1 เยีย แอ๋ง ตุ๊ ฒิบ เฒี้ยว
เญย หว่า ก๊อง,
2 ``ป้าม เมี่ยน อ้า! เม่ย อ๋อย หฒุ ก๊อง หว่า-อ๊อม หย่า ก๊อง เป๋น หว่า-เป๊ย บั๋ว อิ^สะ^ลา^เอน เญย เฒ้ย-ฟุน.
3 อ๋อย หฒุ บั๋ว นิ่น บัว, `เฒี้ยว ทิน-ฮู่ง
ฮนั้ง น้าย นอ ก๊อง, ``ม่าย นอม ต้ม จ๊าง โฮล! เญย. นิ่น เญย ด๊าด โฮล ไห่, ด๊าด-เปยย หย่า ด๊าว. เปยย หฒะเก้ง เหฑว่ย ไห่, หฒอบ เหฒีย หญู่ง เซ้ด. น้าย นอม ต้ม จ๊าง ได๋ เถา เล^บา^นอน บง หย่า ฌับ ติ้ว สี^ดา ฒ่ง เดี๋ยง-เตว๊ย.
4 นิ่น ว้วด กู้ หงว่าย
นี้ง เญย ฆว่า หลุน ดุ๊ด ฯฒฯ ดาม มี่ง เถา นอม แซง-เอ๋ย เมี่ยน เญย เต่ย-ปูง ฯฒฯ อัน เจี๊ยน นอม ม์าย หม่าย เญย เมี่ยน เญย ฒี่ง บุด๋ง.
5 `````ฆะฮ้า นิ่น เฒาะ เต๋ย วั้ว นอม เต่ย-ปูง เญย ญิม หฒวัง เจี๊ยน เดา-หลง เญย ต๋อง. นิ่น หฒวัง เจี๊ยน ม่าย ววม ธั้ม เญย ต๋อง ฮนั้ง ฒู่ง ซุ้ย-เลี่ยม เดี๋ยง.
6 ญิม กุ ญ่า โฮล ต้าย เป๋น ติ้ว อะหงุ่น เฮมย ไอ๊ เญย มป่า โหล่ว
ลวั่ง จั๊ง เญย. เฮมย เญย ฆว่า ฮวิน มี่ง ต้ม จ๊าง วั้ว ปูง มป่า ฑู่ง หธ่อ เหฌี่ย กะเดี๊ย โด เญย. ญิม ฯฒฯ เป๋น อะหงุ่น เฮมย ธ้วด ฆว่า, ธ้วด น่อม ธั้ม.
7 `````แอ๋ง ม่าย กั้น นอม ต้ม จ๊าง โฮล! เญย, ด๊าด หย่า โฮล, ด๊าด-เปยย หย่า ธั้ม. อี้ หฒั่น น้าย ฒู่ง อะหงุ่น เญย ฑู่ง เหธา ฆว่า เยียม หฒวัง เญย ต๋อง ฮวิน มี่ง น้าย นอม ต้ม จ๊าง เหว่ย ปุน ต้ม จ๊าง ฟุ ววม. 8 น้าย ฒู่ง อะหงุ่น เฮมย ฒู้ง หฒวัง * เดา-หลง, ววม ธั้ม เญย ต๋อง, เหว่ย ปุน ไฮ่ ธ้วด ฆว่า เฒี่ยง เปี๊ยว, เป๋น เหฑว่ย ไห่ เญย อะหงุ่น เฮมย.'''
9 ``เม่ย อ๋อย หฒุ ก๊อง, `เฒี้ยว ทิน-ฮู่ง
ฮนั้ง น้าย ก๊อง, ``น้าย ฒู่ง อะหงุ่น เฮมย ไฮ่ เหฑว่ย หย่า โฮล ไฟ? ต้ม จ๊าง ไม้ เฒ์ย อ๋อย แปง ธ้วด ฑู่ง, ธุด เหฑ่ง เปี๊ยว
*
ปุน เฮมย เหญา ไฟ?
ไม้ หฒุ หล่ง ต้ม ชะ ไฟ เมี่ยน ธั้ม เลี่ยม ฑู่ง แปง ธ้วด.
10 สี ก๊อง ซุ้ย มี่ง หฒวัง กั้น นอม ต๋อง, เฮมย ไฮ่ เหฑว่ย, ไฮ่ โฮล เญย ไฟ? นิ่น เยี้ยด หฒุ ตง ปูง เญย หฑยาว ป่วน, เฮมย ไม้ เฒ์ย อ๋อย ฆาย เหฑ่ง ไฟ? นิ่น อ๋อย เยียม นิ่น หฒวัง เจี๊ยน เญย ต๋อง ฆาย เหฑ่ง.'''''
11 เยีย แอ๋ง ตุ๊ ฒิบ เฒี้ยว
เญย หว่า ก๊อง,
12 ``เม่ย อี้ หฒั่น อ๋อย หฒุ บั๋ว วั้ว เต๋ย เฮญี้ยว แหง่ง เญย เฒ้ย-ฟุน, `เม่ย บัว ไม้ ฮิ้ว ตุ๊ น้าย เต๋ย สี่ เญย เอ๋ย เล์ย ไฟ?' เม่ย อ๋อย หฒุ บั๋ว นิ่น บัว, `บา^บี^โลน เญย ฮู่ง ต้าย เถา เย^ลู^ซา^เลม ฒี่ง เฒาะ นิ่น บัว เญย ฮู่ง เหธา เหยียด ฒู้ง โหฒว โฮล เญย เมี่ยน ต้อ มี่ง บา^บี^โลน.
*
13 นิ่น เฒาะ เหยียด เต้า วั้ว เต๋ย ม่าย ฮู่ง โต้ว เญย เมี่ยน เหธา นิ่น เหลียบ แหง่ง หว่า หย่า ปุน นิ่น โฮ้ว เจี๊ยน หว่า. (เต่ย-ปูง เญย เหยียด ฒู้ง โหฒว โฮล เญย
เมี่ยน นิ่น หย่า กว๊าด มี่ง เหฑ่ง
14 เหว่ย
ปุน วั้ว นอม เต่ย-ปูง เมา, แอ๋ง เหลียบ ไม้ เจี์ย, ฯฒฯ ปุน วั้ว เต๋ย เหลียบ เญย แหง่ง หว่า ไฮ่ เยียม ตุ๊ ว้วน.)
15 มป่า ยู^ดา เญย ฮู่ง เบี๊ยน เฮญี้ยว ปุน บา^บี^โลน เญย ฮู่ง เตี๋ย ฯฒฯ พ้าย กง-โฒ่ มี่ง ล์อ อี^ยิบ เญย ฮู่ง เตี๋ย, โท้ นิ่น ปุน ม์า เหธา ต้ม แปง-กวั้น ธั้ม เญย. ฮู่ง เตี๋ย ฮนั้ม ต้าย หฒะเก้ง ไฮ่ โหฒว ตุ๊ ธ้วด เญย ไฟ? โหฒว น้าย หญู่ง สี่ เญย เมี่ยน ไฮ่ เปย๋า ตุ๊ ดุ๊ด เญย ไฟ? สี ก๊อง นิ่น แหง่ง เจี๊ยน นิ่น เหลียบ เญย แหง่ง หว่า, นิ่น ไฮ่ เปย๋า ตุ๊ ดุ๊ด เญย ไฟ?'
16 ```เฒี้ยว ทิน-ฮู่ง ก๊อง, ``เยีย เฒี้ยง เจี๊ยน เยีย กั้น เญย แหม่ง ก๊อง, นิ่น อ๋อย หฒุ เยียม บา^บี^โลน ไต่, เซ เยียม เหลียบ นิ่น โหฒว ฮู่ง วั้ว เต้า ฮู่ง เตี๋ย เยียม เญย ต๋อง. นิ่น หมั่ง เผีย วั้ว เต้า ฮู่ง เหธา วั้ว เต้า ฮู่ง เตี๋ย โฮ้ว เญย หว่า หย่า แหง่ง เหธา นิ่น เหลียบ เจี์ย เญย แหง่ง หว่า. 17 ฟา^โล ฮู่ง เหธา นิ่น เญย ต้ม แปง-กวั้น เหธา เมี่ยน ธั้ม หย่า ไม้ ไฮ่ เถง เส^เด^คี^ยา เบ๊าะ จ๋า ต๋อย บา^บี^โลน เมี่ยน เว้ด เนีย-ดุย แอ๋ง เหธย หลาด เว่ย ก๋อม * เหว่ย ไต๋ เมี่ยน ธั้ม. 18 หลาย นิ่น หมั่ง เผีย โฮ้ว เญย หว่า แอ๋ง แหง่ง แล์ง เญย แหง่ง หว่า หย่า หลาย นิ่น กั้น โฮ้ว เจี๊ยน หว่า มป่า หธ่อ โหฒว น้าย เต๋ย เหยียด ฒู้ง สี่, นิ่น ฒู้ง ไม้ ไฮ่ เปย๋า ตุ๊ ดุ๊ด.''
19 ```เฒี้ยว ทิน-ฮู่ง ก๊อง, ``เหว่ย น้าย เยีย เฒี้ยง เจี๊ยน เยีย กั้น เญย แหม่ง ก๊อง, หลาย นิ่น หมั่ง เผีย นิ่น เหธา เยีย โฮ้ว เญย หว่า, หย่า แหง่ง เจี๊ยน เหธา เยีย เหลียบ เจี์ย เญย แหง่ง หว่า, เยีย ฒู้ง อ๋อย วิ่น ปุน นิ่น. 20 เยีย อ๋อย ธอง ฆอย มู์ง หฒาว เจี๊ยน นิ่น. นิ่น ฒู้ง หฒุ เยีย เญย มู์ง ฮลบ เจี๊ยน, เยีย ฯฒฯ ต้อ นิ่น มี่ง เถา บา^บี^โลน, เยียม วั้ว เซี้ยม นิ่น เญย ฒุ์ย หลาย นิ่น เบี๊ยน เฮญี้ยว ปุน เยีย. 21 เยียม นิ่น เญย แปง-กวั้น เก้า หลง เจี๋ย เญย แปง อ๋อย หฒุ หฑุ ด๊าว ไต๋. ตุ๊ แหม่ง ธ้วด เหฒ่ง เหฌี่ย เญย เมี่ยน ฯฒฯ หฑาน มี่ง เปยย ปูง ลู่ง เดี๊ย. * เม่ย บัว ฯฒฯ ฮิ้ว ตุ๊ เซ เยีย, เฒี้ยว, ก๊อง ลิ์ว น้าย เต๋ย หว่า.''
22 ```เฒี้ยว ทิน-ฮู่ง ฮนั้ง น้าย ก๊อง, ``เยีย กั้น อ๋อย เฒาะ ฮลัง เญย สี^ดา ฒ่ง เดี๋ยง กู้ หงว่าย เตว๊ย เญย ฆว่า หลุน ต้อ มี่ง หฒวัง. เยีย อ๋อย ว้วด ติ้ว เตว๊ย-เมว์ย-นี้ง เญย ฆว่า หลุน ต้อ มี่ง หฒวัง นอม หฒะเก้ง ฮลัง ไห่ เญย บง. 23 เยีย อ๋อย หฒวัง เยียม อิ^สะ^ลา^เอน เก้า ฮลัง เจี๋ย เญย บง, นิ่น ฯฒฯ ธ้วด ฆว่า เฒี่ยง เปี๊ยว, เป๋น ติ้ว ม่าย เม่ง เต้า เญย เดี๋ยง. หญู่งๆ เหนาะ อ๋อย ต้าย เยียม วั้ว ฒู่ง เดี๋ยง กะเดี๊ย. แอ๋ง ม่าย หญู่งๆ เหนาะ อ๋อย เยียม นิ่น เญย ฆว่า โหฒว เล์า ปี๋ง ล่าง. 24 เยียม หล่ม-ฮวาง เญย ติ้วๆ เดี๋ยง ฯฒฯ ฮิ้ว ตุ๊ เยีย, เฒี้ยว, ปุน ไอ๊ เญย เดี๋ยง ไฮ่ ฮลัง, ปุน ฮลัง เญย เดี๋ยง ไอ๊. เยีย ปุน เดี๋ยง-เญี์ยม ฆาย มี่ง, ปุน ฆาย เญย เดี๋ยง เญี์ยม ต้าย.''
```เยีย, เฒี้ยว, ก๊อง ลิ์ว หย่า อ๋อย เอย เจี๊ยน โหฒว.'''