อิ^สะ^ลา^เอน เมี่ยน อ๋อย หฒุ โค้ว

• ¹ เยียม สิ^โอน เค้า เจี๊ยน เหลาะ เหญ่ย เหฒา เญย เมี่ยน,
• เหธา เยียม สะ^มา^เลีย บง ฝุน กั้น แป้ง ออน เญย วั้ว เต๋ย,
• อ๋อย หฒุ โค้ว อ๊ะ,
• เซ อิ^สะ^ลา^เอน เมี่ยน มี่ง ล์อ
• เยียม หฒวัง กั๊วะ บุด๋ง เม่ง เต้า โฮล เญย กั๊วะ
• ม่าย เม่ง โห่ โฮล เญย เปย๊ย เฒ้ย.
• ² เม่ย บัว อ๋อย หฒุ มี่ง คาน^เน,
• หมั่ง ก๋า ฮนั้ง หาย นอ.
• เยียม หน่าย มี่ง ฮา^มัด ต้ม ฒี่ง,
• แอ๋ง เหฌี่ย เถา ฟี^ลิ^สะ^เตีย เมี่ยน เญย กัด ฒี่ง.
• วั้ว เต๋ย ฒี่ง เก้า หลง น้าย เต๋ย กั๊วะ ไฟ?
• นิ่น บัว เญย กั๊บ-จ๋าย เก้า จั๊ง เม่ย บัว เญย กั๊บ-จ๋าย ไฟ?
• ³ เม่ย บัว อ๋อย ถุย เหฒะ หน่าน เญย ฮนอย
  มี่ง โก,
• ต๋าว หฑวน เม่ย บัว ขูง ต้อ เธี้ยว เญย ฮนอย ต้าย กุ๊น เจี๊ยน.
• ⁴ เม่ย บัว หฒุ โค้ว อ๊ะ.
• เม่ย บัว เปว๋ย เจี๊ยน ฒ์าง-ญ่า เญย โหธว,
• หย่า ซูง หฒะ ปั์ว-เหฒา,
• เฌียน-โย่ว เญย เปว๋ย เจี๊ยน เอ๊ย,
• เม่ย บัว หญั่น ปะกี ยู่ง กวั้น เญย ยู่ง ตอน,
• หย่า หญั่น ง่ง กวั้น กะญั์ว เญย ง่ง ตอน,
• ⁵ เม่ย บัว พัด ต้าน ป้า ป๋าว ไม้ ลั่ม หล่ง เญย ฑูง,
• แอ๋ง หล่ง โหฒว ฑูง เญย จา-สี่ โหฒ่ ฑูง ฮนั้ง ดา^วิด นอ.
• ⁶ เม่ย บัว หล่ง หฑ่อม ฮบ อะหงุ่น ติ๊ว,
• หย่า หล่ง หฒั่ง ฮ่อง โย่ว ฑ้าด ซิน,
• มป่า เม่ย บัว ไม้ เฑ่า,
• เหว่ย โย^เซ้บ อ๋อย หฒุ ป่าย.
• ⁷ เหว่ย น้าย เม่ย บัว อ๋อย หฒุ โหฒว กว๊าด มี่ง เญย ต้าว ปาน,
• เม่ย บัว เฌียน-โย่ว เญย เปว๋ย เจี๊ยน หญั่น, เปว๋ย เจี๊ยน ฮบ เญย เฉีย ฯฒฯ ป่า เหฑ่ง หมี่ อ๊ะ.

เฒี้ยว โหยว ไห่
อิ^สะ^ลา^เอน โหฒว เหมา

⁸ เฒี้ยว ทิน-ฮู่ง เฒี้ยง เจี๊ยน กั้น โฮ้ว หว่า. เฒี้ยว, เน่น เจี๋ย เญย ทิน-ฮู่ง ก๊อง,

• ``เยีย โหยว ไห่ อิ^สะ^ลา^เอน เมี่ยน * ฮิบ^ลู หว่า ก๊อง ยา^โค้บ. เซ อิ^สะ^ลา^เอน เญย กั้น นอม บั๋ว. โหฒว เหมา เญย เจ๊า.
• เยีย ฑอง ไห่ นิ่น บัว เว่ย ว้วน เญย ติ่น.
• เยีย อ๋อย เฒาะ นิ่น บัว เญย ฒี่ง
• เหธา เยียม ฒี่ง กะญั์ว เญย เหยียด ฒู้ง กะน้าย จิว ปุน วิน-วั้ง.''

⁹ สี ก๊อง เหยียด นอม เปย๊า เหฒ่ง เหฌี่ย เหฒียบ ล่าน เมี่ยน, นิ่น บัว ฒู้ง อ๋อย หฒุ ไต่ เหฑ่ง. ¹⁰ สี ก๊อง ไต่ วั้ว เต๋ย เมี่ยน เญย เธียน-เธะ ต้าย เฒาะ เซย เยียม กะญั์ว เจี๋ย วั้ว ฉง เปย๊า ธ้วด ต้าย ปั๊ว เญย เฒี่ยง โห่, ฯฒฯ หน่าย เยียม เปย๊า กะญั์ว เญย ต๋อง เหฒ่ง เหฌี่ย เญย เมี่ยน, * ไฟ ปี๋ง เจี๊ยน เญย เมี่ยน. ``แอ๋ง ม่าย เมี่ยน เหธา เม่ย เยียม หน่าย ไฟ ไม้ ม่าย?''

วั้ว เต้า ฯฒฯ ก๊อง, ``ไม้ ม่าย.'' นิ่น แอ๋ง ก๊อง, ``เซ้ก ม่าะ! บัว ไม้ หอบ หฒุ ก๊อง ธ้วด เฒี้ยว เญย บั๋ว.''

• ¹¹ เหว่ย หฒุ เฒี้ยว หัด เญย เฒี่ยง โห่,
• ต้ม เปย๊า หฒุ เบ๊าะ ฮู้ เป๋น เหฒีย เต๋ย,
• เปย๊า-ตอน หฒุ เบ๊าะ หม่วน เหฑ่ง.
• ¹² ม์า เยียม หละเปย๊ย กู้ หงว่าย ถิว ไฟ?
• เมี่ยน ไฮ่ หล่ง ง่ง ไล่ ค้อย ตุ๊ เญย ไฟ?
• มป่า เม่ย บัว เฒาะ แป้ง ฟิม เญย เจ๊า ทิ้ว เป๋น เดีย-โตะ,
• หย่า ปุน โหฒว หอบ เญย เจ๊า ทิ้ว ฮนั้ง ยั่ง เม์ว นอ อิม.
• ¹³ เม่ย บัว อะเฮน้ย เธง กั้น เบ๊าะ ตุ๊ ฮี่ง โล^เด^บา มู้ง, * เอ๋ย เล์ย เซ ``ไม้ เป๋น หาย หญู่ง กะน้าย''.
• หย่า ก๊อง, ``เยีย บัว เขา กั้น เญย ชะ
• เหว่ย กั้น ธ้าง ตุ๊ คาน^นา^อิม มู้ง.'' * เอ๋ย เล์ย เซ จอง. จอง ปิ๋ว เม่ง ม่าย ชะ.
• ¹⁴ เฒี้ยว, เน่น เจี๋ย เญย ทิน-ฮู่ง, ก๊อง,
• ``โอ อิ^สะ^ลา^เอน เญย เฒ้ย-ฟุน อ้า!
• เยีย อ๋อย ปุน กั้น นอม กั๊วะ เญย เมี่ยน ต้าย เบ๊าะ เม่ย บัว,
• หย่า เหฒย เม่ย บัว เยียม เปียะ ฮา^มัด วั้ว ติ้ว เจ๊า มี่ง เถา อา^ลา^บา โด๊ะ.''