โม^เซ ปวัง หว่า ปุน
อิ^สะ^ลา^เอน เญย ฝีงๆ เมี่ยน
1 น้าย เซ ทิน-ฮู่ง เญย เมี่ยน, โม^เซ, ไม้ แก้ง เกวย เสย วั้ว หฒั่น ปวัง หว่า ปุน อิ^สะ^ลา^เอน เมี่ยน.
2 นิ่น ก๊อง,
- `` เฒี้ยว
เยียม ซี^นาย บง ต้าย,
- หย่า ฮนั้ง บะฮนอย เยียม เส^อี ฝาว ต้าย แอ๊ง นิ่น บัว.
- นิ่น เยียม ปา^ลาน บง หฒิว ฌัง ธ้วด ต้าย.
- เยียม ธินๆ หว่านๆ ธีง-เหฑ่ง เญย วั้ว เต๋ย ต้าย,
- เยียม นิ่น เญย บย่าว เจี๊ยะ ปั์ว ม่าย เหฒียะ เจี๊ยน เญย โต์ว.
-
3 นิ่น หฒะเก้ง ฮนั้ม นิ่น เญย แปะ ฝีง.
- หฒวัง ธีง-เหฑ่ง เมี่ยน
เยียม นิ่น เญย ปั์ว กะญั์ว,
- นิ่น บัว เหยียด ฒู้ง เกว่ย เหฌี่ย เม่ย เญย เหฒา-เฮลน
- ฒิบ เม่ย พ้าย เญย หว่า.
-
4 โม^เซ เฒาะ เล์ย-หลัด จิว ปุน บัว,
- เป๋น ยา^โค้บ เญย เฒ้ย-ฟุน หฑิบ เญย ป่วน.
-
5 แปะ ฝีง เญย เปย๊ย เฒ้ย กั๊บ ฒุ้น เญย
เฒี่ยง โห่,
- ฝีงๆ อิ^สะ^ลา^เอน เมี่ยน หย่า ต้าย ฑ่อย,
- เฒี้ยว
โหฒว เย^ซู^ลุน
เญย ฮู่ง เตี๋ย.
6 โม^เซ ฮนั้ง น้าย นอ ก๊อง เถา ลู^เบน ฝีง,
- ``โท้ ปุน ลู^เบน ฝีง ตุ๊ เฒี่ยง เจี๊ยน ไม้ ไต่,
- หย่า ไม้ ตู๋ง ปุน นิ่น บัว เญย เมี่ยน โหฒะ.''
7 โม^เซ ฮนั้ง น้าย นอ ก๊อง เถา ยู^ดา ฝีง,
- ``โอ เฒี้ยว
อ่า, โท้ หมวัง ยู^ดา ฝีง เญย เฉีย,
- โท้ ต้อ นิ่น บัว เปียะ ต้าย จวั่ง วั้ว เต๋ย ฝีง.
- นิ่น บัว หล่ง กั้น เญย ปั์ว เหว่ย กั้น เบ๊าะ จ๋า.
- โท้ เถง นิ่น บัว เบ๊าะ ฮี่ง นิ่น บัว เญย วิน-วั้ง.''
8 โม^เซ ฮนั้ง น้าย นอ ก๊อง เถา เล^วี ฝีง,
- `` เฒี้ยว
อ่า, เม่ย เญย อุ^ลิม เหธา ทุม^มิม
- เหธา กัน หลง ทิน-ฮู่ง เญย เมี่ยน เยียม.
- เยียม มัด^สา เม่ย เสย ลิ์ว นิ่น บัว.
- เยียม เม^ลี^บา ววม เม่ย ตุ๊ เหธา นิ่น บัว ต๋อย-เตก.
-
9 เล^วี ก๊อง เถา กั้น เญย เตี๋ย หม่า. นิ่น ก๊อง,
- `เยีย ไม้ ฮิ้ว ตุ๊ นิ่น บัว อ๊ะ.'
- นิ่น ไม้ จั๋ง นิ่น เญย มั์ว-ต่อย,
- หย่า ไม้ เหญี่ยม นิ่น กั้น เญย น่าม โญ์ว.
- เหว่ย หฒุ นิ่น กัน หลง เม่ย เญย หลี่ง,
- หย่า เหฒียบ ฒัวะ เญย เอย เจี๊ยน
- เม่ย เหธา นิ่น แล์ง เจี๋ย เญย แหง่ง หว่า.
-
10 เล^วี ฝีง ต้อ เม่ย เญย เล์ย หฌาว ยา^โค้บ,
- หย่า ต้อ เม่ย เญย เล์ย-หลัด หฌาว อิ^สะ^ลา^เอน เมี่ยน.
- นิ่น บัว เฒาะ ฮูง อัน เม่ย เญย หฑะเฮมียน,
- หย่า เฒาะ เฒี่ยง เต้า ปั๊ว เญย แซง-คู้ อัน เม่ย เญย เหฒี่ย-ต้อง.
-
11 โอ เฒี้ยว
อ่า, โท้ เหธย ฟุ ปุน นิ่น บัว ม่าย เญย กะน้าย,
- หย่า อะเฮน้ย นิ่น บัว เญย ปั์ว โหฒว เญย กง.
- โท้ งัด นิ่น บัว เญย วิน-วั้ง,
- ปุน ฑอง นิ่น บัว วั้ว เต๋ย ไม้ ไฮ่ แอ๋ง เฮ้น เจี์ย ต้าย.''
12 โม^เซ ฮนั้ง น้าย ก๊อง เถา เบน^ยา^มิน ฝีง,
- `` เฒี้ยว
ฮนั้ม เญย เมี่ยน ตุ๊ เขา นิ่น แป้ง ออน เญย เยียม,
- เหว่ย หฒุ นิ่น เฒี่ยง ฮนอย เฒี่ยง ม์วน เฑีย เจี๊ยน นิ่น บัว,
- หย่า เยียม นิ่น บัว บุด๋ง.''
13 นิ่น หย่า ฮนั้ง น้าย นอ ก๊อง เถา โย^เซ้บ เญย เฒ้ย-ฟุน,
- ``โท้ เฒี้ยว
เหธย ฟุ ปุน นิ่น บัว เญย เดา,
- ตุ๊ ลู่ง หฒั่ง เญย บยู่ง-ซุ้ย,
- หย่า ตุ๊ เดา-เดี๊ย เญย ววม สาม ธ้วด.
-
14 หย่า ตุ๊ บะฮนอย เญย หญุด เถง กะน้าย-หฒวัง หลง,
- ตุ๊ หฮลา-หญุด ยู์ง แกง-หฒวัง ปู๋ง-หฒัวะ.
-
15 ตุ๊ โล์-ฮนอย เญย บง ธ้วด เก้า หลง เจี๋ย เญย กะน้าย,
- เหธา เหยียด ลิ์ว เยียม เญย บง-ไอ๊ เฒี่ยง เก้า หลง เจี๋ย เญย ป่วน.
-
16 ตุ๊ ป้าม เกน ม่าย เญย เหยียด ฒู้ง
- เก้า หลง เจี๋ย เญย กะน้าย.
- หย่า ตุ๊ เยียม เหฒียะ เจี๊ยน เญย เดี๋ยง-ตอน-ฟ้ม
- วั้ว เต้า อะเฮน้ย นิ่น บัว.
- โท้ ปุน น้าย เต๋ย ฟุ เหยียด ฒู้ง เหฌี่ย เถา โย^เซ้บ เญย เฒ้ย-ฟุน เญย มฆ้อง,
- เซ เหฌี่ย เถา เยียม นิ่น เญย ก๋อ-โย์ว บุด๋ง โหฒว เปย๊ย เฒ้ย วั้ว เต้า เญย มฆ้อง-แป้ง.
-
17 โย^เซ้บ เฮ้น ฮนั้ง เต้า ต้าว ทอย ง่ง โก๊ว.
- นิ่น เญย จอง ฮนั้ง เฮยี่ย ง่ง เญย จอง,
- นิ่น อ๋อย หล่ง นิ่น เญย จอง เหธว หม่าน ฝีง,
- หฒุ่น ฝีงๆ เถา จ่ม ลู่ง เดี๊ย.
- นิ่น เญย จอง เซ เอ^ฟา^อิม เญย หว่านๆ เมี่ยน,
- หย่า โหฒว มะ^นัด^เส เญย ธินๆ.''
18 นิ่น ฮนั้ง น้าย นอ ก๊อง เถา เส^บู^ลุน ฝีง,
- ``เส^บู^ลุน ฝีง อ่า, เม่ย บัว ธ้วด มี่ง อ๋อย หฒุ เฌียน-โย่ว.
- อิด^สา^คา ฝีง อ่า, เยียม เม่ย เญย ด๊บ-ลิ่ว กะญั์ว อ๋อย หฒุ ออน-เหลาะ.
-
19 นิ่น บัว อ๋อย เห่ว ฝีงๆ เมี่ยน ต้าย กั๊บ ฒุ้น วั้ว บง,
- หย่า เยียม วั้ว ฝ่ง ห่อ หอบ หฒุ เหฒี่ย เญย กะน้าย.
- นิ่น บัว อ๋อย ปั่ง ค้อย ตุ๊ คู่ เยียม คู่ หญั่น,
- หย่า ปั่ง เยียม ซา-เฒียว กะญั์ว ตุ๊ ต้าย เญย กะน้าย.''
20 โม^เซ หย่า ฮนั้ง น้าย นอ ก๊อง เถา กาด ฝีง,
- ``เธง เฒี้ยว,
ต้ง เถง กาด ฝีง เญย เต่ย จั๊ง วั้ว เต้า.
- กาด บ๊าบ เหฌี่ย ฮนั้ง เซี่ยน,
- ฒั้ว เจี๊ยน เป๊ด กะน้าย เญย ปั์ว-ฒุ่ย ไฟ มฆ้อง-แป้ง.
-
21 นิ่น บัว เหว่ย กั้น กิ๊น เก้า หลง เจี๋ย เญย เดา,
- เซ เลี่ยว ปุน เปย๊ย เฒ้ย หอบ หฒุ ตุ๊ เญย ป่วน.
- อิ^สะ^ลา^เอน เมี่ยน เญย หฒวัง เปย๊ย เฒ้ย กั๊บ ฒุ้น เญย เฒี่ยง โห่,
- นิ่น บัว หฒิว เฒี้ยว
เญย เอ๋ย โหฒว,
- หย่า เอย เจี๊ยน นิ่น แป้ง ฟิม เญย เล์ย.''
22 โม^เซ ฮนั้ง น้าย นอ ก๊อง เถา ดาน ฝีง,
- ``ดาน ฝีง เซ ฮนั้ง เต้า เซี่ยน ตอน,
- เยียม บา^ซาน เต่ย ปิว ธ้วด ต้าย.''
23 นิ่น ฮนั้ง น้าย นอ ก๊อง เถา นับ^ทา^ลี ฝีง,
- ``โอ นับ^ทา^ลี ฝีง อ่า, เม่ย บัว ตุ๊ เฒี้ยว
ธั้มๆ เญย เหธย เอน,
- หย่า ตุ๊ นิ่น เญย ฟุ ปวั๊ง เหฑ่ง.
- นิ่น บัว หฑิบ เญย เต่ย-ปูง เยียม ไฟ ปูง
เหธา น่าม ปูง แหมง.''
24 นิ่น ฮนั้ง น้าย นอ ก๊อง เถา อา^เซ ฝีง,
- ``อา^เซ ฝีง ตุ๊ ฟุ เก้า ธั้ม หฒวัง มั์ว-ต่อย,
- หย่า ตุ๊ นิ่น บัว เญย ก๋อ-โย์ว อะเฮน้ย นิ่น เก้า ธั้ม,
- หย่า ปุน นิ่น บัว เญย เต่ย-ปูง หฒวัง กะลั้น เปี๊ยว กิ๊ด.
-
25 เม่ย บัว เญย หลาด แก้ง เญย ซอน หล่ง เฮลียะ เหธา ต้ง ซิ โหฒว ต้าย.
- เม่ย บัว เญย ชะ อ๋อย ผุย เม่ย บัว เญย ฮนอย-เหญียะ.
-
26 ``ไม้ ม่าย หาย เต้า ไฮ่ เป๊ย ตุ๊ เถา เย^ซู^ลุน
เญย ทิน-ฮู่ง.
- นิ่น เก้ เจี๊ยน บ๋วน ต้าย เถง เม่ย,
- นิ่น ม่าย ฮ่าง ต้าว เญย ฌัง-หล่าง เจี๋ย ลู่ง ต้าย.
-
27 เหยียด ลิ์ว เญย ทิน-ฮู่ง เซ เม่ย เยียม เญย ต๋อง.
- นิ่น เหยียด ลิ์ว เญย ปั์ว โป้ว เจี๊ยน เม่ย.
- นิ่น อ๋อย หฒุ่น เม่ย เญย วิน-วั้ง ธ้วด เม่ย เญย วั้ว ด่าง แหมง,
- หย่า ก๊อง, `เหมียด นิ่น ม่าะ!'
-
28 ฮนั้ง น้าย นอ, อิ^สะ^ลา^เอน ฯฒฯ แป้ง ออน เญย เยียม.
- ยา^โค้บ เญย เฒ้ย-ฟุน ตุ๊ กั้น เยียม ฮนั้ง,
- เยียม นอม ม่าย เบย้า เฮม้ย เหธา เซียง-อะหงุ่น ติ๊ว เญย เต่ย-ปูง,
- ม่าย เยียม ลู่ง เหฌี่ย เญย บยู่ง-ซุ้ย ยู์ง เดา.
-
29 โอ อิ^สะ^ลา^เอน เมี่ยน อ่า, เม่ย บัว หฒะเก้ง ออน-เหลาะ ไห่.
- ม่าย หาย เต้า ฮนั้ง เม่ย บัว
- เป๋น เหยียด ฝีง ตุ๊ เฒี้ยว
เหฌียว เญย เมี่ยน?
- นิ่น โหฒว เม่ย บัว เญย ท้อง-ป้าย เถง เม่ย บัว,
- หย่า โหฒว เม่ย บัว เญย หฑุ ด๊าว ปุน เม่ย บัว ตุ๊ ฮี่ง.
- เม่ย บัว เญย วิน-วั้ง อ๋อย ต้าย ชะ โท้ เม่ย บัว ค้อ-เลี่ยน,
- เม่ย บัว ฯฒฯ ธ้าย เจี๊ยน นิ่น บัว เยียม ฮลัง หฒั่ง เฒี่ยน เญย ต๋อง.''
