Singx Nzung 47

Tin-Hungh Benx
Lungh Ndiev Nyei Hungh

Jiu bun dorh nzung nyei mienh.
Kolaa nyei Zeiv-Fun zoc nyei singx nzung.

• ¹ Maanc fingx mienh aah! Oix zuqc mbaix buoz
• longc njien-youh nyei qiex heuc Tin-Hungh.
• ² Oix zuqc gamh nziex Ziouv, dongh Yiem Hlang Jiex Wuov Dauh.
• Ninh zoux domh Hungh Diex gunv gormx lungh ndiev.
• ³ Ninh bun maanc fingx yiem yie mbuo nyei buoz-ndiev.
• Bun maanc guoqv yiem yie mbuo nyei zaux-ndiev.
• ⁴ Ninh weic yie mbuo ginv yie mbuo nzipc nyei buonc. * Se Kaa^naa^an Deic-Bung.
• Se Yaakopv, dongh ninh hnamv wuov dauh, a'hneiv nyei buonc. Selaa
• ⁵ Mienh heuc mbui houc Tin-Hungh faaux weic.
• Nzatc nyei qiex mbui houc Ziouv faaux.
• ⁶ Oix zuqc baaux nzung ceng Tin-Hungh, baaux nzung ceng.
• Oix zuqc baaux nzung ceng yie mbuo nyei Hungh Diex, baaux nzung ceng maah!
• ⁷ Weic zuqc Tin-Hungh zoux Hungh gunv gormx lungh ndiev,
• oix zuqc baaux diuh singx nzung * Hipv^lu waac gorngv matv^kin nzung. ceng ninh.
• ⁸ Tin-Hungh gunv maanc guoqv.
• Tin-Hungh zueiz jienv ninh nyei cing-nzengc weic.
• ⁹ Gunv maanc guoqv nyei jien gapv zunv
• caux jienv Apc^laa^ham nyei Tin-Hungh nyei baeqc fingx.
• Weic zuqc lungh ndiev nyei torngv-baaih * torngv-baaih naaiv joux zoux jangx-hoc biux mengh da'faanh maaih hatc maaz gunv nyei mienh. benx Tin-Hungh nyei.
• Oix zuqc taaih ninh zoux hlo jiex.