Singx Nzung 9 * Da'juov caux da'ziepc diuh singx nzung zinh ndaangc fiev daaih wuov zanc daaix benx nduqc diuh nzung hnangv. Naaiv diuh nzung longc Hipv^lu waac nyei yietc norm jiex yietc norm nzaangc-maac zoux yietc douc yietc douc nyei nzaangc-gorn. Faan benx Gikc waac nyei sou naaiv deix i diuh nzung yaac benx yietc diuh hnangv.

Ceng Tin-Hungh Weic Ninh
Zoux Baengh Fim Nyei Sic

Jiu bun dorh nzung nyei mienh.
Ziux “Dorn Zuqc Daic” * Dorn zuqc daic faan zaqc benx joux Hipv^lu waac gorngv
Mutv^lapv^mben. nyei pou.
Ndaawitv zoc nyei nzung.

• ¹ Yie oix longc nzengc hnyouv dor-ziec Ziouv,
• yie oix zunh meih zoux yietc zungv mbuoqc horngh nyei sic.
• ² Yie oix weic meih a'hneiv njien-youh.
• O Yiem Hlang Jiex Wuov Dauh aac, yie oix baaux nzung ceng meih nyei mengh.
• ³ Yie nyei win-wangv daaux sin tuix nzuonx nyei ziangh hoc,
• ninh mbuo yiem meih nyei nza'hmien ndiqv zuqc ndorpc yaac zuqc mietc.
• ⁴ Meih zueiz jienv siemv zuiz nyei weic baengh fim nyei siemv,
• meih yaac baengh fim siemv bun yie duqv longx.
• ⁵ Meih hemx ganh fingx mienh, bun orqv mienh zuqc mietc.
• Meih sortv ninh mbuo nyei mbuox guangc taux maanc gouv maanc doic.
• ⁶ Win-wangv zuqc baaic zuqc mbaang taux yietc liuz,
• meih baaic waaic ninh mbuo nyei yietc zungv zingh
• hnangv liemh nzungh baeng cuotv nor,
• liemh maiv maaih haaix dauh jangx ninh mbuo.
• ⁷ Mv baac Ziouv yietc liuz zueiz jienv ninh nyei weic gunv,
• ninh liepc ninh nyei weic daaih siemv zuiz.
• ⁸ Ninh baengh fim nyei siemv lungh ndiev mienh,
• hnyouv zingx nyei siemv maanc fingx.
• ⁹ Ziouv zoux wuonv nyei dorngx bun zuqc zeix zuqc hoic nyei mienh kaux,
• zuqc kuonx naanh nyei ziangh hoc maaih lamh kaux dorngx.
• ¹⁰ O Ziouv aac, nyiemc meih nyei mbuox wuov deix oix kaux meih,
• weic zuqc meih maiv guangc lorz meih wuov deix mienh.
• ¹¹ Oix zuqc baaux nzung ceng yiem
  Si^on nyei Ziouv,
• oix zuqc yiem maanc fingx mbu'ndongx zunh ninh zoux nyei jauv-louc.
• ¹² Weic zuqc ninh zoux jaauv mienh maengc win wuov dauh, * Jaauv mienh maengc win se jaauv win bun dongh daix mienh bun nziaamv liouc cuotv nyei mienh. Beiv mangc Tin Deic Douh 9:5 caux Saauv Mienh 35:12 , 19, 21.
  yaac jangx ninh mbuo.
• Ninh maiv la'kuqv zuqc zeix zuqc hoic, heuc jienv tov nyei mienh.
• ¹³ O Ziouv aah! Tov meih korv-lienh yie.
• Tov meih mangc nzorng yie wuov deix mienh bun yie zuqc nyei kouv naanc.
• Se meih njoux yie yiem zuqc daic nyei gaengh cuotv daaih,
• ¹⁴ weic bun yie yiem Si^on * Si^on faan zaqc gorngv Si^on nyei Sieqv. Se yiem Ye^lu^saa^lem nyei mienh. nyei zingh gaengh,
• zunh yaangh ceng meih nyei sic,
• yaac orn-lorqc haic weic zuqc meih njoux yie.
• ¹⁵ Maanc fingx mienh ndortv njiec ninh mbuo ganh wetv nyei kuotv.
• Ninh mbuo nyei zaux yaac zuqc ninh mbuo ganh zaeng nyei mungz nzenc jienv.
• ¹⁶ Ziouv bun mienh hiuv duqv ninh ganh,
• ninh baengh fim nyei siemv zuiz.
• Orqv mienh nyei buoz zoux nyei sic hlopv jienv ninh mbuo ganh. Hikv^gai^on, * Hikv^gai^on nyei eix leiz nziex se baaux gauh faix deix. Selaa
• ¹⁷ Orqv mienh, se la'kuqv Tin-Hungh nyei fingx-fingx mienh,
• zungv zuqc mingh yiem yiemh gen.
• ¹⁸ Ninh maiv zeiz yietc liuz la'kuqv dangx-donx nyei mienh.
• Mienh jomc mienh maiv zeiz yietc liuz maiv lamh hnamv dorngx.
• ¹⁹ O Ziouv aah! Daaih maah! Maiv dungx bun baamh mienh duqv hingh.
• Tov bun maanc fingx yiem meih nyei nza'hmien zuqc siemv.
• ²⁰ O Ziouv aah! Tov bun ninh mbuo gamh nziex.
• Tov bun maanc fingx zieqv duqv ninh mbuo benx baamh mienh hnangv. Selaa