Singx Nzung 54

Daux Gaux Tov Tin-Hungh
Tengx Biaux Ndutv Win-Wangv

Jiu bun dorh nzung nyei mienh.
Longc patv nyei jaa-sic. Ndaawitv zoc nyei matv^kin nzung. Naaiv diuh nzung fiev doix Sipc^aa Mienh mingh mbuox Saulo, “Ndaawitv bingx yie mbuo mbu'ndongx.” * 1 Saa^mu^en 23:19 ; 26:1

• ¹ Tin-Hungh aah! Tov longc meih nyei mengh njoux yie.
• Tov longc meih nyei domh qaqv bun cing yie maiv dorngc.
• ² O Tin-Hungh aah! Tov meih muangx yie daux gaux,
• muangx haiz yie nyei nzuih gorngv nyei waac.
• ³ Weic zuqc maaih deix ceng-hlo nyei mienh * Maaih deix loz-hnoi sou gorngv, “dongh yie maiv hiuv nyei mienh”. cuotv daaih mborqv yie.
• Mienh doqc mienh oix zorqv yie nyei maengc.
• Ninh mbuo yaac maiv gamh nziex Tin-Hungh. * Faan zaqc Hipv^lu waac gorngv “Ninh mbuo maiv liepc Tin-Hungh yiem ninh mbuo nyei wuov ndaangc maengx”. Selaa
• ⁴ Tin-Hungh se dongh tengx yie wuov dauh.
• Ziouv yaac baav jienv yie nyei maengc.
• ⁵ Tov Tin-Hungh ziux win-wangv zoux nyei orqv sic winh bun ninh mbuo.
• Weic zuqc meih ziepc zuoqv nyei, tov mietc ninh mbuo.
• ⁶ Yie oix cuotv fim zorqv fongc horc ziec nyei ga'naaiv bun meih.
• O Ziouv aac, yie oix ceng meih nyei mengh,
• weic zuqc meih nyei mengh se longx haic.
• ⁷ Meih njoux yie biaux ndutv yie nyei yietc zungv kouv naanc.
• Yie ganh nyei m'zing yaac buatc jienv yie nyei win-wangv zuqc suei.