โต่ว หว่า ก๊อง ไท^ละ เญย ฮู่ง
1 เยีย แอ๋ง ตุ๊ ฒิบ เฒี้ยว
เญย หว่า ก๊อง,
2 ``ป้าม เมี่ยน อ้า! อ๋อย หฒุ ก๊อง บั๋ว ไท^ละ เญย ฮู่ง, `เฒี้ยว ทิน-ฮู่ง
ฮนั้ง น้าย ก๊อง,
- `````เหว่ย หฒุ เม่ย เฮญี้ยว เหมา
- เม่ย ก๊อง, `เยีย เป๋น เต้า เฒี่ยน.
- เยียม ค้อย บุด๋ง
- เยีย เฒว์ย เจี๊ยน เฒี่ยน เญย เหว่ย.'
- มป่า เม่ย เป๋น ป้าม เมี่ยน ไม้ เฒ์ย เฒี่ยน,
- ไม้ กุ๊น เม่ย ฝุน กั้น ม่าย ธง-เม่ง
ด่ง เต้า เฒี่ยน.
-
3 เป๊ย ดา^นี^เอน, เม่ย เก้า ม่าย ธง-เม่ง ไฟ?
- ไม้ ม่าย หาย หญู่ง ไฮ่ ปี๋ง ตุ๊ เม่ย เจี๊ยน ไฟ?
-
4 เม่ย เขา กั้น เญย ธง-เม่ง เหธา ว่วน ฒาง
- โต้ว กั้น ล์อ ฒิ่น ฒ่อย ธั้ม.
- เม่ย เซียว เจียม ญ่าน
- เปียะ เม่ย เญย ญ่าน ลั์ม.
-
5 เม่ย เขา กั้น ไกว ไห่ เญย ธง-เม่ง โหฒว แซง-เอ๋ย
- ตุ๊ ฒิ่น ฒ่อย ธั้ม เจี๊ยน ฝาว.
- เหว่ย หฒุ เม่ย ปุ๊ด ฒ่อย
- เม่ย เญย เฮญี้ยว ฯฒฯ โหฒว เหมา.''
6 เหว่ย น้าย เฒี้ยว ทิน-ฮู่ง
ก๊อง,
- `````เหว่ย หฒุ เม่ย ฮนั้ม ต้าย เม่ย ม่าย ธง-เม่ง ด่ง เต้า เฒี่ยน,
-
7 เหว่ย น้าย เยีย อ๋อย ต้อ กั้น ฝีง เมี่ยน ต้าย เบ๊าะ เม่ย.
- เยียม หฒวัง กั๊วะ บุด๋ง เซ เธี้ยว เจี๋ย เญย เมี่ยน.
- นิ่น บัว อ๋อย แปง ธ้วด หฑุ ด๊าว,
- ฮงะ หว่าย เม่ย หล่ง ธง-เม่ง
- ล์อ ต้าย เหฑว่ย เญย กะน้าย,
- ปุน เม่ย เญย ฌัง-หล่าง ม่าย หวุย.
-
8 นิ่น บัว อ๋อย เฒาะ เม่ย ฒอย เหฌี่ย
เยี่ยม เกน,
- เม่ย ฯฒฯ ฮนั้ง หฒุ ไต๋ ไต่ เญย เมี่ยน
- เยียม วั้ว ค้อย กะญั์ว ไต่.
-
9 เม่ย เยียม ไต๋ เม่ย วั้ว เต๋ย เมี่ยน เญย หฑะเฮมียน วั้ว หฒั่น
- เม่ย หธ่อ ก๊อง, `เยีย เป๋น เต้า เฒี่ยน' ไฟ?
- เม่ย เยียม ปุน เม่ย หฒุ มุน วั้ว เต๋ย เมี่ยน เญย ปั์ว-เดี๊ย,
- เม่ย ขูง เป๋น ป้าม เมี่ยน ฮนั้ง, ไม้ เฒ์ย เฒี่ยน.
-
10 เม่ย อ๋อย หฒุ เยียม กั้น ฝีง เมี่ยน เญย ปั์ว-เดี๊ย ไต่,
- ฮนั้ง ไม้ เจี๋ย ก๊าด เญย เล์ย
เญย เมี่ยน หฒุ ไต่ วั้ว นอ.
`````เยีย, เฒี้ยว ทิน-ฮู่ง,
ก๊อง ลิ์ว อ๊ะ.'''''
เหว่ย ไท^ละ เญย ฮู่ง
ป๋าว เญย หน่าน ฒี่ง ฑูง
11 เยีย แอ๋ง ตุ๊ ฒิบ เฒี้ยว
เญย หว่า ก๊อง,
12 ``ป้าม เมี่ยน อ้า! เม่ย อ๋อย หฒุ เหว่ย ไท^ละ เญย ฮู่ง ป๋าว หน่าน ฒี่ง ฑูง ก๊อง บั๋ว นิ่น, `เฒี้ยว ทิน-ฮู่ง
ฮนั้ง น้าย ก๊อง,
- `````เม่ย เซ ตุ้น ยุ่น เมี่ยน เญย หญู่ง เฒ้ย,
- ม่าย ธง-เม่ง ปวั๊ง เหฑ่ง
- หย่า เหฑว่ย เถา ต้าว.
-
13 เม่ย เยียม ทิน-ฮู่ง เญย หฮวีง, เอ^เดน.
- ม่าย หญู่งๆ จ๋าย เญย หละเปย๊ย ฒอง เจี๊ยน เม่ย,
- ม่าย ยั่ง ซิ เญย หละเปย๊ย-จ๋าย,
ยั่ง อู๊ง เญย, แมง-โก๋ เญย,
- แมง-บยาน เญย, แมง-บั๊ว เญย,
เจี๊ยะ-แปะ เปน เญย,
- บั๊น บั๊ว ฑัง เญย, ซิ-โก๋ เญย, เหธา เดี้ยม แมง ฑัง เญย หละเปย๊ย-จ๋าย.
- เม่ย หล่ง เจียม ธิ เหลาะ เหลาะ เจี๊ยน
- หย่า ดี้ง เจี๊ยน เปี้ยง.
- เหฒย เม่ย ต้าย วั้ว ฮนอย
- น้าย เต๋ย หลิ่ว เล์ย เหฒียง.
-
14 เยีย ออน เม่ย โหฒว เค^ลู^บิม,
- โก๋ว ทิน-ฮู่ง เญย ธีง-เหฑ่ง บง.
- เม่ย หย่า เยียม แอ๊ง ฌัง ฮนั้ง โต์ว เญย หละเปย๊ย-จ๋าย บุด๋ง ยั่ง มี่ง ยั่ง ต้าย.
-
15 เยียม เหฒย เม่ย ต้าย วั้ว ฮนอย,
- เม่ย โหฒว เญย เจ๊า ไม้ ลั่ม เฆ่ม อ๊ะ,
- เถา ฆะฮ้า ปวัด เอ๊าะ สี่ เยียม เม่ย กะญั์ว.
-
16 หลาย เม่ย ม์าย หม่าย เญย เจ๊า ปู๋ง-หฒัวะ
- เม่ย ฯฒฯ ม่าย เธี้ยว เญย เจ๊า
ปวั๊ง เฮญี้ยว,
- เม่ย หย่า ป์าม ฒุ์ย.
- เยีย ฯฒฯ เฒาะ เม่ย ฮนั้ง เฒาะ ม่าย หวุย เญย กะน้าย
- หฒุ่น เม่ย ธ้วด ทิน-ฮู่ง เญย บง.
- โก๋ว เจี๊ยน เม่ย วั้ว เต้า เค^ลู^บิม,
- หฒุ่น เม่ย ธ้วด แอ๊ง ฌัง ฮนั้ง โต์ว เญย หละเปย๊ย-จ๋าย บุด๋ง.
-
17 เหว่ย หฒุ เม่ย เหฑว่ย
- เม่ย เญย เฮญี้ยว ฯฒฯ เหมา.
- หลาย เม่ย เญย ฌัง-หล่าง
- เม่ย โหฒว ปุน เม่ย เญย ธง-เม่ง หว่าย
หมี่ อ๊ะ.
- เยีย ฯฒฯ เฒาะ เม่ย ฒง เหฌี่ย เดา,
- ปุน เม่ย หฒุ เยียม ธั้ม-เต้า ฮู่ง เญย
หฑะเฮมียน,
- ปุน นิ่น บัว ชะ หมั่ง เม่ย.
-
18 หลาย เม่ย เญย ฒุ์ย ธั้ม ไห่,
- เม่ย หย่า โหฒว แซง-เอ๋ย ไม้ แป้ง ฟิม,
- เม่ย ฯฒฯ ปุน เม่ย เญย ธีง-เหฑ่ง ต๋อง
ม่าย หวุย.
- ฮนั้ง หน่าย เยีย ฯฒฯ ปุน โต์ว
- เยียม เม่ย บุด๋ง ธ้วด ปั๊ว ชุย เม่ย,
- ปุน เม่ย ตอง เจี๊ยน เหยียด ฒู้ง หมั่ง เม่ย เญย เมี่ยน,
- เยียม เดา-เป้ย เป๋น ซ้าย.
-
19 เยียม หม่าน กั๊วะ บุด๋ง ฮิ้ว ตุ๊ เม่ย เญย เมี่ยน
- ฯฒฯ เหว่ย เม่ย กั้ม เหฑีย ไห่.
- เม่ย เซ้ด เมว์ย เญย ฮนอย หฒะเก้ง!
กั้ม เหฑีย,
- เม่ย เหยียด ลิ์ว หย่า ไม้ ตุ๊ แอ๋ง เยียม
อ๊ะ.'''''
โต่ว หว่า ก๊อง ไซ^ดอน
20 เยีย แอ๋ง ตุ๊ ฒิบ เฒี้ยว
เญย หว่า ก๊อง,
21 ``ป้าม เมี่ยน อ้า! เม่ย อ๋อย หฒุ ฮวิน เฮมียน หูง เจี๊ยน ไซ^ดอน ฒี่ง โต่ว หว่า ก๊อง วั้ว นอม ฒี่ง.
22 อ๋อย หฒุ ก๊อง, `เฒี้ยว ทิน-ฮู่ง
ฮนั้ง น้าย ก๊อง,
- `````ไซ^ดอน ฒี่ง เญย เมี่ยน อ้า! เยีย เหธา เม่ย โหฒว วิน-วั้ง.
- เยีย อ๋อย เยียม เม่ย บุด๋ง ปิ๋ว เม่ง เยีย เญย ฌัง-หล่าง.
- เยีย ตี่ง น้าย นอม ฒี่ง เญย ฒุ์ย วั้ว หฒั่น,
- หย่า เยียม นิ่น กะญั์ว ปิ๋ว เม่ง เยีย ธีง-เหฑ่ง เญย เฒี่ยง โห่,
- นิ่น บัว ฯฒฯ ฮิ้ว ตุ๊ เยีย เซ เฒี้ยว.
-
23 เยีย อ๋อย ปุน วั้ว นอม ฒี่ง ปุ๊ด
ต้ม ววน-แป่ง,
- หย่า ปุน ฑย้าม เหลี่ยว ธ้วด ฒี่ง เญย
จาย-ห่อง.
- เยีย อ๋อย ปุน วิน-วั้ง นั้น หฑุ ด๊าว
- เยียม ฟาม-ปูง เฝย โหล่ว ต้าย.
- หฒุ ไต๋ ไต่ เญย เมี่ยน
- ฯฒฯ เยียม ฒี่ง กะญั์ว คีง เหฌี่ย ไต่.
- นิ่น บัว ฯฒฯ ฮิ้ว ตุ๊ เยีย เซ เฒี้ยว.
24 `````เยียม น้าย มี่ง หมั่ง เผีย อิ^สะ^ลา^เอน เญย เฒ้ย-ฟุน เว่ย ก๋อม เญย หฒวัง เมี่ยน ฒู้ง ไม้ แอ๋ง ฮนั้ง ฌิ้ม-โธว ฌิ้ม-หม่วน ป๊ะ ไฟ ห่อย นิ่น บัว มุน. นิ่น บัว ฯฒฯ ฮิ้ว ตุ๊ เยีย
เซ เฒี้ยว ทิน-ฮู่ง.
''
25 ```เฒี้ยว ทิน-ฮู่ง
ฮนั้ง น้าย ก๊อง, ``เยีย เฒาะ อิ^สะ^ลา^เอน เญย เฒ้ย-ฟุน, ต้ง หฒุ หฑาน มี่ง เยียม หม่าน กั๊วะ บุด๋ง วั้ว เต๋ย, กั๊บ ฒุ้น ต้าย. เยีย ฯฒฯ เยียม นิ่น บัว บุด๋ง ปุน นิ่น บัว ฮิ้ว ตุ๊ เยีย เซ ธีง-เหฑ่ง. วั้ว หฒั่น นิ่น บัว ตุ๊ เยียม นิ่น บัว กั้น เญย เต่ย-ปูง, เซ เยีย จิว ปุน เยีย เญย โปว, ยา^โค้บ, เญย เต่ย-ปูง.
26 นิ่น บัว ฯฒฯ ตุ๊ แป้ง ออน เญย เยียม น้าย นอม เต่ย-ปูง หย่า ตุ๊ ก๊ม เปย๊า, โหฒว หฮวีง หฒวัง อะหงุ่น เปี๊ยว. เยีย ตี่ง เว่ย ก๋อม, หมั่ง เผีย นิ่น บัว วั้ว เต๋ย เญย ฒุ์ย วั้ว หฒั่น, อิ^สะ^ลา^เอน เมี่ยน ตุ๊ แป้ง ออน เญย เยียม. นิ่น บัว ฯฒฯ ฮิ้ว ตุ๊ เยีย เซ เฒี้ยว,
นิ่น บัว เญย ทิน-ฮู่ง.'''''
