Singx Nzung 43

Daux Gaux Tov Tin-Hungh Njoux * Beiv mangc Singx Nzung 42 zaang nyei hoc-daauh.

• ¹ O Tin-Hungh aah! Tov meih siemv bun cing yie maiv dorngc.
• Tov tengx yie caengx sic, bun maiv gan Tin-Hungh wuov deix guoqv nyei mienh zuqc suei.
• Tov njoux yie leih ndutv nduov mienh wuov deix caux maiv baengh fim nyei mienh.
• ² Weic zuqc meih zoux yie ndaauh kaux nyei Tin-Hungh.
• Meih weic haaix diuc guangc yie?
• Yie weic haaix diuc oix zuqc zanc-zanc nzauh nyiemv,
• laaix win-wangv hoic jienv yie?
• ³ Tov bun meih nyei njang caux zien leiz
• cuotv daaih yienz yie,
• dorh yie nzuonx taux meih nyei cing-nzengc mbong,
• yaac taux meih yiem nyei dorngx.
• ⁴ Yie ziouc mingh taux Tin-Hungh nyei ziec-dorngh,
• taux bun yie gauh orn-lorqc jiex nyei Tin-Hungh wuov.
• O Tin-Hungh, yie nyei Tin-Hungh aah!
• Yie oix patv daanh baah ceng meih.
• ⁵ Yie nyei hnyouv weic haaix diuc ndongc naaiv nzauh?
• Yie nyei hnyouv weic haaix diuc
• paan-paan puoqv-puoqv nyei?
• Oix zuqc kaux Tin-Hungh maaih lamh hnamv dorngx
• weic zuqc yie aengx duqv ceng ninh,
• dongh njoux yie yaac zoux yie nyei Tin-Hungh.