Singx Nzung 39

Ziangh Seix Zaangc
Haiz Maiv Lamh Longc,
Kaux Ziouv Maaih Lamh Longc

Jiu bun dorh nzung nyei mienh.
Bun Ye^ndu^tun. * Ye^ndu^tun beiv mangc
1 Zunh Doic Douh 16:41 .
Ndaawitv zoc nyei singx nzung.

• ¹ Yie gorngv, “Yie oix mbungh yie nyei jauv,
• weic bun yie nyei nzuih * Hipv^lu waac gorngv mbietc. maiv baamz zuiz.
• Da'faanh orqv mienh yiem yie nyei nza'hmien
• yie oix nqapc jienv yie nyei nzuih, maiv ko lo. * Faan zaqc gorngv “yie oix longc hanh kouv fapv yie nyei nzuih”.
• ² Yie sekv nzieqc nyei, maiv ko lo.
• Yie maiv gorngv waac mv baac maiv tengx haaix nyungc yie.
• Yie nyei hnyouv nzauh kouv jienv faaux.
• ³ Yie nyei hnyouv gu'nyuoz za'gengh nzauh duqv kouv haic. * Hipv^lu waac gorngv hnyouv gu'nyuoz jorm.
• Yie hnamv nyei ziangh hoc hnangv douz zieqc jienv yie nyei hnyouv nor,
• yie ziouc gorngv cuotv waac.
• ⁴ O Ziouv aah! Tov bun yie hiuv duqv yie setv mueiz nyei hnoi-nyieqc.
• Yie haih ziangh duqv ndongc haaix lauh?
• Tov bun yie hiuv duqv yie nyei maengc oix jiex ndongc haaix siepv.
• ⁵ Meih bun yie ziangh nyei hnoi-nyieqc ndongc i ziex buoz-zaangv jangv. * Eix leiz se maengc ziangh maiv ndaauv.
• Ziux meih mangc yie yietc seix nyei maengc se hnangv maiv maaih haaix nyungc aqv.
• Gorqv-mienh nyei maengc kungx hnangv tauv nzunc qiex nor. Selaa
• ⁶ Baamh mienh mingh mingh daaih daaih hnangv dongh linh nor,
• ninh mbuo lunc jienv yiem yaac maiv lamh longc.
• Baamh mienh zornc daaih nyei ga'naaiv ndui jienv
• mv baac maiv hiuv duqv haaix dauh duqv siou.
• ⁷ “Ziouv aah! Yie ih zanc zuov haaix nyungc?
• Yie kaux meih maaih lamh hnamv dorngx.
• ⁸ Tov njoux yie leih ndutv yie nyei yietc zungv zuiz,
• maiv dungx bun mienh hngongx mienh jatv yie.
• ⁹ Yie sekv nzieqc nyei, maiv gorngv waac,
• weic zuqc se meih ganh bun yie hnangv naaiv siouc kouv.
• ¹⁰ Tov meih zorqv nqoi meih bun yie zuqc nyei zeqc naanc.
• Yie zuqc meih nyei buoz mborqv taux aav lamh daic aqv.
• ¹¹ Laaix mienh zoux zuiz meih gorngv-hemx weic mborqv njaaux.
• Meih mietc mienh hnamv nyei ga'naaiv hnangv gaeng * gaeng faan zaqc nor, benx baeqc yieqc. ngaatc waaic nzengc nor.
• Dauh dauh baamh mienh nyei maengc se hnangv tauv yietc nzunc qiex hnangv. Selaa
• ¹² “O Ziouv aah! Tov muangx yie daux gaux nyei waac.
• Tov muangx yie heuc jienv jouh nyei waac.
• Yie nyei wuom-mueic liouc jienv tov maiv dungx zoux hnangv maiv haiz nor.
• Weic zuqc yie zoux hnangv meih nyei jiex jauv nyei kaeqv mienh,
• dingh zepv dangh baav hnangv yie nyei zuangx ong-taaix nor.
• ¹³ Tov huin ganh bung maiv mangc yie weic bun yie aengx duqv deix orn-lorqc.
• Yie cingx daaih leih nqoi, maiv yiem aqv.”