Singx Nzung 99

Ziouv Ziepc Zuoqv Nyei Tengx
I^saa^laa^en Mienh

• ¹ Ziouv zoux hungh. Oix zuqc bun maanc fingx sin zinx.
• Ninh yiem wuov deix i dauh ke^lu^mbim mbu'ndongx * Faan zaqc gorngv gu'nguaaic. nyei weic,
• bun ndau-beih zuqc ndanc dongz. * Cuotv I^yipv 25:22
• ² Ziouv yiem Si^on zoux hlo,
• ninh zungv zoux gauh hlo jiex maanc fingx.
• ³ Dauh dauh oix zuqc ceng meih hlo haic caux mbuoqc horngh nyei mbuox.
• Ninh se cing-nzengc.
• ⁴ Henv nyei Hungh Diex aah! * Fai “Hungh Diex se henv haic”.
• Meih hnamv baengh fim nyei jauv
• yaac liepc gong-fim.
• Yiem I^saa^laa^en Mienh * Hipv^lu waac gorngv Yaakopv. mbu'ndongx meih zoux horpc caux baengh fim nyei sic.
• ⁵ Ceng Ziouv, yie mbuo nyei Tin-Hungh.
• Yiem ninh lorngx zaux nyei dorngx baaix ninh.
• Ninh se cing-nzengc nyei.
• ⁶ Yiem ninh nyei sai mienh mbu'ndongx maaih Mose caux Aalon.
• Saa^mu^en yaac benx dauh jouh ninh nyei mbuox nyei mienh.
• Ninh mbuo heuc Ziouv, ninh yaac dau ninh mbuo.
• ⁷ Ninh yiem mbuonx-ndiouh gu'nyuoz caux ninh mbuo gorngv waac.
• Ninh mbuo ei jienv ninh gorngv nyei waac caux jiu bun ninh mbuo nyei leiz-nyeic. * Cuotv I^yipv 33:9
• ⁸ O Ziouv, yie mbuo nyei Tin-Hungh aac,
• meih dau ninh mbuo.
• Meih se guangc ninh mbuo nyei zuiz nyei Tin-Hungh,
• mv baac ziux ninh mbuo zoux dorngc nyei jauv meih winh bun ninh mbuo.
• ⁹ Oix zuqc ceng Ziouv, yie mbuo nyei Tin-Hungh.
• Yiem ninh nyei cing-nzengc mbong zaangc ninh,
• weic zuqc Ziouv, yie mbuo nyei Tin-Hungh, se cing-nzengc nyei.