1 เยีย ขวิน เยียม เม่ย บัว หน่าย จิว-ปาง เญย หฒวัง เมี่ยน โก๋.
เยีย หย่า โหฒว เมี่ยน โก๋, หย่า โหฒว กี^ตู่ เสี่ยว โค้ว เญย ฒอง-เหฒง. เยีย หย่า อ๋อย จวั่ง เจี๊ยน ฒิบ ฆะฮ้า อ๋อย หิ่น ธ้วด เญย ฌัง-หล่าง.
2 เยีย ขวิน เม่ย บัว โก๋ว หลง ทิน-ฮู่ง ปุน เม่ย บัว โก๋ว วั้ว กวั้น เมี่ยน ฮนั้ง โก๋ว ปะกี ยู่ง เมี่ยน โก๋ว นิ่น บัว เญย ปะกี ยู่ง นอ.
*
อ๋อย หฒุ ปวั๊ง เฮญี้ยว โก๋ว, ฮนั้ง ทิน-ฮู่ง อ๋อย เม่ย บัว โหฒว นอ, ไม้ เฒ์ย ฮนั้ง หฒุ อ๊าบ เจี๊ยน โหฒว. หย่า ไม้ ตู๋ง โหฒว เหว่ย โต้ว ตุ๊ ญ่าน. อ๋อย หฒุ ปวั๊ง เฮญี้ยว โหฒว.
3 หย่า ไม้ ตู๋ง กุ๊น ปะหละ เฮนี้ย ทิน-ฮู่ง ปุน เม่ย บัว โก๋ว วั้ว เต๋ย. อ๋อย หฒุ โหฒว
หลง เญย หญู่ง เฒ้ย ปุน นิ่น บัว หฒวด.
4 เถา กี^ตู่, ต้ง โก๋ว ปะกี ยู่ง เญย ต้ม เฒี้ยว, ต้าย วั้ว หฒั่น, เม่ย บัว ฯฒฯ ตุ๊ ไม้ ไฮ่ หมิด เญย ฌัง-หล่าง นี้ง.
5 เม่ย บัว หลุน วั้ว เต๋ย มจั่ง ตอน ฟี่ ฮนั้ง เญย อ๋อย หฒุ บัวะ โก๋ วั้ว เต๋ย กุ๊น. อ๋อย หฒุ เหญี่ยม กั้น โหฒว ไฝ, ล่าน ฟู-สู ล่าน, เหว่ย หฒุ กีง-โซว ก๊อง,
6 ฮนั้ง หน่าย อ๋อย หฒุ เหญี่ยม กั้น โหฒว ไฝ เยียม ทิน-ฮู่ง ม่าย ชะ เญย ปั์ว-เดี๊ย. เถา นิ่น ตี่ง เญย เฒี่ยง โห่ นิ่น ฯฒฯ ท่าย เม่ย บัว ฝาว. * 7 อ๋อย หฒุ เฒาะ เหยียด ฒู้ง โยว-เฑ่า กวั่ง ปุน นิ่น เหว่ย หฒุ นิ่น โก๋ว เจี๊ยน เม่ย บัว.
8 อ๋อย หฒุ กีง เฮญี้ยว บู้ง เจี๊ยน. เม่ย บัว เญย วิน-วั้ง, เมี้ยน เญย ฮู่ง, ฮนั้ง เซี่ยน นอ ฌุ่น เจี๊ยน มี่งๆ ต้ายๆ ล์อ เมี่ยน หงาด หญั่น. 9 อ๋อย หฒุ เสียน ว้วน, แหง่ง เจี๊ยน เมี้ยน เญย ฮู่ง, เหว่ย หฒุ เม่ย บัว ฮิ้ว ตุ๊ เยียม น้าย ลู่ง เดี๊ย เสียน เย^ซู เญย ก๋อ-โย์ว หย่า ฮนั้ง เม่ย บัว นอ, หฒุ ปวั้ง น้าย หญู่ง โค้ว. 10 มป่า ฒั้ว เม่ย บัว หฒุ เสี่ยว โค้ว หธาม ป๊า ลิ์ว, เหธย หญู่งๆ เอน เญย ทิน-ฮู่ง, ต้ง เห่ว เม่ย บัว เหธา กี^ตู่ จวั่ง แหม่ง เฒี่ยง, เหยียด ลิ์ว จวั่ง นิ่น เญย ฌัง-หล่าง วั้ว เต้า, อ๋อย ปุน เม่ย บัว ตุ้น ยุ่น, เสียน เฮ้น หย่า เสียน ว้วน. 11 ทิน-ฮู่ง เญย ชะ เหยียด ลิ์ว เยียม เถา หม่าน โก๊ว หม่าน ต่อย. อา^เมน.
12 ซี^ลา
*
เถง เยีย เฟี้ย น้าย เฒ้ย เฝียน เซ
นั้ง เญย. เยีย หย่า ฝุน นิ่น โหฒว เหฒียบ ฒัวะ เญย ก๋อ-โย์ว. เยีย เฟี้ย ขวิน เม่ย บัว หย่า โหฒว ฒอง-เหฒง ก๊อง น้าย เซ ทิน-ฮู่ง เญย เฒียน เอน. เม่ย บัว อ๋อย หฒุ เขา ว้วน นิ่น เญย เอน อ๊ะ.
13 บา^บี^โลน ฒี่ง เญย จิว-ปาง หย่า จั๋ง เถา เม่ย บัว. ทิน-ฮู่ง หย่า กิ๊น นิ่น บัว ฮนั้ง กิ๊น เม่ย บัว นอ. เยีย เญย ตอน, มา^โค, * หย่า จั๋ง เถา เม่ย บัว.
14 เม่ย บัว หวุ่ย ปวั้ง อ๋อย หฒุ โหฒว เฮญี้ยว ธีง-เหฑ่ง ฒม เฮมียน ปุน ธีง ล่าน ฮนั้ม ล่าน.
โท้ ทิน-ฮู่ง ปุน เม่ย บัว เหยียด ฒู้ง เหธา กี^ตู่ จวั่ง แหม่ง เฒี่ยง เญย เมี่ยน ตุ๊ แป้ง ออน.