2 อ๋อย หฒุ หมวัง ฮู่ง เตี๋ย เญย หลี่ง หย่า ไม้ ตู๋ง หละไกว้ ตอง เจี๊ยน ทิน-ฮู่ง แล์ง เจี์ย แหง่ง หว่า. * 3 ไม้ ตู๋ง ฮวาง เจี๊ยน เล่ย ฮู่ง เตี๋ย เญย หฑะเฮมียน. ไม้ ตู๋ง เถง เจี๊ยน ป๊า เอ๊าะ เญย เจ๊า เหว่ย หฒุ ฮู่ง เตี๋ย มต้าย เอย กั้น เญย เฮญี้ยว โหฒว. 4 ฮู่ง เตี๋ย เญย หว่า ม่าย หัด ม์า. ม่าย หาย เต้า ก๊าม หน่าย นิ่น, ``เม่ย โหฒว หาย หญู่ง?''
9 เยีย หล่ง เฮญี้ยว หมั่ง เยียม เสย หฒั่ง เญย หญู่งๆ สี่, เยีย ปวัด น้าย เต๋ย เหยียด ฒู้ง. ม่าย เฒี่ยง โห่ น้าย เต้า กุ๊น วั้ว เต้า ฯฒฯ ห่อย หฒุ นิ่น กั้น อ๊ะ. * 10 เยีย แอ๋ง ปวัด เอ๊าะ เมี่ยน ไต่ มี่ง หฒัง เจี๊ยน. นิ่น ฒิ่น ด่าง เยียม ธีง-เหฑ่ง ต๋อง เปียะๆ ธ้วดๆ. ม่าย เยียม นิ่น โหฒว หว่าย สี่ วั้ว นอม ฒี่ง เญย เมี่ยน เธง * นิ่น. น้าย หย่า ขูง-ม่อง.
11 ตี่ง ลิ์ว ฒุ์ย มป่า ไม้ เซี้ยบๆ เญย เอย เจี๊ยน ตี่ง ต้าย เญย โหฒว, หฒวัง เมี่ยน ฯฒฯ ม่าย เฮญี้ยว โหฒว เอ๊าะ สี่. 12 ไม้ กุ๊น เอ๊าะ เมี่ยน โหฒว เอ๊าะ เหยียด แป๊ะ หฑุ่น, หธ่อ ตุ๊ เฒี่ยง เสี่ยว ญ่วน ด๊าว, เยีย ฮิ้ว ตุ๊ กั้ม เหฑีย ทิน-ฮู่ง เญย เมี่ยน, เซ เยียม นิ่น เญย หฑะเฮมียน ท่าย นิ่น วั้ว เต๋ย, อ๋อย ตุ๊ หลง. 13 มป่า เอ๊าะ เมี่ยน ไม้ ไฮ่ ตุ๊ หลง. นิ่น เฒี่ยง เญย ฮนอย-เหญียะ ฮนั้ง ต้ง ลิ่น นอ, ไม้ ไฮ่ ด๊าว, เหว่ย หฒุ นิ่น ไม้ กั้ม เหฑีย ทิน-ฮู่ง.
14 เยียม น้าย ลู่ง เดี๊ย แอ๋ง ม่าย เหยียด หญู่ง สี่ ขูง-ม่อง. คู้ เมี่ยน ปวั้ง เญย สี่ เซ ผุย เอ๊าะ เมี่ยน อ๋อย หฒุ ปวั้ง เญย. เอ๊าะ เมี่ยน หย่า ปวั้ง ผุย คู้ เมี่ยน อ๋อย หฒุ ปวั้ง เญย. เยีย ก๊อง น้าย เซ ฟี่ ฮนั้ง เญย ขูง-ม่อง. 15 เยีย ฯฒฯ เห่ว เมี่ยน เฌียน-โย่ว ออน-เหลาะ, เหว่ย หฒุ เยียม น้าย เสย หฒั่ง ไม้ ม่าย หาย หญู่ง เก้า หลง เมี่ยน ตุ๊ หญั่น ตุ๊ ฮบ, ปุน กั้น อะเฮน้ย ออน-เหลาะ. เหว่ย หฒุ ทิน-ฮู่ง ปุน เมี่ยน เยียม เสย หฒั่ง เฒี่ยง เญย ฮนอย-เหญียะ ล่าว หลุ่ย เญย เฒี่ยง โห่ ม่าย น้าย เต๋ย เฌียน-โย่ว เญย เจ๊า เหธา เจี๊ยน.
16 เยีย เจี์ย เฮญี้ยว อ๋อย ฮิ้ว ธง-เม่ง เญย เจ๊า หย่า อ๋อย หมั่ง ลู่ง เดี๊ย โหฒว เญย สี่ วั้ว หฒั่น, (ไม้ กุ๊น เมี่ยน เฒี่ยง ฮนอย เฒี่ยง ม์วน ไม้ ตุ๊ เปว๋ย มฌ่อม,) 17 เยีย ฯฒฯ ปวัด ทิน-ฮู่ง โหฒว เญย เหยียด ฒู้ง สี่. เมี่ยน ไม้ ไฮ่ เม่ง แปะ เยียม น้าย เสย หฒั่ง ธ้วด ต้าย เญย สี่. ไม้ กุ๊น นิ่น บัว หล่ง เหฑ่ง ชะ ล์อ, นิ่น บัว ไม้ ไฮ่ ล์อ ไม้ ธ้วด. ไม้ กุ๊น ธง-เม่ง เมี่ยน ฮนั้ม ต้าย นิ่น ฮิ้ว เญย, มป่า นิ่น ฒู้ง ไม้ ไฮ่ ฮิ้ว อ๊ะ.