1 ```เฒี้ยว ทิน-ฮู่ง ฮนั้ง น้าย ก๊อง, ``กะญั์ว วั้ว คัง หลาด ฮวิน มี่ง ตง ปูง เญย แก้ง เยียม โหฒว กง เญย จุ๊ ฮนอย อ๋อย หฒุ กวน. มป่า เถา ตี้ง กง ฮนอย เหธา เซียง-หฮลา เญย แซง-เยี้ยด อ๋อย หฒุ คอย ฆอย. 2 ฮู่ง เตี๋ย อ๋อย หฒุ เยียม กะเหญี่ย ยั่ง วั้ว เต้า แก้ง เปียะ ต้าว คัง โซ้ว เจี๊ยน แก้ง โหฒ่ว กะเฮลน. ไซ เมี่ยน ฯฒฯ เหว่ย นิ่น ฝ่ง ห่อ ปั๊ว เหฒี่ย หย่า เหฒี่ย เหว่ย จิว ทง. นิ่น ฯฒฯ เยียม วั้ว แก้ง ด่าง ป๋าย ทิน-ฮู่ง. ป๋าย ลิ์ว ฯฒฯ ธ้วด หมี่ อ๊ะ. มป่า วั้ว เต้า หลาด แก้ง ไม้ กวน เถา ลู่ง หฮมวัง. 3 โม์ว นอม ตี้ง กง ฮนอย เหธา แซง-เยี้ยด ฮนอย, กั๊วะ กะญั์ว เญย แปะ ฝีง อ๋อย หฒุ เยียม น้าย เต้า แก้ง ด่าง, เฒี้ยว เญย หฑะเฮมียน, ป๋าย นิ่น. 4 ตี้ง กง ฮนอย ต้ง ฮู่ง เตี๋ย อ๋อย หฒุ ฝ่ง ห่อ ปั๊ว เหฒี่ย ปุน เฒี้ยว เญย กะน้าย, เซ จุ๊ เต้า ไม้ ม่าย ต๋อง เฆ่ม เญย ปะกี ยู่ง ตอน เหธา เหยียด เต้า ไม้ ม่าย ต๋อง เฆ่ม เญย ปะกี ยู่ง โก๊ว. 5 เหยียด เต้า ปะกี ยู่ง โก๊ว อ๋อย หฒุ ฝ่ง ห่อ เหยียด ท้ง บ๊วน * โหฒว ต๋อย. ปะกี ยู่ง ตอน นอ, หฒิว เมี่ยน อ๋อย ปุน เญย ฝ่ง ห่อ. เหยียด ท้ง บ๊วน อ๋อย หฒุ แอ๋ง จา เปยย ก่อง * กะลั้น โย่ว โหฒว ต๋อย เหฒี่ย. 6 แซง-เยี้ยด วั้ว ฮนอย อ๋อย หฒุ ฝ่ง ห่อ เต้า ไม้ ม่าย ต๋อง เฆ่ม เญย ง่ง โก๊ว ตอน, จุ๊ เต้า ปะกี ยู่ง ตอน เหธา เหยียด เต้า ปะกี ยู่ง โก๊ว. เหยียด ฒู้ง ไม้ ม่าย ต๋อง เฆ่ม เญย. 7 ฝ่ง ห่อ เญย ล่าง หฒิ อ๋อย หฒุ เหว่ย เหยียด เต้า ง่ง โก๊ว ฝ่ง ห่อ เหยียด ท้ง เล่ง * ล่าง หฒิ เหธา เจี๊ยน. ฝ่ง ห่อ ปะกี ยู่ง โก๊ว หย่า อ๋อย หฒุ ปุน เหยียด ท้ง เล่ง. * เหว่ย ปะกี ยู่ง ตอน นอ, หฒิว เมี่ยน อ๋อย ปุน เญย ฝ่ง ห่อ. เหยียด ท้ง เล่ง ล่าง หฒิ อ๋อย หฒุ จา ปัว ก่อง เปี๋ยน * กะลั้น โย่ว. 8 ฮู่ง เตี๋ย เปียะ เญย เฒี่ยง โห่ นิ่น อ๋อย หฒุ ยั่ง หลาด กะญั์ว วั้ว ฉง เปียะ แอ๋ง ยั่ง หน่าย ธ้วด.
9 `````เถา ตี่ง ต้าย เญย ฒิบ, กั๊วะ กะญั์ว เญย แปะ ฝีง ต้าย เยียม เฒี้ยว เญย หฑะเฮมียน ป๋าย เญย เฒี่ยง โห่, หาย เต้า เมี่ยน ยั่ง ป๊ะ ปูง แก้ง เปียะ, ป๋าย ลิ์ว อ๋อย หฒุ ยั่ง น่าม ปูง แก้ง ธ้วด. หาย เต้า เมี่ยน ยั่ง น่าม ปูง เปียะ, อ๋อย หฒุ ยั่ง ป๊ะ ปูง ธ้วด. ไม้ ตู๋ง ปุน หาย เต้า ยั่ง นิ่น เปียะ เญย แก้ง ธ้วด. อ๋อย หฒุ ยั่ง นิ่น เญย วั้ว ด่าง แหมง วั้ว เต้า ธ้วด. 10 แปะ ฝีง เปียะ เญย เฒี่ยง โห่ ฮู่ง เตี๋ย อ๋อย หฒุ เหธา เจี๊ยน เปียะ. แปะ ฝีง ธ้วด เญย เฒี่ยง โห่ ฮู่ง เตี๋ย หย่า อ๋อย หฒุ เหธา เจี๊ยน ธ้วด.
11 `````เจี๋ย ฒิบ เญย ฮนอย เหธา ตี่ง ต้าย เญย ฒิบ ฝ่ง ห่อ, เหยียด เต้า ง่ง โก๊ว อ๋อย หฒุ ฝ่ง ห่อ เหยียด ท้ง เล่ง ล่าง หฒิ * เหธา เจี๊ยน. เหยียด เต้า ปะกี ยู่ง โก๊ว อ๋อย หฒุ ฝ่ง ห่อ เหยียด ท้ง เล่ง ล่าง หฒิ. เหว่ย ปะกี ยู่ง ตอน นอ, หฒิว เมี่ยน อ๋อย ปุน เญย ฝ่ง ห่อ. เหยียด ท้ง เล่ง ล่าง หฒิ อ๋อย หฒุ จา ปัว ก่อง เล่ง * กะลั้น โย่ว. 12 ฮู่ง เตี๋ย หาย หฒั่น ธ้วด ฟิม ฝ่ง ห่อ, ไม้ กุ๊น ปั๊ว เหฒี่ย เญย ไฟ เหฒี่ย เหว่ย จิว ทง เญย, อ๋อย หฒุ เหว่ย นิ่น คอย ฮวิน ตง ปูง วั้ว เต้า แก้ง. นิ่น ฯฒฯ หฒิว ตี้ง กง ฮนอย เหฒี่ย เญย เจ๊า ฝ่ง ห่อ ปั๊ว เหฒี่ย ไฟ เหฒี่ย เหว่ย จิว ทง. เหฒี่ย ลิ์ว นิ่น อ๋อย หฒุ ธ้วด. ธ้วด ลิ์ว อ๋อย หฒุ แอ๋ง กวน วั้ว เต้า แก้ง.
13 `````นิ่น อ๋อย หฒุ ฮนอยๆ ปุน เต้า ไม้ ม่าย ต๋อง เฆ่ม, ต๋อย หฮญัง เญย ปะกี ยู่ง ตอน, ฝ่ง ห่อ ปุน เฒี้ยว เหว่ย โหฒว ปั๊ว เหฒี่ย เญย กะน้าย. อ๋อย หฒุ ดอมๆ ฝ่ง ห่อ ปุน. 14 ดอมๆ อ๋อย หฒุ ปุน ฝ่ง ห่อ เหฒี่ย เญย ล่าง หฒิ เหธา เจี๊ยน. อ๋อย หฒุ ปุน ปัว เมาะ เปี๋ยน * ล่าง หฒิ เหธา เหยียด ก่อง เล่ง * กะลั้น โย่ว เหว่ย หฒอบ เจี๊ยน วั้ว เต๋ย ล่าง หฒิ, ปุน ล่าง หฒิ ฮนัม เต๋ย. น้าย เซ ฝ่ง ห่อ ปุน เฒี้ยว เญย ล่าง หฒิ. น้าย เซ ฝ่ง ห่อ ปั๊ว เหฒี่ย เญย เล์ย-หลัด, อ๋อย หฒุ หฒั่นๆ เอย เจี๊ยน โหฒว. 15 ฮนั้ง หน่าย อ๋อย หฒุ ดอมๆ เบ่น เต้า ปะกี ยู่ง ตอน เหธา เหฒี่ย เญย ล่าง หฒิ เหธา กะลั้น โย่ว เหว่ย หฒั่นๆ โหฒว ฝ่ง ห่อ ปั๊ว เหฒี่ย เญย กะน้าย.''
16 ```เฒี้ยว ทิน-ฮู่ง ฮนั้ง น้าย ก๊อง, ``สี ก๊อง ฮู่ง เตี๋ย เฒาะ เต๋ย กั้น หฑิบ เญย เดา โหฒว ฒี่ง เหญ่ย ปุน เต้า นิ่น กั้น เญย ตอน, ฯฒฯ เป๋น นิ่น เญย ตอน เญย หมี่ อ๊ะ. หฒิว นิ่น บัว หฑิบ เญย ป่วน เป๋น นิ่น บัว เญย เดา อ๊ะ. 17 มป่า สี ก๊อง ฮู่ง เตี๋ย เฒาะ เต๋ย นิ่น หฑิบ เญย ป่วน เดา โหฒว ฒี่ง เหญ่ย ปุน เต้า นิ่น เญย โปว, ฯฒฯ เป๋น โปว เญย ป่วน เถา ปู๋ง ฆอย เญย หฮญัง. เถา วั้ว หฮญัง อ๋อย หฒุ ถุย หฑวน ปุน ฮู่ง เตี๋ย. ขูง ฮู่ง เตี๋ย กั้น เญย ตอน ไฮ่ หล่ง น้าย เต๋ย หฑิบ เญย เดา โหฒว ฒี่ง เหญ่ย เป๋น กั้น หฑิบ เญย ป่วน ฮนั้ง. * 18 ฮู่ง เตี๋ย ไม้ หอบ หฒุ แฑง หาย เต้า แปะ ฝีง หฑิบ เญย ป่วน แอ๋ง หฒุ่น นิ่น กวั่ง เจี๊ยน เดา เปย๋า มี่ง. นิ่น อ๋อย หฒุ เฒาะ นิ่น กั้น หฑิบ เญย ป่วน เดา ปุน นิ่น กั้น เญย ตอน หฑิบ. ฮนั้ง หน่าย ไม้ ม่าย หาย เต้า แปะ ฝีง หฒุ หฒุ่น ธ้วด กวั่ง เจี๊ยน นิ่น หฑิบ เญย ป่วน เดา มี่ง.'''''
19 ฆะฮ้า วั้ว ล่าน เมี่ยน ต้อ เยีย ยั่ง หลาด แก้ง กะเฮลน เปียะ กะญั์ว เญย ต๋อง เถา ฮวิน มี่ง ป๊ะ ปูง วั้ว ไบ้ เปย๊า เญย ธีง-เหฑ่ง ฉง, เซ ไซ เมี่ยน เญย ต๋อง. เยียม วั้ว เยีย ปวัด เยียม ไฟ ปูง จ่ม วั้ว ม่าย นอม ต๋อง. 20 วั้ว ล่าน เมี่ยน บั๋ว เยีย, ``น้าย นอม ต๋อง เซ ไซ เมี่ยน โฒ้ว ฝ่ง ห่อ เหฒี่ย ฟิ ฒุ์ย เหธา ฝ่ง ห่อ เหฒี่ย เหว่ย โหฒว ต่อง ฒุ์ย เญย แซง-คู้ อ๊อ หย่า ฒิ ฝ่ง ห่อ เหฒี่ย เญย ล่าง หฒิ. ฮนั้ง หน่าย ไม้ หฒุ ต้อ ธ้วด กะเหญี่ย วั้ว คัง หลาด เญย ขูง-ต๋อง ปุน แปะ ฝีง ธีง-เหฑ่ง.''
21 นิ่น แอ๋ง ต้อ เยีย ธ้วด เถา กะเหญี่ย วั้ว คัง หลาด, แอ๋ง ต้อ เยีย มี่ง เถา หลาด กะญั์ว เญย เปยย นอม เก๊าะ, เยียม น้าย เต๋ย เปยย นอม เก๊าะ ม่าย ต๋อง เว่ย เจี๊ยน เญย. 22 น้าย เต๋ย เปยย นอม เว่ย เญย ต๋อง เก้า ไฝ เต๋ย, ด๊าว เฝย เหฒียบ เดาะ, จั๊ง ฟ่า เหฒียบ เดาะ. นอมๆ เก๊าะ เว่ย เญย ต๋อง ฟี่ ล่ม เญย. 23 น้าย เต๋ย เปยย นอม เก๊าะ กะญั์ว แหมง เว่ย ก๋อม เญย ต๋อง หล่ง หละเปย๊ย เก๊าะ ต้าย โหฒว โหฑ ปั๊ว โต์ว. 24 วั้ว ล่าน เมี่ยน ก๊อง บั๋ว เยีย, ``เยียม หฒั่ง ทิน-ฮู่ง เญย เปย๊า ฟู-สู เญย กง-เมี่ยน เยียม น้าย เต๋ย ต๋อง โฒ้ว แปะ ฝีง ฝ่ง ห่อ เหฒี่ย เญย กะน้าย.''