ตะเฝย หญู่ง หิ่น ย่าง เญย สี่
เหยียด ดาน เปี๊ยว
1 เฒี้ยว ทิน-ฮู่ง
ปุน เยีย ปวัด น้าย หญู่ง หิ่น ย่าง เญย สี่. เยีย หมั่ง ฯฒฯ ปวัด ดาน ฆาย กอง เญย เปี๊ยว.
2 นิ่น หน่าย, ``อา^โม้ด อ่า, เม่ย ปวัด หาย หญู่ง?''
เยีย เตา, ``เยีย ปวัด ดาน ฆาย กอง เญย เปี๊ยว.''
เฒี้ยว
ก๊อง บั๋ว เยีย, ``เยีย เญย แปะ ฝีง, อิ^สะ^ลา^เอน เมี่ยน, เซ้ด เมว์ย เญย เฒี่ยง โห่ เถา อ๊ะ. เยียม น้าย มี่ง เยีย ไม้ เลี่ยว นิ่น บัว.''
3 เฒี้ยว ทิน-ฮู่ง
ก๊อง, ``วั้ว ฮนอย สีง ติ่น
กะญั์ว ป๋าว ฑูง เญย เฉีย ฯฒฯ ทิ้ว เป๋น เฑ่า เญี้ยม เญย เฉีย. หาย เดา หย่า ม่าย จั๋น-ไต่ เญย เซย ธั้ม ไห่, กวั่ง เจี๊ยน เซ้ก เหฑียะ เญย.''
อิ^สะ^ลา^เอน เซ้ด เมว์ย
เญย ฮนอย เถา ฟัด อ๊ะ
-
4 ``เม่ย บัว ธ้าย ตั๋ง-ต๋น เญย เมี่ยน,
- แอ๋ง เหมียด เยียม เต่ย-ปูง เญย เมี่ยน จ่ม เมี่ยน วั้ว เต๋ย,
- หมวัง น้าย เต๋ย หว่า ม่าะ!
5 ``เม่ย บัว ก๊อง,
- `เซียง-หฮลา เญย ฒิบ หาย หฒั่น เจี๋ย มี่ง
- เหว่ย ปุน เยีย บัว แอ๋ง ตุ๊ หม่าย ล่าง หฒิ?
- ตี้ง กง ฮนอย
หาย หฒั่น เจี๋ย มี่ง,
- เยีย บัว ฯฒฯ แอ๋ง ตุ๊ หม่าย เบย้า วิด?'
- หม่าย ธ้วด เม่ย บัว หล่ง กะน้าย-ไฝ ฮลาว หย่า ปุน จ๋า-ฒิ่น ฮลัง,
- แอ๋ง หล่ง แหว่ง เมี่ยน เญย เหฑียง เผียน เมี่ยน.
-
6 เม่ย บัว หล่ง ญ่าน ม์าย เมี่ยน จ่ม เมี่ยน,
- หล่ง แหล่ง เฮ่ เหยี่ยน เต้า ตั๋ง-ต๋น เมี่ยน,
- หย่า เฒาะ ไม้ เป๋น เญย เบย้า วิด หม่าย ปุน เมี่ยน.
7 เฒี้ยว,
ต้ง ยา^โค้บ ท่าย วั้ว เต้า ทิน-ฮู่ง, โฮ้ว หว่า ก๊อง, ``นิ่น บัว โหฒว เญย เหยียด ฒู้ง หว่าย สี่ เยีย เหยียด ลิ์ว ไม้ หละคุ.
-
8 ``เดา ไม้ เฒ์ย เหว่ย น้าย เต๋ย สี่ ดั่น ต์ง ไฟ?
- เยียม เต่ย-ปูง กะญั์ว เญย เมี่ยน หย่า อ๋อย หฒุ เฑ่า เญี้ยม.
- เฒี่ยง นอม เต่ย-ปูง อ๋อย ฝาว ฮนั้ง ไน^อา ด้าย นอ,
- หย่า หฒุ เมี้ยด มี่ง เมี้ยด ต้าย แอ๋ง ฮ้าบ เหฌี่ย ฮนั้ง อี^ยิบ เญย ไน^อา ด้าย ฮ้าบ เหฌี่ย.''
9 เฒี้ยว ทิน-ฮู่ง
ก๊อง, ``เถา วั้ว ฮนอย,
- ``ลู่ง เหฒียง อ๋าน เญย เฒี่ยง โห่ เยีย อ๋อย ปุน บะฮนอย ด๊อด มี่ง.
- ต์อง ฌัง เญย เฒี่ยง โห่ เยีย ปุน เดา-เป้ย หฮมวัง เหฑ่ง.
-
10 เยีย อ๋อย ปุน เม่ย บัว เจี๋ย ฒิบ เญย ยิ่น หวุ่ย
- ทิ้ว เป๋น เฑ่า เญี้ยม เญย เฒี่ยง โห่,
- หย่า ปุน เม่ย บัว ป๋าว ฑูง เญย เหยียด ฒู้ง เฉีย
- ทิ้ว เป๋น หน่าน ฒี่ง ฑูง.
- เยีย อ๋อย ปุน เม่ย บัว เหยียด ฒู้ง ไซ เจี๊ยน ล่าม่า เดีย-โธว,
- ปุน เต้าๆ หฒุ เถย เหฑ่ง มฆ้อง.
- เยีย หย่า อ๋อย ปุน เม่ย บัว เฑ่า เญี้ยม
- ฮนั้ง กั้น เญย โดะ ตอน ไต่ นอ,
- ปุน เซ้ด เมว์ย เญย เฒี่ยง โห่ ฮนั้ง โค้ว ไห่ เญย ฮนอย.''
11 เฒี้ยว ทิน-ฮู่ง
ก๊อง,
- หมั่ง ม่าะ! ฮนอย-เหญียะ ฒู้ง อ๋อย เถา,
- เยีย อ๋อย ปุน เต่ย-ปูง ปวั้ง หฒุ ต้ม หง่อ.
- ไม้ เฒ์ย หง่อ หฮนาง หย่า ไม้ เฒ์ย หง่อ ววม.
- นิ่น บัว อ๋อย หง่อ ไม้ ตุ๊ หมวัง เฒี้ยว
เญย หว่า.
-
12 นิ่น บัว อ๋อย เยียม น้าย ติ้ว ค้อย
- โย่ว เจี๊ยน มี่ง เถา วั้ว ติ้ว ค้อย,
- เยียม ป๊ะ ปูง มี่ง เถา ตง ปูง,
- ถิว เจี๋ย น้าย, ถิว เจี๋ย วั้ว ล์อ เฒี้ยว
เญย หว่า,
- มป่า นิ่น บัว ล์อ ไม้ ปวัด อ๊ะ.
-
13 ``เถา วั้ว ฮนอย,
- ``เหฑว่ย ไห่ เญย เซียะ เหธา เฮ้น เญย
โฮ่ว แซง
- หลาย จาง ฆ้าด ฯฒฯ เม่ย มวั้ง เหฑ่ง.
-
14 เฒี้ยง เจี๊ยน สะ^มา^เลีย เญย เฒี่ยน เญ์ย, อา^ซิ^มา, โฮ้ว หว่า วั้ว เต๋ย,
- ไฟ ก๊อง, `โอ ดาน อ่า, เยีย เฒี้ยง เจี๊ยน เม่ย เฒี่ยง เจี๊ยน เญย เฒี่ยน โฮ้ว หว่า,
- ไฟ `โอ เบ^เอ^เช^บา อ่า, เยีย เฒี้ยง เจี๊ยน เม่ย เฒี่ยง เจี๊ยน เญย เฒี่ยน
โฮ้ว หว่า,
- น้าย เต๋ย เมี่ยน อ๋อย คีง เหฌี่ย,
- เหยียด ลิ์ว ไม้ ไฮ่ เจี์ย ซิน.''
