¹ Dongh Aamon nyei dorn, Yo^si^yaa, zoux Yu^ndaa nyei hungh gunv nyei ziangh hoc, Se^fan^yaa duqv zipv Ziouv nyei waac. Se^fan^yaa se Kusi nyei dorn, Ge^ndaa^li^yaa nyei fun, Aa^maa^li^yaa nyei faqv. Aa^maa^li^yaa se He^se^ki^yaa nyei dorn. * 2 Hungh Douh 22:1-23:30 ; 2 Zunh Doic Douh 34:1-35:27

Yu^ndaa Zuqc Dingc Zuiz
Nyei Hnoi Oix Taux

• ² “Da'faanh yiem ndau-beih nyei nyungc-nyungc ga'naaiv,
• yie oix guaatv mingh nzengc.”
• Naaiv se Ziouv gorngv nyei waac.
• ³ “Yie oix guaatv nzengc liemh baamh mienh, liemh saeng-kuv.
• Yie oix guaatv nzengc yiem ndaamv-lungh nyei norqc caux koiv nyei mbiauz.
• Yie oix mbienv nzengc * Naaiv liouz nyei Hipv^lu waac se maiv mengh. orqv mienh.
• Yie oix zorqv baamh mienh pai guangc,
• maiv bun yiem ndau-beih.”
• Naaiv se Ziouv gorngv nyei waac.

Gorngv Yu^ndaa

• ⁴ “Yie oix sung yie nyei buoz mborqv Yu^ndaa,
• yaac mborqv yiem Ye^lu^saa^lem nyei zuangx mienh.
• Yie oix zorqv yiem naaiv norm dorngx gan Mbaa^an zienh zengc njiec wuov deix pai guangc,
• liemh maiv maaih haaix dauh jangx duqv zaangc Mbaa^an, fu-sux ninh, wuov deix sai mienh nyei mbuox.
• ⁵ Yie oix mietc nzengc yiem biauv-ngorh gu'nguaaic * Ninh mbuo nyei biauv-ngorh baengh nyei.
• baaix lungh zaangc nyei maanc muotc wuov deix mienh.
• Yie oix mietc baaix Ziouv
  aengx ziangv jienv ninh houv waac
• corc aengx ziangv jienv Minkom zienh houv waac nyei mienh,
• ⁶ se oix mietc huin nqaang maiv gan Ziouv,
• fai maiv lorz Ziouv, maiv naaic ninh wuov deix mienh.
• ⁷ Oix zuqc sekv nzieqc nyei yiem Ziouv Tin-Hungh nyei nza'hmien,
• weic zuqc Ziouv nyei hnoi taux fatv aqv.
• Ziouv liuc leiz ziangx ga'naaiv fongc horc ziec,
• zorqv ninh cingv nyei kaeqv mienh saax cing-nzengc.
• ⁸ Taux Ziouv ziec nyei hnoi,
• yie oix dingc zuangx jien caux hungh dorn nyei zuiz,
• yaac dingc yietc zungv zuqv ganh fingx mienh nyei lui-houx * Fai “gan ganh fingx mienh nyei leiz”. wuov deix nyei zuiz.
• ⁹ Taux wuov hnoi yie oix dingc yietc zungv laamx jiex gaengh mbaeqv * Beiv mangc 1 Saa^mu^en 5:5 . wuov deix mienh nyei zuiz,
• caux zoux doqc gorngv-baeqc nduov weic bun ninh mbuo nyei ziouv maaih ga'naaiv buangv biauv wuov deix.”
• ¹⁰ Ziouv gorngv, “Taux wuov hnoi,
• yiem Mbiauz-Gaengh maaih heuc nyei qiex mbui.
• Yiem da'nyeic kang Ye^lu^saa^lem Zingh maaih nyiemv nyei qiex.
• Yiem wuov mbong qom-qaau nyei mbui.
• ¹¹ Yiem wuov ndiev kang Ye^lu^saa^lem * Wuov ndiev kang Ye^lu^saa^lem, maaih mienh heuc Fanh Ziu-Bunh. nyei mienh oix zuqc nyiemv aqv,
• weic zuqc meih mbuo yietc zungv zoux saeng-eix nyei mienh * Hipv^lu waac gorngv Kaa^naa^an Mienh. oix zuqc mietc nzengc,
• nziang nyaanh maaiz maaic nyei mienh oix zuqc pai guangc aqv.
• ¹² Taux wuov zanc yie oix longc dang ziux lorz gormx Ye^lu^saa^lem.
• Yie oix dingc kungx kaux ganh nyei za'eix wuov deix,
• se hnangv diuv-njoqc gitv jienv lauh nyei mienh.
• Ninh mbuo yiem hnyouv hnamv,
• ‘Ziouv maiv zoux longx,
• yaac maiv zoux ciouv.’
• ¹³ Ninh mbuo nyei zinh zoih oix zuqc luv mingh,
• ninh mbuo nyei biauv oix zuqc benx biauv-huaang.
• Maiv gunv ninh mbuo gomv biauv,
• ninh mbuo yaac maiv duqv yiem.
• Maiv gunv ninh mbuo zuangx a'ngunc biouv huingx,
• ninh mbuo yaac maiv duqv hopv huingx cuotv nyei a'ngunc diuv.”

Ziouv Nyei Domh Hnoi

• ¹⁴ Ziouv nyei domh hnoi taux fatv aqv,
• za'gengh fatv yaac oix siepv-siepv nyei taux.
• Yiem Ziouv nyei hnoi maaih siem haic nyei qiex mbui,
• mborqv jaax henv nyei baeng heuc duqv hnyouv mun haic.
• ¹⁵ Wuov norm hnoi se Ziouv qiex jiez nyei hnoi,
• benx norm zuqc kouv,
  zuqc hnyouv mun nyei hnoi,
• benx norm zuqc baaic,
  zuqc mietc huaang nyei hnoi,
• benx norm mapv maengh mapv hmuangx nyei hnoi,
• benx norm mbuonx hoz, jieqv nyei hnoi,
• ¹⁶ se benx norm biomv jorng heuc mborqv jaax nyei qiex mbui nyei hnoi,
• oix mborqv weih wuonv nyei zingh caux yiem zingh gorqv hlang nyei laauh.
• ¹⁷ Yie oix bun mienh zuqc zeqc naanc,
• ninh mbuo ziouc yangh jauv hnangv m'zing maengh nyei mienh,
• laaix ninh mbuo baamz zuiz dorngc Ziouv.
• Ninh mbuo nyei nziaamv zuqc dox cuotv hnangv nie-mbung,
• ninh mbuo nyei orv yaac zuqc zoi guangc hnangv nqaiv nor.
• ¹⁸ Ziouv qiex jiez nyei hnoi,
• ninh mbuo nyei jiem nyaanh
• maiv haih njoux maiv duqv ninh mbuo.
• Ninh qiex jiez hnangv douz nor,
• buov qui nzengc lungh ndiev nyei ndau-beih.
• Ninh oix bun lungh ndiev mienh,
• liemh zeih hniev-hniev nyei zuqc mietc.