ยา^โค้บ ก๊อง ฒิ่น โฮ์ หว่า
1 ยา^โค้บ เห่ว นิ่น เญย ตอน บัว ต้าย ฑ่อย. นิ่น ก๊อง, ``เม่ย บัว ต้าย กั๊บ ฒุ้น เยีย น้าย. เยีย อ๋อย ก๊อง ฆะฮ้า ฮี้ง เม่ย บัว อ๋อย ปวั้ง เญย สี่.
-
2 ``ยา^โค้บ เญย ตอน อ่า, เม่ย บัว ต้าย ฒุ้น หมวัง.
- ต้าย หมวัง เม่ย เญย เตีย,
อิ^สะ^ลา^เอน, ก๊อง.
-
3 ``ลู^เบน อ่า, เม่ย โหฒว เยีย เญย ตอน-โฮล.
- เม่ย เซ เยีย เญย ชะ.
- เยีย เป๋น ต้ม เมี่ยน ตุ๊ ต้าย เญย ต้าว เต้า ตอน.
- เม่ย โหฒว ต้ม ก๋อ,
- เหยียด ปั๊วะ ตอน เม่ย เก้า ม่าย เม่ง เจี๋ย,
- เม่ย หย่า เก้า เฮ้น.
-
4 เม่ย เป๊ย ฮนั้ง ววม-เสย นอ, ฯฒฯ ไม้ ตุ๊ โหฒว โฮล,
- เหว่ย หฒุ เม่ย เปว๋ย เม่ย เญย เตีย เญย เอ๊า-ตอน,
- ปุน เตีย เญย โหธว ม่าย หวุย.
-
5 ``สิ^เม^โอน เหธา เล^วี โหฒว อี มั์ว.
- นิ่น บัว เญย หฑุ ด๊าว เซ โหฒว โตะ เญย หวัวะ กิ่น.
-
6 นิ่น บัว ต๊า หฒะเอ๋ย, เยีย ไม้ เหธา นิ่น บัว ธ่าง ล่าง.
- นิ่น บัว กั๊บ ฒุ้น เญย เฒี่ยง โห่, เยีย ไม้ เหธา นิ่น บัว โหฒว ต่อย,
- เหว่ย หฒุ นิ่น บัว เฉีย เจี์ย ไต๋ เมี่ยน.
- นิ่น บัว เซว่ย เอ๋ย ฮงะ ง่ง โก๊ว เญย ต้ม หลวั่ง จาน ตั๋ง.
-
7 หลาย นิ่น บัว เฉีย เจี์ย, เธี้ยว, นิ่น บัว หฒุ โฮ้ว.
- หลาย เฉีย เป๊ะ, เฮญี้ยว โตะ, นิ่น บัว หฒุ เหฒียว.
- เยีย อ๋อย ปุน นิ่น บัว หฑาน มี่ง ก๋อม อิ^สะ^ลา^เอน เต่ย-ปูง,
- หย่า อ๋อย ปุน นิ่น บัว หฒอบ เจี๊ยน อิ^สะ^ลา^เอน เมี่ยน เยียม.
-
8 ``ยู^ดา อ่า, เม่ย เญย มั์ว-ต่อย อ๋อย เธง เม่ย.
- เม่ย หล่ง เม่ย เญย ปั์ว นั้น เจี๊ยน เม่ย เญย วิน-วั้ง เญย จาง.
- เม่ย เญย มั์ว-ต่อย อ๋อย เกว่ย เหฌี่ย เดา ป๋าย เม่ย.
-
9 ยู^ดา อ่า, เม่ย เซ ฮนั้ง เต้า เซี่ยน ตอน นอ.
- เยีย เญย ตอน อ่า, เม่ย ธ้วด มี่ง หงาด อ๊อ แอ๋ง หฑวน เม่ย เญย ต๋อง.
- เม่ย บ๊าบ เหฌี่ย แอ๋ง เปว๋ย เหฌี่ย ฮนั้ง เซี่ยน โก๊ว.
- ฮนั้ง เซี่ยน เญ์ย นอ, หาย เต้า ไฮ่ ก๊าม แฮะ นิ่น เญีย?
-
10 ยู^ดา อ๋อย เหยียด ลิ์ว นั้น เจี๊ยน ฮู่ง เตี๋ย เญย ปย๊า.
- นิ่น กุ๊น เมี่ยน เญย ปย๊า-บย่า ฒู้ง ไม้ เล่ย นิ่น เญย อี เจี๊ยะ เหฒา บุด๋ง,
- ฒั้ว เถา วั้ว ติ้ว ปย๊า-บย่า เญย เฒี้ยว
ต้าย เถา.
- หม่าน ฝีง เมี่ยน หย่า หมวัง นิ่น เญย หว่า.
-
11 นิ่น เญย ล่อ โก๊ว นิ่น โด้ เจี๊ยน อะหงุ่น เฮมย,
- ล่อ ตอน โด้ เจี๊ยน เก้า หลง เจี๋ย เญย อะหงุ่น เฮมย ฆว่า.
- นิ่น อ๋อย หล่ง อะหงุ่น ติ๊ว โหฑ นิ่น เญย ลุย-โหว,
- หล่ง อะหงุ่น ววม ซิ เญย ฮนั้ง ฑย้าม นอ, โหฑ นิ่น เญย ลุย-ด๊าว.
-
12 เหว่ย ฮบ อะหงุ่น ติ๊ว, นิ่น เญย มฒีง ซิ,
- เหว่ย นิ่น ฮบ ง่ง หญอ, นิ่น เญย ญ่า หย่า แปะ.
-
13 ``เส^บู^ลุน ตุ๊ เยียม วั้ว ค้อย-เฮลน,
- เป๋น นอม ฑั้ง-โป่ว ปุน ฑั้ง ตี้ง.
- นิ่น เญย กั๊บ-จ๋าย มี่ง ต๋าว เจี๊ยน ไซ^ดอน ฒี่ง.
-
14 ``อิด^สา^คา ฮนั้ง ล่อ นอ เฮ้น,
- บ๊าบ เหฌี่ย นิ่น เญย ปะกี ยู่ง ล่าน
บุด๋ง.
-
15 นิ่น ปวัด นิ่น ฮิด เญย ต๋อง หลง,
- วั้ว นอม เต่ย-ปูง คู่ เยียม,
- นิ่น ฯฒฯ เหญีย เจี๊ยน กะน้าย จุ๊ดๆ
เญย มี่ง,
- แล์ง โหฒว โน่ว ปุน เมี่ยน อ๊าบ โหฒว กง โค้ว.
-
16 ``ดาน อ๋อย แป้ง ฟิม เญย เซี้ยม นิ่น เญย แปะ ฝีง.
- นิ่น เญย ฝีง เซ เหยียด ฝีง
อิ^สะ^ลา^เอน เมี่ยน.
-
17 ดาน อ๋อย เป๋น ติ้ว นาง เยียม วั้ว เจ๊า,
- เป๋น ติ้ว นาง-โตะ เยียม วั้ว เจ๊า-เฮลน,
- เญาะ ม์า เญย เหฒา,
ห่อย เก้ ม์า เญย เมี่ยน
- ตะหฑยาว ฟาน, ด๊อด กะเดี๊ย เดา มี่ง.
-
18 `` เฒี้ยว
อ่า, เยีย ฒั้ว เจี๊ยน เม่ย เหฌียว เยีย.
-
19 ``กาด อ๋อย หฒุ กวั้น จั๋น-หฒะ ธ้าง,
- มป่า นิ่น ต๋าว ซิน หฒุ่น เจี๊ยน นิด เจี๊ยน เหฒา-โฆ มี่ง.
-
20 ``อา^เซ เญย เต่ย-ปูง ปู๋ง-หฒัวะ, กะน้าย-หฒวัง หลง,
- ไฮ่ โหฒว ตุ๊ ผุย ฮู่ง เตี๋ย หญั่น.
-
21 ``นับ^ทา^ลี เป๋น เต้า ไฌ่ เญ์ย ปู๋ง วั้ว หล่ม,
- นิ่น เหฌี่ย ตุ๊ ตอน เหฑว่ย เญย.
-
22 ``โย^เซ้บ เซ เฒี่ยง เปี๊ยว ธั้ม เญย เดี๋ยง-ฆว่า,
- เซ เยียม ววม-ฒี้ง เฮลน เฒี่ยง เปี๊ยว กิ๊ด เญย ฆว่า.
- นิ่น เญย ฆว่า หย่า หย่อม ธ้วด กะเหญี่ย หฒิ หลาด.
-
23 ป๊วน จวัง-หฒิน เญย เมี่ยน ต้าย เหธา นิ่น เบ๊าะ จ๋า โหฒว โตะ,
- ป๊วน นิ่น, โหฒว ห่อย นิ่น.
-
24 มป่า นิ่น ฒ้าง ตี่ง นิ่น เญย จวัง-หฒิน.
- นิ่น เญย ปั์ว หย่า ม่าย ชะ เฮ้น
- เหว่ย ยา^โค้บ เญย เน่น เจี๋ย เญย ทิน-ฮู่ง,
- เหว่ย โก๋ว ปะกี ยู่ง เญย เมี่ยน,
- เซ อิ^สะ^ลา^เอน เญย หละเปย๊ย.
-
25 เหว่ย เม่ย เญย เตีย เญย ทิน-ฮู่ง, ต้ง เถง เม่ย วั้ว เต้า,
- หย่า เหว่ย เน่น เจี๋ย เญย ทิน-ฮู่ง
เหธย ฟุ ปุน เม่ย.
- นิ่น ปุน กู้ หงว่าย เญย ฟุ,
- กะเดี๊ย เดา เญย ฟุ,
- เหธา ม่าย แซง-คู้ เหธา ตุ๊ ฝุเจว๊ย เญย ฟุ.
-
26 เม่ย เญย เตีย ปุน เม่ย ตุ๊ เญย ฟุ
- เซ เก้า โฮล เจี๋ย เหยียด ลิ์ว เยียม เญย บง
ตุ๊ ต้าย เญย ฟุ.
- เซ เก้า โฮล เจี๋ย เยีย เญย อง-ถาย ปุน ต้าย เญย ฟุ.
- โท้ น้าย เต๋ย ฟุ เยียม โย^เซ้บ เญย มฆ้อง,
- หย่า เยียม ฒิ่น ด่าง เล่ย นิ่น เญย มั์ว-ต่อย วั้ว เต้า เญย ปย้อง.
-
27 ``เบน^ยา^มิน ฮนั้ง เต้า เฮยี่ย จู๊ เธย อ๊อ,
- ลู่ง ดอม หญั่น นิ่น หงาด ต้าย เญย อ๊อ,
- ลู่ง หฮมวัง ปุน ฆอย นิ่น ธ้าง ต้าย เญย กะน้าย.''
28 น้าย เซ อิ^สะ^ลา^เอน เญย เหฒียบ เหญ่ย ฝีง. หย่า หฒิว นิ่น บัว เญย เตีย ปวัง เญย หว่า ผุย ตุ๊ นิ่น บัว เต้าๆ.
ยา^โค้บ เกวย เสย
29 ยา^โค้บ พ้าย หว่า ปุน นิ่น เญย ตอน บัว, ``เยีย อ๊า ลั่ม เกวย เสย อ๊ะ.
อ๋อย หฒุ ต้อ เยีย มี่ง เหธา เยีย เญย อง-ถาย บัว หฒัง เจี๊ยน ฮิด^ไท เมี่ยน, เอ^โฟ^โลน, เญย เดา,
30 มัก^เป^ลา, เญย แบ๋ง-ค้วด. น้าย เต๋ย เดา เยียม คา^นา^อัน เต่ย-ปูง, มัม^เล เญย ตง ปูง แหมง. เซ อับ^ลา^ฮัม เถง วั้ว เต้า ฮิด^ไท เมี่ยน, เอ^โฟ^โลน, ม์าย วั้ว ฑง เดา เหธา วั้ว นอม แบ๋ง-ค้วด โหฒว โฒ้ว-เก้ม.
31 อับ^ลา^ฮัม เหธา นิ่น เญย เอ๊า, ซา^ลา, หฒัง วั้ว.
อี^สัก เหธา นิ่น เญย เอ๊า, เล^เบ^คา, หย่า หฒัง วั้ว.
เยีย หย่า หฒัง เล^อา เยียม วั้ว นอม ต๋อง.
32 วั้ว ฑง เดา เหธา แบ๋ง-ค้วด เถง ฮิด^ไท เมี่ยน ม์าย ต้าย.''
33 ยา^โค้บ พ้าย หว่า บั๋ว ลิ์ว นิ่น เญย ตอน บัว, นิ่น เปว๋ย เหฌี่ย โหธว
ฯฒฯ ตั๋ง เฉีย, เกวย เสย หมี่ อ๊ะ.
