ซิ^ซัก เบ๊าะ เย^ลู^ซา^เลม

(เป๊ย หมั่ง 1 ฮู่ง โต้ว 14:25-31 )

¹ เล^โห^โบ^อัม เญย กั๊วะ เหลียบ ว้วน หย่า เฮ้น เญย เฒี่ยง โห่, นิ่น กวั่ง เฒี้ยว เญย เล์ย-หลัด. แปะ ฝีง หย่า กัน เจี๊ยน กวั่ง. ² เล^โห^โบ^อัม โหฒว ฮู่ง ตะฮม์ หฮญัง วั้ว หฮญัง, หลาย นิ่น บัว ไม้ เหฒียบ ฒัวะ เญย กัน เฒี้ยว, อี^ยิบ เญย ซิ^ซัก ฮู่ง ต้าย เบ๊าะ เย^ลู^ซา^เลม. ³ ม่าย เหยียด ธิน หญี่ แป๊ะ จ๋า เบ๊าะ จ๋า เญย ม์า-เธีย, จุ๊ หว่าน เต้า เก้ ม์า เญย แปง, เหธา เยียม อี^ยิบ กัน นิ่น ต้าย เญย ลิ^เบีย เมี่ยน, สุ^คี^อิม เมี่ยน, เหธา เอ^ที^โอ^เปีย เมี่ยน * เซ คู้ด เมี่ยน. ธั้ม! ไห่, ฒู้ง ซ้าว ไม้ ฮี่ง. ⁴ ซิ^ซัก ฮู่ง ธ้าง ตุ๊ เยียม ยู^ดา เต่ย เว่ย ว้วน เญย ฒี่ง แอ๋ง ต้าย เถา เย^ลู^ซา^เลม.

⁵ วั้ว หฒั่น โต่ว หว่า เมี่ยน, เซ^ไม^อา, มี่ง ล์อ เล^โห^โบ^อัม เหธา ยู^ดา เญย หฒวัง เปย๊ย เฒ้ย. หลาย ซิ^ซัก เญย เจ๊า-โหล่ว นิ่น บัว กั๊บ ฒุ้น เยียม เย^ลู^ซา^เลม. เซ^ไม^อา ก๊อง บั๋ว นิ่น บัว, `` เฒี้ยว ฮนั้ง น้าย นอ ก๊อง บั๋ว เม่ย บัว, `เม่ย บัว กวั่ง เยีย, เยีย ฯฒฯ กวั่ง เม่ย บัว หฒุ เยียม ซิ^ซัก เญย ปั์ว-เดี๊ย.'''

⁶ อิ^สะ^ลา^เอน เญย หฒวัง เปย๊ย เฒ้ย เหธา ฮู่ง เตี๋ย เหญี่ยม กั้น โหฒว ไฝ แอ๋ง ก๊อง, `` เฒี้ยว โหฒว ตุ๊ หอบ.''

⁷ เฒี้ยว ปวัด นิ่น บัว เหญี่ยม กั้น โหฒว ไฝ, เซ^ไม^อา ฯฒฯ ตุ๊ ฒิบ เฒี้ยว เญย หว่า. เฒี้ยว ก๊อง, ``เยีย ปวัด นิ่น บัว เหญี่ยม กั้น โหฒว ไฝ, เยีย ฯฒฯ ไม้ เหมียด นิ่น บัว. ฒู้ง อ๋อย เหฌียว เต๋ย นิ่น บัว, ไม้ เฉีย เจี์ย เถา ต้าว ฯฒฯ ไม้ ปุน ซิ^ซัก เหมียด เย^ลู^ซา^เลม. ⁸ มป่า นิ่น บัว หธ่อ อ๋อย หฒุ เยียม นิ่น เญย ปั์ว-เดี๊ย ฯฒฯ ไฮ่ ฮิ้ว ตุ๊ ฟู-สู
เยีย เหธา ฟู-สู กั้น นอม กั๊วะ เญย เมี่ยน ฮนั้ง หาย นอ กั้น หญู่ง.''

⁹ อี^ยิบ เญย ฮู่ง, ซิ^ซัก, ฯฒฯ ต้าย เบ๊าะ เย^ลู^ซา^เลม. นิ่น เฒาะ เยียม หฒั่ง เฒี้ยว เญย เปย๊า กะญั์ว เหธา ฮู่ง ติ่น กะญั์ว เหยียด ฒู้ง จ๋าย เญย กะน้าย. นิ่น เฒาะ หญู่งๆ, เลี่ยม ซา^โล^มอน โหฒว ต้าย เญย เจียม-ท้อง-ป้าย. * 1 ฮู่ง โต้ว 10:16-17 ; 2 ฒุ่น ต่อย โต้ว 9:15-16 ¹⁰ เล^โห^โบ^อัม ฮู่ง ฯฒฯ หล่ง ต้ง ซิ โหฒว ท้อง-ป้าย ตี๊ เจียม-ท้อง-ป้าย จิว ปุน โก๋ว ฮู่ง ติ่น ฒั้ว แก้ง เญย แปง-เปย๊ย. ¹¹ ฮู่ง เตี๋ย หาย หฒั่น เปียะ หฒั่ง เฒี้ยว เญย เปย๊า, โก๋ว ฮู่ง ติ่น เญย แปง ต้อ น้าย เต๋ย ท้อง-ป้าย มี่ง. ฆะฮ้า นิ่น บัว แอ๋ง ต้อ หฑวน อัน เจี๊ยน แปง ฒั้ว ฮู่ง ติ่น เญย ต๋อง.

¹² เล^โห^โบ^อัม เหญี่ยม กั้น โหฒว ไฝ เญย เฒี่ยง โห่, เฒี้ยว ไม้ เฉีย เจี์ย นิ่น อ๊ะ. ไม้ ตาน บัวะ น้าย, ยู^ดา หย่า ตุ๊ หลง.

¹³ เล^โห^โบ^อัม ฮู่ง เยียม เย^ลู^ซา^เลม เหลียบ กั้น โหฒว ฮู่ง ว้วน เญย. เล^โห^โบ^อัม เจี์ย กอน กุ๊น วั้ว หฒั่น, หฮญัง-เจ๊ย ตุ๊ เฝย เหฒียบ เยี้ยด หฮญัง. นิ่น หย่า เยียม เย^ลู^ซา^เลม กุ๊น เหฒียบ เธี้ยด หฮญัง. เย^ลู^ซา^เลม เซ เฒี้ยว เยียม อิ^สะ^ลา^เอน เญย หฒวัง ฝีง บุด๋ง กิ๊น ธ้วด ต้าย เหว่ย เหลียบ นิ่น เญย เม่ง. เล^โห^โบ^อัม เญย มา เซ อัม^โมน เมี่ยน, บั๋ว เห่ว นา^อา^มา. ¹⁴ เล^โห^โบ^อัม โหฒว หว่าย สี่, เหว่ย หฒุ นิ่น ไม้ เหลียบ ตี่ง เฮญี้ยว ล์อ เฒี้ยว.

¹⁵ เล^โห^โบ^อัม โหฒว เญย สี่ เยียม กอน เถา เซ้ด เมว์ย, เฟี้ย เจี๊ยน โต่ว หว่า เมี่ยน, เซ^ไม^อา, เญย โซว-ตาน เหธา หมั่ง ฒิ่น โฮ์ วั้ว เต้า อิด^โด เญย โซว-ตาน. เล^โห^โบ^อัม เหธา เย^โล^โบ^อัม หฒั่นๆ ม่าย เบ๊าะ จ๋า เญย สี่. ¹⁶ เล^โห^โบ^อัม เกวย เสย หมี่ อ๊ะ, * เป๊ย หมั่ง 2 ฒุ่น ต่อย โต้ว 9:31 . หย่า หฒัง เจี๊ยน เยียม ดา^วิด เญย ฒี่ง. นิ่น เญย ตอน, อา^บี^ยา, หฑิบ เจี๊ยน โหฒว ฮู่ง.