ยู^ดา เญย ฮู่ง, อา^หัด

(เป๊ย หมั่ง 2 ฮู่ง โต้ว 16:1-4 )

¹ อา^หัด ฝาว เหว่ย โหฒว ฮู่ง วั้ว หฒั่น, นิ่น ตุ๊ หญี่ เหฒียบ หฮญัง. นิ่น หย่า เยียม เย^ลู^ซา^เลม กุ๊น เหฒียบ หลัวะ หฮญัง. นิ่น ไม้ ฮนั้ง นิ่น เญย อง-ถาย, ดา^วิด, นอ. หฒิว เฒี้ยว หมั่ง, อา^หัด โหฒว ไม้ หอบ. ² นิ่น เอย เจี๊ยน อิ^สะ^ลา^เอน เญย ฮู่ง โหฒว. นิ่น หย่า โต๋ หมิ่ว-ฝัง เหว่ย ป๋าย บา^อัน เฒี่ยน. ³ นิ่น เยียม เบน^ฮิน^โนม ฮ์อง ปั๊ว ฮูง หย่า เฒาะ นิ่น เญย ตอน บัว หล่ง โต์ว ปั๊ว เหฒี่ย ฝ่ง ห่อ, หฒวด เจี๊ยน เฒี้ยว หฒุ่น ธ้วด อิ^สะ^ลา^เอน เมี่ยน เญย วั้ว ด่าง แหมง วั้ว เต๋ย ฝีงๆ เมี่ยน โหฒว กั้ม เฑี้ย ไห่ เญย สี่. ⁴ นิ่น เยียม ฮลัง หฒั่ง เฒี่ยน เญย ต๋อง เหธา บง-ไอ๊ ต๋อง, แอ๋ง เยียม ติ้วๆ เดี๋ยง-ฝาน ฝ่ง ห่อ ปั๊ว เหฒี่ย หย่า ปั๊ว ฮูง.

ซี^เลีย เหธา อิ^สะ^ลา^เอน
ต้าย เบ๊าะ ยู^ดา

(เป๊ย หมั่ง 2 ฮู่ง โต้ว 16:5 )

⁵ เหว่ย น้าย เฒี้ยว, นิ่น เญย ทิน-ฮู่ง, เฒาะ นิ่น จิว ปุน ซี^เลีย เญย ฮู่ง. ซี^เลีย เญย ฮู่ง เบ๊าะ ฮี่ง นิ่น หย่า ธ้าง นิ่น เญย แปะ ฝีง ธั้ม เญย ต้อ มี่ง ดา^มัด^กัด ฒี่ง. * 2 ฮู่ง โต้ว 16:5 ; อิ^สะ^ยา 7:1

ทิน-ฮู่ง หย่า เฒาะ นิ่น จิว ปุน อิ^สะ^ลา^เอน เญย ฮู่ง. อิ^สะ^ลา^เอน เญย ฮู่ง ปุน นิ่น บัว หฒุ ไต๋ ไต่ ธั้ม. ⁶ ดุ ฮนอย ฮนั้ง เล^มา^ลิ^ยา เญย ตอน, เป^คา, ไต๋ ยู^ดา เมี่ยน เบ๊าะ จ๋า เฮ้น เญย แปง เหยียด สิน อี หว่าน เต้า หลาย นิ่น บัว กวั่ง เฒี้ยว, นิ่น บัว เญย อง-ถาย เญย ทิน-ฮู่ง. ⁷ ม่าย เต้า เอ^ฟา^อิม เมี่ยน เบ๊าะ จ๋า เฮ้น เญย แปง, บั๋ว เห่ว สิก^ลี, ไต๋ ฮู่ง เตี๋ย เญย ตอน, มา^อา^เส^อา, เหธา โก๋ว ฮู่ง ติ่น เญย ต้ม เจียน, อัด^ลี^คัม, เหธา เยียม ฮู่ง เตี๋ย กะเดี๊ย แหมง โฮล เจี๋ย วั้ว เต้า เอน^คา^นา. ⁸ อิ^สะ^ลา^เอน เมี่ยน กว๊าด นิ่น บัว เญย ก๋อ-โย์ว, มเซียะ ตอน เหธา น่าม โญ์ว มี่ง. เหยียด ฒู้ง ม่าย อี สิน เต้า. นิ่น บัว หย่า ธ้าง ตุ๊ กะน้าย ธั้ม ไห่, ต้อ เจี๊ยน หฑวน สะ^มา^เลีย.

⁹ มป่า เยียม วั้ว ม่าย เฒี้ยว เญย เหยียด เต้า โต่ว หว่า เมี่ยน, บั๋ว เห่ว โอ^เดด. จุน-แปง กวั้น หฑวน เถา สะ^มา^เลีย นิ่น ธ้วด มี่ง ฒิบ ฯฒฯ ก๊อง บั๋ว นิ่น บัว, ``เหว่ย หฒุ เฒี้ยว, เม่ย บัว เญย อง-ถาย เญย ทิน-ฮู่ง, เฉีย เจี์ย ยู^ดา, นิ่น เฒาะ นิ่น บัว จิว ปุน เยียม เม่ย บัว เญย ปั์ว-เดี๊ย. เม่ย บัว เฉีย เจี์ย เจี๊ยน ไต๋ เญย เฉีย ฝาว เถา ลู่ง หมี่ อ๊ะ. ¹⁰ อี้ หฒั่น เม่ย บัว ม่าย เฮญี้ยว อ๊าบ เหธา เม่ย บัว จวั่ง ฝีง เญย เมี่ยน โหฒว เม่ย บัว เญย โน่ว เก๊า โน่ว เป์ย. มป่า เม่ย บัว กั้น ไม้ ป์าม ฒุ์ย ต่อง เฒี้ยว, เม่ย บัว เญย ทิน-ฮู่ง ไฟ? ¹¹ อี้ หฒั่น เม่ย บัว หมวัง เยีย ก๊อง ม่าะ! อ๋อย หฒุ เฒาะ เม่ย บัว กว๊าด ต้าย จวั่ง ฝีง เญย ก๋อ-โย์ว ฝูง หฑวน เหว่ย หฒุ เฒี้ยว เฉีย เจี์ย! ไห่ เม่ย บัว.

¹² ม่าย เต๋ย เอ^ฟา^อิม เญย เปย๊ย เฒ้ย, เซ เย^โฮ^ฮา^นัน เญย ตอน, อา^ซา^ลิ^ยา, เหธา เม^ซิน^เล^โม้ด เญย ตอน, เบ^เล^คิ^ยา, เหธา ซัน^ลูม เญย ตอน, เย^ฮิด^คี^ยา, เหธา หัด^ไล เญย ตอน, อา^มา^สา, โซ้ว เจี์ย ต้าย แหง่ง เจี๊ยน เบ๊าะ จ๋า หฑวน ต้าย เญย หฒวัง เมี่ยน. ¹³ นิ่น บัว ก๊อง, ``เม่ย บัว ไม้ ตู๋ง ต้อ ธ้าง ต้าย น้าย เต๋ย เมี่ยน เปียะ น้าย. ไม้ เฒย แอ๊ะ, เม่ย บัว โหฒว ต่อง เฒี้ยว. เยีย บัว ฒู้ง ม่าย ฒุ์ย หมี่ อ๊ะ. เม่ย บัว แอ๋ง จา ปุน เยีย บัว ดาม เก้า เฮนี้ย. บัว ม่าย ฒุ์ย โฮล ไห่ อ๊ะ. นิ่น ฒู้ง โน์ว ไห่ อิ^สะ^ลา^เอน เมี่ยน หมี่ อ๊ะ.''

¹⁴ แปง ฯฒฯ เฒาะ กว๊าด ต้าย เญย เมี่ยน เหธา ธ้าง ต้าย เญย กะน้าย กวั่ง เจี๊ยน เปย๊ย เฒ้ย เหธา กั๊บ ฒุ้น เญย หฒวัง เมี่ยน เญย หฑะเฮมียน. ¹⁵ ต้ง เต๊ะ เจี๊ยน บั๋ว เห่ว วั้ว เต๋ย เมี่ยน ฯฒฯ ต้อ กว๊าด ต้าย เญย เมี่ยน. เยียม วั้ว เต๋ย ธ้าง ต้าย เญย กะน้าย นิ่น บัว เฒาะ เต๋ย ลุย-โหว ปุน แล่ง แก๊ง เญย วั้ว เต๋ย ฒุ. นิ่น บัว ปุน ลุย-โหว, เฮ่, หญั่น ฮบ เหธา ฑ้าด กะน้าย-มุน เญย โย่ว. เมา เญย วั้ว เต๋ย นิ่น บัว ปุน เก้ เจี๊ยน ล่อ ฝูง เถา นิ่น บัว กั้น เญย ก๋อ-โย์ว เยียม เย^ลี^โค, เซ ตาว เดี๋ยง เญย ฒี่ง. ฆะฮ้า นิ่น บัว กั้น หฑวน สะ^มา^เลีย หมี่ อ๊ะ.

อา^หัด โท้ ซี^เลีย เถง

(เป๊ย หมั่ง 2 ฮู่ง โต้ว 16:7-9 )

¹⁶ วั้ว หฒั่น อา^หัด ฮู่ง ฝูง เมี่ยน มี่ง ล์อ อัด^ซี^เลีย เญย ฮู่ง โท้ นิ่น เถง, ¹⁷ เหว่ย หฒุ เอ^โดม เมี่ยน แอ๋ง ต้าย เบ๊าะ ยู^ดา หย่า กว๊าด เมี่ยน มี่ง. ¹⁸ ฟี^ลิ^สะ^เตีย เมี่ยน หย่า ธ้าง เปียะ ยู^ดา บง-ไอ๊ ต๋อง * ฟาน หฒะ ก๊อง เซ^เฟ^ลา. เหธา เน^เกบ. นิ่น บัว ธ้าง ตุ๊ แอ๋ง เยียม เจี๊ยน เบด^เซ^เม้ด, ไอ^ยา^โลน, เก^เด^โล้ด, โส^โค เหธา เว่ย ก๋อม เญย ล์าง, ทิม^นา^ฮา เหธา เว่ย ก๋อม เญย ล์าง เหธา กิม^โซ เหธา เว่ย ก๋อม เญย ล์าง. ¹⁹ เฒี้ยว ฒัด ยู^ดา เหฌี่ย, หลาย อิ^สะ^ลา^เอน * เซ ยู^ดา. เยียม 2 ฒุ่น ต่อย โต้ว ทิ้ว เจี๊ยน หล่ง วั้ว เต๋ย อี นอม บั๋ว. เญย ฮู่ง, อา^หัด, เหว่ย หฒุ นิ่น เยียม ยู^ดา โธะ เมี่ยน โหฒว หว่าย สี่ หย่า ไม้ เหฒียบ ฒัวะ เญย โหฒว ปุน เฒี้ยว. ²⁰ อัด^ซี^เลีย เญย ฮู่ง, ทิก^ลัด^ปิ^เล^เส, ต้าย เบ๊าะ นิ่น, ฒู้ง ห่อย ไม้ เฒ์ย เถง นิ่น ม่าย ชะ. ²¹ อา^หัด เฒาะ เยียม หฒั่ง เฒี้ยว เญย เปย๊า เญย ฒิ่น ฒ่อย เหธา ฮู่ง ติ่น เญย ฒิ่น ฒ่อย เหธา โหฒว แปะ ฝีง เญย หฒวัง เปย๊ย เฒ้ย เญย ฒิ่น ฒ่อย ฝูง ปุน อัด^ซี^เลีย เญย ฮู่ง, มป่า เถง ไม้ หฒุ นิ่น กั้น.

อา^หัด เญย ฒุ์ย

²² น้าย เต้า อา^หัด ปวั้ง หฒุ โค้ว หน่าน เญย เฒี่ยง โห่, นิ่น เก้า ฟัด ไม้ เหฒียบ ฒัวะ เญย โหฒว ปุน เฒี้ยว. ²³ นิ่น ต้อ กะน้าย ฝ่ง โห่ เหฒี่ย ปุน ดา^มัด^กัด เญย เฒี่ยน, ต้ง ปุน นิ่น หฒุ เซวย วั้ว เต๋ย. นิ่น หย่า ก๊อง, ``เหว่ย หฒุ ซี^เลีย เญย ฮู่ง เญย เฒี่ยน เถง นิ่น บัว, เยีย ฯฒฯ ฝ่ง ห่อ เหฒี่ย ปุน น้าย เต๋ย เฒี่ยน, นิ่น บัว ฯฒฯ เถง เยีย.'' มป่า น้าย เต๋ย เฒี่ยน ปุน นิ่น เหธา อิ^สะ^ลา^เอน เญย หฒวัง เมี่ยน หฒุ เหมียด.

²⁴ อา^หัด เฒาะ หฒั่ง ทิน-ฮู่ง เญย เปย๊า เญย เหยียด ฒู้ง จา-ต๋อง เบ๊าะ ฮู้ โหฒว เหฒีย เหฮลง. นิ่น กวน เจี๊ยน หฒั่ง เฒี้ยว เญย
เปย๊า เญย แก้ง, หย่า เยียม เย^ลู^ซา^เลม เญย นอมๆ เก๊าะ เหว่ย กั้น เหธย เหฒี่ย-ต้อง. ²⁵ เยียม ยู^ดา เญย นอมๆ ฒี่ง นิ่น เหธย เยียม ฮลัง เญย ต๋อง เหว่ย ปั๊ว ฮูง ปุน เหญี่ย เญย เฒี่ยน, ฯฒฯ ธัวะ เฒี้ยว, นิ่น เญย ทิน-ฮู่ง, เฉีย เจี์ย ไห่.

²⁶ อา^หัด โหฒว เหฒ่ง เหฌี่ย เญย สี่ เหธา นิ่น เญย เหยียด ฒู้ง เจ๊า, เยียม กอน เถา เซ้ด เมว์ย, เฟี้ย เจี๊ยน ยู^ดา เหธา อิ^สะ^ลา^เอน เญย ฮู่ง โต้ว ตาน. ²⁷ อา^หัด เกวย เสย หมี่ อ๊ะ, * เป๊ย หมั่ง 1 ฒุ่น ต่อย โต้ว 9:31 . * อิ^สะ^ยา 14:28 หย่า หฒัง เจี๊ยน เย^ลู^ซา^เลม ฒี่ง. มป่า นิ่น ไม้ ตุ๊ เยียม อิ^สะ^ลา^เอน * เป๊ย หมั่ง 1 ฒุ่น ต่อย โต้ว 28:19 . เญย ฮู่ง เญย โฒ้ว-เก้ม. นิ่น เญย ตอน, เฮ^เซ^คี^ยา, หฑิบ เจี๊ยน นิ่น โหฒว ฮู่ง.