ยู^ดา เญย ฮู่ง, มะ^นัด^เส

(เป๊ย หมั่ง 2 ฒุ่น ต่อย โต้ว 33:1-20 )

¹ มะ^นัด^เส ฝาว เหว่ย โหฒว ฮู่ง วั้ว หฒั่น, นิ่น ตุ๊ เหฒียบ เหญ่ย หฮญัง. นิ่น เยียม เย^ลู^ซา^เลม กุ๊น ฮม์ เหฒียบ ฮม์ หฮญัง. นิ่น เญย มา เญย บั๋ว เห่ว เฮ้บ^ซี^บา. ² หฒิว เฒี้ยว หมั่ง นิ่น โหฒว หว่าย สี่. นิ่น เอย เจี๊ยน เฒี้ยว หฒุ่น ธ้วด อิ^สะ^ลา^เอน เมี่ยน เญย วั้ว ด่าง แหมง วั้ว เต๋ย ฝีงๆ เมี่ยน โหฒว กั้ม เฑี้ย ไห่ เญย สี่. * เย^เล^มี 15:4 ³ นิ่น แอ๋ง เหธย เจี์ย ต้ง นิ่น เญย เตีย, เฮ^เซ^คี^ยา, ป่าย หว่าย วั้ว เต๋ย เยียม ฮลัง หฒั่ง เฒี่ยน เญย ต๋อง. นิ่น แอ๋ง เหว่ย บา^อัน เฒี่ยน เหธย เหฒี่ย-ต้อง, หย่า โหฒว อา^เซ^ลา เฒี่ยน เญ์ย เญย ฝัง, ฮนั้ง อิ^สะ^ลา^เอน เญย ฮู่ง, อา^หับ, นอ. นิ่น ป๋าย หย่า หฒั่ง ลู่ง หฒั่ง เญย หญู่งๆ. * ไฟ เหฮลย. เยียม 21:5 ฟี่ ฮนั้ง เญย. ⁴ นิ่น เยียม หฒั่ง เฒี้ยว เญย เปย๊า เหธย เหฒี่ย-ต้อง, เซ เยียม เฒี้ยว ก๊อง, ``เยีย อ๋อย เหลียบ เยีย เญย เม่ง เยียม เย^ลู^ซา^เลม,'' * 2 ซา^มู^เอน 7:13 วั้ว นอม ต๋อง. ⁵ นิ่น เยียม หฒั่ง เฒี้ยว เญย เปย๊า อี นอม หลาด กะญั์ว เญย ต๋อง เหว่ย ลู่ง หฒั่ง เญย หญู่งๆ เหธย เหฒี่ย-ต้อง. ⁶ นิ่น เฒาะ นิ่น กั้น เญย ตอน ปั๊ว เหฒี่ย, * ปั๊ว เหฒี่ย ไฟ
เจี๋ย โต์ว. หย่า โหฒว ฟ้าด, หมั่ง แหม่ง, ก๊าน เฮย, โบ๊ว กว๋า. หฒิว เฒี้ยว หมั่ง นิ่น โหฒว หว่าย สี่ ธั้ม ไห่, ธัวะ เฒี้ยว
เฉีย เจี์ย ไห่.

⁷ นิ่น เฒาะ นิ่น หฒุ ต้าย วั้ว นอม อา^เซ^ลา เฒี่ยน เญ์ย เญย ฝัง อัน เจี๊ยน หฒั่ง เฒี้ยว เญย เปย๊า กะญั์ว. เซ น้าย นอม เปย๊า เฒี้ยว ก๊อง บั๋ว ดา^วิด เหธา นิ่น เญย ตอน, ซา^โล^มอน, ``เซ น้าย นอม เปย๊า เหธา เย^ลู^ซา^เลม ฒี่ง เยีย เยียม ฝีงๆ อิ^สะ^ลา^เอน เมี่ยน บุด๋ง กิ๊น ธ้วด ต้าย เหลียบ เยีย กั้น เญย เม่ง เหว่ย เหยียด ลิ์ว. * 1 ฮู่ง โต้ว 9:3-5 ; 2 ฒุ่น ต่อย โต้ว 7:12-18 <sup>8</sup> สี ก๊อง อิ^สะ^ลา^เอน เมี่ยน ไฝ ฟิม เอย เจี๊ยน เยีย หัด เญย เหยียด ฒู้ง หว่า โหฒว หย่า เอย เจี๊ยน เยีย เญย โปว, โม^เซ, จิว ปุน นิ่น บัว เญย เหยียด ฒู้ง เล์ย-หลัด, เยีย ฒู้ง ไม้ ปุน นิ่น บัว หฒุ หฒุ่น ธ้วด.'' * ฮิบ^ลู หว่า ก๊อง ``ไม้ ปุน นิ่น บัว เญย เหฒา เล่ย ฆอย วั้ว นอม เต่ย-ปูง''. ⁹ มป่า นิ่น บัว ไม้ หมวัง. มะ^นัด^เส แปง นิ่น บัว โหฒว หว่าย สี่ เก้า ธั้ม เฒี้ยว เยียม อิ^สะ^ลา^เอน เมี่ยน เญย วั้ว ด่าง แหมง เหมียด วั้ว เต๋ย ฝีงๆ เมี่ยน.

¹⁰ เฒี้ยว หล่ง นิ่น เญย โปว, โต่ว หว่า เมี่ยน, ก๊อง, ¹¹ ``ยู^ดา เญย ฮู่ง, มะ^นัด^เส, โหฒว น้าย เต๋ย กั้ม เฑี้ย ไห่, โหยว ไห่ เญย สี่. นิ่น โหฒว เก้า หว่าย เยียม ด่าง นิ่น วั้ว เต๋ย อา^โม^ไล เมี่ยน. นิ่น หล่ง นิ่น เญย หมิ่ว-ฝัง ปุน ยู^ดา เมี่ยน ป์าม ฒุ์ย ธั้ม ไห่. <sup>12</sup> เหว่ย น้าย, เฒี้ยว, อิ^สะ^ลา^เอน เมี่ยน เญย ทิน-ฮู่ง, ก๊อง, `เยีย อ๋อย ปุน เย^ลู^ซา^เลม เหธา ยู^ดา หฒุ ต้ม เหฒะ หน่าน. หาย เต้า ไฮ์ น้าย เต๋ย สี่, มน่อม ฯฒฯ หฆีง เหฑ่ง วั้ว. <sup>13</sup> เยีย อ๋อย ตี่ง เย^ลู^ซา^เลม เญย ฒุ์ย ฮนั้ง เยีย ตี่ง สะ^มา^เลีย เญย ฒุ์ย นอ, หย่า ฮนั้ง เยีย ตี่ง อา^หับ เญย เฒ้ย-ฟุน เญย ฒุ์ย. * ฟาน หฒะ ก๊อง ``เยีย อ๋อย หล่ง ต้ง เยีย หล่ง เดาะ สะ^มา^เลีย วั้ว ติ้ว เดาะ เญย ฮลาง, หย่า หล่ง ตี่ง หฒะ เญย ฮลาง ตี่ง ฮนั้ง ตี่ง อา^หับ เญย เฒ้ย-ฟุน, เหว่ย เดาะ เย^ลู^ซา^เลม เญย ฒุ์ย''. เยีย อ๋อย ซ้อด เย^ลู^ซา^เลม ฮนั้ง เมี่ยน ซ้อด เยี้ยน นอ. ซ้อด ลิ์ว แอ๋ง ฆบ เจี๊ยน. ¹⁴ เยีย อ๋อย กวั่ง เยีย เหฒ่ง เหฌี่ย เญย เมี่ยน, * ฮิบ^ลู หว่า ก๊อง ``เยีย หฑิบ ต้าย เญย ป่วน''. เฒาะ นิ่น บัว จิว ปุน นิ่น บัว เญย วิน-วั้ง. นิ่น บัว ฯฒฯ หฒุ วิน-วั้ง ลู้ นิ่น บัว, ธ้าง นิ่น บัว, ¹⁵ เหว่ย หฒุ เอย เยีย หมั่ง, นิ่น บัว โหฒว หว่าย สี่ เยียม นิ่น บัว เญย อง-ถาย ธ้วด อี^ยิบ เถา อี้ ฮนอย.'''

¹⁶ ไม้ ตาน บัวะ น้าย. มะ^นัด^เส ไต๋ คู้ เมี่ยน, ปุน ฑย้าม เหลี่ยว ธ้วด ธั้ม, ฒู้ง ปวั๊ง เย^ลู^ซา^เลม เยียม น้าย ปูง มี่ง เถา วั้ว ปูง. ธ้วด ลิ์ว น้าย, นิ่น ปุน ยู^ดา เมี่ยน ป์าม ฒุ์ย, หฒิว เฒี้ยว หมั่ง นิ่น บัว ฯฒฯ โหฒว หว่าย สี่.

¹⁷ มะ^นัด^เส กุ๊น เญย เฒี่ยง โห่ โหฒว ลิ์ว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เหธา นิ่น ป์าม เญย ฒุ์ย, เฟี้ย เจี๊ยน ยู^ดา ฮู่ง เญย ฮู่ง โต้ว ตาน. ¹⁸ มะ^นัด^เส เกวย เสย หมี่ อ๊ะ, * เป๊ย หมั่ง 1 ฮู่ง โต้ว 1:21 . หย่า หฒัง เจี๊ยน เยียม นิ่น เญย ฮู่ง ติ่น เญย หฮวีง, เซ อุด^ซา เญย หฮวีง. นิ่น เญย ตอน, อา^โมน, หฑิบ เจี๊ยน นิ่น โหฒว ฮู่ง.

ยู^ดา เญย ฮู่ง, อา^โมน

(เป๊ย หมั่ง 2 ฒุ่น ต่อย โต้ว 33:21-25 )

¹⁹ อา^โมน ฝาว เหว่ย โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ หญี่ เหฒียบ เหญ่ย หฮญัง. นิ่น เยียม เย^ลู^ซา^เลม กุ๊น อี หฮญัง. นิ่น เญย มา เญย บั๋ว เห่ว เม^ซุน^เล^เม้ด. เซ โย้ด^บา เมี่ยน, ฮา^ลุด, เญย เซียะ. ²⁰ หฒิว เฒี้ยว หมั่ง, อา^โมน โหฒว หว่าย สี่ ฮนั้ง นิ่น เญย เตีย, มะ^นัด^เส, โหฒว นอ. ²¹ นิ่น หฒวด นิ่น เญย เตีย เญย เหยียด ฒู้ง หญู่ง เฒ้ย โหฒว. นิ่น หฒั่ง หย่า ป๋าย นิ่น เญย เตีย หฒั่ง เญย หมิ่ว-ฝัง. ²² นิ่น กวั่ง เฒี้ยว, นิ่น เญย เญย อง-ถาย เญย ทิน-ฮู่ง, ไม้ ยั่ง เฒี้ยว เญย เจ๊า.

²³ อา^โมน เญย เจียน ต๊า หฒะเอ๋ย แหง่ง นิ่น ฯฒฯ เยียม ฮู่ง ติ่น กะญั์ว ไต๋ นิ่น. ²⁴ มป่า ยู^ดา เต่ย-ปูง เญย แปะ ฝีง ไต๋ ต้ง ต๊า หฒะเอ๋ย ไต๋ ฮู่ง เตี๋ย วั้ว เต๋ย เมี่ยน. นิ่น บัว หย่า เหลียบ อา^โมน เญย ตอน, โย^สิ^ยา, ตี๊ นิ่น โหฒว ฮู่ง.

²⁵ อา^โมน กุ๊น เญย เฒี่ยง โห่ โหฒว ลิ์ว เหฒ่ง เหฌี่ย เญย สี่ เฟี้ย เจี๊ยน ยู^ดา ฮู่ง เญย ฮู่ง โต้ว ตาน. ²⁶ นิ่น หฒัง เจี๊ยน อุด^ซา เญย หฮวีง, นิ่น กั้น เญย โฒ้ว. นิ่น เญย ตอน, โย^สิ^ยา, หฑิบ เจี๊ยน นิ่น โหฒว ฮู่ง.