Singx Nzung 75

Tin-Hungh Zatv Orqv Mienh Njiec,
Bouh Kuv Mienh Faaux

Jiu bun dorh nzung nyei mienh.
Longc “Maiv Dungx Mietc”nyei pou.
Aasaapc zoc nyei singx nzung.
Yietc diuh nzung.

• ¹ O Tin-Hungh aac, yie mbuo dor-ziec meih aqv.
• Yie mbuo dor-ziec meih, weic zuqc meih * Hipv^lu waac gorngv meih nyei Mengh. yiem nitv fatv.
• Yie mbuo zunh yaangh meih zoux mbuoqc horngh nyei sic.
• ² Tin-Hungh gorngv, “Ziux yie dingc daaih nyei ziangh hoc
• yie oix baengh fim nyei siemv zuiz.
• ³ Baamh gen caux yiem baamh gen nyei yietc zungv mienh lungh lungh laih laih wuov zanc,
• se yie ganh baav jienv baamh gen nyei ndiouh. Selaa
• ⁴ Yie gorngv mbuox ceng-hlo nyei mienh, “Maiv dungx ceng-hlo.”
• Yaac gorngv mbuox orqv mienh, “Maiv dungx bungx waac-maux. * Hipv^lu waac gorngv “maiv dungx bouh meih nyei jorng.” Naaiv joux Hipv^lu waac beiv taux bungx waac-maux.
• ⁵ Maiv dungx taaih ganh hlo, bungx waac-maux,
• fai ngorngz jienv jaang gorngv waac.”
• ⁶ Bouh mienh faaux hlang maiv zeiz yiem dong bung fai bung daaih,
• yaac maiv zeiz yiem deic-bung-huaang daaih.
• ⁷ Se Tin-Hungh dunx sic.
• Ninh zatv yietc dauh njiec aiv, bouh yietc dauh faaux hlang.
• ⁸ Weic zuqc yiem Ziouv nyei buoz maaih norm zaanv,
• dapv buangv maaih mbiaauz nyei diuv, peux duqv longx nyei.
• Ninh oix dox cuotv daaih,
• baamh gen nyei yietc zungv orqv mienh oix hopv nqaai nzengc.
• ⁹ Mv baac yie nor, yie oix yietc liuz zunh yaangh naaiv deix sic.
• Yie oix baaux nzung ceng Yaakopv nyei Tin-Hungh.
• ¹⁰ Yie oix zoux waaic orqv mienh nyei qaqv,
• mv baac bun kuv mienh nyei qaqv henv jienv faaux. * Faan zaqc Hipv^lu waac gorngv “Yie oix hngaqv ndutv orqv mienh nyei jorng, aengx bouh kuv mienh nyei jorng faaux hlang”.