1 ดา^วิด เหธา นิ่น เญย กุ๊น เหยียด ธิน เต้า เญย แปง-เปย๊ย เหธา กุ๊น เหยียด แป๊ะ เต้า เญย แปง-เปย๊ย เหยียด ฒู้ง ธ่าง ล่าง.
2 นิ่น หย่า ก๊อง บั๋ว เหยียด ฒู้ง กั๊บ ฒุ้น เญย อิ^สะ^ลา^เอน เมี่ยน, ``สี ก๊อง
เม่ย บัว ปวัด หอบ, หย่า สี ก๊อง หฒิว เฒี้ยว,
บัว เญย ทิน-ฮู่ง, เญย หฒะเอ๋ย นอ, บัว อ๋อย หฒุ พ้าย เมี่ยน มี่ง ก๋อม อิ^สะ^ลา^เอน เต่ย-ปูง บั๋ว บัว เหฒ่ง เหฌี่ย เญย ก๋อ-โย์ว เหธา เยียม นิ่น บัว เญย มู้ง เหธา เมี้ย-เธี้ยง เญย เล^วี เมี่ยน
เหธา ไซ เมี่ยน, เห่ว นิ่น บัว ต้าย กั๊บ ฒุ้น บัว น้าย.
3 ปุน บัว ต้อ บัว เญย ทิน-ฮู่ง เญย แล์ง แหง่ง หว่า ฟาง
หฑวน บัว น้าย ต้าย, เหว่ย หฒุ เซา^โล โหฒว ฮู่ง เญย เฒี่ยง โห่ บัว เลี่ยม ไม้ หน่าย เถา.''
4 กั๊บ ฒุ้น เญย หฒวัง เมี่ยน ต้ง เฮญี้ยว ตี่ง ฮนั้ง น้าย นอ โหฒว, เหว่ย หฒุ เหยียด ฒู้ง ปวัด เซ หอบ เญย.
5 ดา^วิด ฯฒฯ ปุน อิ^สะ^ลา^เอน เญย หฒวัง เมี่ยน กั๊บ ฒุ้น เยียม อี^ยิบ เญย ซิ^โห ด้าย เถา ฮา^มัด เญย เจ๊า-คู้ วั้ว เหว่ย ต้อ ทิน-ฮู่ง เญย แล์ง แหง่ง หว่า ฟาง เยียม คี^ลิ^ย้าด^เย^อา^ลิม หฑวน. * 6 ดา^วิด เหธา อิ^สะ^ลา^เอน เญย หฒวัง เมี่ยน มี่ง ยู^ดา เญย บา^อา^ลา ฒี่ง, เซ คี^ลิ^ย้าด^เย^อา^ลิม, อ๋อย เยียม วั้ว นอม ต๋อง ต้อ ทิน-ฮู่ง เญย แล์ง แหง่ง หว่า ฟาง, เซ กัน เฒี้ยว เญย บั๋ว เห่ว เญย ฟาง, หย่า ม่าย เฒี้ยว เญย เยียม วั้ว เต๋ย อี เต้า เค^ลู^บิม บุด๋ง * เญย เหว่ย. *
7 นิ่น บัว เยียม อา^บี^นา^ดับ เญย เปย๊า ต้อ ทิน-ฮู่ง เญย แล์ง แหง่ง หว่า ฟาง ธ้วด ต้าย อัน เจี๊ยน เหยียด จ๋า เซียง-ง่ง เธีย ทอ. อุด^ซา เหธา อา^หิ^โย ต้อ เจ๊า. 8 ดา^วิด เหธา อิ^สะ^ลา^เอน เญย หฒวัง เมี่ยน เยียม ทิน-ฮู่ง เญย หฑะเฮมียน หล่ง เหฑ่ง ชะ โหฒว จอม, ป๋าว ฑูง พัด ต้ม ต้าน ป้า, ฟิ้ว-ต้าน ป้า, เบ๊าะ โฑ์, ฆ้าบ ธ่าว เฒ้ย, ปย๊ม หฑัด.
9 นิ่น บัว ต้าย เถา คิ^โดน เญย เบ๊าะ เบย้า เธี้ยง, อุด^ซา ซูง ปั์ว ป๊า เจี๊ยน แล์ง แหง่ง หว่า ฟาง, เหว่ย หฒุ ทอ เธีย เญย ง่ง ค้า เต๋ย ดอบ. 10 เฒี้ยว เฉีย เจี์ย! ไห่ อุด^ซา, ฯฒฯ ไต๋ นิ่น อ๊ะ, เหว่ย หฒุ อุด^ซา ซูง ปั์ว ควัด หฒุ แล์ง แหง่ง หว่า ฟาง. อุด^ซา ฯฒฯ เยียม ทิน-ฮู่ง เญย หฑะเฮมียน ไต่. 11 ดา^วิด เฉีย เจี์ย ไห่ เฒี้ยว เหว่ย หฒุ เฒี้ยว กะเฉีย แป๊ด ธ้วด โหฒว ปุน อุด^ซา. วั้ว นอม ต๋อง ฯฒฯ เห่ว เป^เล้ด^อุด^ซา * เถา อี้ จ๋า ฮนอย.
12 วั้ว ฮนอย ดา^วิด กั้ม เหฑีย ทิน-ฮู่ง ฯฒฯ ก๊อง, ``เยีย ฮนั้ง หาย นอ ไฮ่ ต้อ แล์ง แหง่ง หว่า ฟาง เถา เยีย เญย ต๋อง?'' 13 ดา^วิด ฯฒฯ ไม้ ต้อ แล์ง แหง่ง หว่า ฟาง มี่ง ดา^วิด เญย ฒี่ง. นิ่น ต้อ มี่ง กัด เมี่ยน, โอ^เบด^เอ^โดม, เญย เปย๊า. 14 ทิน-ฮู่ง เญย แล์ง แหง่ง หว่า ฟาง เยียม โอ^เบด^เอ^โดม เญย เปย๊า ปัว หฮลา เหญียะ. เฒี้ยว เหธย ฟุ ปุน โอ^เบด^เอ^โดม เญย เปย๊า เหธา นิ่น ม่าย เญย เหยียด ฒู้ง. *