อี^ยิบ อ๋อย หฒุ ตี่ง ฒุ์ย

¹ เยีย แอ๋ง ตุ๊ ฒิบ เฒี้ยว เญย หว่า ก๊อง, ² ``ป้าม เมี่ยน อ้า! เม่ย อ๋อย หฒุ โต่ว หว่า ก๊อง, `เฒี้ยว ทิน-ฮู่ง ฮนั้ง น้าย ก๊อง,

• ```เม่ย อ๋อย หฒุ ชะ เญี้ยม เจี๊ยน ก๊อง,
• ``วั้ว นอม ฮนอย โค้ว อ๊ะ.''
• ³ เหว่ย หฒุ วั้ว นอม ฮนอย เถา ฟัด อ๊ะ,
• เฒี้ยว เญย ฮนอย เถา ฟัด.
• เป๋น ม่าย บ๋วน เญย ฮนอย,
• หม่าน กั๊วะ หฒุ ตี่ง ฒุ์ย เญย ฮนอย.
• ⁴ ฒู้ง ม่าย หฑุ ด๊าว เถา อี^ยิบ ไต๋ อี^ยิบ เมี่ยน,
• เอ^ที^โอ^เปีย เมี่ยน หย่า หฒุ โค้ว หน่าน.
• เยียม อี^ยิบ หฒุ ไต่ เญย เมี่ยน คีง เหฌี่ย วั้ว หฒั่น,
• อี^ยิบ เญย ฒิ่น ฒ่อย หฒุ เปี้ยน มี่ง,
• นิ่น เญย กอน-โด๊ะ หย่า หฒุ แธะ เหฑ่ง.

⁵ ```ม่าย เอ^ที^โอ^เปีย เมี่ยน, พู้ด เมี่ยน, ลู^เด เมี่ยน, อา^ละ^เบีย เญย เหยียด ฒู้ง เมี่ยน เหธา ลิ^เบีย เมี่ยน, แอ๋ง ม่าย เยียม เต่ย-ปูง เหธา นิ่น บัว ต้ง เฮญี้ยว กั๊บ ชะ เญย เมี่ยน หย่า อ๋อย หฒุ หฑุ ด๊าว ไต๋.

⁶ ``` เฒี้ยว ฮนั้ง น้าย ก๊อง,

• ```ป๊า เจี๊ยน อี^ยิบ เต่ย-ปูง วั้ว เต๋ย อ๋อย หฒุ บาง.
• อี^ยิบ โหฒว เหมา เญย ชะ อ๋อย หฒุ ด๊อด เหฌี่ย.
• เยียม มิก^โดน เถา สิ^เอ^เน * ไฟ อัด^วัน. นิ่น บัว เยียม อี^ยิบ กะญั์ว หฒุ หฑุ ด๊าว ไต๋.
• น้าย เซ เฒี้ยว ทิน-ฮู่ง ก๊อง เญย หว่า.
• ⁷ เป๊ย หฒุ ป่าย ฮวาง เญย หม่าน กั๊วะ,
• อี^ยิบ เก้า หฒุ ป่าย ฮวาง เจี๋ย.
• นิ่น เญย ฒี่ง หย่า หฒุ ป่าย ฮวาง
• เยียม หฒุ ป่าย ฮวาง เญย ฒี่ง บุด๋ง.
• ⁸ เยีย อ๋อย ปุน โต์ว ปั๊ว อี^ยิบ เต่ย-ปูง,
• เถง นิ่น เญย เหยียด ฒู้ง เมี่ยน หย่า หฒุ เหมียด เหฑ่ง,
• วั้ว หฒั่น นิ่น บัว ฯฒฯ ฮิ้ว ตุ๊ เยีย เซ เฒี้ยว.

⁹ ```เถา วั้ว ฮนอย เยีย อ๋อย ปุน โต่ว เฝียน เมี่ยน เปียะ ฑั้ง มี่ง เหว่ย แฮะ ไม้ เกาะ จาง เญย เอ^ที^โอ^เปีย เมี่ยน กั้ม เหฑีย. อี^ยิบ หฒุ เหมียด วั้ว ฮนอย, เอ^ที^โอ^เปีย เมี่ยน หย่า อ๋อย หฒุ โค้ว หน่าน, เหว่ย หฒุ น้าย นอม ฮนอย หฒะเก้ง อ๋อย เถา อ๊ะ.

¹⁰ ```เฒี้ยว ทิน-ฮู่ง ฮนั้ง น้าย ก๊อง,

• ```เยีย อ๋อย หล่ง บา^บี^โลน เญย ฮู่ง, เน^บู^คัด^เน้ด^ซา, เญย ปั์ว
• ปุน อี^ยิบ เญย ฒิ่น ฒ่อย * ม่าย เต๋ย โซว ก๊อง หฒวัง เมี่ยน ธั้ม. หฒุด เหฑ่ง.
• ¹¹ นิ่น เหธา กัน นิ่น เญย เมี่ยน,
• เซ เยียม หฒวัง กั๊วะ บุด๋ง เก้า เธี้ยว เจี๋ย เญย ฝีง,
• ฯฒฯ เปียะ ต้าย เหมียด น้าย นอม เต่ย-ปูง.
• นิ่น บัว อ๋อย แปง หฑุ ด๊าว ธ้วด เหธา อี^ยิบ เบ๊าะ จ๋า,
• ปุน เต่ย-ปูง ม่าย หฒุ ไต๋ เญย เมี่ยน ปวั๊ง เหฑ่ง.
• ¹² เยีย อ๋อย ปุน ไน^อา ด้าย ฆาย มี่ง,
• หย่า เฒาะ เต่ย-ปูง หม่าย ปุน เยียม เอ๊าะ เมี่ยน เญย ปั์ว-เดี๊ย.
• เยีย อ๋อย หล่ง กั้น ฝีง เมี่ยน เญย ปั์ว
• โหฒว ปุน เต่ย-ปูง เหธา เยียม เต่ย-ปูง เญย
• หญู่งๆ กะน้าย หฒุ ป่าย ฮวาง เหฑ่ง.

เยีย, เฒี้ยว, ก๊อง ลิ์ว อ๊ะ.

¹³ ```เฒี้ยว ทิน-ฮู่ง ฮนั้ง น้าย ก๊อง,

• ```เยีย อ๋อย เหมียด เหฑ่ง หมิ่ว-ฝัง,
• หย่า เยียม เมม^ฟิด ปุน จ๊า เฒี่ยน หฒุด เหฑ่ง.
• ยั่ง น้าย มี่ง อี^ยิบ ไม้ ม่าย ฮู่ง กุ๊น,
• เยีย ฯฒฯ ปุน เยียม อี^ยิบ เต่ย-ปูง เญย เมี่ยน กั้ม เหฑีย.
• ¹⁴ เยีย อ๋อย ปุน ปัด^โล้ด * เซ อี^ยิบ เต่ย-ปูง เญย วั้ว เจี๋ย หว่วน. เป๋น เดา-ฮวาง,
• อ๋อย ปุน โต์ว ปั๊ว โส^อัน ฒี่ง,
• หย่า เซี้ยม ตี่ง เท^เบด ฒี่ง เญย ฒุ์ย.
• ¹⁵ เยีย เญย กะเฉีย อ๋อย แป๊ด ธ้วด ปุน อี^ยิบ ว้วน เญย ล่าว,
• เซ เป^ลู^เซียม ฒี่ง,
• หย่า อ๋อย ปุน เท^เบด เญย หฒวัง เมี่ยน หฒุ ไพ กวั่ง.
• ¹⁶ เยีย อ๋อย ปุน โต์ว ปั๊ว อี^ยิบ.
• เป^ลู^เซียม อ๋อย หฒุ เตี๊ย ต้ม โค้ว หน่าน.
• เท^เบด ฒู้ง หฒุ เบ๊าะ ป่าย,
• เมม^ฟิด ลู่ง ฮนอย หฒั่น หย่า หฒุ โค้ว. * ไฟ ม่าย วิน-วั้ง. ม่าย เต๋ย โซว ฟาน ต้าย ก๊อง ``นิ่น เญย ฒี่ง หลาด หย่า บาง หว่าย เหฑ่ง''.
• ¹⁷ โอน ฒี่ง * ฮิบ^ลู หว่า ก๊อง อา^เวน. แอ๋ง ม่าย กั้น นอม บั๋ว เห่ว เฮ^ลี^โอ^บุ^ลี. เหธา พี^เบ^เสด ฒี่ง เญย เมี่ยน หลุน เมี่ยน อ๋อย หฒุ หฑุ ด๊าว ไต๋.
• น้าย เต๋ย ฒี่ง เญย เมี่ยน หย่า อ๋อย หฒุ กว๊าด มี่ง.
• ¹⁸ เยีย เยียม ทา^ปาน^เหด ปุน อี^ยิบ กุ๊น เญย ชะ ตั๋ง วั้ว หฒั่น,
• ลู่ง ฮนอย หฒั่น ฯฒฯ หฮมวัง มี่ง.
• นิ่น โหฒว เหมา เญย ชะ อ๋อย หฒิด หมี่ อ๊ะ,
• ม่าย บ๋วน อ๋อย อม เจี๊ยน
  อี^ยิบ,
• นอมๆ ฒี่ง เญย เมี่ยน * ฮิบ^ลู หว่า ก๊อง นิ่น เญย เซียะ. อ๋อย หฒุ กว๊าด มี่ง.
• ¹⁹ เยีย ฮนั้ง น้าย ปุน อี^ยิบ หฒุ ตี่ง ฒุ์ย,
• นิ่น บัว ฯฒฯ ฮิ้ว ตุ๊ เยีย เซ เฒี้ยว '''

อี^ยิบ ฮู่ง เญย ชะ เจี๋ย หมี่ อ๊ะ

²⁰ เยีย บัว หฒุ กว๊าด มี่ง เหฒียบ เยี้ยด หฮญัง, ฒี่ หฮลา แซง-เธี้ยด วั้ว ฮนอย, เยีย แอ๋ง ตุ๊ ฒิบ เฒี้ยว เญย หว่า ก๊อง, ²¹ ``ป้าม เมี่ยน อ้า! เยีย เบ๊าะ เน้า อี^ยิบ ฮู่ง, ฟา^โล, เญย ปั์ว. ปั์ว หย่า ไม้ ตุ๊ เปว. ไม้ ม่าย หาย เต้า เปว เหว่ย หฒ่อ หลง, ปุน ปั์ว แอ๋ง เฮ้น ต้าย ไฮ่ เฝง หฑุ ด๊าว. ²² เหว่ย น้าย เฒี้ยว ทิน-ฮู่ง ก๊อง, เยีย โหฒว อี^ยิบ เญย ฮู่ง, ฟา^โล, เญย วิน-วั้ง. เยีย อ๋อย เบ๊าะ นิ่น เญย ปั์ว เน้า, เซ เฮ้น วั้ว เจี๊ยะ เหธา เน้า เจี๋ย วั้ว เจี๊ยะ. เยีย อ๋อย ปุน นิ่น เญย ปั์ว ปู๋ง หฑุ ด๊าว ด๊อด เหฌี่ย. ²³ เยีย อ๋อย ปุน อี^ยิบ เมี่ยน ฟ้าด หฑาน
มี่ง เยียม หม่าน กั๊วะ หม่าน ฝีง บุด๋ง. ²⁴ เยีย อ๋อย ปุน บา^บี^โลน เญย ฮู่ง เญย ปั์ว เฮ้น หย่า เฒาะ เยีย เญย หฑุ ด๊าว ปุน นิ่น เญย ปั์ว นั้น เจี๊ยน. มป่า เยีย อ๋อย ปุน ฟา^โล เญย ปั์ว เน้า. นิ่น ฯฒฯ ตอง เจี๊ยน บา^บี^โลน ฮู่ง ฌุ่น ฮนั้ง หฒุ เซียง, ไฮ่ ไต่ เญย เมี่ยน. ²⁵ เยีย อ๋อย ปุน บา^บี^โลน ฮู่ง เญย ปั์ว ม่าย ชะ, มป่า ฟา^โล เญย ปั์ว อ๋อย เมา เหฌี่ย. เยีย เฒาะ เยีย เญย หฑุ ด๊าว อัน เจี๊ยน บา^บี^โลน ฮู่ง เญย ปั์ว, นิ่น หย่า ซูง หฑุ ด๊าว ธ้วด ต้าย ไต๋ อี^ยิบ เมี่ยน วั้ว หฒั่น, นิ่น บัว ฯฒฯ ฮิ้ว ตุ๊ เยีย เซ เฒี้ยว. ²⁶ เยีย อ๋อย ปุน อี^ยิบ เมี่ยน ฟ้าด หฑาน มี่ง เยียม เหฒีย กั๊วะ เหฒีย ฝีง บุด๋ง. นิ่น บัว ฯฒฯ ฮิ้ว ตุ๊ เยีย เซ เฒี้ยว. ''