อิ^สะ^ยา ออน
เฮ^เซ^คี^ยา ฮู่ง เญย เฮญี้ยว

(เป๊ย หมั่ง อิ^สะ^ยา 37:1-7 )

¹ เฮ^เซ^คี^ยา ฮู่ง ไฮ์ ลิ์ว วั้ว เต้า ต้ม แปง-เปย๊ย ก๊อง เญย หว่า, นิ่น เป๊ด นิ่น เญย ลุย แอ๋ง ฒุ เจี๊ยน ล่าม่า เดีย-โธว เปียะ หฒั่ง เฒี้ยว เญย เปย๊า. ² นิ่น พ้าย โก๋ว ฮู่ง ติ่น วั้ว เต้า เอ^ลี^ยา^คิม เหธา เซ้บ^นา โซว-ปิ๊ว เหธา โหฒว เก้า โฮล วั้ว เต๋ย ไซ เมี่ยน, เหยียด ฒู้ง ฒุ เจี๊ยน ล่าม่า เดีย-โธว, มี่ง ล์อ อา^ม้อด เญย ตอน, โต่ว หว่า เมี่ยน, อิ^สะ^ยา. ³ นิ่น บัว ก๊อง บั๋ว อิ^สะ^ยา, ``อี้ ฮนอย เซ ด๊อด หน่าน, หฒุ ต้าน หฒุ ไญ้ เญย ฮนอย. เซ ฮนั้ง มเซียะ ตอน อ๋อย ยู์ง กู้งว์า หย่า ไม้ ม่าย ชะ ยู์ง. ⁴ เหฑีย เฒี้ยว, เม่ย เญย ทิน-ฮู่ง, หมวัง ไฮ์ วั้ว เต้า ต้ม แปง-เปย๊ย, ต้ง นิ่น เญย เฒี้ยว, อัด^ซี^เลีย เญย ฮู่ง, พ้าย ต้าย คี เฒี่ยง เจี๊ยน เญย ทิน-ฮู่ง วั้ว เต๋ย หว่า. เฒี้ยว, เม่ย เญย ทิน-ฮู่ง, ฯฒฯ เหว่ย นิ่น ไฮ์ น้าย เต๋ย หว่า ก๊อง นิ่น อ๊ะ. เหว่ย น้าย โท้ เม่ย เถง น้าย เต๋ย เหฒ่ง เหฌี่ย เญย เมี่ยน เต๋า เก๋า.''

⁵ เฮ^เซ^คี^ยา เญย เจียน มี่ง เถา อิ^สะ^ยา วั้ว, ⁶ อิ^สะ^ยา ก๊อง บั๋ว นิ่น บัว, ``อ๋อย หฒุ บั๋ว เม่ย บัว เญย เฒี้ยว, ` เฒี้ยว ฮนั้ง น้าย นอ ก๊อง. ไม้ ตู๋ง กั้ม เหฑีย เม่ย บัว ไฮ์ ลิ์ว น้าย เต๋ย หว่า, ต้ง อัด^ซี^เลีย เญย ฮู่ง เญย โปว ก๊อง คี เยีย เญย หว่า. ⁷ เยีย อ๋อย ปุน นิ่น ม่าย หญู่ง เฮญี้ยว. นิ่น ตุ๊ ไฮ์ หญู่ง หว่า-หฑยาว ฯฒฯ หฑวน นิ่น กั้น เญย เต่ย-ปูง. เยียม นิ่น กั้น เญย ป๊วน-เต่ย-ปูง, เยีย ฒู้ง ปุน นิ่น หฒุ หฑุ ด๊าว ไต๋ ไต่.'''

อัด^ซี^เลีย เมี่ยน แอ๋ง ต้าย โหฒว เฮ้น

(เป๊ย หมั่ง อิ^สะ^ยา 37:8-20 )

⁸ วั้ว เต้า ต้ม แปง-เปย๊ย ไฮ์ ก๊อง อัด^ซี^เลีย เญย ฮู่ง ธ้วด ลา^คี้ด ฒี่ง, นิ่น ฯฒฯ ถุย แอ๋ง ล์อ ปวัด ฮู่ง เตี๋ย เยียม ลิบ^นา ฒี่ง เบ๊าะ จ๋า.

⁹ อัด^ซี^เลีย เญย ฮู่ง ไฮ์ เฝียน ก๊อง, อี^ยิบ เต่ย-ปูง, คู้ด เมี่ยน เญย ฮู่ง, ที^ละ^หะ^คา, ธ้วด ต้าย อ๋อย เหธา นิ่น เบ๊าะ จ๋า. นิ่น ฯฒฯ พ้าย โต่ว เฝียน เมี่ยน มี่ง เฮ^เซ^คี^ยา วั้ว ฮนั้ง น้าย นอ ก๊อง, ¹⁰ ``อ๋อย หฒุ ก๊อง บั๋ว ยู^ดา เญย ฮู่ง, เฮ^เซ^คี^ยา, `เม่ย บัว เสียน เขา เญย ทิน-ฮู่ง ก๊อง, ``เย^ลู^ซา^เลม ไม้ หฒุ จิว ปุน อัด^ซี^เลีย ฮู่ง'' นิ่น ขูง ดั๊ว เม่ย บัว ฮนั้ง. ไม้ ตู๋ง หมวัง. ¹¹ เม่ย หย่า ไฮ์ ก๊อง อัด^ซี^เลีย เญย หฒวัง ฮู่ง ฮนั้ง หาย นอ โหฒว ปุน หม่าน กั๊วะ, ฒู้ง เหมียด เหฑ่ง หมี่ อ๊ะ. เม่ย ฮนั้ม ต้าย เม่ย ไฮ่ ตุ๊ เหฌียว ไฟ? ¹² วั้ว เต๋ย นอมๆ กั๊วะ เญย เต้าๆ เฒี่ยน ไฮ่ เหฌียว ตุ๊ นิ่น บัว ไฟ? เซ เยีย เญย อง-ถาย เหมียด วั้ว เต๋ย กั๊วะ เญย เฒี่ยน, ต้ง โก^ซาน, ฮา^ลาน, เล^เซ้บ เหธา เยียม เทน^อัด^สา เญย เอ^เดน เมี่ยน เญย เฒี่ยน. ¹³ ฮา^มัด เญย ฮู่ง, อาน^ปัด เญย ฮู่ง, เส^ฟาน^วา^อิม ฒี่ง เญย ฮู่ง ไฟ เฮ^นา เญย ฮู่ง ไฟ อิบ^วา เญย ฮู่ง เยียม หาย?'''

เฮ^เซ^คี^ยา เต๋า เก๋า

¹⁴ เฮ^เซ^คี^ยา โตะ ลิ์ว โต่ว เฝียน เมี่ยน ต้อ ต้าย เญย เฝียน, นิ่น ฯฒฯ เปียะ หฒั่ง เฒี้ยว เญย เปย๊า คอย เฝียน อัน เจี๊ยน เฒี้ยว เญย หฑะเฮมียน. ¹⁵ เฮ^เซ^คี^ยา เต๋า เก๋า ก๊อง บั๋ว เฒี้ยว, ``โอ เฒี้ยว, อิ^สะ^ลา^เอน เญย
ทิน-ฮู่ง, ต้ง เยียม วั้ว เต๋ย อี เต้า เค^ลู^บิม บุด๋ง * ฟาน หฒะ ก๊อง กู้ หงว่าย. วั้ว เต้า อ้า! ขูง เม่ย กั้น โหฒว ลู่ง เดี๊ย หม่าน กั๊วะ เญย ทิน-ฮู่ง. เม่ย เหฒย ลู่ง เหฒย เดา. * ธ้วด อี^ยิบ 25:22 ¹⁶ โอ เฒี้ยว อ่า, โท้ แปง มน่อม หมวัง. โอ เฒี้ยว อ่า, โท้ หนูง ฆอย มฒีง หมั่ง. หมวัง เซน^นา^เค^ลิบ ฝูง ต้าย คี เฒี่ยง เจี๊ยน เญย ทิน-ฮู่ง เญย หว่า.

¹⁷ ``โอ เฒี้ยว อ่า, หฒะเก้ง เฒียน เญย. อัด^ซี^เลีย เญย ฮู่ง ป่าย ฮวาง น้าย เต๋ย หม่าน กั๊วะ หย่า ปุน นิ่น บัว เญย เต่ย-ปูง ฮวาง เหฑ่ง, ¹⁸ หย่า เฒาะ นิ่น บัว เญย เฒี่ยน ฒอย เปียะ โต์ว เหมียด เหฑ่ง, เหว่ย หฒุ ไม้ เฒ์ย เฒี่ยน, เซ เมี่ยน กั้น เญย ปั์ว หล่ง เดี๋ยง, หล่ง หละเปย๊ย โหฒว ต้าย. ¹⁹ โอ เฒี้ยว, เยีย บัว เญย ทิน-ฮู่ง อ่า, โท้ เหฌียว เยีย บัว เปย๋า ดุ๊ด อัด^ซี^เลีย ฮู่ง เญย ปั์ว-เดี๊ย เหว่ย ปุน ลู่ง เดี๊ย หม่าน กั๊วะ ฮิ้ว ตุ๊ เม่ย, เฒี้ยว กั้น, เซ ทิน-ฮู่ง.''

อิ^สะ^ยา โต่ว หว่า ก๊อง
เซน^นา^เค^ลิบ อ๋อย หฒุ ป่าย

(เป๊ย หมั่ง อิ^สะ^ยา 37:21-38 )

²⁰ อา^ม้อด เญย ตอน, อิ^สะ^ยา, ปุน หว่า มี่ง บั๋ว เฮ^เซ^คี^ยา, `` เฒี้ยว, อิ^สะ^ลา^เอน เมี่ยน เญย ทิน-ฮู่ง, ฮนั้ง น้าย นอ ก๊อง, `เม่ย เต๋า เก๋า ก๊อง เถา อัด^ซี^เลีย เญย ฮู่ง, เซน^นา^เค^ลิบ, วั้ว เต๋ย หว่า เยีย ไฮ์ หมี่ อ๊ะ.' ²¹ น้าย เซ เฒี้ยว เญย หว่า ก๊อง นิ่น.

• ```ไม้ เปว๋ย เจี๋ย ตอน เญย เซียะ, สิ^โอน, * เซียะ เป๊ย แปะ ฝีง.
• หมั่ง เผีย เม่ย, ฮว้วด เม่ย.
• เย^ลู^ซา^เลม เญย เซียะ ปวัด เม่ย เปย๋า หย่า หฮวัง มฆ้อง ปุน เม่ย.
• <sup>22</sup> เม่ย ก๊อง โตะ คี หาย เต้า?
• เม่ย หล่ง เม่ย เญย เฉีย ก๊อง หาย เต้า?
• เม่ย หนูง เม่ย เญย มฒีง โหฒว เหมา ปุน หาย เต้า?
• เม่ย โหฒว ปุน อิ^สะ^ลา^เอน เญย ธีง-เหฑ่ง เฒี้ยว.
• <sup>23</sup> เม่ย หล่ง เม่ย เญย โต่ว เฝียน เมี่ยน คี เฒี้ยว.
• เม่ย ก๊อง, ``เยีย หล่ง เยีย เบ๊าะ จ๋า เญย ม์า-เธีย ธั้ม
• ฝาว ฮลัง ไห่ เญย บง,
• ฒู้ง เปียะ เล^บา^นอน โด เจี๋ย เญย ต๋อง.
• เยีย ก๋อย เก้า ฮลัง เจี๋ย เญย สี^ดา ฒ่ง เดี๋ยง,
• หย่า ก๋อย เก้า หลง เจี๋ย เญย ฒ่ง.
• เยีย เปียะ หล่ม เถา เก้า โก เจี๋ย เญย ต๋อง,
• เปียะ เถา เก้า โฮ์ เจี๋ย เญย เก้ม.
• <sup>24</sup> เยีย เยียม กั้น นอม เต่ย-ปูง เว้ด ววม-ค้วด
• หย่า เยียม วั้ว ฮบ ววม.
• เยีย หล่ง เยีย เญย เหฒา-เป๊น
• ธ้าย ฆาย อี^ยิบ เต่ย-ปูง เญย เหยียด ฒู้ง โด๊ะ.'''
• <sup>25</sup> `` เฒี้ยว ก๊อง, `เม่ย บัว ไม้ ไฮ์ เจี๋ย ไฟ?
• เยีย ตี่ง เหฒียง เล่า อ๊ะ.
• โล์-ฮนอย เยีย ต๊า หฒะเอ๋ย,
• อี้ หฒั่น ปุน ธ้วด ต้าย อ๊ะ,
• เซ เยีย หล่ง เม่ย ปุน น้าย เต๋ย เว่ย ว้วน เญย ฒี่ง
• เป๋น หละเปย๊ย-ดุย.
• <sup>26</sup> น้าย เต๋ย ฒี่ง เญย แปะ ฝีง เญย ชะ เหฑ่ง หมี่ อ๊ะ.
• นิ่น บัว ฯฒฯ เฮญี้ยว หว่าย เหฑ่ง หย่า หฒุ ไญ้.
• นิ่น บัว เซ ฮนั้ง เยียม เดา-ฮวาง เญย เมี้ย,
• ฮนั้ง เมี้ย-ยาง หลุน เญย นอ,
• เซ ฮนั้ง เยียม เปย๊า-ง่อ ธ้วด ต้าย เญย เมี้ย,
• ไม้ แก้ง โฮล, หฒุ หญุด โต์ว ปั๊ว ฆาย.
• <sup>27</sup> ```มป่า เยีย ฮิ้ว ตุ๊ เม่ย เยียม หาย,
• หย่า ฮิ้ว ตุ๊ เม่ย หาย หฒั่น ธ้วด มี่ง แอ๋ง เปียะ ต้าย,
• เยีย หย่า ฮิ้ว เม่ย เฉีย เจี์ย, โน์ว เยีย, ก๊อง เยีย.
• ²⁸ หลาย เม่ย เฉีย เจี์ย โน์ว เยีย, ก๊อง เยีย,
• เม่ย ปู๋ง เญย หว่า-เหมา หย่า เถา เยีย เญย มน่อม,
• เยีย ฯฒฯ หล่ง เยีย เญย เฮลียะ-เงา,
  เงา เจี๊ยน เม่ย เญย บะฒอง,
• หย่า เฒาะ เยีย เญย ฮั่น โค้ว ฟับ เม่ย เญย ฑุ่ย,
• ปุน เม่ย ต๋าว ฆาง หฑวน
• เม่ย ต้าย เญย เจ๊า.'

²⁹ ``โอ เฮ^เซ^คี^ยา อ้า! น้าย เซ โหฒว นอม จั๋ง-โห่.

• ``อี้ หฮญัง เม่ย บัว ตุ๊ หญั่น นิ่น กั้น ธ้วด เญย กะน้าย,
• ตะเหญ่ย หฮญัง ตุ๊ หญั่น เยียม วั้ว เต๋ย โฮล ต้าย เญย กะน้าย.
• มป่า ตะฟาม หฮญัง อ๋อย หฒุ หฒวัง หย่า อ๋อย หฒุ เซียว,
• อ๋อย หฒุ หฒวัง อะหงุ่น หฮวีง หย่า หญั่น วั้ว เต๋ย เปี๊ยว.
• ³⁰ ยู^ดา เญย โต้ว ฒง ตุ๊ เปย๋า ดุ๊ด เหฒ่ง เหฌี่ย เญย เมี่ยน,
• แอ๋ง ไฮ่ เยียม หน่าย ฮนั้ง กะน้าย-หฒวัง เหฌี่ย ฑู่ง, หฮยาง ต้าย เฒี่ยง เปี๊ยว.
• ³¹ เหว่ย หฒุ ม่าย เต๋ย เหฒ่ง เหฌี่ย เญย เมี่ยน อ๋อย เยียม เย^ลู^ซา^เลม ธ้วด,
• ม่าย กวั้น ตุ๊ แหม่ง ธ้วด เญย เมี่ยน อ๋อย เยียม สิ^โอน บง ธ้วด.

เน่น เจี๋ย เญย เฒี้ยว ด่ง หาย ฒู้ง อ๋อย ฮนั้ง น้าย นอ โหฒว. * ไฟ ``อ๋อย จอม เฮญี้ยว เญย ฮนั้ง น้าย นอ โหฒว''.

³² ``เหว่ย น้าย เฒี้ยว ฮนั้ง น้าย นอ ก๊อง อัด^ซี^เลีย เญย ฮู่ง.

• `นิ่น ไม้ ตุ๊ เปียะ น้าย นอม ฒี่ง,
• หย่า ไม้ ป๊วน เหยียด ฑิด ฟอง เปียะ.
• นิ่น ไม้ ตุ๊ นั้น ท้อง-ป้าย เยียม น้าย นอม ฒี่ง เญย หฑะเฮมียน,
• หย่า ไม้ ตุ๊ ดุย เนีย ฮลัง เว่ย ก๋อม เบ๊าะ ฒี่ง. * เบ๊าะ จ๋า เญย เฒี่ยง โห่ นิ่น บัว ดุย เจี๊ยน เนีย เว่ย ก๋อม ฒี่ง ฯฒฯ ฝาว วั้ว เต๋ย เนีย-ดุย หล่ง นิ่น บัว เญย จา-สี่ เบ๊าะ ฒี่ง.
• <sup>33</sup> นิ่น ยั่ง หาย ติ้ว เจ๊า ต้าย
• หย่า อ๋อย หฒุ ยั่ง วั้ว ติ้ว เจ๊า หฑวน.
• นิ่น ฒู้ง ไม้ เปียะ น้าย นอม ฒี่ง.'
• น้าย เซ เฒี้ยว ก๊อง เญย หว่า.
• <sup>34</sup> `เหว่ย เยีย กั้น หย่า เหว่ย เยีย เญย โปว, ดา^วิด,
• เยีย อ๋อย เปว เจี๊ยน น้าย นอม ฒี่ง,
• หย่า อ๋อย เหฌียว น้าย นอม ฒี่ง.'''

³⁵ วั้ว ม์วน เฒี้ยว เญย ฟิน-เมี่ยน ธ้วด มี่ง เยียม อัด^ซี^เลีย เมี่ยน เญย เธี้ยง ไต๋ เหยียด สิน เหฮยียด หว่าน ปยา ธิน เต้า เมี่ยน ไต่. ตะเหญ่ย ดอม เฑี้ยว เญย เมี่ยน เจี์ย ซิน ต้าย ปวัด เป๋น จั๋น-ไต่ เญย เซย เหฑ่ง หมี่ อ๊ะ. ³⁶ อัด^ซี^เลีย เญย ฮู่ง, เซน^นา^เค^ลิบ, ฯฒฯ ถุย ฆอย หฑวน เปย๊า เยียม นิ^นะ^เว.

³⁷ ม่าย ฮนอย นิ่น เยียม หมิ่ว-เปย๊า กะญั์ว ป๋าย นิ่น เญย เฒี่ยน, นิด^โล้ก, วั้ว หฒั่น, อี เต้า นิ่น เญย ตอน, อัด^ลัม^เม^เล้ก เหธา ซา^เล^เซ, หล่ง หฑุ ด๊าว ไต๋ นิ่น. ฆะฮ้า นิ่น บัว เปย๋า มี่ง เยียม อา^ลา^ลัด เต่ย-ปูง. เซน^นา^เค^ลิบ เญย ตอน, เอ^สาน^ฮัด^โดน, หฑิบ เจี๊ยน นิ่น โหฒว ฮู่ง.