1 เถา อา^บีบ หฮลา อ๋อย หฒุ เจี๋ย เฒี้ยว, เม่ย บัว เญย ทิน-ฮู่ง, เญย เสีย แหม่ง ฒิบ, เหว่ย หฒุ เยียม อา^บีบ หฮลา ลู่ง ม์วน หฒั่น, เฒี้ยว, เม่ย บัว เญย ทิน-ฮู่ง, ต้อ เม่ย บัว ธ้วด อี^ยิบ เต่ย-ปูง. * 2 อ๋อย หฒุ เยียม เฒี้ยว, อ๋อย กิ๊น ต้าย เหลียบ นิ่น กั้น เญย เม่ง วั้ว นอม ต๋อง, หล่ง เต้า เม่ย บัว เญย ง่ง กวั้น, ยู่ง กวั้น เญย แซง-คู้ เหฒี่ย ปุน เฒี้ยว, เม่ย บัว เญย ทิน-ฮู่ง, เหว่ย เจี๋ย เสีย แหม่ง ฒิบ. 3 เม่ย บัว หญั่น น้าย เต้า แซง-คู้ เญย อ๊อ, ไม้ ตู๋ง หญั่น อัน ปี๊ง เญย ฌั้ว เหธา. น้าย เต๋ย เสี่ย ฮนอย กะญั์ว อ๋อย หฒุ หญั่น ไม้ อัน ปี๊ง เญย ฌั้ว, เซ เห่ว โต้ หน่าน ฌั้ว, เหว่ย หฒุ เม่ย บัว ก๊าน เจี๊ยน เปย๋า ธ้วด อี^ยิบ เต่ย-ปูง. ฮนั้ง น้าย เม่ย บัว ฯฒฯ เหยียด เสย จั๋ง เจี๊ยน เม่ย บัว ธ้วด อี^ยิบ เต่ย-ปูง เญย เฒี่ยง โห่. 4 น้าย เต๋ย เสี่ย ฮนอย, เยียม เม่ย บัว เญย เต่ย-จ๋าย กะญั์ว, ไม้ ตู๋ง ปุน หาย เต้า ม่าย ปี๊ง. ต้าว ฮนอย ลู่ง ม์าน-หฮมวัง เหฒี่ย เญย อ๊อ, ไม้ ตู๋ง เลี่ยว เหยียด เต๋ย เถา ลู่ง ดอม.
5 ไม้ ตู๋ง เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว เญย หาย นอม มู้ง เหฒี่ย เสีย แหม่ง ฒิบ เญย แซง-คู้. 6 ขูง อ๋อย หฒุ เยียม เฒี้ยว, เม่ย บัว เญย ทิน-ฮู่ง, อ๋อย กิ๊น ต้าย เหว่ย เหลียบ นิ่น กั้น เญย เม่ง วั้ว นอม ต๋อง เหฒี่ย. เยียม วั้ว ลู่ง ม์าน-หฮมวัง, บะฮนอย ด๊อด เญย เฒี่ยง โห่, เซ ต๋อย ธ้วด อี^ยิบ เต่ย-ปูง เญย เฒี่ยง โห่, อ๋อย หฒุ เหฒี่ย เหว่ย เสีย แหม่ง ฒิบ เญย แซง-คู้. 7 อ๋อย หฒุ เยียม เฒี้ยว, เม่ย บัว เญย ทิน-ฮู่ง, อ๋อย กิ๊น ต้าย วั้ว นอม ต๋อง เฒาะ วั้ว เต๋ย อ๊อ โหฒว หฒัวะ * ต้าย หญั่น. ตะเหญ่ย ดอม เฑี้ยว เญย, เก๊าะ-เมี่ยน หฑวน เก๊าะ-เมี่ยน เญย ด๊บ-ลิ่ว. 8 จุ๊ ฮนอย กะญั์ว อ๋อย หฒุ หญั่น ไม้ อัน ปี๊ง เญย ฌั้ว. ตะเธี้ยด ฮนอย อ๋อย หฒุ กั๊บ ฒุ้น โหฒว เล์ย-ป๋าย หฒั่ง เฒี้ยว, เม่ย บัว เญย ทิน-ฮู่ง, หย่า ไม้ ตู๋ง โหฒว หาย หญู่ง กง.
9 เม่ย บัว อ๋อย หฒุ เยียม เม่ย บัว เฒาะ หฑุ ลิ่ม เหฌี่ย ปั์ว ก๊าด เบย้า วั้ว ฮนอย ฝุน ปวั๊ง เสี่ย นอม เล์ย-ป๋าย, * 10 ฯฒฯ เจี๋ย เซียว ธุน-แกง เญย ฒิบ โห่ว เฒี้ยว, เม่ย บัว เญย ทิน-ฮู่ง. หฒิว เฒี้ยว เหธย ฟุ ปุน เม่ย บัว, อ๋อย หฒุ หฒิว วั้ว ธ้วด ฟิม ฝ่ง ห่อ. 11 เม่ย บัว กั้น เหธา เม่ย บัว เญย น่าม โญ์ว, เลี่ยม เม่ย บัว เญย โน่ว เก๊า โน่ว เป์ย, เหธา เยียม เม่ย บัว เญย ฒี่ง เญย เล^วี เมี่ยน, เยียม เม่ย บัว บุด๋ง เญย กั้น ฝีง เมี่ยน, กู้ ฮั่น ฝุเจว๊ย เหธา เอ๊า-กว๊า อ๋อย หฒุ เยียม เฒี้ยว, เม่ย บัว เญย ทิน-ฮู่ง, อ๋อย กิ๊น ต้าย เหว่ย เหลียบ นิ่น กั้น เญย เม่ง วั้ว นอม ต๋อง, เยียม เฒี้ยว เญย หฑะเฮมียน เฌียน-โย่ว ออน-เหลาะ. 12 อ๋อย หฒุ จั๋ง เจี๊ยน เม่ย บัว เยียม อี^ยิบ เต่ย-ปูง โหฒว เจี๋ย โน่ว, หย่า อ๋อย หฒุ หลงๆ เญย กัน น้าย เต๋ย เล์ย-หลัด.
13 เซียว ป่า เบย้า เฮม้ย, เญว่ย เหฑ่ง อะหงุ่น เปี๊ยว, ฆะฮ้า อ๋อย หฒุ เจี๋ย บย๊อ ลิ่ว ฒิบ เสี่ย ฮนอย. * 14 เจี๋ย น้าย นอม ฒิบ อ๋อย หฒุ เฌียน-โย่ว เหน่า หญิด, เม่ย บัว เหธา เม่ย บัว เญย น่าม โญ์ว, เม่ย บัว เญย โน่ว เก๊า โน่ว เป์ย, เหธา เยียม เม่ย บัว เญย ฒี่ง เญย เล^วี เมี่ยน, เหธา กั้น ฝีง เมี่ยน, เหธา กู้ ฮั่น ฝุเจว๊ย, เหธา เอ๊า-กว๊า. 15 เม่ย บัว อ๋อย หฒุ เยียม เฒี้ยว อ๋อย กิ๊น ต้าย วั้ว นอม ต๋อง เจี๋ย น้าย เต๋ย เสี่ย ฮนอย เญย ฒิบ ท่าย เฒี้ยว, เหว่ย หฒุ เฒี้ยว, เม่ย บัว เญย ทิน-ฮู่ง, อ๋อย เหธย ฟุ ปุน เม่ย บัว เญย แกง-หฒวัง หลง หย่า เหธย ฟุ เม่ย บัว เญย ปั์ว โหฒว เญย หญู่งๆ กง. เม่ย บัว ฯฒฯ เฌียน-โย่ว ออน-เหลาะ อ๊ะ.
16 เม่ย บัว เญย เหยียด ฒู้ง มจั่ง ตอน เหยียด หฮญัง ปัว หฑุ่น อ๋อย หฒุ มี่ง เฒี้ยว, เม่ย บัว เญย ทิน-ฮู่ง, อ๋อย กิ๊น ต้าย วั้ว นอม ต๋อง, เยียม เฒี้ยว เญย หฑะเฮมียน. เซ มี่ง เจี๋ย ไม้ อัน ปี๊ง เญย ฌั้ว เญย ฒิบ, เซียว ธุน-แกง ฒิบ เหธา บย๊อ ลิ่ว ฒิบ. หาย เต้า มี่ง เยียม เฒี้ยว เญย หฑะเฮมียน หย่า ไม้ ตู๋ง ขูง-ปั์ว แปะ เหฒา เญย มี่ง. 17 เก๊าะ-เมี่ยน อ๋อย หฒุ หฒิว เก๊าะ-เมี่ยน ไฮ่ ธ้วด ตุ๊ เญย, เซ หฒิว เฒี้ยว, เม่ย บัว เญย ทิน-ฮู่ง, เหธย ฟุ ปุน เม่ย บัว เญย ป่วน, ต้อ กะน้าย มี่ง ฝ่ง ห่อ.
18 เม่ย บัว อ๋อย หฒุ เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว เญย นอมๆ ฒี่ง, หฒิว เม่ย บัว เญย ฝีงๆ เมี่ยน ออน เต๋ย เมี่ยน โหฒว เซี้ยม ฒุ์ย เจียน เหธา กุ๊น สี่ เจียน. นิ่น บัว ฯฒฯ ไฮ่ แป้ง ฟิม เญย เซี้ยม เมี่ยน. 19 ไม้ ตู๋ง โหฒว หว่าย แป้ง ฟิม เญย เล์ย, หย่า ไม้ ตู๋ง หมั่ง หาย เต้า เญย เฮมียน. ไม้ ตู๋ง หญั่น ญ่าน หฮมวัง เหว่ย หฒุ ญ่าน หฮมวัง ปุน เปย เล์ย เญย เมี่ยน เญย มฒีง แม่ง, หย่า เบี๊ยน แป้ง ฟิม เมี่ยน เญย หว่า. * 20 อ๋อย หฒุ กัน แป้ง ฟิม เญย เล์ย, ขูง โหฒว แป้ง ฟิม เญย ฮนั้ง, เม่ย บัว หธีง ต้าย ตุ๊ แหม่ง เฒี่ยง หย่า ตุ๊ หฑิบ เฒี้ยว, เม่ย บัว เญย ทิน-ฮู่ง, เหธย ปุน เม่ย บัว เญย เต่ย-ปูง.
21 เม่ย บัว เหธย เฒี้ยว, เม่ย บัว เญย ทิน-ฮู่ง เญย เหฒี่ย-ต้อง, เยียม เหฒี่ย-ต้อง กะเฮลน ไม้ ตู๋ง เหลียบ อา^เซ^ลา เฒี่ยน เญ์ย เญย ฝัง. * * 22 หย่า ไม้ ตู๋ง เหลียบ หฒั่ง เฒี่ยน เญย หละเปย๊ย-ต่ง. เซ เฒี้ยว, เม่ย บัว เญย ทิน-ฮู่ง, ฑอง ไห่ เญย กะน้าย. *