1 เยียม น้าย เสย หฒั่ง เยีย ปวัด หญู่ง เฮยี้ยน ไห่ เญย สี่. น้าย เต๋ย สี่ เซ เฮนี้ย เญย, งัด เจี๊ยน เมี่ยน. 2 ทิน-ฮู่ง ปุน หาย เต้า เมี่ยน ปุ๊ด ฒ่อย, เป๋น เญย, ม่าย เมี่ยน ท่าย เญย, ปุน ต้ง นิ่น เญย เฮญี้ยว อ๋อย หล่ง เญย, ไม้ ธา หาย หญู่ง, มป่า ทิน-ฮู่ง ไม้ ปุน นิ่น เฌียน-โย่ว เญย หล่ง. ม่าย กั้น เต้า เมี่ยน ตุ๊ หล่ง. น้าย เซ ขูง-ม่อง, หฒะเก้ง เฮยี้ยน ไห่ เญย สี่.
3 สี ก๊อง เมี่ยน ม่าย เหยียด แป๊ะ เต้า ฝุเจว๊ย, นิ่น หย่า เฒี่ยง ตุ๊ เสี่ยว ญ่วน ด๊าว, นิ่น ฮนอย-เหญียะ เญย หฮญัง-โสว หย่า ธั้ม มป่า ไม้ ตุ๊ เฌียน-โย่ว เญย หล่ง น้าย เสย หฒั่ง หย่าว เญย สี่, ไต่ มี่ง หย่า ไม้ ม่าย เมี่ยน ปย๊บ, เยีย ก๊อง, ม่าย ไม้ เก๋า, บาง-ยู์ง เญย กู้งว์า ฒู้ง เก้า หลง นิ่น. 4 เหว่ย หฒุ วั้ว เต้า กู้งว์า ธ้วด เสย ต้าย เซ ขูง-ม่อง เญย สี่. กู้งว์า หย่า เยียม หฮมวัง กะญั์ว ไต่. เยียม หฮมวัง กะญั์ว หย่า ไม้ ม่าย หาย เต้า จั๋ง นิ่น เญย บั๋ว. 5 นิ่น ไม้ ปวัด เจี๋ย บะฮนอย หย่า ไม้ ฮิ้ว หาย หญู่ง มป่า ตุ๊ ฮิด ขวน เก้า ธั้ม วั้ว เต้า เมี่ยน. 6 ไม้ กุ๊น วั้ว เต้า เมี่ยน เฒี่ยง เหยียด ธิน อี ธิน หฮญัง, นิ่น เญย แหม่ง ไม้ ตุ๊ เฌียน-โย่ว. หฒวัง เมี่ยน ไม้ เฒ์ย จวั่ง เหยียด นอม ต๋อง มี่ง ไฟ?
12 หาย เต้า ฮิ้ว ตุ๊ หาย หญู่ง หลง เหว่ย เมี่ยน เยียม น้าย เสย หฒั่ง ขูง-ม่อง เญย แหม่ง? เซ เจี๋ย นั้ง เญย ฮนอย-เหญียะ, ฮนั้ง ต้ง ลิ่น เจี๋ย นอ? หาย เต้า ไฮ่ บั๋ว นิ่น, ฒั้ว นิ่น เกวย เสย ลิ์ว, ฆะฮ้า เยียม ลู่ง เดี๊ย อ๋อย ม่าย หาย หญู่ง สี่ ธ้วด?