฒว เล์ย-ป๋าย, ไม้ ตู๋ง กวั่ง ฮนั้ง ม่าย เต๋ย เมี่ยน กวั่ง เกว๋น นอ. ต๋าว หฑวน ล่าน อ๋อย หฒุ เหยียด เฒย ขวิน ล่าน เหว่ย หฒุ เม่ย บัว ฮิ้ว ตุ๊ เฒี้ยว เซี้ยม ฒุ์ย เญย ฮนอย เถา ฟัด อ๊ะ.
26 สี ก๊อง บัว ฮิ้ว ลิ์ว เฒียน เล์ย มป่า ตุ๊-เอ๋ย หฒั่นๆ ป์าม ฒุ์ย, ไม้ ม่าย หาย หญู่ง เหฒี่ย เญย กะน้าย ไฮ่ ฟิ ตุ๊ ฒุ์ย อ๊ะ. 27 ขูง กั้ม เหฑีย เจี๊ยน ฒั้ว หฒุ เซี้ยม ฒุ์ย หย่า หฒุ หฮยาง ไห่ เญย โต์ว, ต้ง หล่ง ปั๊ว ทิน-ฮู่ง เญย วิน-จา วั้ว หญู่ง โต์ว. *
28 หาย เต้า ป์าม โม^เซ เญย เล์ย, หย่า ม่าย อี ปัว ล่าน เมี่ยน โหฒว ฒอง-เหฒง นอ, วั้ว เต้า ฒู้ง หฒุ ไต่ หย่า ไม้ ม่าย หาย เต้า ค้อ-เลี่ยน. * 29 วั้ว หญู่ง, ฮนั้ม หมั่ง ก๋า, หาย เต้า ธ้าย เจี๊ยน ทิน-ฮู่ง เญย ตอน, วั้ว เต้า ฯฒฯ หมั่ง เผีย หล่ง เหลียบ แหง่ง หว่า เญย ฑย้าม, * ต้ง หฑาว นิ่น ธีง-เหฑ่ง วั้ว หญู่ง ฑย้าม. นิ่น หย่า ก๊อง โตะ เหธย เอน เญย สีง ลี่ง, ฯฒฯ หฒี่ ตุ๊ ตี่ง ฒุ์ย ด่ง หาย เฮนี้ย? 30 บัว ฮิ้ว ตุ๊ ก๊อง น้าย โจ๋ว หว่า วั้ว เต้า. นิ่น ก๊อง,
นิ่น แอ๋ง ก๊อง,
31 ฮนั้ง หน่าย, หฒุ ด๊อด เยียม เฒี่ยง เจี๊ยน เญย ทิน-ฮู่ง เญย ปั์ว-เดี๊ย นอ, เซ กั้ม เหฑีย ไห่ เญย สี่.
32 อ๋อย หฒุ จั๋ง เจี๊ยน ฒิ่น ด่าง เม่ย บัว ฮนั้ง หาย นอ. เม่ย บัว โธะ โหะ ตุ๊ ทิน-ฮู่ง เญย ฌัง หฒิว เจี๊ยน เม่ย บัว วั้ว หฒั่น, เม่ย บัว เตี๊ย ตุ๊ ธั้ม-หญู่ง โค้ว หน่าน มป่า เม่ย บัว เตี๊ย ตุ๊ ฮี่ง. 33 ม่าย เฒี่ยง โห่ เม่ย บัว ตอง หฒวัง หฒุ เมี่ยน ก๊อง โตะ, โหฒว โตะ. ม่าย เฒี่ยง โห่ ม่าย เต๋ย หฒุ เมี่ยน ฮนั้ง น้าย นอ โหฒว. เม่ย บัว หย่า มี่ง เหธา นิ่น บัว จวั่ง เจี๊ยน เตี๊ย. 34 เม่ย บัว หย่า ม่าย เฮญี้ยว ค้อ-เลี่ยน หฒุ หววน เญย เมี่ยน. เม่ย บัว เญย กะน้าย หฒุ ธ้าง เหฑ่ง, เม่ย บัว อะเฮน้ย เตี๊ย เหว่ย หฒุ เม่ย บัว ฮิ้ว ตุ๊ เม่ย บัว หธ่อ ม่าย หญู่ง เก้า หลง เจี๋ย, หย่า เหยียด ลิ์ว เยียม. 35 ฮนั้ง หน่าย, อ๋อย หฒุ ปู๋ง หล่าง เญย เสียน, ไม้ ตู๋ง กวั่ง. เม่ย บัว ฯฒฯ ตุ๊ ฒิบ ต้ม ฒี่ง เหญ่ย. 36 อ๋อย หฒุ หล่ง หน่อย เตี๊ย เหว่ย โหฒว เอย ทิน-ฮู่ง เญย เอ๋ย ฯฒฯ ตุ๊ ฒิบ นิ่น แล์ง ปุน เญย ป่วน. 37 ฮนั้ง กีง-โซว ก๊อง นอ,
39 มป่า บัว ไม้ เฒ์ย ฮล้วด ฆาง หฒุ เหมียด เญย เมี่ยน. บัว เสียน ทิน-ฮู่ง หย่า โหฒว ตุ๊ เหฌียว เญย เมี่ยน.