2 ซา^มู^เอน 23 (2 Samuel 23)

2 ซา^มู^เอน 23

ดา^วิด เญย เซ้ด เมว์ย หว่า

¹ น้าย เซ ดา^วิด เญย เซ้ด เมว์ย หว่า.

``เซ เจียด^ซี เญย ตอน, ดา^วิด,

ต้ง ตุ๊ เหลียบ ฝาว ฮลัง วั้ว เต้า ก๊อง.

เซ ยา^โค้บ เญย ทิน-ฮู่ง หล่ง โย่ว ออน นิ่น ต้าย,

นิ่น เหว่ย อิ^สะ^ลา^เอน โหฒ่ คู่ หมวัง เญย ฑูง ก๊อง,

² `` เฒี้ยว เญย สีง ลี่ง หล่ง เยีย ก๊อง,

นิ่น เญย หว่า เยียม เยีย เญย ฑุ่ย.

³ อิ^สะ^ลา^เอน เญย ทิน-ฮู่ง ก๊อง,

เซ เปว อิ^สะ^ลา^เอน วั้ว เต้า * ก๊อง บั๋ว เยีย,

`หาย เต้า หล่ง แป้ง ฟิม เญย เจ๊า กุ๊น เมี่ยน,

เซ นิ่น ท่าย ทิน-ฮู่ง เญย หว่า กุ๊น, *

⁴ นิ่น กุ๊น เมี่ยน ฮนั้ง ลู่ง ดอม บะฮนอย ธ้วด เญย ฌัง,

ฮนั้ง ลู่ง ดอม เฑี้ยว, ไม้ ม่าย บ๋วน,

ฮนั้ง ตุ้ย ป่า บยู่ง เญย ฌัง,

ฮนั้ง บยู่ง ปุน เมี้ย เยียม เดา ธ้วด.'

⁵ ``เยีย เญย เฒ้ย-ฟุน เหธา ทิน-ฮู่ง หอบ ไม้ เฒ์ย?

เหว่ย หฒุ นิ่น เหธา เยีย เหลียบ เหยียด ลิ์ว เญย แหง่ง หว่า,

เหยียด ฒู้ง ม่าย เหยียด เหญ่ย หย่า ว้วน เญย.

เยีย เญย เหฌียว เอน เหธา เหยียด ฒู้ง ม่าย ลั่ม ฮนั้ม เญย,

นิ่น ฒู้ง อ๋อย โหฒว เหฒียง ไม้ เฒ์ย?

⁶ มป่า เหยียด ฒู้ง ไม้ ลั่ม หล่ง เญย เมี่ยน *

ฮนั้ง ฌิ้ม นอ, หฒุ ฒอย กวั่ง,

ไม้ ไฮ่ หล่ง ปั์ว เฒาะ.

⁷ มป่า หาย เต้า เมี่ยน มัวะ,

อ๋อย หฒุ ต้อ เจี๊ยน เฮลียะ-จา-สี่ เหธา ธัง-แป๋ง,

หย่า หล่ง โต์ว ปั๊ว ชุย เหฑ่ง.'' *

ดา^วิด เฮ้น ไห่ เญย จุน-เฒ้ย เมี่ยน

(เป๊ย หมั่ง 1 ฒุ่น ต่อย โต้ว 11:10-41 )

⁸ น้าย เซ ดา^วิด เฮ้น ไห่ เญย จุน-เฒ้ย เมี่ยน เญย บั๋ว. ม่าย ทัก^โม^นี เมี่ยน, โย^เช้บ^บัด^เช^เบด. นิ่น โหฒว วั้ว เต๋ย ``ปัว เต้า'' เญย เปย๊ย เฒ้ย. นิ่น เบ๊าะ เหยียด หฑุ่น จ๋า, นิ่น หล่ง ธัง ฑบ ไต่ เป๊ด แป๊ะ เต้า เมี่ยน.

⁹ น้าย เต๋ย ``ปัว เต้า'' เญย ตะเหญ่ย เต้า เซ อา^โห^ไฮ เมี่ยน, โด^โด * เญย ตอน, เอ^เล^อา^ซา. ม่าย หฑุ่น นิ่น เหธา ดา^วิด โด๊ว ฟี^ลิ^สะ^เตีย เมี่ยน, ต้ง ฟี^ลิ^สะ^เตีย เมี่ยน กั๊บ ฒุ้น ต้าย เบ๊าะ จ๋า วั้ว หฒั่น. อิ^สะ^ลา^เอน เญย แปง ฯฒฯ ถุย เหฑ่ง. ¹⁰ มป่า เอ^เล^อา^ซา โซ้ว เจี๊ยน วั้ว ไต๋ ฟี^ลิ^สะ^เตีย เมี่ยน เถา นิ่น เญย ปั์ว หญุย, ฒู้ง แน้ด เจี๊ยน หฑุ ด๊าว โจ๊ว. วั้ว ฮนอย เฒี้ยว ปุน อิ^สะ^ลา^เอน เมี่ยน ฮี่ง เจี๋ย เหฑ่ง. เบ๊าะ ป่า จ๋า, แปง หฑวน เอ^เล^อา^ซา วั้ว, มป่า ขูง เหว่ย เฑ์า หฒุ ไต๋ ไต่ วั้ว เต๋ย เมี่ยน เญย กะน้าย ฮนั้ง.

¹¹ วั้ว เต๋ย ``ปัว เต้า'' เญย ตะฟาม เต้า เซ ฮา^ลา เมี่ยน, อา^เก เญย ตอน, ซัม^มา. ฟี^ลิ^สะ^เตีย เมี่ยน กั๊บ ฒุ้น เยียม ฑง เด่ย ม่าย ตบ ซิ ปวั๊ง เหฑ่ง. อิ^สะ^ลา^เอน เมี่ยน เญย แปง ถิว เปย๋า ฟี^ลิ^สะ^เตีย เมี่ยน. ¹² มป่า ซัม^มา โซ้ว เจี๊ยน วั้ว ฑง เด่ย กะญั์ว แฑง วั้ว ฑง เด่ย หย่า ไต๋ ฟี^ลิ^สะ^เตีย เมี่ยน. เฒี้ยว เถง อิ^สะ^ลา^เอน เมี่ยน หฒะเก้ง! ฮี่ง เจี๋ย.

¹³ ม่าย ``ฟ่า เหฒียบ เต้า'' วั้ว เต๋ย เฮ้น ไห่ เญย จุน-เฒ้ย เมี่ยน เญย ปัว เต้า เหฌี่ย เถา อา^ดุน^ลัม เญย แบ๋ง-ค้วด ล์อ ดา^วิด. แอ๋ง ม่าย กวั้น ฟี^ลิ^สะ^เตีย เมี่ยน เหลียบ เธี้ยง เยียม เล^ฟา^อิม ฮ์อง. ¹⁴ วั้ว หฒั่น ดา^วิด เยียม นอม เว่ย ว้วน เญย ต๋อง, ฟี^ลิ^สะ^เตีย เมี่ยน เหลียบ เธี้ยง เยียม เบด^เล^เฮม. ¹⁵ ดา^วิด ไฮ์ หง่อ ววม ฯฒฯ ก๊อง ธ้วด ฑุ่ย, ``เฝย ตุ๊ ม่าย เมี่ยน มี่ง ดั๊ม เต๋ย เยียม เบด^เล^เฮม ฒี่ง แก้ง กะเฮลน เญย ววม-ค้วด เญย ววม ต้าย ปุน เยีย ฮบ.'' ¹⁶ น้าย เต๋ย ปัว เต้า เฮ้น ไห่ เญย จุน-แปง ฯฒฯ หนิ่ม เปียะ ฟี^ลิ^สะ^เตีย เมี่ยน เญย เธี้ยง, ดั๊ม เต๋ย เยียม เบด^เล^เฮม ฒี่ง แก้ง กะเฮลน เญย ววม-ค้วด เญย ววม ต้อ หฑวน ปุน ดา^วิด. มป่า นิ่น ไม้ คั้ง ฮบ. ต๋าว หฑวน นิ่น โต๋ ธ้วด เยียม เฒี้ยว เญย หฑะเฮมียน. ¹⁷ นิ่น ก๊อง, ``โอ เฒี้ยว อ่า, เยีย ฝู่ง ไฮ่ ฮบ น้าย เต๋ย ววม? เซ ฮนั้ง ฮบ น้าย เต๋ย เมี่ยน เญย ฑย้าม เหว่ย หฒุ นิ่น บัว ไม้ หล่ง แหม่ง เญย มี่ง ดั๊ม ต้าย.'' เหว่ย น้าย ดา^วิด ไม้ ฮบ.

น้าย เซ วั้ว เต๋ย ปัว เต้า เฮ้น ไห่ เญย จุน-แปง โหฒว เญย สี่.

¹⁸ เส^ลุ^ยา เญย ตอน, โย^อาบ เญย โย์ว, อา^บี^ไช, โหฒว วั้ว เต๋ย ``ฟ่า เหฒียบ เต้า'' * เญย เปย๊ย เฒ้ย. นิ่น หล่ง ธัง ไต๋ เหฑ่ง ฟาม-แป๊ะ เต้า เมี่ยน ฯฒฯ ตุ๊ เม่ง เต้า ฮนั้ง วั้ว เต๋ย ``ปัว เต้า'' โฮล. ¹⁹ เยียม วั้ว เต๋ย ``ฟ่า เหฒียบ เต้า'' กะญั์ว นิ่น ตุ๊ เมี่ยน ท่าย เก้า ธั้ม. * นิ่น ตุ๊ โหฒว นิ่น บัว เญย เปย๊ย เฒ้ย ไม้ กุ๊น นิ่น ไม้ เฒ์ย วั้ว เต๋ย ``ปัว เต้า'' เญย เหยียด เต้า. มป่า เป๊ย ไม้ เถา วั้ว เต๋ย ``ปัว เต้า.''

²⁰ เย^โฮ^ยา^ดา เญย ตอน, เบ^ไน^ยา, เซ เหยียด เต้า เยียม ขับ^เซ^เอน ต้าย เบ๊าะ จ๋า เฮ้น เญย จุน-เฒ้ย เมี่ยน. นิ่น โหฒว เหฒีย หญู่ง โฮล เญย สี่. นิ่น ไต๋ อี เต้า โม^อับ เมี่ยน เบ๊าะ จ๋า เฮ้น ไห่ เญย แปง. แอ๋ง ม่าย หฑุ่น ต๋อย ตุ้ย ซอง เญย เฒี่ยง โห่ นิ่น เหฌี่ย นอม ค้วด ไต๋ เต้า เซี่ยน ไต่. ²¹ นิ่น แอ๋ง ไต๋ เต้า โฮล ฮลัง * ไฟ เหฑว่ย. เญย อี^ยิบ เมี่ยน. วั้ว เต้า อี^ยิบ เมี่ยน นั้น เจี๊ยน ธัง มป่า เบ^ไน^ยา หล่ง เดี๋ยง-ด๋น เหฌี่ย มี่ง ล์อ. นิ่น ธ้าง อี^ยิบ เมี่ยน เญย ธัง ต้าย, หล่ง วั้ว ติ้ว ธัง ไต๋ นิ่น อ๊ะ. ²² น้าย เซ เย^โฮ^ยา^ดา เญย ตอน, เบ^ไน^ยา, โหฒว เญย สี่. นิ่น หย่า ตุ๊ เม่ง เต้า ฮนั้ง วั้ว เต๋ย ปัว เต้า เฮ้น ไห่ เญย จุน-เฒ้ย เมี่ยน โฮล. ²³ นิ่น ตุ๊ เม่ง เต้า เก้า โฮล วั้ว เต๋ย ``ฟ่า เหฒียบ เต้า'' มป่า ไม้ ด่ง วั้ว เต๋ย ``ปัว เต้า.'' ดา^วิด หย่า พ้าย นิ่น โหฒว นิ่น เญย ซิน-เฮลน เมี่ยน เญย เปย๊ย เฒ้ย.

²⁴ เยียม วั้ว เต๋ย ``ฟ่า เหฒียบ เต้า'' กะญั์ว ม่าย

โย^อาบ เญย โย์ว, อา^สา^เฮน,

เบด^เล^เฮม เมี่ยน, โด^โด เญย ตอน, เอน^ฮา^นัน,

²⁵ ฮา^โล้ด เมี่ยน, ซัม^มา,

ฮา^โล้ด เมี่ยน, เอ^ลี^คา,

²⁶ เพ^เล้ด เมี่ยน, เฮ^เล้ด^เท,

เท^โค^อา เมี่ยน, อิก^เขด เญย ตอน, อิ^ละ,

²⁷ อา^นา^โท้ด เมี่ยน, อา^บี^เย^เซ,

หุ^ซา เมี่ยน, เม^บุน^ไน, *

²⁸ อา^โห^ไฮ เมี่ยน, สัน^โมน,

เน^โท^ฟา เมี่ยน, มา^หะ^ไล,

²⁹ เน^โท^ฟา เมี่ยน, บา^อา^นา เญย ตอน, เฮ^เล้ด, *

เบน^ยา^มิน ฝีง, กิ^เบ^อา เมี่ยน, ลี^ไบ เญย ตอน, อิด^ไท,

³⁰ ปิ^ลา^โทน เมี่ยน, เบ^ไน^ยา,

กา^อัด ฮ์อง เญย เมี่ยน, ฮิด^ได, *

³¹ อา^ลา^บา เมี่ยน, อา^บี^ยัน^โบน,

บา^ฮู^ลิม เมี่ยน, อัด^มา^เว้ด,

³² ซา^อัน^โบน เมี่ยน, เอ^ลี^ยา^บา,

กิม^โซ เมี่ยน, ฮา^เซม, เญย เฒ้ย-ฟุน,

ยา^เซน เญย ตอน บัว,

โย^นา^ทาน, *

³³ ฮา^ลา เมี่ยน, ซา^มา เญย ตอน,

ฮา^ลา เมี่ยน, ชา^ลา, * เญย ตอน, อา^หิ^ยัม,

³⁴ มา^อา^คา เมี่ยน, อา^หัด^ไบ เญย ตอน, เอ^ลี^เฟ^เล้ด,

กิ^โลน เมี่ยน, อา^หิ^โท^เฟน เญย ตอน, เอ^ลี^อัม,

³⁵ คาน^เมน เมี่ยน, เฮ้ด^โล,

อา^ล้าบ เมี่ยน, ปา^ไล,

³⁶ โส^บา เมี่ยน, นา^ทัน เญย ตอน, อิ^กาน,

กัด เมี่ยน, บา^นี,

³⁷ อัม^โมน เมี่ยน, เส^เล้ก,

เบ^เอ^โล้ด เมี่ยน, นา^หะ^ไล, เซ เถง เส^ลุ^ยา เญย ตอน, โย^อาบ, ต้อ เบ๊าะ จ๋า เญย หวัวะ กิ่น วั้ว เต้า.

³⁸ อิด^ไล เมี่ยน, อิ^ละ,

อิด^ไล เมี่ยน, กา^เล้บ,

³⁹ ฮิด^ไท เมี่ยน, อุ^ลี^ยา,

เหยียด ฒู้ง ม่าย ฟ่า เหฒียบ เธี้ยด เต้า.

โล์-แหง่ง หว่า

เซียง-แหง่ง หว่า